النجم الساحلي يسحق الأهلي

[se_ Elsyed]

برضوا ما فهمتنيش أنا عايز اقول إيه يا جنرال !!!!

إحنا الاهلاوية أول ناس بنفتح مواضيع على سبيل الدعابة بعد هزيمة الزمالك وموضوع " أكفل زملكاوي يكفيك شر البلاوي " شاهد على ذلك ...

لكن لما توصل إن الزملكاوية يشجعوا فريق مش مصري ضد أي فريق مصري ويبعثوا برقية رقيقة بتقولهم شكراً لكسركم إحتكار الأندية المصرية للبطولات الأفريقية .... إنت شايف ده طبيعي ؟ وهو لا مؤخذه في دي الكلمة .. الزمالك برضوا مش من الاندية المصرية .. ولا السفارة بقت في العمارة وروحتوا عند ولاد عمنا تقدموا عالجنسة والهجرة إلى أرض الميعاد ؟

لو شايف ده طبيعي ... يبقى بلاش نكمل وتعالى نتحدث عن تحليل مباراة الزمالك وحرس الحدود وخطة طارق العشري أمام كرول

وطالما أتكلمنا عن المباديء .. يبقى حضرتك إتفرج على الماتش تاني برواقة وشوف من بداية المباراة خالص وفي الدقائق الأولى حركات الأصابع والأيدي من لاعب النجم ضد مدافعي النادي الأهلي وخصوصاً احمد السيد اللي الكاميرة ركزت عليه في أخر المباراة وهو يسب مهاجم النجم - وهو مخطيء ويستحق العقاب من ناديه الاهلي على الأقل - مع العلم غن نفس المهاجم ده هو اللي هراه حركات .. ده غير اللي الكاميرا ما جابتوش وإنت نفسك راجل رياضي قديم وأدرى بحركات التوانسة ودول المغرب العربي اللي لا يتوانوا عن القيام بكل ما هو غير أخلاقي حتى لو خارج أرضهم .

ومبروك عليكو يا سيدي هزيمة الاهلي .... وعقبال يارب ما نبارك لكم بفوز الصفاقسي على الهلال السوداني وصعوده لمباراة السوبر ..

[kokowawa1979]

حبيبنا الغالي س.س :

أنا مقدر شعورك بعد مباراة الأمس التي لم يكن الأهلي يستحق فيها الفوز على الإطلاق سواء بضربات الجزاء المشكوك في صحتها خاصة كرة أبو تريكة التي خرجت إلى خارج خط المرمى بعد لمسها قدم لاعب النجم وإلا ماكانت خرجت الكرة بهذه القوة لو أخد فيها اللاعب قدم أبوتريكة الذي اختفى تماما في المباراه !!!

وبالنسبة لأخطاء التحكيم فقد كانت موجودة وضد الطرفين - - نعم كرة أبو تريكة كان يمكن أن تحتسب ضربة جزاء ونص وكذلك كرة شديد قناوي ...... لو كان الحكم حمدي شعبان أو مش عارف إيه عبد الرؤوف أو سمير عثمان !!

ثم لماذا ننسى أن حكم مبارة الأهلي والصفاقسى التونسي العام الماضي ألغى هدفا صحيحا للصفاقسى وكذلك أحتسابه إنفرادات كتسللات بدون وجه حق مما أهدى البطولة للأهلي على طبق من ذهب - إذن أخطاء الحكام المؤثرة موجودة في كل زمان ومكان .

ثم إذا كان مانقلته من أحد المواقع تعتبره( أحد مصادر الصرف الصحي )- فياترى ماذا تقول عما فعله الإخوة كرامازوف شادي وأحمد السيد الذين تفوهوا بعبارات من أعمق أعماق الصرف الصحي - وعن ما فعله جمهور الأهلي صاحب المبادئ والمثل العليا مع لاعبي النجم من بصق وخلافه - بل تعداه إلى مانويل جوزيه نفسه حينما أصابوه بقطع صلبة أثناء توجه الطاووس للمؤتمر الصحفي !!! ( على فكرة ده من موقع الأهلي الرسمي مش من عندي !!!!)

