تحرير سعر صرف النقد الأجنبي في مصر

[مصرى]

أسعار العملات 

بيع شراء العملة 

550.00 539.00 دولار أمريكي 

922.85 882.83 جنيه إسترليني 

145.15 143.27 ريال سعودي 

614.52 580.66 يورو 

416.98 396.92 فرنك سويسري 

459.49 46.19 (100) ين ياباني

ياسلاااااااااااام .. كلام كله حكم ... دى طبعا سياسة الحكومة حضرتك .

:D

[mnman]

خربوها واحنا ساكتين و حالنا يصعب عالمساكين ..... خربوها خربوها

خربوها وضعت ياجنيةو الشعب طيب يعمل اية...خربوها خربوها

خربوها من التهبيش و في الشعب نازلين طالطيش....خربوها خربوها

خربوها ياهل المحروسة و بكرة حوستنا تبقي حوسة...خربوها خربوها

خربوها منهم لله و قال ياجماعة لموا الدكاة......خربوها خربوها

خربوها وقال أية فالحين و يقولوا اقتصادنا متين....خربوها خربوها

خربوها و كل الارقام بتقول ان قائدنا همام .....خربوها خربوها

خربوها وياشعب فوق لحتفضل علطول مسروق....خربوها خربوها

حقوق الطبع والنشر محفوظة لصالح كفر خربيتها....

[molham]

خلع عاطف عبيد ورقة التوت الاخيرة التى تغطى حكومتة ولن يجد لة غطاء فى الايام القادمة ولن يستطيع تبرير سقوط الجنية المصرى

لية يا عاطف كنت مستور بتثبيت الجنية

على اربعة جنية ستين للدولار

لية تفضح نفسك وتفرج الناس على خيبة حكومتك وتطمع فينا كل الجنسيات التانية .....

واشرب يا عاطف

امبارح السعر خمسة جنية وثلاثين قرش

النهاردة خمسة جنية وخمسة واربعين قرش

والدولار فى صعود مستمر

والمصيبة التانية

الاجانب طبعا اول ناس فرحوا بالقرار دة

ويارتهم بيستغلوا انخفاض الجنية مقابل عملاتهم فى مشروعات صناعية او انتاجية جادة لكن للاسف اللعبة كلها استثمارات عقارية ( بعد القانون العقارى الاخير الذى يتيح لهم التملك ) او مضاربة فى البورصة للاستفادة بالقيمة السوقية المنخفضة لمعظم الشركات المصرية

نتيجة طبعا لسؤا الاداء الاقتصادى و اصبحت طبعا واعدة جدا الان بعد تخفيض قيمة الجنية وخصوصا للشركات المصدرة والمقيدة فى البورصة زى شركات الاسمنت

البورصة انتعشت.. بالقرارات الجديدة

التعاملات ارتفعت إلي 70 مليون جنيه

المستثمرون الأجانب فازوا بــ 40% من حجم الصفقات

الخبراء: قطاعات الاتصالات والبنوك والأسمنت في المقدمة

 

متابعة: سليمان فؤاد

 

انتعاشة شديدة شهدتها البورصة أمس بعد تطبيق القرار بنظام جديد لسعر الصرف حيث ارتفع حجم التعاملات داخل مقصورة البورصة الي 70 مليون جنيه مقابل 25 مليون جنيه في الايام السابقة.  

اكد خبراء البورصة: ان تعاملات المستثمرين الاجانب تمثل نحو 40% من حجم التعاملات داخل البورصة مما يؤكد مدي تأثير هذا القرار علي هؤلاء المستثمرين.  

قال الخبراء: ان قطاعات الاتصالات والبنوك والاسمنت كانت في مقدمة التعاملات في البورصة واشاروا الي اسهم المحمول أوراسكوم تيلكوم والبنك التجاري الدولي فازوا بأكبر حجم من التداول.  

ودعا الخبراء الي ضرورة استمرار هذه الصحوة حتي تنقذ البورصة من حالة الكساد التي شهدتها خلال الاسابيع السابقة.  

