النجم الساحلي يسحق الأهلي

[رمضان]

لابد من محاكمة جماهير الاسماعيلية بتهمة الخيانة العظمى وذلك بسبب رفع علم تونس على ارض مصرية

كان لابد لهم ان يرتقوا فوق الاحقاد ويرتقوا في كل شيء على الاقل امام العالم فما حدث منهم غلطة لن تغتفر ولن يرحمهم التاريخ جراء ما فعلوه

[أبو محمد]

أخونا الفاضل أبو محمد :

ياترى رأيك إيه في اللي قاله شادي محمد وأحمد السيد للاعبي تونس !!! وشكرا لك على الموقع الجديد الذي لم أكن أعلمه للزمالك - أنا عموما حفظته :bro:

فى الحقيقة أنا ما سمعتش شادى محمد .. لكن شفت أحمد السيد وهو بيشتم شتيمة صامتة (بانتومايم) .. ومن حركات شفايفه قدرت أعرف كان بيقول إيه للولد القبيح تلميذ جونيور ... وأنا شايف إن أحمد السيد لازم ينضم لفصل الألفة عمرو زكى .. وأنا أوافق سى السيد تماما إن النادى الأهلى مفروض يوقع عليه عقوبة زى اللى وقعها الزمالك على عمرو زكى .. يعنى يوقفه إلى نهاية بطولات أفريقيا لهذا الموسم yaw: ..

بجد فعلا أنا لا أوافق على أى قلة أدب .. واللى حيطققنى إن الاتحاد الأفريقى نزلت عليه الحضارة والتمدين وأصبح لا يأخذ بما يظهر على شاشات التليفزيون طالما أن الحكم كان بيعطس ولم يشاهد قلة الأدب ولم يدونها فى تقريره .. اللى بيظهر فى التليفزيون شئ ثابت وبيشاهده ملايين البشر .. :aslam:

[عصام أبوالفتح]

من ساعة ما قريت خبر الدعوة الرسمية اللى وجهها النادى الأهلى للرئيس وأنا قلبى واكلنى وقلقان ..

بعدين لما أعلن عدلى القيعى عن بيع 54 الف تذكرة فقط ... قلقت اكتر .. الدرجة التانية كلها اتلغت

وكمان التذاكر خلصت هوا

بصرف النظر عن السبب المعلن وهو سبب واه من وجهة نظرى .

يعنى حسيت ان الترتيبات الامنية المرتبطة بالدعوة الرسمية ستؤثر على الحضور كماً ونوعاً وعلى نفسيات الاهلى واللعيبة .

ورفضت جهات الأمن اعتماد تذاكر الدرجة الثانية التي أصدرها الأهلي لهذا السبب. وتُطرح تذاكر اللقاء يوم الاثنين.

وكانت المباراة ستقام في ملعب الكلية الحربية ولكنها نقلت إلى استاد القاهرة بناء على طلب من الأهلي وموافقة المشير محمد حسين طنطاوي القائد العام للقوات المسلحة.

راجعوا ايه اللى حصل فى ماتش برشلونة اللى كان فيه مائة ألف على الرابط ده

وهذا رابط من نفس الموقع للتعليق على ماحدث بالمباراة و الموقع محجوب بمصر على فكرة

http://www.saveegyptfront.org/news/?c=170&a=11492

عموما درس للأهلى .. علشان يفهم بعد كده ان جماهيره أهم سبب للفوز .. وميقدمش تنازلات

واللى خايف ميجيش .

[أبو محمد]

لا أتصور أي تعبير عن الفرحة لهزيمة الأهلي أمس .. أنا مثلاً "كأحد الزمالكاوية" أعطيت لأبنائي محاضرة في الوطنية و كيفية مساندة أي فريق مصري عندما يلعب في أي بطولة غير محلية و انعكست هذه المحاضرة على تشجيعهم الجنوني للأهلي أمس و هم الزمالكاوية ( زمالكاوية بسُلطة الأب... بالعافية يعني :bro: ).

