عادل امام يسخر من عمر خالد

[linux]

هوا فيه ايه ياجماعه؟ كل من هب و دب دلوقت بيتكلم و يهاجم عمر خالد ليه؟

النهاردة مكتوب ان الاستاذ الجهبذ عادل امام شن هجوم عنيف على عمر خالد و الفنانات المحجبات.

لقراءه الخبر :

http://www.moheet.com/moheet/show_m.asp?pg...lc=69&do=931664

يعنى بصراحه لما ممثل سطحى جدا زى ده يتطاول على داعيه اسلامى كل غلطته انه بيدعى الى الله بالقول الحسن دى حاجه فعلا تنرفز قوى.

[kokowawa1979]

وهو فيه حاجة تقدر تهاجمها في البلد غير الإسلام يا أخ لينوكس!!!!!

[kokowawa1979]

عادل إمام ممثل تافه ياأخ لينوكس مش سطحي لأن السطحى أهو تقدر تقول إنه في دماغة حاجة لكن التافه فيه إيه عنده

وإيش تعمل الريح في الجبل!!!!!!!

[linux]

وهو فيه حاجة تقدر تهاجمها في البلد غير الإسلام يا أخ لينوكس!!!!!

الأخ العزيز kokowawa1979

طبعا عندك حق يا عزيزى. انا بس زعلان قوى للحاله الى وصلت لها مصــــر.

[الصاوى]

[Cleo]

فيه إيه يا جماعة؟؟؟ واخدين الموضوع بحساسية كدة ليه؟؟؟ ده يطلع إيه سى عادل إمام دة كمان اللى هانعمل حسابه لما يتريق على واحد زى عمرو خالد أو غيره؟؟؟

كل الحكاية إنه حاسس إنه خلاص راحت عليه و محدش عاد طايقه و لا طايق يشوفه و إنه حتى أفلامه بكل ما فيها من سقوط و تفاهة و مداعبة رخيصة للغرائز لم يعد لها جمهور و ناس زى هنيدى و علاء ولى الدين اللى كانوا بيطلعوا كومبارس فى أفلامه يتضربوا بس، سحبوا السجادة من تحت رجليه و كلفتوه فيها ... فبيحاول إنه يبرز نفسه بتحقير أفاضل الناس... وزى ما هاجم رجال الدين الشباب فهو أيضا من قبل هاجم فطاحل السينما فى مصر زى نجيب الريحانى و إسماعيل ياسين... الناس اللى كانت ولازالت من 90 سنة لحد النهاردة بتضحك الناس بشياكة و بكلمة نظيفة و إحساس صادق....

إنما هو.... ظاهرة..... بالونة كبيرة شوية اتملت هوا فى وقت عانى فيه الناس من الفراغ الفكرى..... ولما فرقعت نزلت فى الأخر على مفيش.....

[Cleo]

الله يفتح عليك يا أخ صاوى...

ممكن بعد إذنك تدلنى على اسم الموقع اللى ممكن أبحث من خلاله فى المصحف عن الآيات باستخدام كلمة واحدة فى البحث؟؟ لقد كانت هذه الخدمة العظيمة متوفرة فى موقع أرابيا.... بس الظاهر حتى أرابيا علمنوها..... :?

[kokowawa1979]

أؤيدك يا أخت كليو في كل ماقلتيه ....

[kokowawa1979]

أستاذ يا أخ صاوي بحق

مفيش رد أبلغ من كتاب الله

[الصاوى]

السلام عليكم اخوتى الكرام

الأخت كليو

يمكنك البحث فى موقع الاسلام عن كل ما تحتاجينه فى القرآن والحديث والسيرة والتاريخ الاسلامى والفقه

http://www.al-islam.com/arb/

وهذا الموقع من أفضل المواقع بالنسبة لى على الاطلاق حيث أنه يحتوى على العديد من المصادر التى نحتاج للبحث فيها دوما

جزاكم الله خيرا ونفعنا واياكم بما تعلمنا

[ragab2]

