4 مليار دولار وعدة جُزر على شركات ملاحة

[وسام]

دة مبدئيا اللى حتستلمه ابنة اوناسيس ( فاكرينه) اللى بلغت السن القانونى الايام دى .......حلال عليها :D مش أقر والله

يا مين يجوزهالى دى

الطريف فى الموضوع ان المحاسب اللى حصر التركة بيطالب بفاتورة 2 مليون دولار ..........رزق الهبل على المجانين :D

[Cleo]

سبحان الله.......

الناس دى على قد ما ربنا اداها فلوس على قد ما أصابهم ببلاوى لا عد لها ولا حصر.... حتى أن عائلة أوناسيس أصبحت من العائلات الشهيرة فى العالم المصابة بما يسمى "اللعنة".. فهناك مثلا لعنة عائلة كنيدى حيث مات الكثير من رجالهم غيلة مثل جون و روربت كنيدى كما مات جون كنيدى الابن فى حادث طائرة بشع و هذه اللعنة مصابة بها عائلة كنيدى منذ ما يقرب 100 سنة....!!!!!!

أما عائلة أوناسيس فه هو أرسطو أوناسيس فقد ابنه الوحيد الذى مات (أعتقد فى حادث طائرة أيضا) ثم أصابته عدة أمراض و مات ثم ابنته كرستينا التى أصابها اكتئاب حاد و انتحرت حتى أن الكثير من الناس الفاضية اللى مورهاش حاجة تشغلها غير الدعبسة فى حياة المشاهير يتوقعون أن تصيب أثينا أوناسيس هذه اللعنة بمجرد استلامها ثروة أوناسيس الملعونة...

[الطفشان]

من كام سنة شفت برنامج وثائقي عن اوناسيس

الحقيقة قصة تحزن

حتقولوا ازاي تحزن و كان عنده و عنده ايشي و شويات

الرجل بدأ من تركيا (ايو تركيا، ازمير على ما اذكر)

و هو اتكرش منها او هرب ... حاجة زي كدة

و العداء بين الاتراك و اليونان مستحكم

فطول عمره حاسس انه شريد طريد لاجئ

بدأ بكام دولار و اتغنى باسطول الشحن

و اتجوز مشاهير، ماريا كالاس مغنية الاوبرا و جاكلين كينيدي

لم يكن سعيدا في زيجاته

توفي ابنه في حادث في حياته

و احدى بناته اصيبت بالتخمة و الاكتئاب

و انتهت الامبراطورية التي بناها بموته بلا وريث يمشي الامور بعده

اليخت الذي كان يملكه كان ارضيته مرصوصة بالفسيفساء

و كراسي البار فيه كانت من جلد الحشفة (و اعتذر في التعبير، و لكنه الجزء الذي يقطع في الختان) لحوت العنبر (شوف الافترا)

و اليخت الان يصدأ و يتحلل بفعل الزمن

[وسام]

بيقولوا كل دة بسبب المال الحرام فهو لعنة لحاملها زائد انه اغتنى وافترا كمان

الراجل دة على حسب ما قريت انه نوع اللحم المفضل لديه هو جنين العجل او الخروف ( اللى لسا متولدش) تخيلوا..... :?

كليو و طفشان واضح انكم مذاكرين تاريخ العيلة دى كويس :wink:

[الطفشان]

لأ

مش مهم الحفظ، المهم الفهم :lol:

قريت برضه من كام يوم ان اللي حتورث دي حفيدته، و هي بنت بنته كريستينا، و ابوها فرنساوي عايش في سويسرا

و بتكره اسم اوناسيس بسبب القضايا، و مش بتزور بلد جدها (اليونان) الا فيي النادر

و بعدين دة اسمها ايه الاكلة دي: العجل في بطن امه؟

[وسام]

هههههههههه بالضبط دة اللى اكل العجل فى بطن امه