بصراحة يامنعم إنت كأنك بتقول اللى فى قلبى .. إنت كده مش "عبد المنعم دى صبرى" بتاع كابتن كريمة كركر .. إنت "عبد المنعم دى مصرى" اللى كرامته وكرامة بلده لسه بخير جُوّاه .. والظاهر يامنعم يابنى إن بعدك عن المحروسة اليومين دول خلاك ما بتشربش المية بتاعتنا اللى إسرائيل أكيد حاطة فيها حاجة بتروح دايركت على مراكز الوطنية فى الأمخاخ بتاعة اليومين دول :aslam:

[أبو محمد]

بس الحقيقة تتقال الاهلي لعب وكان ممكن يفوز لكن وكما قالها الحاج مصطفى كامل منذ موقعه كوتوكو باستاد القاهرة من ييجي عشرين سنه

(ليه يا حسني ليه !!!!!!!!!!!!! الاهلى عمل لك ايه ؟؟؟؟)

والله يا ياسو يا اخويا ساعات اقعد افكر في الموضوع ده ....

معقول الراجل بقاله 26 سنه ومش واخد باله ؟؟؟

طيب يا جماعه حد يقوله

ياسو .. أبو اسكندر .. زينة أبو احمدات اسكندرية

أبو الدراون .. حمد الله على السلامة ياريس yaw: كده أحسن عشان انت حبيبى :bro: ..

شوفوا بقى يا خوانا .. واحد صاحبى من أنصار نظرية المؤامرة بيقول إن ده كان الرد الزمالكاوى على عملية الأهلوية بتاعة زرع رأفت الهجان (قصدى مرتضى منصور) خلف خطوط الزمالك .. حتى جربوها فى مباراة الأهلى وبرشلونة وجابت نتايج هايلة :aslam:

[yasovinas]

ايوة كده والله منورينا انا بشكر السيد اللواء مدير الامن وعم حسن بتاع غرفة ملابس حمام السباحه والسيد دكشة اللي واقف على بوابة الاستاذ نمرة 15 اللي مقفوله على طول

وطبعا السيد الريس وكمان الحكم المغربي الراجل بصراحه عمل انجاز يكتب له في سجله في اخر ايامه يعني حكم 3 نهائيات للاهلى خرف في واحده وكان كويس في اتنين مش مشكله بس انا بجد فرحان علشان اللمه الجميله دي

اقول ايه معلش دعوة واحد شرير بس بيحيكم كلكم

عقبال ما نتلم في بطولة افريقيا :aslam: :bro: yaw:

[Ahmad Farahat]

أنا مش متغاظ غير من عم جوجل بوت

قاعد يتفرج علينا ومعرفناش

هوا أهلاوي ولا زملكاوي

شكله مبيحبش الكورة يا جماعة

[أبو محمد]

يا لاّ بقى يا جدعان ..

عايزين نشوف بقى كمال حسنى وماهر العطار وباقى الجماعة اللى كانوا بيغنوا ظلموه .. وبيقولوا إن عبد الحليم حافظ كان بيحاربهم ومش سايب لهم أى فرصه لإنه مجند الإعلام ، والمسئولين فى الإذاعة وبالذات فى أضواء المدينة بتاعة جلال معوض وكمان كان مطرب الثورة ... وهو فى الحقيقة مطرب فاشل .. ليس عنده أى إمكانيات تؤهله للتربع على عرش الغناء غير سيطرته على الإعلام ونفوذ المسئولين

أهو عبد الحليم يا ولداه سقط .. وسابها لهم مخضرة .. يورونا بقى الهمة ...

من يوم ما سقط العندليب يا ولداه وما شفناش غير العيال اللى بيلموا الدودة وكل واحد منهم فاكر نفسه مطرب يعبى له شريط وكام فيديو كليب وأفلام من نوعية "سيد العاطفى" .. اللى "البطل" بيغنى فيها .. كل مرة أشوفك فيها أبقى نفسى آ .. آ ... آ

الله يرحم أيام "شارع الحب" :bro: ...

