خير اللهم إجعله خير ......

[Mohamed Fayek]

حلمت إمبارح إنى بقييت ملياردير ... فلوس كتير قوى ملهاش عدد وفكرت كتير حعمل بيها ايه ... قلت اتجوز تلات ستات ... وأشترى سبع سيارات ... وطيارة ويخت ويوم افطر فى فرنسا واتغدى فى ايطاليا واتعشى فى اليونان وأصلى الجمعة فى الحرم ... بس ياخسارة صحيت من النوم وندمت اشد الندم علشان كان نفسى اتجوز واحدة من بلاد العجم ..... بس بصراحة ندمت اشد الندم ودعيت ربى يقبض روحى وانا فقير ويدخلنى جنة عدن ... ياترى لو أى واحد فيكم كان معاه فلوس كتير حيعمل ايه ؟ تيجى نحلم ..وبعدها نقول اللهم اجعله خير .

[nash]

هافتح جامعه مخصوص لإبني وأعين دكاترة علي مزاجي ...وطبعا هايحصل علي الماجستير والدكتوراة ..وكله بفلوسنا...

وإذا مانفعش هارفد الدكاترة واجيب غيرهم....

وبعدين ندخل علي قضيه الفقراء والمساكين......ونشوف أحتياجاتهم وأحاول أمد يد المساعده علي قد ما أقدر....

بس حضرتك مش شايف ثلاث زوجات كتير شويه؟؟؟ :unsure:

[زهرة الجبل]

لو صحيح ... هتش اللهم إجعله فشر ... قصدي خير اللهم إجعله خير

المهم لو صحيح لقيت فلوس ملهاش عد ولا حد كده ... !!!

هبني مصنع كبير لولادي يشغلوه و يستثمروا فيه الفلوس

ويشغلوا فيه عدد عماله كبير من أخواننا اللي مستنيين جوابات التعيين :lol:

وبعدين هشتري أربع فيلات في أجمل مكان في المحروسه واحده لي أنا و أبو العيال

والثلاثه للبنوته وللولدين لكل واحد فيلا يتجوز فيها ((بيتهيألي كده أصلاً خلصت الفلوس كلها من أولها))

يلا هي الأحلام بياخدو عليها جمارك؟أهي حاجه ببلاش كده :happy:

وبعدين.......مممممممم.....إستنوا أفكر :unsure:

مش عارفه... ما خلاص حلو كده ... ولادي كبروا واشتغلوا واتجوزا هعوز ايه تاني

لو كان لسه فاضل من الحلم ..قصدي من الفلوس حاجه هديها كلها للفقرا والمساكين

و بعدين يبقى على رأي أحمد حلمي...كده رضا

بس محدش يصحيني بقى ... أحسن العيال يكشوا تاني والاقي اكبرهم رجع ست (6) سنين زي قبل الحلم

[miramar]

انا هاخد منهم الي يكفيني حياة مستورة

والباقي اتبرع بيه للفقراء لمستشفى السرطان لأي حاجة

مرمر

[امانى]

مش عارفة ليه مش متوقعة احلم الحلم ده 0 يمكن علشان مش اهم حاجة عندى هى الفلوس فى حاجات كتير اهم

منها0 لو الفلوس دى موجودة تعمل حاجات كتيرة قوى وبرضه لو موجودة متقدرش تعمل بيها حاجات كتيرة زى نعمة الصحة

راحة البال متقدرش تشتريها بالفلوس ولا لحظة سعادة من القلب ممكن الفلوس توفرها ومع ذلك هى فى الزمان ده كل حاجة

وانا بقول هى مش كل حاجة يمكن تكون حجة اللى زيى مستور 0 ااقولك لو معايا فلوس والله ما هو كدب ولا نفاق أول حاجة

أعملها اتكفل باكبر عدد من الايتام حتى اضمن انى اكون بجانب رسول الله بالجنه وبعد كدة أأمن مستقبل اولادى ومستقبل