الصاوى

يعتبر بلسم المنتدى والمؤمن الحق فى خشوع وتواضع العالم القارئ

ومن بداية كتابتى وقراءتى فى المنتدى أسعد وأستريح لرأيه وأفكاره

أدبه الله فأحسن تأديبه وهذب لسانه فنطق به عسلا ورطبا جنيا وكان ومازال مثالا للمسلم الحقيقى الذى لا يتظاهر بشعارات اسلامية بلسان لاذع منفرا ومقززا كغيره فهم دينه فتمثل وتأسى بالسنة الشريفة عملا وقولا

بارك الله فى أخونا الصاوى

فله حقا منزلة ومعزة خاصة لدى منذ فترة لا تقل ولا تفل عن منزلة الأخ الكريم وابن الأخ الكريم

كما أن له دينا عندى أنى لم أفصح عما أكنه له من احترام وتقدير ومحبة عبر المنتدى والانترنت أقرأ وأدعو له ويزداد احترامى وتقديرى لأخلاقه الحسنة

بارك الله فيه مرة ثانية وأزاده من فضله وعلمه

تحياتى

لأخى الصاوى

[Cleo]

السلام عليكم اخوتى الكرام

الأخت كليو

يمكنك البحث فى موقع الاسلام عن كل ما تحتاجينه فى القرآن والحديث والسيرة والتاريخ الاسلامى والفقه

http://www.al-islam.com/arb/

وهذا الموقع من أفضل المواقع بالنسبة لى على الاطلاق حيث أنه يحتوى على العديد من المصادر التى نحتاج للبحث فيها دوما

جزاكم الله خيرا ونفعنا واياكم بما تعلمنا

جزاك الله خيرا يا أخ صاوى.... أنا بعد كدة هاسميك "إمام المنتدى" :cry:

[الصاوى]

السلام عليكم ورحمة الله وبركاته

جزاك الله خيرا اخى رجب على شعورك النبيل والله يعلم أنى اكن لك كل الحب والاحترام والتقدير بارك الله لك وبارك لنا فيك

الأخت الكريمة كليو :

من أنا حتى تلقبينى بالامام يا سيدتى؟

لا يكلف الله نفسا الا وسعها ،

ورحم الله امرأ عرف قدر نفسه

روي عن النبي صلى الله عليه وسلم أنه قال : { إياكم والتمادح فإنه الذبح إن كان أحدكم مادحا أخاه لا محالة فليقل أحسب ولا أزكي على الله أحدا }

[linux]

الموضوع مش عمل حساب لعادل امام او غيره. انا شايف ان الموضوع اكبر من كدة بكتير.

الشخصيات العامة المصريه قلما تتكلم عن مشاكل الشعب او الأمه ككل. انا مش بتكلم عن شويه مغنين و مغنيات راحوا عملوا اغنيه عن القدس او اغنيه عن بناء مستشفى اطفال. انا قصدى حوار مثلا مع ممثل او دكتور مشهور الخ. فيه اليومين دول فيه زى pattern فى اللقاءات دى:

- الكلام على القدس وفلسطين. ده بيدى مصداقيه.

- الكلام على الوضع العراق والحرب الوشيكه.

كل ده عظيم لكن تعالى دور على طرح لقضايا شعبية مهمه ... طبعا مافيش خالص.

واضح جدا الاسباب اللى تخلى واحد زى عادل امام يهاجم عمر خالد. الاخت Cleo شرحت الاسباب بلباقه. وممكن ان يكون عادل امام فعلا بيقول رأي هو مقتنع به. دة مش موضوعنا.

الموضوع ببساطة ان عادل امام (او غيرة) عارف مقدما ان مافيش مشكله فى مهاجمة رموز اسلاميه (او اى رموز او اشخاص النظام غير راضى عنهم). لأن لو ان الدوله نفسها بتحترم الرموز (بدل ماتنفيهم خارجها) كان كل واحد فكر اكتر من مرة قبل مايهاجم الدعاة و المفكرين الأسلامين.

وهى دى الرموز اللى مسموح بمهاجامتها بس.

انا طبعا لا اتوقع غير كدة من هؤلاء الناس. لأن هما دول برضة اللى كل سنه بيهللوا و يطبلوا لبابا حسنى و اونكل صفوت لمابيتكرموا ويقابلوهم

فى عيد الفن (على مااظن).