فاهم عمك جادوليو يا منعم ؟ :aslam:

[Modest]

و الله يا عم جادوليو أنا حاسس إن انت اللي هاتنصفني لما تسمع حكايتي wst::

غُلُبت أتكلم عن نفسي و عن وطنيتي في هذه المناسبات :blink: .. قوم إييييييييه .. ألاقي اقتباسات لكلام لم أنبس به :aslam: و اتهام مُعلب لمثل هذه الظروف بالشماتة :cry:

عموماً إذا كانت الشماتة هي إن الواحد يقول عيب البصق "يعععععععع " على المنافس و عيب نجيب الواد اللي حامل الكاس من قفاه و نطرحه أرضاً في حضور رئيس الجمهورية و الأمن و الصحافة و التليفزيون .. يعني المصيبة إن الكلام موثّق و الفضيحة بجلاجل.. حتى لو مش في حضورهم فهي برضه فضيحة لبلد هي بلدي مش فضيحة نادي يشبع به مشجعيه.

إذا كانت هذه هي الشماتة فأنا شمتان جداً.

خلاصة كلامي إني حبيت الرد يكون على ما قلته، مش أقول عملت ليه كده يا "زيد" يقوم يترد عليا أصل "عبيد" عمل و عمل و عمل.. و انت سيد العارفين بقى يا عم جادوليو :sad:

إذا كان نادي المباديء بيبصق "يعععععع تاني" على منافسه يبقى احنا "الرعاع" مفيش حرج لما نعمل أي بلوى :bro:

بمناسبة نادي المبادئ عندي مبدأ صغنن كده أحب أضيفه yaw: .. فوجئت أول امبارح قبل الماتش بتاع 3/1 (حتة شماته pps: ) بحوالي ساعة على قناة "الساعة" كان فيه حديث مع هشام صالح سليم و واحد من المشاهدين سألُه لماذا لا ترشِّح نفسك لرئاسة النادي الأهلي اعتماداً على حب الناس للكابتن صالح سليم .. طبعاً مع اعتراضي على السؤال لكن فوجئت ان هشام سليم ليس عضواً بالنادي الأهلي و أنه لم يكن يحتاج العضوية أيام والده لأن الوالد رحمة الله عليه كان رأيه إنه إذا حب يروح النادي كتير يبقى يقدّم على عضوية و الإبن كان بيروح النادي أيام الوالد لكن لم يقدّم على العضوية أيامها .. بصراحة احترمت الأب لهذا الرأي .. لكن اللي حصل إنه قدّم على العضوية أكثر من مرة بعد وفاة الوالد و لم يكلّفوا نفسهم بمجرد الرد عليه .. على هشام صالح سليم.. ابن القائد الرمز.. بصراحة و نعم الوفاء للراحل اللي علّّمهم المباديء..

الحديث مُسَجِّل عندي على فكرة.

أما بقى عن ماهر العطار و كمال حسنى و زكي جمعة فعبد الحليم كان يتميز عنهم إنه كانت خلفُه كتيبة إعلامية بتشوف مميزاته و تسلط عليها الأضواء و تشوف عيوب التانيين و تسلط عليها الأضواء برضه أو تمنع عنهم الأضواء خالص وقت اللزوم لما يعملوا حاجة كويسة.. مع الاعتراف إن عبد الحليم كان صوته حلو ;)

أنا إيه اللي جابني هنا تاني :lol:

[أبو محمد]

والله يا فنان أنا معاك 100% .. الأدب كل لا يتجزأ .. وقلة الأدب كل لا يتجزأ .. ما ينفعش أقول على واحد إنه مؤدب بس ما عندهوش أدب .. وما ينفعش أقول على واحد إنه قليل الأدب بس على فكرة هو مؤدب .. ولكن يمكن أن نلوم المؤدب ونقول إنه وقع فى خطأ ونعذره إذا استفزه واحد قليل الأدب .. زى انت ما قلت بالضبط ، وأنا أوافقك على توجيه اللوم لأحمد السيد كما لمنا جميعا اللآعب المؤدب الفنان حازم إمام عندما استجاب لاستفزاز لاعبى السعودية فى مباراة الخمسة الشهيرة فى كأس القارات .. لا يختلف إثنان أن حازم لاعب فى غاية الأدب والأخلاق .. وعذرناه بعد أن لمناه على استجابته للاستفزاز مما نتج عنه أن يلعب منتخبنا ناقصا 3 لاعبين ...