 

http://www.eltahrir.net/

وطبعا الشئ المتوقع فى الايام الجاية ارتفاع اسعار جميع السلع الاساسية ( خصوصا السلع المستوردة واهمها القمح يعنى رغيف العيش ) تواكبا مع ارتفاع الدولار

هذا القرار الذى اصدرتة الحكومة بدون وعى لمصلحتها

سوف يكشفها بعدسة الزووم امام الشعب المطحون

بعد ظهور اثار وفاة الجنية على الشعب وخاصة الطبقات الفقيرة

ولن يجد الرئيس التبرير المعقول لوجود هذة الحكومة

او وجودة شخصيا

:shock: :shock:

ا

[Excellence]

خربوها ولسة هايخربوها أكتر

لكن أهم سؤال: يا ترى هما عارفين إنهم خربوها؟

وللا فاكرين إن كله تمام

و إن محدودي الدخل منشكحين و بيدعوا لهم

[Faro]

محافظ البنك المركزي يحذر من إفشال نظام تحرير الصرف الجديد ويهدد بسحب تراخيص المخالفين

[الطفشان]

الاقتصاد المصري في النازل على مر العقد الماضي (بالرغم من الطفرة الكاذبة في منتصف التسعينات)

و في المقابل الاقتصاد الامريكي في نفس الفترة شهد رخاءا و نموا

فهل يعقل ان يظل الجنيه ثابت امام الدولار؟ مش ممكن ابدا

و لذلك موضوع تعويم الجنيه كان يجب ان يحدث ان عاجلا او اجلا

و السبب انه كان سباحة ضد التيار

الحكومة ادركت انها معركة خاسرة و كلما تاخرت في في هذه الخطوة فستكون الصدمة اقوى

فقررت ان تحدث الصدفة و الفرق بين الرسمي و السوق السوداء 15% فقط، بدلا من تاخير الموضوع و الاضطرار الى عمله مستقبلا في فرق اكبر من هذا

[Rabso]

الكوارث المتعاقبة في ظل هذه الحكومة معظمها قضاء وقدر، لكن كارثة الكوارث الكبري التي صنعتها الحكومة هي الاطاحة بالجنيه المصري واصابته بعجز جديد فوق عجزه مما سيحدث انهيارا في دخل كل مواطن وغلاء فاحشا فوق الغلاء، والمصيبة أن بيان الحكومة لم يتضمن أي تعهد بوقف او تقليص عدد الكوارث في عهدها الوردي.

:twisted: :twisted: :twisted: (دول من عندي).

أحمد رجب (الأخبار - اليوم 01/02/2003)

وصلة الموضوع

[freefreer]

متى سندرك أنه قد ان الأوان لنقول "لا" ؟

و أن السكوت لن يعنى الا تدهورا أكثر و أكثر ..

و أهدى هذا الموضوع .. الى لأخوة و الأخوات الذين قالوا فى مواضع اخرى .. "الشعب لا يهمة من سيصل الى الحكم" .. أهم حاجة لقمة العيش ..

و أهدية ايضا .. لكل من يصور ان مشاكلنا .. و حلولها .. خارج الحدود

[ابو حلاوه]

الاقتصاد المصري في النازل على مر العقد الماضي (بالرغم من الطفرة الكاذبة في منتصف التسعينات)

و في المقابل الاقتصاد الامريكي في نفس الفترة شهد رخاءا و نموا

عزيزي الطفشان .. و بالرغم من هذه الطفرة الكاذبة ... الشعب المصري لم يشعر باي طفرة .. و استمر انهيار الخدمات بشكل مؤسف مع بيانات السادة الوزراء التي تتحدث عن النمو الفلاني و العلاني . دون ان يمس ذلك علي الاطلاق المواطن المصري بشكل مباشر ... و من استفاد بتلك الطفرة ----و التي من اسبابها توافر سيولة بسبب بيع القطاع العام بتراب الفلوس ---- هي طائفة رجال الاعمال فقط .. و البعض حاول تبرير ذلك بان ده امر طبيعي لتكوين كيانات اقتصادية و مالية عملاقة في البداية تجر الاقتصاد للامام فيما بعد .. و لان تلك الكيانات معظمها فاسد و هش -- بالتواطئ مع الحكومة --- كانت تلك النتيجة انهيارها السريع امام الازمة

و الشعب بتاعنا... علي رأي المثل اللي انا مش فاكره دلوقت بيتنسي في الافراح و بيفتكروه في الاحزان

[kokowawa1979]

خلع عاطف عبيد ورقة التوت

بلاش ياجماعة ورقة التوت قولوا البنكنوت ليكون بوليس الأداب مراقبنا!!!!