[Proud Muslim]

اذا اتتك مذمتي من ناقص .. فهي الشهادة لي بأني كامل .

حسبنا الله و نعم الوكيل .

جزاك الله خيرا أخونا الأستاذ الصاوي , ربنا يحعله في ميزان حسناتك .

[dimage]

سؤال

حد من المشاركين في المنتدي شاهد البرنامج ليقول لنا ماذا قال بالظبط

اخشي ان نكرر غلطة مقال مفيد فوزي المزعوم ؟

[kokowawa1979]

لقد شاهدت جزءا من الحلقة وقد كان بالمصادفة يدور حول الدعاة الجدد ولكن عادل افندي لم يذكر في هذه المشاهد عمرو خالد بالإسم إلا أنه قد لمح له بطريقة معينه وقد ذكر المحترم!!!! عادل افندي أنه صدم حين رأى أحد الدعاة الجدد ( لم يسمه) يرتدي بدلة شيك ويركب عربية مرسيدس ويسكن في فيلا بجوار النادي الذي يرتاده وسأله من أين لك هذا وانت تدعو إلى الدين ( هذا ماقاله عادل إمام ) !!!!!

ثم تطرق الفارغ إلى موضوع الفنانات المحجبات وقال كل واحدة من دول حضرت لها قاعدتين مع واحد من الجماعة دول (يقصد الدعاة ) تخرج من عنده لفة راسها بمش عارف إيه كدة ( يقصد الحجاب ) وأشار بطريقة تنم عن شخص تافه بغرض إضحاك مقدم البرنامج الذي كان أتفه منه!!!!

وقال إن الفنانة تلجأللحجاب لعمل فرقعة كام يوم ثم تعود إلى الفن بعد أن تكون انتهت من الغرض من الحجاب !!!!

ثم أتحفنا المفتي عادل إمام بأن الحجاب ليس فرض على المسلمة بل هي حرية شخصية!!!!! إن شاءت المرأة لبسته وإن شاءت خلعته

وعلشان العربيد يدلل على كلامه قال انزلوا الصعيد هتلاقوا الستات المسيحيات بيرتدوا إشارب ويغطوا شعرهم برضه زي اللي بيقولوا إنهم محجبات يعني الأشارب هو الحجاب في رأي الأستاذ الفارغ .

وقال أنا مراتي ست مش متحجبة لكن بتصلي وتصوم وتقرا القرآن وعارفة ربنا كويس !!!!!! اتحفتنا يامعلم !!!!!!

وكر أيضا بأنه كان من كبار المتصوفين فلما سأله المذيع الساذج معقول قال له أي والله أنا كنت من كبار المتصوفين حتى الصف الثاني الثانوي حيث توقف عند الصف الثاني ثانوي عن التبول على نفسه !!!

الحتة الأخيرة الخاصة بالتبول دي من عندي !!!!

وعند هذا الحد لم استطع مشاهدة وسماع خزعبلات أكثر من ذلك

وأرجو من الإخوة أن لا ينسوا أن عادل إمام هو صاحب السلسلة الشهيرة للأفلام التي انتقى أسماءها من أفضل أسماء الشهور عند الله وهي :

رجب ------------------- رجب فوق صفيح ساخن

شعبان ----------------- شعبان تحت الصفر

رمضان ----------------- رمضان فوق البركان

وهو المحرض الأساسي للدعارة وشرب الخمور في جميع أفلامه والمحارب الأول للدين أيضا في جميع أفلامه

هذا هو عادل إمام لمن لايعرفه

[freefreer]

لو كان هذا حدث فهو امر مؤسف حقيقة ..

[kokowawa1979]

هذا ماشاهدته بالضبط ياأخي فري والله على ماأقول شهيد

[Farida]

فى البدايه و بعد وصله محيط وكنت فاكره ان المره دى زى المره بتاعه مفيد فوزى بس لفتكرت ان كان فيه حديث فعلا مع الأستاذ كرم جبر و ده صحفى فى روزاليوسف فما استغربتش انهم لما يتلموا على بعض أكيد حايقولوا درر فى عمرو خالد