خلاصة كلامي إني حبيت الرد يكون على ما قلته، مش أقول عملت ليه كده يا "زيد" يقوم يترد عليا أصل "عبيد" عمل و عمل و عمل.. و انت سيد العارفين بقى يا عم جادوليو

دى بقى آفة متغلغلة فى أغلبنا .. علشان كده إحنا مش بنوصل لقرار فى أى قضية بناقشها .. حتى مش بنوصل إلى تحديد للمواقف فى أغلب مناقشاتنا اللى بنبدأها لتبادل الأفكار وليس للاتفاق على رأى واحد .. المناقشة بتبدأ بشئ وبتنتهى بشئ تانى خالص .. بتبدأ لمناقشة آراء مختلفة وتنتهى فى الغالب بزعل وقمصة وانسحابات من المجتمع اللى بيناقش .. واللى مش مصدقنى يتصفح مواضيع المحاورات .. أهى قدامنا ومش حنروح بعيد ..

أما بقى عن ماهر العطار و كمال حسنى و زكي جمعة فعبد الحليم كان يتميز عنهم إنه كانت خلفُه كتيبة إعلامية بتشوف مميزاته و تسلط عليها الأضواء و تشوف عيوب التانيين و تسلط عليها الأضواء برضه أو تمنع عنهم الأضواء خالص وقت اللزوم لما يعملوا حاجة كويسة.. مع الاعتراف إن عبد الحليم كان صوته حلو

زى ما الأدب وقلة الأدب كل لا يتجزأ .. برضه النجاح كل لا يتجزأ .. منظومة يعنى .. أنا متأكد إنك أصبحت زمالكاوى فى الستينيات .. أيام ما كان الزمالك يتمتع بمنظومة النجاح .. من إدارة جيدة إلى لاعبين موهوبين إلى جمهور متحمس .. كل ذلك بالإضافة إلى فيلق إعلامى من الكابتن لطيف وولده ابراهيم إلى آل الزمر إلى فهمى عمر إلى صلاح زكى إلى ناصف سليم إلى محيى الدين فكرى ........ منظومة للنجاح يا منعم .. مش بس لاعيبة كويسين وجماهير متحمسة .. كمال حسنى وماهر العطار كانوا مطربين جيدين وكان لهم حمهور برضه .. كانوا شاعرين بالظلم وكان جمهورهم متعاطف معهم وضد غول النجاح اللى اسمه عبد الحليم اللى كان عارف بذكائه الفطرى إن النجاح مش مجرد صوت جميل وأداء فنى ما يخرش المية ... بلاش ماهر العطار وكمال حسنى .. خد عندك عمالقة زى محمد قنديل وكارم محمود اللى كانوا معاصرين لعبد الحليم .. لن أقول إنهما كانا مطربين جيدين بل هما كانا فلتات صوتية بالقياس بصوت عبد الحليم .. ولكن لم يمتلكا مقومات النجاح التى امتلكها عبد الحليم وامتلك بها قلوب الملايين .. وبرضه حنروح بعيد ليه ؟ .. محمد الحلو وعلى الحجار واحمد ابراهيم .. دول شئ وعمرو دياب شئ آخر .. صحيح لهم جماهير (أقلهم أحمد ابراهيم) لكن عمرو دياب غول واكلهم وواكل عقول الولاد والبنات

لم تقم القيامة بعد يا صديقى ، فنحن ما زلنا فى الدنيا .. والدنيا قائمة على الظلم .. لو ما فيهاش ظلم تبقى القيامة قامت ودخلنا الجنة .. الجنة هى المكان الوحيد اللى ممكن نعيش فيه وما يكونش فيه ظلم (ربنا يوعدنا جميعا) .. لذلك أنا لم أعط أهمية كبيرة لظلم الحكم للأهلى .. لإن الأهلى برضه استفاد من ظلم الحكام لأندية أخرى .. وكل الأندية بتستفيد من ظلم الحكام لخصومها ، ولكنها للأسف تنسى ذلك عندما تتعرض هى للظلم .. الظلم موجود وهو ما يعطى للدنيا أهم مميزاتها .. فهى دنيا (بمعنى سفلى) وليست جنة .. ولن تكون

