اجتماع للأعضاء فى القاهرة

[هشام عبد الوهاب]

الاخوة والاخوات الافاضل

سيعقد اجتماع لأعضاء المنتدى فى القاهرة فى خلال عدة أيام لزيادة التعارف بيننا ولمناقشة امور المنتدى وبعض الاقتراحات وما يستجد من امور وهذه دعوة مفتوحة للجميع .

على من يرغب فى الحضور ابلاغنا بذلك.

اجتمعنا اخر مرة منذ عدة اشهر بوجود الاعضاء

عادل ابوزيد

درجب

محبط

هشام عبد الوهاب

زيزو

[dimage]

في اي ميعاد سيكون ذلك الاجتماع

يارب نلحق

انا نازل بعد عشرة ايام

[mnman]

مش ممكن تأجيل الاجتماع ليوم 21 فبراير ... انا نازل مصر أن شاء اللة يوم 20....ممكن :( :( :(

[Katamando]

ممكن أعرف الموعد والمكان لو سمحتوا أن أتشرف بكم

[بنت شعنونة]

انا طبعا نفسسسسسسي اجي جداااااا :roll: :lol: :lol:

لكن كالعادة ها ابقى البنت الوحيدة اللي جاية :?

وبالتالي

مش ها ينفع اجي :(

حلوهااااااااااالي بقى :(

[tiger1411]

الحل الوحيد انك تربطىمع الست امينه ومسلمه وغيرهما ممن تنوى

الحضور وتحضرن(بنون النسوه) معا

[بنت شعنونة]

نداااااااااء انساني

لسيدات وانسات المنتدى

لو سمحتوا اللي ها تيجي تقول :roll: :D :D

وياريت بقى تتفقوا ها يبقى امتى وفين والساعا كام

عشان عاوزا اسااااااااااااااااافر :twisted:

[Katamando]

يا اخواننا

هل تم تحديد موعد ومكان لهذا الإجتماع ؟

فهل يخبرنا أحد بمعلومات مفيدة؟

مع الشكر

[amr2003]

سأحاول الحضور إن شاء الله ، لأن زيادة التعارف من شأنها أن تزيل التوتر والبغضاء التي ربما تقع في صدور بعض الناس تجاه الآخرين . .

ولكن لو عرفنا مكان اللقاء مقدما سيكون ذلك أنسب لتحديد الحضور من عدمه . . .

بالنسبة للأخت شعنونة ، هناك حل بسيط جدا ، وهو حل إسلامي ، أن تحضري معك أي محرم لك . .

أخ ، أب ، خال ، عم . . وأعتقد أنها ليس فيها كسوف أن تطلبي من أحد هؤلاء الحضور معك !

صح ولا أنا غلطان !

أديني دخلت الإسلام في الموضوع أهو !!!!

قولوا بقى إني بحول المواضيع !! :lol: :lol: :lol:

على فكرة كلمة أنسات خطأ لغويا . . والصحيح أوانس ! صحيح هي مضحكة شوية بس هي الصح !

[MuslimaEgyptian]

انا طبعا نفسسسسسسي اجي جداااااا    

لكن كالعادة ها ابقى البنت الوحيدة اللي جاية  

وبالتالي  

مش ها ينفع اجي  

حلوهااااااااااالي بقى

نداااااااااء  انساني

لسيدات وانسات المنتدى

لو سمحتوا اللي ها تيجي تقول  :roll:  :lol:  :lol:  

وياريت بقى تتفقوا ها يبقى امتى وفين والساعا كام

عشان عاوزا اسااااااااااااااااافر :twisted:

السلام عليكم

عندك صبر يا شانا تنتظرينى لغايه نصف او أواخر يوليو؟ :lol:(إن شاء الله) ده الواحد هيحضرله أجنده يالباوربوينت برسنتيشن يقدمها للأداره، وعلى رأسها غلق مواضيع الاعضاء فى باب المحاورات :o :s: :s: واللى عنده تظلمات أخرى يبعتهالى وانا أضيفها على الاجنده :lol:

الاخوات كليو، فريده، إلهام، ست أمينه وآخرين لم أذكرهم..إيه النظام؟

(بس متعمدوش عليه اوى، انا خوافه اوى فى المواضيع دى- مع انى واثقه ان الاجتماع هيكون فى "إطار حسن ومحترم" ان شاء الله ).....ده إلا لو قررنا نحن العضوات نتقابل فسيسعدنى التعرف عليكن :lol:

تفتكروا حاجه زى كده ممكن تفسد الصوره التى بنيناها عن بعضنا؟ أقول ذلك لأننى أتذكر كيف كنت أحب جدا القراءه لعبد الوهاب مطاوع فى بريد الجمعه ولكن لما صمم برنامج تلفزيونى مماثل، تحطمت صورته فى ذهنى بعض الشئ بسبب أسلوبه المختلف...ما رأيكم؟ ربما الاحسن ان ننتقل لفتح موضوع مستقل عن ذلك (تعارفات الانترنت )فى باب الشؤون الاجتماعيه..

.السلام عليكم.

[متسائل]

يا بختكم :twisted:

[هشام عبد الوهاب]

اولا اعتذر عن التأخير .. الكومبيوتر عندى اتحرق (بعيد عنكم )

لم أحدد لا موعد ولا مكان حتى الان فقط اردت ان اعرف اولا كم عدد الذين يودون المشاركة والموعد المناسب للجميع .

نبدأ بالمكان . المره اللى فاتت كنا فى مدينة نصر . ها ينفع..

اما الموعد فحسب ما تختاروه واللى عنده اقتراح يتفضل. المهم يكون بعد الخامسه مساءا واى يوم غير الخميس والجمعه.

[بنت شعنونة]

اي مكان بالنسبة لي مش مشكلة

المهم ما يكونش نادي عشان نعرف ندخل

يعني كافيه في مول مثلا اي حاجا كدا :oops: :roll:

وبالنسبة لي معلشها اغلس عليكم يعني :D

ممكن يبقى الساعا 5 عشان البرد والشت بعيد عنكم

والواحد ما يتاخرش في الرجعه

من المعادي لمدينة نصر عمر بعيد عنكم

:(

وشكرا

شعنونة....حدائق القبة ....القااااااااااهرة :D

[بنت شعنونة]

اه نسيت

حمدالله على سلامة الجهاز يا فندم

:oops:

يا عيني من كتر اللي بيحصله منننا :roll: :D

[هشام عبد الوهاب]

الله يسلمك يا شانا :oops:

هو حضرتك فى المعادى ولا حدائق القبه !!!

عموما لو هاتحضرى نخليه فى اقرب مكان للبيت ... احنا بنفهم برضه :wink: :D

[بنت شعنونة]

:roll: :roll: :oops: :D

ربنايخليك يا فندم

ما انامعايا العربية مش اشكال

المشكلة فعلا

انو مش عايزا ابقى البنوتة الوحيدة

ها يبقى شكلي باااااااااااايخ

وطبعا مش هاجي ساعها :(

وانا عاوزا اجيييييييييي

:(

[freefreer]

روحى بشخصيتك التانية .. المعلمة أم نورة .. :cool:

[بنت شعنونة]

:D

ام سمرمن فضلك :oops:

وفي رواية اخرى نوراااااااا :cry:

وبعدين اقله ها اروح بسبااااااااااااطة موز و "عدية" برتقااااااااال

احسن من الطووررررررررط الف مررررررررررة :) :) :)

[إبن مصر]

السلام عليكم ...

ياريت يا جماعه بجد نفسى أجى حددوا المكان والزمان .. فى اى وقت واوان ...لان ده فعلا من شأنه ان يزيد التواصل .. ولكن لا تتأخروا علينا فى تحديد الميعاد...

ابن مصر

[amr2003]

أعتقد أن المكان لابد أن يكون أقرب لي من أي أحد آخر !!!!! :twisted: :twisted:

وإلا سوف أصدر فتوى بتكفير أعضاء المنتدى !!!!! :twisted: :twisted: :twisted:

( ولا تزعل يافري فرير :oops: )

لأنني الوحيد الذي لا يمتلك سيارة بالطبع ، فيجب الرحمة بالصغير ، لغاية لما اتعلم السواقة . .

يعني ممكن نخليها قريب من الهرم شوية ؟!!! مدينة نصر بعيد جدا !