اجتماع للأعضاء فى القاهرة

[ragab2]

يا بختكم و الله لو كنت فى مصر لكنت جيت حضرت (بحضور الاخوات طبعا) ما ينفعش تؤجلوا الاجتماع لحد شهر اغسطس :: 

يا اخت الهام ...تم تأجيل الأجتماع علشان منمان ...و هايجيب القهوه...انت هاتجيبي ايه معاك...علشان تشجعيهم لتأجيل الأجتماع....

حتى

الرشوة بقت علنى فى المنتدى

المفروض الرشوة تتلم وتوزع .. للمراقب مثل حظ العضوين

[mnman]

دكتور رجب.... 2 كيلو بن محوج لحضرتك ومشيها 21 فبراير في اي كافي شوب في عباس العقاد.... :D :oops: :oops:

بس علشان خطري متقولش لحد ... علشان الوزن في المطار وحضرتك عارف..... :oops: :) :D

[KWA]

دكتور رجب.... 2 كيلو بن محوج لحضرتك ومشيها 21 فبراير في اي كافي شوب في عباس العقاد.... :D  :oops:  :oops: 

بس علشان خطري متقولش لحد ... علشان الوزن في المطار وحضرتك عارف..... :oops:  :)  :D

كان فيه مره واحد دمياطي راح لزياره عائله صديقه له في القاهره...و توا ما دخل البيت ...دارت هذه المناقشه...

بينه و صاحب البيت و اولاد صاحب البيت يلتفوا حوله و بدأ الدمياطي لحديث في انه كان هايجيب قفص مانجه و قفص عنب و كام بطيخه..و أطفال صاحب المنزل ينظرون اليه و عيونهم مفنجله....فرد صاحب البيت ...ده كتير اوي يا راجل...

فرد الدمياطي..لألألأ خليي العيال تاكل....

ياكلوا ايه...الله اعلم و لا عنب و لا منجه و لا حتي بسطرمه

:D :) :) :) :D :D :D :D

[mnman]

KWA كتب:

كان فيه مره واحد دمياطي راح لزياره عائله صديقه له في القاهره...و توا ما دخل البيت ...دارت هذه المناقشه... 

بينه و صاحب البيت و اولاد صاحب البيت يلتفوا حوله و بدأ الدمياطي لحديث في انه كان هايجيب قفص مانجه و قفص عنب و كام بطيخه..و أطفال صاحب المنزل ينظرون اليه و عيونهم مفنجله....فرد صاحب البيت ...ده كتير اوي يا راجل... 

فرد الدمياطي..لألألأ خليي العيال تاكل.... 

ياكلوا ايه...الله اعلم و لا عنب و لا منجه و لا حتي بسطرمه 

:oops: :D :D :D مهو انا كنت بردة بقول كدة.... ياسيدي خلي اهل المنتدي يشربوا بن محوج و ياكلو فاكهة برازيلي معتبرة :D :D :D ...

انا أسكندراني و الله مش دمياطي....و مش عزومة مراكبية حجيب بن معايا بس مش كيلو لكل عضو علشان الوزن مش اكتر والله.... :D :D

البسطرمة و الله مش بيدي كان علي عيني أجبلك بسطرمة لكن حاكل و كلك معايا و طول مانا بغمس حفضل اقول فينك يا KWA دي البسطرمة بالبيض حلوة بشكل :D :D :D

[الطفشان]

المفروض الرشوة تتلم وتوزع .. للمراقب مثل حظ العضوين

اؤيد هذا الاقتراح بشدة

و المراقبين الجدد يعتبروا من المؤلفة قلوبهم، و يزاد نصيبهم الى ثلاثة

و يرسل بالدولار على امريكا عدل

عن طريق ويسترن يونيون!

[Elham]

طب قولولى عاوزين ايه من امريكا و انا مستعده :oops: :D , بس للاسف امريكا ما فيهاش حاجه بتميزها زى بقيت الدول الاخرى :? :? ممكن اجيبلوكم ساندوتشات هامبورجر :roll: :roll: :roll:

[ragab2]

دكتور رجب.... 2 كيلو بن محوج لحضرتك ومشيها 21 فبراير في اي كافي شوب في عباس العقاد.... 