صراحة وبكل صراحة على رأي نجاة النقاد الحمر هم من تسببوا بخسارة الأهلي لأنهم صوروا للاعبي الأهلي أن المباراه نزهة مش أكتر - وكنا نسمع عن حجز تذاكر اليابان وكأن الموضوع منتهي - وأن النتيجة ياتري هاتكون 3/0 واللا 2/0 !!! وهكذا كان الإعلام المتعصب الأعمى يقود مسيرة النوم في العسل !!!!

وهذا الطاووس المفتون بعقله !! لماذا لم يقم بإشراك اللاعب المحترم أسامة حسني فهو أفضل من المشوحاتي فلافيو صاحب القفا الشهير والتشويح على الفاضي والمليان - فأسامة حسني في رأيي هو أفضل مهاجم مصري على الإطلاق لعبا وخلقا - لكن الطاووس حطه في دماغه !!!!

وبعدين ياعم س.س : مش انتم اللي أصريتم تعزموا شرارة وحرمه لمشاهدة المباره علشان حرامي الأهرام يهدي له اللقب بعد المباراه بدلا من جمهور الأهلي !!! وانتم عارفين شراره عمره ماجاب الحظ معاه وإلا ده ماكانش حال مصر !!!

وأخيرا حبيبي الغالي س.س أرجو ألا تقوم بزيارات كثيرة لمواقع الصرف الصحي علشان صحتك بجد غالية علينا .

أخونا الفاضل أبو محمد :

ياترى رأيك إيه في اللي قاله شادي محمد وأحمد السيد للاعبي تونس !!! وشكرا لك على الموقع الجديد الذي لم أكن أعلمه للزمالك - أنا عموما حفظته :lol:

حبيبنا الغالي والزعيم العالمي للزملكاوية الجنرال موديست :

مداخلتك عسل × عسل :lol:

وهارد لك لجميع الأهلوية بجد .

تم تعديل 10 نوفمبر 2007 بواسطة kokowawa1979

[DARWEEN]

يا صباح الشماته

لا أعجب ممن يداري فشله بتمني فشل الناجحين

من أول عنوان الموضوع وهو يقطر شماته

لا ياسيد مجرد محاوله ... فمحاولتك فاشله

النجم لم يسحق الأهلي .... كانت مباراة في كرة القدم وانهزم فيها الفريق الأفضل ..... ونهذه أحدى متع كرة القدم

الشماته هي أحد انواع الحقد والبغض المقيت ... وأنا لا أحب الحاقدين

لكن فلنتناقش بموضوعية أكثر ...

هل الترتيب الثاني بين فرق القاره ( بعد كونك الأول لعامين متتاليين ) يعد مشكله

مبروك للأهلي المركز الثاني

وعذرا لمن لم يدخلوا الترتيب

[se_ Elsyed]

يا كوكو يا حبيبي إقرأ الكلام تاني

أحمد السيد يستحق العقاب .....

لكن لما هانعاقب لاعبينا ... مش المفروض برضوا اللعيبة اللي بدأوا الإعتداء يتعاقبوا هما كمان وال هاتقولي ما شوفتش حركات الصوابع بتاعت المهاجم التونسي اللي الجمهور شدوا من الفانلة وهو بيتسلم الكأس ؟

- جميع النقاد الاهلاوية اللي سمعتهم وقرأت لهم لم يصوروا المباراة على إنها نُزهة .. بالعكس دول أجمعوا إن المباراة صعبة وهايفوز فيها صاحب المجهود الاوفر .