الشباب العاطلين خريجى الجامعات بعمل مصانع تحتويهم وبكدة اكون سهمت فى معالجة البطالة وطبعا اهو حلم واصحى

واقول اللهم اجعله خير واحنا كدة كويسين عصفور فى الايد ولا ميه على الشجرة

امانى

تم تعديل 7 نوفمبر 2007 بواسطة امانى

[badroora]

أمممممممممم انا بقي هاعمل ايه

هاجيب رُبع بسطرمة ورُبع لانشون وأزازة حاجة ساقعة :rolleyes:

[النسر المصري]

هتجوز تلاته على مراتي.....واشتري سبعين جاريه....... واسكنهم كلهم ف قصر واحد.......وهعمل جايزه عشرين الف جنيه لكل واحده ست تسيب شغلها وتقعد ف البيت ...وهدي جايزة مليون جنيه لكل ست تجيبلي راس منى حلمي...ونوال السعداوي...ونشطاء المرأه في البتنجان :rolleyes:

[badroora]

هتجوز تلاته على مراتي.....واشتري سبعين جاريه....... واسكنهم كلهم ف قصر واحد.......وهعمل جايزه عشرين الف جنيه لكل واحده ست تسيب شغلها وتقعد ف البيت ...وهدي جايزة مليون جنيه لكل ست تجيبلي راس منى حلمي...ونوال السعداوي...ونشطاء المرأه في البتنجان :rolleyes:

سبحان الله عشان كل واحد فيكم ربنا هيديلو قرشين هتفتروا على حريمكم عشان كدا ربنا مش هينولهالكم ابدا

لان حريكم ولاد حلال وقبلوكم على حالكم لكن انتوا لو اتعدل حالكم ناويين تفتروا عليهم .

فكرتى بالصعيدي اللى لما كسب فمن هيكسب المليون اول شيء عمله طلق مراته .

ايه سبحان الله

تم تعديل 7 نوفمبر 2007 بواسطة Badria Mekkawy

[النسر المصري]

فكرتى بالصعيدي اللى لما كسب فمن هيكسب المليون اول شيء عمله طلق مراته . :rolleyes:

ايه سبحان الله

ماتفتريش عالراجل كده يابدريه.......طب بذمتك وانا راضي بحكمك

واحدة اسمها فسيخة ام عوض......وشكلها وريحتها يع يع

وامامه الحسنوات الشقروات يتمايلن عليه بما تطيب له من البرفانات ولميك أب

يعمل ايه الراجل عاوزه.......!!.... يموت نفسه......حرام عليك ياشيخه!!

[Folana]

هافتح جامعه مخصوص لإبني وأعين دكاترة علي مزاجي ...وطبعا هايحصل علي الماجستير والدكتوراة ..وكله بفلوسنا...

وإذا مانفعش هارفد الدكاترة واجيب غيرهم....

:

السلام عليكم ورحمة الله ...

ننوشة..ماتسيبى الاولاد بقى...اراهن انك حتعينى نفسك ناظر الجامعة علشان تبقى معاهم..صح؟؟

ربنا يفرحك بهم... :rolleyes:

السؤال هو..الفلوس الكتير دول يطلعوا كام كده؟؟ ده الواحد لو فكر يسكن فى مكان مفتخر ويفرش فرش مفتخر حيصرف فيها نصف الكتير ده..

وايشى خدم وحشم وعربيات...ادى ربع الكتير....وعزومات ومهرجانات وهات هات ...طارت الفلوس خلاص...

كان زمان اللى معاه مليون بيبقى مليونير..دلوقت المليونير ده مفروض يبقى معاه كام مليون؟؟؟

ماعلينا...

انا بقى لو ربنا كرمنى وهبطت على الثروة دى..لازم اسأل عن مصدرها..ماهى الحداية مابترميش كتاكيت زى مابيقولوا....

بس برضه ماعلينا...

اول حاجة ان شاء الله ..حأعمل صدقة جارية...بس مش تلاجة على باب الجامع...انا طموحى اكبر...ادخل مواسير مياه نظيفة ونقية وصالحة للشرب الادمى للمناطق اللى بتعانى الحرمان من كوب ماء نظيف..