بس علشان خطري متقولش لحد ... علشان الوزن في المطار وحضرتك عارف.....   

كدة

يبقى ضمنت ان مفيش حذف

لغاية الأجازة الجاية وعليك خير

[ragab2]

طب قولولى عاوزين ايه من امريكا و انا مستعده , بس للاسف امريكا ما فيهاش حاجه بتميزها زى بقيت الدول الاخرى ممكن اجيبلوكم ساندوتشات هامبورجر

عاوزين

المادة الخام

قبل ما يعملوها هامبورجر

[KWA]

كتب:

البسطرمة و الله مش بيدي كان علي عيني أجبلك بسطرمة لكن حاكل و كلك معايا و طول مانا بغمس حفضل اقول فينك يا KWA دي البسطرمة بالبيض حلوة بشكل :D :D :D

ماشي يا منمان بالهناء و الشفا و انا برضه حاكل معاك بألبي و فكري و ياريت لو سمحت تزود الزبده شويه...طالما اني هاكل معاك ...يا اسكندراني

:lol: :D :D :D :D :D

[KWA]

طب قولولى عاوزين ايه من امريكا و انا مستعده :D  :D , بس للاسف امريكا ما فيهاش حاجه بتميزها زى بقيت الدول الاخرى  :?  :? ممكن اجيبلوكم ساندوتشات هامبورجر  :roll:  :roll:  :roll:

طالما انت اقترحت الأكل خوديلهم معاك ...Muffins ....خصوصا Blueberry & Banana Nut غير موجوده في مصر و سهله التحضير و لذيذه...و علي الأقل شئ أمريكي 100 في 100 و بالهناء والشفاء

[وسام]

طالما انت اقترحت الأكل خوديلهم معاك ...Muffins ....خصوصا Blueberry & Banana Nut غير موجوده في مصر و سهله التحضير و لذيذه...و علي الأقل شئ أمريكي 100 في 100 و بالهناء والشفاء

انا اتهريت blueberry muffins :D نفسى جايبة على بسبوسة بالسمن البلدى بتاعت حلوانى طلعت فى اسكندرية....

[mnman]

طيب مش نتكل علي الله و نحدد الميعاد.... او كل واحد يقترح معاد و بعدين نقرر...

اقتراحي: 21 فبراير الساعة السادسة مساء بتوقيت بنت المعز ...

اية رايكم....

[amr2003]

اقتراحي: 21 فبراير الساعة السادسة مساء بتوقيت بنت المعز ... 

هذا المعاد لا يناسبني ، لأن يوم 21 فبراير سيكون جمعة . .

ممكن يكون أحد المواعيد التالية :

22 فبراير - السبت - الساعة 3

23 فبراير - الأحد - الساعة 4

24 فبراير - الاثنين - الساعة 4

25 فبراير - الثلاثاء - مش ممكن

26 فبراير - الأربعاء - مش ممكن

27 فبراير - الخميس - الساعة 1

[إبن مصر]

احممممم ..

الساده الافاضل اعضاء المنتدى الكرام المقيمين فى مصر والذين سيصادف وجودهم فى مصر عند تحديد الموعد..

تتشرف عائله ابن مصر المكونه من شخصى الضعيف وحرمنا بنت مصر وابنتينا بنات مصر ( صغننين ) ان تدعوا سيادتكم الى حفله غداء لدينا بمنزلنا المتواضع و موافقتكم ستكون شرف لنا ..

وشكرا .

بالعند فى امريكا وكندا والبرازيل و.. و.. تايلند وقطر

ابن مصر

[KWA]

احممممم ..

الساده الافاضل اعضاء المنتدى الكرام المقيمين فى مصر والذين سيصادف وجودهم فى مصر عند تحديد الموعد..