" ... وَلَوْلاَ دَفْعُ اللّهِ النَّاسَ بَعْضَهُمْ بِبَعْضٍ لَّفَسَدَتِ الأَرْضُ وَلَـكِنَّ اللّهَ ذُو فَضْلٍ عَلَى الْعَالَمِينَ"

والناس الذين يدفع الله بعضهم ببعض منهم الظالم ومنهم المظلوم .. ولا يظل الظالم ظالما إلى الأبد .. ولا يظل المظلوم مظلوما إلى الأبد

شفت بقى إحنا بندخل نناقش إيه وننتهى بمناقشة إيه ؟ مش بقولك ؟ حيجننونى (وش عبد المنعم مدبولى)

[justtrying]

لابد من محاكمة جماهير الاسماعيلية بتهمة الخيانة العظمى وذلك بسبب رفع علم تونس على ارض مصرية

كان لابد لهم ان يرتقوا فوق الاحقاد ويرتقوا في كل شيء على الاقل امام العالم فما حدث منهم غلطة لن تغتفر ولن يرحمهم التاريخ جراء ما فعلوه

إذن على هذا الأساس يا استاذي العزيز لابد من محاكمة بل وإعدام إنيس بو جلبان لارتكابة خيانة عظمى واللعب بكل ما اوتي مع الأهلي ضد الفريق التونسي !!!!!!!!

أمركم غريب .. صحيح نادي الحكومة

اتفضلوا اقروا عشان تتأكدو بنفسكم أنها ماشية على كيف الأهلي والأهلي فقط !!!

خاص: اعتذار أبو تريكة وبركات ومتعب عن المشاركة فى الدورة العربية

0 يوم 13 ساعة 29 دقيقة

ملخص

فى مفاجأة غير متوقعة للجهاز الفنى للمنتخب الوطني لكرة القدم تقدم ثلاثي الأهلي محمد أبو تريكة ومحمد بركات وعماد متعب باعتذار إلى حسن شحاتة المدير الفني للمنتخب

فى مفاجأة غير متوقعة للجهاز الفنى للمنتخب الوطني لكرة القدم تقدم ثلاثي الأهلي محمد أبو تريكة ومحمد بركات وعماد متعب باعتذار إلى حسن شحاتة المدير الفني للمنتخب عن عدم المشاركة مع الفريق فى دورة الالعاب العربية التى يقام حفل افتتاحها مساء الأحد بإستاد القاهرة.

وأرجع لاعبو الأهلي هذا الاعتذار إلى الحالة النفسية السيئة التى يمرون بها بعد الخسارة الثقيلة التى منى بها الاهلى من النجم الساحلي التونسي في إياب الدور النهائي لدوري الأبطال الإفريقي وضياع اللقب الإفريقي، وضياع حلم التأهل إلى مونديال الأندية باليابان للمرة الثالثة على التوالي.

وكان الثلاثى ابو تريكه ومتعب وبركات قد توجهوا إلى مقر إقامة الفريق بأحد فنادق مصر الجديدة السبت، وبدلا من التوجه مع الفريق الى بورسعيد لاقامة معسكر قصير هناك قبل انطلاق المباريات الرسمية للدورة، فوجئ الجهاز الفنى للمنتخب بطلب اللاعبين ولم يجد ما يفعله سوى إبلاغ مسئولي اتحاد الكرة بهذا التطور مع منح اللاعبين راحة لمدة 24 ساعة قبل اتخاذهم قرار نهائي بشأن المشاركة مع المنتخب فى الدورة من عدمه!.