- الحكم لما يُخطيء مرة في مباراة زي الهدف اللي أحرزوا الصفاقسي وإتلغى زي ما قولت .. او زي ضربة الجزاء اللي ما تحسبتش لبركات وأخد فيها إنذار ( رأيك فيها إيه ؟ ) ده مقبول يا ريس .. لكن لما يكرر الخطأ اكثر من 5 مرات في نفس المباراة ومع نفس الفريق تبقى واضحه زيادة عن اللازم ... وياريت تشوف مرة تانية وتالتة ضربة الجزاء لأبو تريكه الله يكرمك وتكلمني عنها شوية ... لإني أعتقد إنك ما شوفتهاش من أساسه يا كوكو وبتفترض إن مدافع النجم دفع الكرة من أمام أبو تريكه وهو ما لم يحدث مطلقاً ... بالرغم من إنها واضحه وضوح الشمس مثلما تفضل اخونا أبو محمد ووضعها أمامنا ... وعلى العموم ... أهي تاني يا عم وقولي رأيك الرياضي مش الغيباني ... اللعبة أهي تاني

- تصدق إنت فعلاً نبهتني بعدم زيارة مواقع الصرف الصحي دي .. لكن للأسف مشكلتي إني بأشجع الرياضة بشكل عام حتى لو كانت الفرق المنافسة وأعني الزمالك والإسماعيلي ... فياريت تدلني على موقع رياضي محترم لهما ما تكونش المجاري ضاربه فيه ... بتكلم جد مش هزار

[Modest]

برضوا ما فهمتنيش أنا عايز اقول إيه يا جنرال !!!!

إحنا الاهلاوية أول ناس بنفتح مواضيع على سبيل الدعابة بعد هزيمة الزمالك وموضوع " أكفل زملكاوي يكفيك شر البلاوي " شاهد على ذلك ...

يا عمّنا لو أقصدك انت هارفع سماعة التليفون و أقول لك اللي في نفسي و اخليك تدفع حق المكالمة كمان smk:

و ارجع بص على مداخلاتنا سوى في المواضيع المذكورة و كمان المواضيع اللي الأهلي شرّف فيها مصر كانت مداخلاتي شكلها إيه.. يا راجل ده أيام ماتشات الأهلي في اليابان السنة اللي فاتت كنت فاتح التليفزيون و المحاورات و باعمل update للنتائج أول بأول و يوم ماتش الصفاقسي حمّلت هدف أبو تريكة و حطيته في المحاورات.

و ان كنت ناسي أجيب لك لينكات تفكرك :lol:

لكن أنظر بعين محايدة للي بيحصل هنا في باب الرياضة و الهجوم الغير معتاد إذا حصل و حد مس سيرة النادي الأوحد أو أي من نجومه الأجلاء و كيف يتم الرد عندما يصل لوصف يعف لساني عن ذكره، ناهيك عن أسلوب الأستاتذة و التلاميذ اللي مش مفروض يكون بين ناس يفترض إنهم بيتكلموا في رياضة.

لكن لما توصل إن الزملكاوية يشجعوا فريق مش مصري ضد أي فريق مصري ويبعثوا برقية رقيقة بتقولهم شكراً لكسركم إحتكار الأندية المصرية للبطولات الأفريقية .... إنت شايف ده طبيعي ؟ وهو لا مؤخذه في دي الكلمة .. الزمالك برضوا مش من الاندية المصرية .. ولا السفارة بقت في العمارة وروحتوا عند ولاد عمنا تقدموا عالجنسة والهجرة إلى أرض الميعاد ؟

لو شايف ده طبيعي ... يبقى بلاش نكمل وتعالى نتحدث عن تحليل مباراة الزمالك وحرس الحدود وخطة طارق العشري أمام كرول

جبت منين في كلامي إني شايف الكلام ده طبيعي

دول مرضى كما أن هناك من الطرف الآخر من هم أمرض منهم و فيه لينكات و فقرات جاهزة من السهل إحضارها و أضافتها للموضوع لكن ليه!!.