[freefreer]

فاكرين الزفة التى صنعت قبل اسقاط الديون .. و تصوير ان كل مشاكلنا بسبب الديون .. و تسديد الديون و فوائد الديون .. ثم حصل اسقاط نصف الديون على ما أظن .. و هوجة ان الرخاء خلاص جاى .. و حكاية مسيرة الألف يوم مش عارف لعبور عنق الزجاجة ولا مش عارف تحرير الإقتصاد .. الألف يوم خلصوا و فوقهم ستة الاف يوم مثلا .. و كل يوم يلقى اقتصادنا هزيمة اكبر و نكسة ووكسة أكبر .. علشان كدة انا لا اعترف بالشعارات .. و كنت دائما ممتنع عن الكتابة فى باب الأقتصاد و مواضيع الإصلاح الإقتصادى .. لأنة لا اصلاح فى أى مجال قبل ان يتولى الشعب الحكم و الرقابة ..

و المسألة ببساطة .. اما ن نستوعب هاتين الكلمتين البسيطتين .. و نتحرك على هداهما .. و اما .. .. .. الأسوأ ..

لم و لن يحصل تحسن فى أى مجال ممكن تخيلة .. قبل الإصلاح السياسى .. و المتمثل فى أن يكون الشعب مصدر السلطات .. و الرقيب و الحسيب ..

انما نظام التوقيع على بياض .. و ترك الحكم للحكام .. يصنعون بنا ما يشاؤون .. فهذا لن يجدى الا ان نصل الى مرحلة المجاعات و الحروب الأهلية و العياذ بالله ..

[حشيش]

انما نظام التوقيع على بياض .. و ترك الحكم للحكام .. يصنعون بنا ما يشاؤون

حتى التوقيع على بياض بيزوروه :twisted: :twisted: :twisted:

[الفارس]

يا أخ علي ..

كلنا عايزين نرجع بلدنا والله العظيم .. بس هما كل يوم يعملوا حاجة تقولنا إوعوا ترجعوا ولا نشوف وشكوا تاني .. دول يا حبيبي بيطفشوا اللي هناك ..

قل "تغريق الجنيه" ولا تقل "تعويم الجنيه" .. الله يرحمه كان طيب وابن ناس ..

وحسبنا الله ونعم الوكيل .. يارب خدهم كلهم بقى يارب ..

[الطفشان]

الاخ فري

اشكرك على تذكيرنا بنقط هامة و اعيد صياغتها فيما يلي:

1- القاء اللوم على الخارج

دأب النظام في مصر على ارجاع كل المشاكل الى عوامل خارجية، او الى اسباب سابقة لحكمه

مثلا : الديون المتراكمة هي سبب الاقتصاد المنهار

مثلا : الهجمات الارهابية الممولة من الخارج سببها اننا مستهدفين

طب راحت الديون، و سكت الارهاب. ايه النتيجة بقى؟

اترك لكم الحكم

2- الرقابة و الحكومة من الشعب

3- عدم التفويض الكامل للحاكم

الف شكر

حبيت بس أأكد على الموضوع لانه هام

[se_ Elsyed]

بغض النظر عن علم الأقتصاد اللى درسناه فى الجامعة ، أنا عايز أسأل سؤال للقائمين على الأقتصاد بمصرنا الحبيبة المسكينة ، إذا كنتم بتعوموا الجنية دلوقت اومال ايه الوكسه اللى حصلت منذ أكثر من عام للجنية ..؟ أعتقد ده كان أسمه بلبطه يعنى أول درجات التعويم :) وانا عن نفسي أرفض إلصاق الوضع المتدهور للأقتصاد وللعمله المصرية بأحداث 11 /9 والتى جاءت طوق نجاة للحكومة لإلصاق التهمه بها وكأننا كنا نعيش فى رغدٍ من العيش قبل الأحداث !!! ..... والسبب يا أخواني من وجهة نظري فى كل البلاوي دى هو أن الحكومة حولتنا جميعاً إلى شعب مستهلك محاط بالكثير والكثير من المغريات والكماليات مما يجعلنا فى سباق مع الزمن للحصول على ذلك .. ونسينا معنى كلمة " إنتاج " و" تصدير " والأعمال الحقيقية التى هي السبب فى رخاء وتقدم أى دولة .

وزوبعة العملة الاخيرة ماهي الا حلقة من مسلسل فساد الحكومة الهدف منها إلهاء الناس عن حقيقة الفساد المستشري وأقسم بالله لو نزلوا وعملوا أحصائية فى الشارع هاتلاقي معظم الناس الغلابه اللى بتتكلم عن الدولار وأرتفاع سعره ماتعرف شكل الدولار أيه ؟

وده بيفكرني بشخصية " كُحيت " اللى أبتكرها أالكاتب الساخر أحمد رجب وهو راجل مش لاقي يأكل ونراه شاغل نفسه بأرتفاع أسعار البترول والدولار وما كان يحدث للأميره ديانا مع العائلة المالكة وزوجها الأمير تشارلز :wink:

[فنكوش]

يا أخ علي ..  

كلنا عايزين نرجع بلدنا والله العظيم .. بس هما كل يوم يعملوا حاجة تقولنا إوعوا ترجعوا ولا نشوف وشكوا تاني .. دول يا حبيبي بيطفشوا اللي هناك ..  

قل "تغريق الجنيه" ولا تقل "تعويم الجنيه" .. الله يرحمه كان طيب وابن ناس ..

وحسبنا الله ونعم الوكيل .. يارب خدهم كلهم بقى يارب ..

اذكر ان سي تيفه ع ع قال في سنه 2000 فتره ارتفاع الدولار الى اعلى من 3.7 ان سعر الدولار المفروض يكون 3.4 على اساس الاقتصاد وان الجنيه قوي وان ارتفاع السعر ده بسبب مضاربات وان السعر هايستقر وبعد ضياع 4 مليار دولار (حسب كلام الحكومه) 500 مليون كل اسبوع الدولار فضل يطلع و دلوقتى متوقع سعر بين 7 و 7.5 السوال اما ع ع صاحب سعر 3.4 ما بيفهمش او صاحب سعر التعويم كدة او الاثنين ما تفرقش معاهم ايه اللى يحصل

جاي ي ي ي ي ي ي ي ي ي ي ي ي ي ي ي ي ي ي ي ي حسبنا الله ونعم الوكيل

[Horus]

بالمناسبه ....

كنت بأكلم صديق عزيز من يومين - و هو مهندس مدنى محترم و خبره 10 سنوات على الاقل - و قاللى انه منتظر ان الشركه تستغنى عن خدماته خلال اسبوعين او تلاته على الاكثر .. :?

و بالتالى سوف ينضم لطابور الشله - لاحظ كلهم مهندسين برضه - على القهوه اللى كنا بنقعد عليها ايام الدراسه و ذللك لحين إشعار اخر.

كمان قاللى ان الاشاعات بتقول ان الاحتياط النقدى نزل من 18 مليار دولار سنه 1998 الى أقل من 7 مليار دولار دلوقتى و ان مع تعويم الجنيه و مش عارف ايه لسه برضه لا تجده فى البنوك و لازالت هناك سوق سوداء للدولار :mad: :mad: :mad:

الله يخرب بيت اللى كانوا السبب. :twisted: :twisted: :twisted:

حد يا اخواننا من اللى فى مصر يطمننا و يقولنا الاخبار دى بجد و لا فعلا إشاعات.