تم تعديل 11 نوفمبر 2007 بواسطة justtrying

[se_ Elsyed]

فى مفاجأة غير متوقعة للجهاز الفنى للمنتخب الوطني لكرة القدم تقدم ثلاثي الأهلي محمد أبو تريكة ومحمد بركات وعماد متعب باعتذار إلى حسن شحاتة المدير الفني للمنتخب

فى مفاجأة غير متوقعة للجهاز الفنى للمنتخب الوطني لكرة القدم تقدم ثلاثي الأهلي محمد أبو تريكة ومحمد بركات وعماد متعب باعتذار إلى حسن شحاتة المدير الفني للمنتخب عن عدم المشاركة مع الفريق فى دورة الالعاب العربية التى يقام حفل افتتاحها مساء الأحد بإستاد القاهرة.

الصلاة عالزين .. ااصلاة عالزين .. جيبت الكلام داهوه منين ؟

خد موقع الاهي الرسمي يا ريس

أبو تريكه ومتعب وبركات مع المنتخب خلال يومين

عارف ليه كمان

عشان

في اجتماع بعد منتصف الليل: تعديل جدول مباريات الكرة.. بعد اعتذار فلسطين

اعتذر المنتخب الفلسطيني لكرة القدم في آخر لحظة من الموعد المحدد عن عدم المشاركة في الدورة العربية للألعاب الحادية عشرة ذلك بسبب عدم موافقة قوات الاحتلال الإسرائيلي علي خروج اللاعبين من غزة وعددهم 16 لاعباً.. مما أربك حسابات اللجنة المنظمة مرة ثانية ولكن تم عقد اجتماع ضم في عضويته ممثلون من الاتحاد العربي للألعاب الرياضية والاتحاد العربي لكرة القدم والاتحاد المصري للعبة واللجنة المنظمة للدورة وامتد الاجتماع حتي بعد منتصف الليل وأسفر عن إقامة المنافسات كما هي في مجموعتين بعد رفع اسم فلسطين من المنافسات وتم عمل جدول المنافسات علي النحو التالي:

13/11/2007 الإمارات * ليبيا

14/11 السعودية * السودان

15/11 مصر * الإمارات 16/11

السودان* الكويت

17/11 مصر * ليبيا

18/11 السعودية * الكويت

أصل كانت أول مباراة لنا مع فلسطين يوم 13 ولما أتلغت يبقى ما فيش مانع ياخدوا لهم يومين أجازة .. هما مش حديد ..

على الأقل ما عملوش زي عمرو زكي اللي إتهم ناديه صراحةً إنه زور تقرير طبي لمنعه من الإنضمام للمنتخب

[kokowawa1979]

حقيقة ياجنرال موديست وأخونا الزملكاوي المتحمس ( جست تراينج) اللي بيفكرني بشبابي قايمين بالواجب على الرغم من جحافل جيوش الأهلوية في هذا التوبيك إلا أن الكفة تكاد تكون متعادلة

لكن اللي حز في نفسي أكتر إن فضيحتنا بقت بجلاجل في الصحافة العربية المحايدة - وكله بسبب جمهور الأهلي اللي سوأ سمعة مصر في المحافل الدولية والدليل على ذلك قالوا له :angry:

البس الخوذة ياجنرال لاحسن الكرسي يخبط فيك وإنت دماغك غالية علينا قوي - ويمكن ضربة كرسي طايشة من المدرجات تخبط فيك من غير قصد ونقفل بعدها قسم الكمبيوتر والإنترنت في المحاورات ( ألف بعد الشر عليك ياجميل ) :wub:

فرفشوا كدة ياجدعان ماحدش واخد منها حاجة

بعد إذنكم أنا رايح أشوف القديس كاتبين فيه إيه wst::

[se_ Elsyed]

عشان كلامنا يبقى دوكيومينتيد .. وعشان شايف كوكو إبن أبي واوا داخل بيتسحب وبيتفرج على الموضوع تحت اجنحة الظلام المدمس

اهو

ومن موقع مشبوه للاعداء كمان

عمرو زكي يهاجم إدارة النادي اللي والعياذ بالله زملكاوي

[kokowawa1979]

ياعم سي السيد ياحبيبنا الغالي إيه اللي دخل عمرو زكي في الموضوع إحنا بنتكلم على النجم والأهلي والكراسى اللي طايحة في الهوا وبعدين إحنا نادي ديموقراطي بحق ماتنساش دي والدليل وجود مرتضى منصور في السجن من أجل المطالبة بالديموقراطية على مستوى البلد .