وطالما أتكلمنا عن المباديء .. يبقى حضرتك إتفرج على الماتش تاني برواقة وشوف من بداية المباراة خالص وفي الدقائق الأولى حركات الأصابع والأيدي من لاعب النجم ضد مدافعي النادي الأهلي وخصوصاً احمد السيد اللي الكاميرة ركزت عليه في أخر المباراة وهو يسب مهاجم النجم - وهو مخطيء ويستحق العقاب من ناديه الاهلي على الأقل - مع العلم غن نفس المهاجم ده هو اللي هراه حركات .. ده غير اللي الكاميرا ما جابتوش وإنت نفسك راجل رياضي قديم وأدرى بحركات التوانسة ودول المغرب العربي اللي لا يتوانوا عن القيام بكل ما هو غير أخلاقي حتى لو خارج أرضهم .

حركات التوانسة معروفة طبعاً لكن العيب علينا و احنا أصحاب الخبرة الدولية و بقية الكلام اللي حفظناه عن ظهر قلب إننا نتوتر و احنا أصحاب الأرض و الجمهور و الخبرة.

ومبروك عليكو يا سيدي هزيمة الاهلي .... وعقبال يارب ما نبارك لكم بفوز الصفاقسي على الهلال السوداني وصعوده لمباراة السوبر ..

الله يبارك فيك :D

----------------

نيجي للجد بقى

هانقعد نتكلم و نعيد و نزيد مع إن سبب هزيمة الأهلي معروف .. و الجايزة تأبيدة بعد محاكمة عسكرية عادلة للي يقول السبب :lol:

أوروفوار

[Modest]

حبيبنا الغالي والزعيم العالمي للزملكاوية الجنرال موديست :

مداخلتك عسل × عسل :lol:

حبيبي كوكو .. واحشني جداً

مش عايزين مشاكل الله يكرمك :lol: .. خلي الشماتة في الرسائل الخاصة smk:

[م.سامح المصرى]

والله انا رأي من رأي سي السيد

يعتبر السبب الاساسي لهزيمة الاهلي هوا سوء التحكيم

دا لو مش هانتكلم عن مستوي الاهلي الي يعتبر انه لعب افضل من النجم

ضربتين جزاء لا يختلف عليهم اتنين

وغير كدة انظاراته وكرة الشرميطي الي لمذها بايديه وما اداهوش حاجة

دا غير سفالته وقلة ادبة

بس يا استاذى (سي السيد ) انا الصراحة رأي ان احمد السيد ما يتعاقبش لية

لانه من اول المتش والشرميطي عمل كام حركة قذرة بصباعة واحمد السيد ما ردش علية

بس في اخر المتش شوفت الي حضرتك قلت علية

بس علي ما اعتقد انه طول المتش اتخذ معاه الاسلوب القذر دا

فاحمد السيد لو اي واحد مكانه مش هايسكت ضد استفزاز وسفالة الشرميطي

بس الاسلوب الي سلكة احمد السيد هوا الي غلط

بس الي استعجبلة جمهور الاسماعيلية بعد المتش مسك علم النجم واعد يهيص ويعيش هما مش مصريين ولا اية

وعندنا في ميت عقبة بقي ما اقولكش الجون التاني جيه سمعت صياح بيد جدا (ما بسمعهوش اساسا في مبارياتهم ) كان اسرائيل هيا الي كانت بتلعب

بس الحمد لله

وما طار طيرا وارتفع إلا كما طار وقع

بس الاهلي ما يعتبرش وقع اوي يعني المركز التاني ودي بطولة واحدة لسة باقي البطولات

بس كويس دلوقتي عالميا لما يقولو مصر بيفتكر الاهلي صاحب اكتر بطولات وصاحب الارقام القياسية

وحاجات تانية طبعا

والسلام ختام

[yasovinas]

رغم حبي للاهلي وطبعا لانه فريق مصري كنت باتمنى ولو في جزء صغير في عقلي الباطن انه يخسر امبارح فقط حتى ارى هذه الشخصيات العزيزة والغاليه التي لم اقرأ لها من مده كبيرة والتى اختفت مع الايام من على النت عموما ومن المحاورات خصوصا واخص بالذكر الساده كبار عموم مشجعي الزمالك كوكوواوا والجنرال موديست رضي الله عنه والغالي داروين ويرافقه من الحزب الاحمر س س

مش مهم ايه اللي يتقال بس المهم اني اقرا لكم واستمتع بخفة دمكم

بس الحقيقة تتقال الاهلي لعب وكان ممكن يفوز لكن وكما قالها الحاج مصطفى كامل منذ موقعه كوتوكو باستاد القاهرة من ييجي عشرين سنه

(ليه يا حسني ليه !!!!!!!!!!!!! الاهلى عمل لك ايه ؟؟؟؟)

[DARWEEN]

بس الحقيقة تتقال الاهلي لعب وكان ممكن يفوز لكن وكما قالها الحاج مصطفى كامل منذ موقعه كوتوكو باستاد القاهرة من ييجي عشرين سنه

(ليه يا حسني ليه !!!!!!!!!!!!! الاهلى عمل لك ايه ؟؟؟؟)

والله يا ياسو يا اخويا ساعات اقعد افكر في الموضوع ده ....

معقول الراجل بقاله 26 سنه ومش واخد باله ؟؟؟

طيب يا جماعه حد يقوله

[se_ Elsyed]

ياريت الأهلي كان أتغلب من زمان عشان ترجع تنور تاني يا ياسو

إنت فين يابني .. كنت في معتلق المغول ولا إيه ؟

مع

قول الراجل بقاله 26 سنه ومش واخد باله ؟؟؟

يابا الحاج داروين والله الراجل صعب عليه إمبارح لإنه طول الماتش قاعد مهيس وغايب عن الوعي خالص ....

يالله البطولة الجاية إن شاء الله نوجه الدعوة لآبيه جمال وأهي تبقى كملت

[محمد عبدالعزيز]

من أهم إنجازات الرئيس مبارك فى الحقبة المباركة: فوز نادى النجم الساحلى بلقب دورى أبطال أفريقيا لكرة القدم للمرة الأولى فى تاريخه؛ تاريخ النادى طبعاً.

[ديناميت تحت الكرسى]

طيب ازاى يعنى مين الى يقول ان المتش للنجم مين مين :lol:

انا انبارح بقول والله حرام نخسر المتش والله حرام وفعلا حرم نخسر ازاى نخسر واحنا الى المتفوقين ازاى

من اول دقيقة فى المتش والاهلى كاسح النجم مخلية فى نص ملعبة مش بيخرج خطوة واحدة

وفى الاخر النجم يغلب سبحان الله

على العموم مش مشكلة فيها اية يعنى لما الاهلى تروح علية بطولة زى دة ولا يهمة فى اى شىء

الاهلى بطل دورات وطول عمرة مفرحنا ومخلينا طايرين بية للسما

وبعدين فى الاخر هقلك

( الاهلى عمهم وحابس دمهم ) وعلى راى المثل الى خايف يروح الاهلى جى بيطوح

[kokowawa1979]

حبيبنا الغالي ياسو - منور المحاورات .

إنت جبت للأهلوية الخلاصة والتي كانوا يشعرون بها جميعا قبل بداية المباراة والتي أتحدى أي أهلاوي أنه لم ينطق بها أمامن ذويه حينما رأى اللي بالي بالك في المقصورة !!!

حبيبي الغالي س.س : صدقني أنا شفت اللعبة مرة واتنين وتلاتة الكرة بعد ماخرجت للكورنر - القديس رمى نفسه بالطريقة الفاروقية :lol: ونسى إن الحكم مش من آل الغندور :lol:

أما بالنسبة لاستفزاز لاعبي تونس للاعبي الأهلي فقد كان يجب على لاعبي الأهلي عدم إعطاء رد فعل للاستفزاز !!! وإلا يجب علينا ألا نلوم شيكابالا على مافعله مع جماهير الأهلي التي اعترضت على خلق الله لشيكابالا ببشرة سمراء وإهانتها لخلق الله بطريقة بشعة ومتخلفة !!! ومع ذلك تم إيقاف شيكابالا 3 مباريات لإنه فعل أقل شيئ كرد فعل على تصرفات جماهير جاءت بهتافات أقل مايقال عنها أن البيارات إياها تلفظها من شدة رائحتها ال........

أما حركات الأصابع التي كان يشير بها فهي كانت ثلاثة لأسفل وليس واحدا وهي تعني لقد جئنا لنهزمكم بالثلاثة - لاأكثر فلماذا فسرها أحمد السيد على محمل سيء

وياعم س.س أرى أنك مصاب بداء تعذيب النفس لأنك كييف الدخول إلى مواقع الزملكاوية والاسماعيلاويةsmk: وتعلم كل مايجري فيها بدليل مقتطفاتك منها دائما مع إنهم يقولون الحقيقة بلا مواربة!!!

والدليل أن المقتطفة التي أحضرتها كانت تشمل الزمالك بجانب الأهلي ولم تذكر الأهلي فقط !!! أما عن اعتذار جماهير الزمالك للجماهير التونسية فده لأن جماهير الزمالك قلوبها تنبض بالقومية العربية وبالطبع الأهلي لايمثل بالنسبة لجماهير الزمالك أحد القوميات العربية - بل هو كيان يتبع الحزب الوطني والحكومة المصرية مش أكتر :D

وده الموقع الرسمي لنادي الزمالك يا حاج س.س : ومالكش حجة عندي بعد كدة طالما إنك تهتم بأخبار الزمالك md2:

http://www.zamaleksc.org

حبيبنا الغالي داروين :

حمدا لله على السلامة - ياريت الأهلي يتغلب كل يوم علشان بتوحشنا في توبيكات الرياضة :lol:

لك منى ول س.س كل تحية وتقدير - فرفشوا كدة وروقوا هو احنا واخدين منها حاجة :lol:

تم تعديل 10 نوفمبر 2007 بواسطة kokowawa1979

[Modest]

هادلق موديست

أنا عايز رد على مداخلتي يا إما هاولّع في التوبيك ده :lol:

.

تم تعديل 10 نوفمبر 2007 بواسطة Modest

[Modest]

رغم حبي للاهلي وطبعا لانه فريق مصري كنت باتمنى ولو في جزء صغير في عقلي الباطن انه يخسر امبارح فقط حتى ارى هذه الشخصيات العزيزة والغاليه التي لم اقرأ لها من مده كبيرة والتى اختفت مع الايام من على النت عموما ومن المحاورات خصوصا واخص بالذكر الساده كبار عموم مشجعي الزمالك كوكوواوا والجنرال موديست رضي الله عنه والغالي داروين ويرافقه من الحزب الاحمر س س

مش مهم ايه اللي يتقال بس المهم اني اقرا لكم واستمتع بخفة دمكم

ياسووووووووووووووووووووووووووو :lol:

ماشفتكش يابني من أيام الديبة إلا مرة واحدة أيام الجارم و بوبو و طلعت و الناس الحلوة دي ..

و الله واحشني يابو الكباتن :lol:

ياريت الأهلي كان أتغلب من زمان

يارب ياخويا يارب

تم تعديل 10 نوفمبر 2007 بواسطة Modest

[se_ Elsyed]

هادلق موديست

أنا عايز رد على مداخلتي يا إما هاولّع في التوبيك ده :lol:

.

يعني مصهلل النهاردة مع إن ميعاد نومك جه يا موديست ؟

وبعدين قبل ما تولع في التوبيك .. هو فين الظابط .... قصدي هو فين السؤال اللي في حاجات بتدلدق ده ؟

نفسي يا موديست يابني قبل أموت أشوف الزملكاوية فرحانين بحاجه تخصهم

يعني يمسكوا الأهلي يرزعوه واحد صفر ... او يتعادلوا معاه في مباراة قوية ويقتنصوا منه نقطة يتقدموا بها إلى المركز الخامس ...أو يهزموا حرس الحدود 2-1 في ستاد المكس ..... لإن فترة الشماتة من بعيد لبعيد طولت قوي ... نفسي أشوفلك أي كرامة يا عفروتو إن شالله تولع في التوبيك بس أفرح بيك وأكيد الاعادي ...

[amrhoras]

هادلق موديست

أنا عايز رد على مداخلتي يا إما هاولّع في التوبيك ده :lol:

.

يعني مصهلل النهاردة مع إن ميعاد نومك جه يا موديست ؟

وبعدين قبل ما تولع في التوبيك .. هو فين الظابط .... قصدي هو فين السؤال اللي في حاجات بتدلدق ده ؟

نفسي يا موديست يابني قبل أموت أشوف الزملكاوية فرحانين بحاجه تخصهم

يعني يمسكوا الأهلي يرزعوه واحد صفر ... او يتعادلوا معاه في مباراة قوية ويقتنصوا منه نقطة يتقدموا بها إلى المركز الخامس ...أو يهزموا حرس الحدود 2-1 في ستاد المكس ..... لإن فترة الشماتة من بعيد لبعيد طولت قوي ... نفسي أشوفلك أي كرامة يا عفروتو إن شالله تولع في التوبيك بس أفرح بيك وأكيد الاعادي ...

اوبـــــــــــــــــــــــــــــــــــا وجول وجول وجول

هى دى الروح الرياضيه بس بصراحه يا أ/ مودسيت والشهاده لله أ/ سي السيد قال كلام كبير اوى فى الزملكاويه ياترى ايه ردك على هذه المداخله يافندم

يجماعة الخير انا جاى اهدى النفوس

وانزل بتتر ولعها ولعها :lol:

عمرو

[DARWEEN]

يا سي السيد ... أنت بتحلم ولا أيه

ده بقاله ييجي 9 سنين واعدني أنه يرد لي الكابتشينوهات ( جمع كابتشينو ) اللي عليه يوم الزمالك ما يغلب الأهلي :bro:

وطبعا عشم أبليس في الدوري :aslam:

ودور يا داروين حتى على بق ميه ساقعه pps:

أهما كده ما تسمعلهمش حس غير لو الأهلي ( البطل ) خسر ماتش yaw:

[Modest]

أنظر الشكلين رقم20 و 25.. أقصد المداخلتين :aslam:

لو مُصرين إن الموضوع شماته يبقى من الأفضل نعلّق يافطة ممنوع دخول غير الأهلوية لباب الرياضة.. و اليافطة فعلاً موجودة من فترة لكن ما أخدتش بالي منها و انا داخل النهاردة و عشت في الدور بتاع الأيام الخوالي لما كنّا بنقلب المناسبات دي هزار yaw: ... كان أمَلي حد ياخد باله و يشيل اليافطة لكن اللي بيشوفها بيثبتها بمسمارين أحسن تقع :bro:

فاكرين لما كان الباب يسع الجميع و فاكرين لما كنا بنهزر في باب الرياضة و بنتّريق على نفسنا قبل غيرنا؟.. كانت أيام حلوة و الله pps:

[amrhoras]

اخوانى المحاورين الكروييييين

دى رياضه يعنى احلى روح رياضيه

يعنى ممنوع منعا باتا التعصب وكلنا اخوه اهلاوى او زملكاوى او حتى شيبساوى فى الاخر اخوان بتشديد النون

اخوكم الزمهلاوى عمرو