وده مش حلم...فيه ناس فعلا ربنا يبارك لهم بيجمعوا من بعض ويرحوا يدفعوا للمناطق المحرومة مصاريف دخول المياه ..بس بيدفعوا بنفسهم ..مش بيعطوا النقود للناس يعنى...

وحأبنى بيوت..للاسر المشردة واللى بتنام فى الشارع....

انا بقى الحمدلله مش عايزة حاجة...راضية باللى انا فيه....ومش طالبة غير رضا الله..

وكمان الفلوس خلصت على كده..

احلم لنا حلم تانى الله يخليك ..علشان نكمل الاقساط اللى علينا بقى...

[amrhoras]

حلمى بقى اكبر من حكايه الفلوس

نفسي الاقى الفانوس السحري po::

جني جني يابن الجني

هاهاهاها شوبيك لوبيك عبدك مابين ايديك عايز ايه ياعم انت :happy: خلى بالك لك 4 اختيارات

عاوز خزنه اد خزنه الولايات المتحده الامريكيه 4 مرات مليانه فلوس دهب ومجوهرات

وقصر كبييييييييير على 100 فدان من بتوع القُرعه القرَعه

ومطار مليان طيارات حربيه على اساس بحب الطيارات شكرا ياعم حقق الاحلام دى وادخل نام نامت عليك حيطه كلها

واعيش نفسي واخلى الشعب يعيش

وراحت عليكي يادنيا وراح زمن الشهادات ........ ياعلي .

افتح مدينه كامله متكامله للايتام عشان ربنا يباركلنا فى الفلوس ومنه نكسب ثواب

جامعه مجانيه خاصه للشباب والشابات

واسد ديون مصر كلها وافتح بنك دولي دائم فى القاهره

وابني مدن للشباب وتكون بمبالغ زهيده جدا جدا جدا

ووافتح مصانع كتييير جدا واد عشر مفاعلات نوويه وارجعكو كلكم من بره وكل واحد له شغلانه ونخلى الجنيه هو العمله السائده فى العالم كله :phar:

واتجوز بقى :rolleyes: بس الاقى الحب الحقيقي

بس كدى :P شوفتوا متواضع ازاى واحلامى بسيطه جدا بس الفلوس مش كل حاجة

شكرا جزيلا للاحلام نااااااااام وشد اللحاف wst::

[واحد تاني]

كنت ادى لكل فقير وفقيرة بيت

بيت بجنينة مليانة زهور

وبعشة مليانة كتاكيت

وأعلّق فوقه قمر بنور

ونجوم لولى... فتافيت فتافيت

كنت ادى لـ... وزرائنا محاريت

علشان يشتغلوا بايديهم ويشوفوا ازاى

الأرض السمرا لما نحرتها كدة رايح جاى

بتطلع غلّة وبن وقطن وضل وشاى

وتطلع غاب نعمل منه الأرغول والناى

كنت أدّى لكل الأطفال الحلوين ألعاب

قطر بقضبان..فرشة ألوان.. مية أو زيت

وابنيلهم قصر على المالح من غير أبواب

قصر بقبة لولى وقبة مرجان

وأعلّق عالقبة أجراس

فضة ومرمر ودهب ونحاس

لكن قبل ده كلّه

كنت ادّى لكل الناس

وردة وكتاب

وردة وكتاب

وكمان قبل ده كلّه

قبل ده كلّه

كنت أرفرف زى النسمة

وادخل فى الحلق

وأقطّع نص السنة الخلق

النص اللى مابيقولش الحق

علشان يتعلمه

امتى يقولوا أيوة

وامتى لأ

مع تحيات ...

سيد حجاب :rolleyes:

[nash]

هافتح جامعه مخصوص لإبني وأعين دكاترة علي مزاجي ...وطبعا هايحصل علي الماجستير والدكتوراة ..وكله بفلوسنا...

وإذا مانفعش هارفد الدكاترة واجيب غيرهم....

:

السلام عليكم ورحمة الله ...

ننوشة..ماتسيبى الاولاد بقى...اراهن انك حتعينى نفسك ناظر الجامعة علشان تبقى معاهم..صح؟؟

ربنا يفرحك بهم... :rolleyes:

والله يا فوفو مارضيت أقول أعين نفسي الناظرة لحسن تقولوا دي أم خنقه.....

ويفرحك بالصبايا يارب :happy:

..............................................................

[semsema]

هجيب كل اللي نفسي فيه :rolleyes:

واول حاجه هعملها اشتري لاب توب واغير الموبايل المؤرف اللي بقاله 3 سنين معايا

[amrhoras]

هجيب كل اللي نفسي فيه :rolleyes:

واول حاجه هعملها اشتري لاب توب واغير الموبايل المؤرف اللي بقاله 3 سنين معايا :happy:

الله يرحم ايام صخر دلوقتى لاب توب

الموبايل اللى طول الدراع :phar: حسوا باخوانكم فى الصومال

[Ahmad Farahat]

1- هاجيب احلى موبايل ولاب توب

2- هاجيب كل الكتب اللي نفسي فيها

3- هاعمل أحلى مكتبة لكتبي بدل ما هي متحدفة في كل حتة

4- أكيد أكيد أكيد........هادور على شريكة حياتي وألم شملي عليها

(الترتيب تصاعديا من الأرخص للأغلى)

[الطيار المصرى]

انا بقي لو هبطت عليا الثروة دي....انا قنوع جدا....مش عاوز اكتر 995 مليار يورو

هشتري 52%من اسهم شركات احمد عز....و استولي علي الشركة...

و بعدين امسك رئاسة الجمهورية....و اصدر قرار جمهوري باعدام كل من:

عاطف عبيد,صفوت الشريف,حبيب العادلي,حبيب العادلي,حبيب العادلي,و حسين كامل بهاء الدين رميا بالبلغ و الجزم,

و فضيلة الامام الاصغر سيد طنطاوي,و مفيد شهاب و تامر امين و احمد شوبير و مجدي عبدالغني و نفي كل عائلة مبارك الي انتراكتيكا او سيبريا....

بعد كده اتفرغ لنفسي بقي....

اجهز عيادة الاسنان الخاصة بيا علي مساحة 900 متر عشان تبقي عيادة عالمية....عشان الحق احوش المهر و اتجوز

اشتري موبايل n190 (بفلوسي بقي) غير الالة الحاسبة اللي انا ماشي بيها دي...

و لاب توب ماركة أبل....و عربيتين بورش علي تلاتة جاجوار و اربعة فراري و اربعة زيهم كاديلاك علي لامبورجيني و واحدة بي ام X5....

و اخدلي قد تسعين فدام اعملهم اسطبل خيل...

و ابني مطار حربي صغنن يضم جميع طرازات الفالكون و الميراج و الميج و الSu

و امول حركات الجهاد و المعونات في فلسطين....

و اساعد المحتاجين من اهلي....

بس خلاص....و اعمل وديعة ببقية المبلغ....يمكن احتاجه في يوم من الايام

تحياتي..

الطيار المصري

[badroora]

طيب يلا ا اصحى يا اخويا منك له له لها عندكم مدرسة :rolleyes: :rolleyes:

قال خير اللهم ماجعله خير قال .

مسكين من عاش بلا احلاممممممممممممممممممم :wub: wst:: wst::

يلا يا يا ولاد التوك توك هيمشي مش هيستناكم ماشي يا بتاع البورش

على فكرة يا طيار حلمك سهل اوى وخصوصا البورش وبعد الكلام اللى كتبته بجد ضمنت انك هتحقق حلمك على بورش ثابت وليس متحرك :wub:

واحد الجامعة واحد الجامعة :wub:

تم تعديل 8 نوفمبر 2007 بواسطة Badria Mekkawy