والله ياعم سي السيد أنا مبسوط لإنك بترجعني أضحك زي زمان من قلبي من ردودك المشفية :angry:

[احمد هادي]

مقالة بلال فضل

ما الذي فعله بنا الشرميطي ؟

تم تعديل 11 نوفمبر 2007 بواسطة احمد هادي

[ابو محمود]

وللة فى خلقة شئون

تتجمع الأصوات وتنادى بنموت فى حب بلادى ونرى فريق منعزل بل عدة فرق لونها بين البيض والاحمر الخفيف يعنى خط اوبعضآ من الخطوط كانو يلقبون سابقآ بفريق الاجانب وأصبحو بعدها المختلط ومن بعدها فاروق ثم الذمالك كانو يلعبون الكرةمثل باقى البشر وكانت جماهيرهم دائمآ قليلة العدد ولاكنها تتبع التقاليد فى احترام الخصم والمنافس وكانودائمآ يتنافسون بدون حقد اوغل حتى اتت لهم فكرةجهنميةولاكن متأخرةشوية بأنهم خير من يلعب الكرة وليس لهم من منافس فوصفو نفسهم بكل انواع الفخار من مدرسة الى كليةوهندسة وتناسو ان لهم سيد كبير ودائمآ يأتو خلفة فى فى الترتيب ليس فى القطر اللى لممهم ولاكن فى قارتهم وعلى مستوى عروبتهم فتحالفو مع الفشل الذريع وخرجو من كل منافسة كبرى بفضيحة وأصبحو لهم رمز من رموزهم مسجون

وكل من يسلك طريق الى أدارتهم يصفونة بالحرامى وسالت دمائهم فى طرقات النادى وتعالت اصوات لاعبيهم بين شاتم ومقاضى فأصبح لهم سيرة كما سيرة الهلالى وقلت جماهيرم وترك ناديهم كل من ينأى بنفسة ويبتعد عن الأسفاف والفساد ورأينا كبيرهم يجلس أوجد فى درجات الأستاد يشاهد مذلتهم ولايعرف الأسباب فما منهم مشجع الا واصبح ينظر الى منافسة المغوار وأعنى بةالأهلى صاحب الارقام والألقاب وتملكت منة الغيرة والحقد على ذلك المنافس فكلما تعاظمت أنتصاراتة وحطم كثير من الارقام واصبح لة ترتيب عالمى بين اقرانة فى قارات الدنيا فقعد يحسب لة كيف انة يقع فى بطولة او مباراة حتى تكتمل الشماتة ويجتمع بباقى الفاشلين من صفر و خضر شامتين كل همهم ان يقع صاحب الملايين من العاشقين وتجهزلة السكاكين فهيهات لهم من متعصبين واننا غدآ لناظرين فلو ضاعت منا بطولة فنحن اقدر بأن نكسب بعدها بطولات وننظر للامام ونبنى فى صمت

وبلا عدوان فنصيب فى جميع المحافل ويموت من يحقد علينا غيظآ ويخرج الى الشوارع ويحمل اعلام مصر وأعلامنا وهو يبكى حال فريقة وهذا قريب اراة فكلها اسابيع ويبدأ دورى الرابطة الأفريقية ويناير على الابواب وتغيير

الفريق أت فلن يكون لكم الا الحسرة على بطولات لنا هى منكم بعيدة ولنا أكيدة

[se_ Elsyed]

أعتقد إن الموضوع كده اخذ منحنى تاني بعيداً عن الرياضة ... واعني هنا منحنى التهديد والوعيد ...

هذا إستهلالاً لابد وحتماً منه

فبالأمس يا سادة يا كرام كنت اجلس مع أبنائي كأي أب يجلس مع أبناءه يُعلمهم ويرشدهم ويزرع فيهم حب الوطن والوطنية والرياضة الشريفة الأهلاوية البعيدة عن التعصب أو تشجيع زملكاوية أو إسمعلاوية ..