تتشرف عائله ابن مصر المكونه من شخصى الضعيف وحرمنا بنت مصر وابنتينا بنات مصر ( صغننين ) ان تدعوا سيادتكم الى حفله غداء لدينا بمنزلنا المتواضع و موافقتكم ستكون شرف لنا ..  

وشكرا .

ابن مصر

بسم الله الرحمن الرحيم

السلام عليكم ورحمة الله وبركاته

احلي عيديه مقدمه من ابن مصر و اسرته الكريمه بدعوه ظريفه علي الغداء...في بيت كريم...اتفضلوا بقي حددوا الميعاد ...و اقترح ان يكون رابع يوم العيد ...يوم الجمعه...لأنه هايبقا ميعاد مناسب للجميع ...و علشان اقدر اجي و ارجع قبل الحرب ....طيارتي توصل يوم الخميس بعد الظهر و نتقابل يوم الجمعه و اسافر فجر السبت..و الحرب يوم الأحد...رحله متعبه حوالي 22 ساعه رايح جاي و لكن في سبيل رأيتكم و العزومه الحلوه كله يهون...و الأكل البيتي اللذيذ...و انا عندي اقتراح بخصوص الأكل...و الله لهريكم اقتراحات...بما اننا خارجين من عيد لحمه و غيره...ياريت اكله كشري للأخون بالدقه و الصلصه و بالنسبه لي ...انا هاجي من اعالي البحار و كل اللي طلبه التشرف برأيتهم و معرفتهم الكريمه و صينيه رقاق بيتي ...ضغيره علي قدي..و دقيه محشي ورق عنب ...الحجم المتوسط...و ياسلام..علي شويه ملوخيه ... خضراء ...الله و اكبر...الله و اكبر....

بالعند فى امريكا وكندا والبرازيل و.. و.. تايلند وقطر

بالعند في كندا ...انا معاك...كلام كتير و فعل قليل...زي المصريين يا راجل ...بالعند في البرازيل...و انا معاك في د يه برضه...هاجيب هاجيب بن غامق و بن فاتح و بن احمر و اخضر ...و لا هانشوف بن و لا هانشم حتي ريحته...اما بالعند في امريكا....طبعا بالعند في امريكا و اخوات امريكا و المتحالفين مع امريكا....الأهم حددوا الميعاد و جهزوا السفره ...

[freefreer]

ممممممممم

ككددددددة .. فينا من تقطيع .. ماشىىىىىىى :cry:

[mnman]

KWA كتب:

بالعند في البرازيل...و انا معاك في د يه برضه...هاجيب هاجيب بن غامق و بن فاتح و بن احمر و اخضر ...و لا هانشوف بن و لا هانشم حتي ريحته...

بس ممكن تشربة :) :) :D

أوعي البن المحوج الغامق جيييييييييييييييييييييي....

و بالعند في أمريكا...................

[مصرى]

أرجو إضافة عنوان مقر الشركة التى تقوم باستضافة المنتدى بالقاهرة

وكذلك أرقام تليفونات العمل التى يتواجد بها الاخوة عادل أبوزيد وهشام عبدالوهاب وشريف عبدالوهاب .. حتى يمكن الاتصال .. أو ترتيب مواعيد لقاءات مع أى من الزملاء حال تواجدهم فى مصر .

تحياتى

[mnman]

رسالة عاجلة.....

ممكن نحدد ميعاد الاجتماع يا أستاذ هشام.... انا أجازتي اسبوع يتيم... بسرعة الله يخليك... وحشني و نفسي أشوفكم.... :) :D

[KWA]

رسالة عاجلة.....

ممكن نحدد ميعاد الاجتماع يا أستاذ هشام.... انا أجازتي اسبوع يتيم... بسرعة الله يخليك... وحشني و نفسي أشوفكم.... :D  :D

و الله يامنمن الدموع كانت هاتنزل من عيني خصوصي و اغنيه ورده جائت علي خاطري...وحشتوتي وحشتوني وحشتوني....اهلا اهلا اهلا يا منمان يا أعز الحبايب....يا قهوتنا يا حبيبنا

:D :D :D :D :D :D :D :D