وإذ بي أُفجأ برسالة تهديد قصيرة تصلني على الموبيل ومن مين ؟

من أقرب الناس لي .. ومن صاحبي وحبيبي اللي اكلنا مع بعضينا عيش وملح وياما سهرنا سوا في الفنادق والمطاعم والإستراحات وكنت باعامله زي إبن من ابنائي ..

وهو الفاضل موديست

ويقول في رسالته

" بالنيابة عن نفسي وبالأصالة عن جميع الزملكاوية أناشد السيد الرئيس القائد بحضور جميع مباريات الأهلي " ................. إنتهى

ونسي موديست إن ممكن يكون عنده إخوات اهلاوية صغننين وتصيبهم تلك اللعنة

ونسي إن اهون علينا إنه يدعي إن الضرايب تحجز على النادي الاهلي زي ما علموا في الإسماعيلي أولت إمبارح ولا إنوش يتمنى إن الريس يحضر ماتشتنا ...

ولقد علمت من مصادر مشكوك فيها إن هناك مسيرية مليونية ستتوجه من ميت عقبة بالجيزة سيراً على الأقدام إلى قصر العروبة بمصر الجديدة لمطالبة السيد الرئيس بحضور مباراة الاهلي وبتروجيت والتي ستقام وم 26/11 والتي ستحدد بشكل واضح الفريق الذي سيعتلي قمة الدوري ..... وسيشاركهم في تلك المسيرة جميع بائعي الأنابيب والبوتاجاز واعضاء نقابة التنقيب عن البترول طبعاً مدعومين من جماهير نادي الزمالك ....

لكن هيهات .... ويارب وهما بيقربوا من القصر يقوم رجال الحرس اجمهوري البواسل يضربوهم وهما بيصلوا زي فيلم الناصر صلاح الدين لما كان الجيش بيصلي ووراهم العجلات الحربية المدورة الل هي أساساً البتاعت الخشب اللي بيتلف عليها كابلات الكهربا وكان في ناس واقفي فوق شايفين التتار وهما جايين من ورا وعايزين يضربوا نار عالمسلمين ..

ماشي يا موديست ما كانش العشم وبدل ما تقف جنبي في مصابي الأليم جاي تشمت فيه .. وانا اللي كنت باواسيك بعد كل نكسة للزمالك ..... ونسيت إن من ساعة صداقتنا من حوالي 4 سنين وأنا واقف جنبك في اكثر من 50 ماتش إتغلبتوهم لدرجة إني يئست منك وحاسس إنك وشك وحش عالزمالك ...

ما تحضرنا يا إكسلنس ولا أنت بتدخل تتسحب وتقرأ وتضحك في الخباثة وسايب أخوك موديست طايح فينا وعاملي أهلاوي ومعلق صورة أبو تريكة في أوضتك وتقولي ساحات شعبية ومباريات خماسية ؟

[أبو محمد]

أيوه يا ياسى السيد .. هو بعينه مفيش غيره .. هو بوشه السِمِح ونظراته الذكية (وش رياض القصبجى فى اسماعيل يس فى الأسطول) ...

مش قلتلك ؟ .. عملية زمالكاوية نضيفة ردا على عملية زرع مرتضى منصور وراء خطوط دفاع بشير التابعى ومحمود محمود :lol:

[kokowawa1979]

سي السيد كتب :

ما تحضرنا يا إكسلنس ولا أنت بتدخل تتسحب وتقرأ وتضحك في الخباثة وسايب أخوك موديست طايح فينا وعاملي أهلاوي ومعلق صورة أبو تريكة في أوضتك وتقولي ساحات شعبية ومباريات خماسية ؟

هو الإكسلانس يبقى أبومحمد :lol:

أهو كدة الشغل ياعم الجنرال واللا بلاش اللي مايجيش من الأهلوية بالترغيب نجيبه بالترهيب :lol:

ياأبو محمد ياأمير - محمود محمود راح الاتصالات من زمان- أما بشير فبيمثل حاليا خط الهجوم الأول لأي عدو بيلاعب الزمالك :lol: