النجم الساحلي يسحق الأهلي

[Sameha]

السيد موديست والسيد كوكو واوا ...

... شكرا على الترحيب ومعا نعيد بناء مصر B) ... وكل سنة و الأهلاوية طيبين وبعودة التاسع من نوفمبر ...

و يا ريت ننضم إلى سرادق العزاء وحفلات التأبين المقامة على ضفاف النيل السعيد والتى ستقام كل سنة فى nine eleven بتاعة الأهلى عشان نواسى جماهير المبادئ ...

[ابو محمود]

الى أخوانا الزملكاوية ..... كفايةشماتة .... كلها كام يوم ونشاهد على الطبيعة فريق الزمالك بيحصلة اية

بما اننا خسرنا البطولة الأفريقية نتمنى من اللة ونرفع كفوفنا ونتوسل الية ان تحافظو على منظر وأسم بلادنا عندما تشتركون العام المقبل فى البطولة الأفريقية لأنكم على طول الخط منذ سنوات كسفتونا وتسبب فريقكم فى أمتلاء العيادات الطبية والمستشفيات العامة بعدد كبير من جماهير الذمالك بأصابات منها أرتفاع الضغط والأنهيار العصبى الأغماء والبرى برى وانتشار مرض جلدى وحساسية من اللون الأحمر

[kokowawa1979]

الأستاذ محمود مصطفى كتب :

بما اننا خسرنا البطولة الأفريقية نتمنى من اللة ونرفع كفوفنا ونتوسل الية ان تحافظو على منظر وأسم بلادنا عندما تشتركون العام المقبل فى البطولة الأفريقية

مساء الفل والهنا والسرور على أخونا محمود. ده أولا .

ثانيا : ليست المحافظة على اسم البلد بإنك تاخد بطولة - لكن المحافظة على اسم البلد تعني أن لا يقوم الجمهور بمرمطة اسم البلد في التراب من أجل بطولة يخسرها ناديه !!! والدليل على ذلك الآتي - وهو ما تم عرضه في تليفزيونات أوروبا بعد انتهاء مباراة الأهلي والنجم - وإليك هذا الكليب الذي لم تشاهده على قناة إيه آر تي الأهلوية أو جميع القنوات المصرية سواء المتخصصة أو غيرها وياريت بقى ياأستاذ محمود تقول لي إيه رأيك في إسم البلد وسمعة البلد بعد الذي شاهده الأوروبيون !!!

إليك الكليب :

http://www.BLOCKED77/account/file/298870...CYMPUZpkSXRsyEr

ثم بعد ذلك تحولت إلى محطات الإذاعة وبالذات إلى إذاعة مونت كارلو ففوجئت بأنهم يذيعون أغنية لشعبان عبد الرحيم وبيقول فيها :

انا بكره العرجون.......وبحب سمير عثمان

الاول عنده ضمير...........والتانى بهلوان

اييييييييييه

انا بكره العرجون ...... بيخاف من ربنا

تريكه عمال يمثل........ وهو مش هنا

ايييييييييه

بحب سمير عثمان ...........وعوده وكمان شعبان

حكام ملاكى خالص ........ياما حسبولنا جوان

اييييييييييييه

بحب حمدى شعبان.........ادانا اوفسايد بلن

هى دى الحكام..............تبيع ابوها بشلن

اييييييييييييه

صعبان على الريس.........الراجل جاى عشمان

الاهلى اداله بمبة.........و ودى النجم اليابان

اييييييييييه

الاهلى فى كل حتة..الفرق بتقطعة

وف مصر بالحكام..بيفوز ونشجعة

ايييييييييه

يا اهلي كفاية فضايح ... و ماتضربش الضيوف

جوزيه على بلده رايح ... مدبوح زي الخروف

ايييييييييييييييييييييه

يا حضري بلاش تعيط ... زعلت ماما سوزان

يا تريكه اضحك و زقطط ... بكره تمثل زي مان

يييييييييييييييييييييييه

جمهور الاهلي لايص ... خايف يخسر جوزيه

حدفوا عليه قزايز .... ودلوقت يبوسو ايديه

لييييييييييييييييييه

إضحك ياأستاذ محمود ماحدش واخد منها حاجة .

إوعى تزعل مني .

لك تحياتي

[حسام يوسف]

الله ينور يا عم كوكوواوا

يا رب منتحرمش منك

[حسام يوسف]

وسمعني يا سيدي أغنية " خالتي يا أم زكي .. زكي بيعيط "

المصدر : جميع الوسائل الإعلامية المقروئة والمسموعة

بالعند فيك يا موديست هاغير الموضوع وهاكون إنسان جديد ... وفي بطولة افريقيا اللي جايه خلاص هاشيل حديد ... وهيييييييييييييييه

الأخ سى السيد .....

.... ولو إنى مش عارفة إيه علاقة عمرو زكى و أفاعيله الصبيانية بهزيمة الأهلى المذلة أمام فريق النجم الساحلى وبهدلة الأهلى وجماهيره الغراء أمام فريق من المكافحين wst:: ... بس فكرتنى بصالح سليم صنم الأهلى الأكبر و وثن الجزيرة الأحمر و صاحب مقولة "الأهلى فوق الجميع" لما لطش ميمى عبد الحميد بالقلم ثم بالقفا وشلوت وطرده بره الملعب دون أى تحقيق من إدارة نادى الأهلى الموقرة .....

فكرتنى برضه بالسباب الجماعى لجماهير المبادئ للواد شيكابالا من قلة لا تتعدى التمانين ألف - حوادث فردية طبعا دول يا دوبك تمانين ألف- وعنصرية جماهير الأهلى الوطنية وهى تسب فتى أسمر وتعايره بلون بشرته ونوبيته ونعتت أمه بالزنا ....

فى موضوع عمرو زكى ... دور على المرأة ... قصدى على الأهلى :lol: ... الولد خد عظة و درس من اللى جرى له و لغيره و من تصيد إتحاد الشفايف لإخطاءه و بهدلته إعلاميا من بلاء كاذب و شوبير و المجرى و شاف إن اللعب للزمالك يشبه مقاومة الإحتلال الإسرائيلى بالحجارة .... تحكيم يوك و إعلام يوك و شتائم أهلاوية جماهيرية -قلة يعنى يادوبك عشرات الألوف- فى حماية الحكومة و وكالة الأهرام بينما لاعبى الأهلى الكسر من أمثال شادى محمد و احمد السيد يقولوا اللى هم عايزينه علنا وبدون مسائلة ومستواهم وحش و يتم ضمهم للمنتخب .... شاف إينو يهرب بتخاذله على مدار سنتين وتفرد له صفحات للدفاع عنه ويختمها بإنضمامه للمنتخب و هو لم يلمس كرة لشهور طويلة ..... شاف فلوس وكالة الأهرام و عقود إعلاناتهم نازلة زى السيل على لاعبي الأهلى و شاف جرائم الأهلى المتكررة من تزوير فاضح وتهليب و سرقة أموال عامة وجرائم إغتصاب داخل جدران الأهلى وخناقات بالسنج والمطاوى- بس طبعا كلها مبادئ و بالدااااستور على المرحوم السادات - يتم التعتيم عليها بينما اى خناقة بين عامل الكافتريا و نادل بنادى الزمالك يخرج علينا إبراهيم باشا حجازى و باقى شلة الفساد بعناوين ومنشيتات من عينة" إنهيار الزمالك" و"الزمالك...إلى متى" و " الزمالك واليهود" وباقى المنشيتات اللى بتداعب جماهير الأهلى - قلة منهم طبعا لا تتعدى العشرة مليون :lol: - وتكرس الجهل .........

عموما... من الحكمة التروى فى تناول قضايا الزمالك ولاعبيه من قبل الأهلاوية وحتى و هم بيمروا بمرحلة إنعدام التوازن بعد فضيحة النجم و صدمة الكابوس الساحلى .... لأن كل دول الأهلى بيسرقهم بعد كده زى صديق والسعيد وبيتحولوا إلى أولياء B) .... عشان بس متلحسوش كلامكم كالعادة ....

على فكرة .... بيقولوا الأهلى حيشترى فريق النجم عشان يضمن عدم بهدلته مستقبلا و إتحاد الكرة حيرفع عدد المقيدين بالقائمة إلى 60 لاعب دون التقيد بعدد أجانب زى ما إتحاد عصام عبدالمنعم عمل ....

الله بنور يا أخت سميحة

اهلا بيكى زملكاوية مخلصة

[ابو محمود]

ياعم كوكو صباح الورد الأحمر والفل الأبيض .....

انت زعلان أوى كدة لية...من الحق وبعدين ايةدة ياسيدى انت شفت المقطع دة ولا انت بتشوف اللى يرضيك بس

شفت الجمهور بس ..صحيح زملكاوى ماشفتش اللعيبة بتستفز الجماهير ازى شفت الفرق بين الأهلى والنجم

متشكرين ياعم كوكو وشهد شاهد من أهلها اتفرجو يازمالكاوية اخوكم كوكو فضح نيتكم ... انت شفت ماتش الأهلى وصفاقص تونس بعد الماتش ما خلص تجمع لاعبى الأهلى وسط الملعب ولم يصتدمو بالجماهير او يرموهم بأى شيء انت شفت ياكوكو انت و..د حسام وكل الزملكاوية // صح الشماتة بتعمى صحيح ......

وبعدين مين دة اللى أسمة شعبان دة دة زملكاوى ودة مايهمناش ....

الى كل أهلاوى وكل متربع مع نادية فى الدرجة الأولى من الترتيب الدولى والأفريقى والمحلى الرجاء من حضراتكم الصبر على الشامتين والحاقدين لية بقى لأنة بعد الخسارة الأخيرة من النجم ساد بيننا الحزن فترة ومن كثرة البطولات نسينا ولاكن خرجنا بنتيجة ان اللة يكون فى عون الزملكاوية ويصبرهم !!!! نحن السبب فى جعلهم دائمآ فى حزن ونكد وقهر, بسبب اننا نتسيد الأن الكرة المصرية والأفريقية.. ونعلم اننا السبب فى حل مجالسهم وتفتيت تجمعهم وانفراط عقدهم ..حتى انهم صارو يصارعون على مركزهم المفضل ((الثانى )) كان اللة فى عونهم .. هل تعلمون انكم تتهيأون للدخول فى نادى الستة للمرة الثانية سلام ياكوكو شجع نادى مايكونش غاوى ستات ووووووووووو مع تحياتى

[kokowawa1979]

وآدي آخرة البلطجة :

[font="Arial Black"]البدري وشادي وأحمد السيد مهددون بالإيقاف !

العرجون أدانهم في تقريره .. وخلاف حول ملف الرشوة

وليد الحسيني

ألمح مصدر مسئول داخل الاتحاد الافريقي لكرة القدم "الكاف" إلي ان هناك عقوبات ستوقع علي عدد من لاعبي فريق النادي الأهلي وجهازه الفني وجماهيره بعد الأحداث التي وقعت في لقاء نهائي بطولة دوري أبطال أفريقيا الذي جمع بين الأهلي والنجم الرياضي الساحلي التونسي يوم 9 نوفمبر الماضي باستاد القاهرة.

قال المصدر الذي رفض ذكر اسمه أن الأحداث التي وقعت في لقاء النهائي أثارت استياء مسئولي الكاف. وهو ما أورده حكم اللقاء المغربي عبدالرحيم العرجون في تقريره عن المباراة. حيث أشار إلي وقوع اعتداءات علي حكم اللقاء ولاعبي النجم.

علمت "رياضة الأسبوعي" من نفس المصدر ان حسام البدري مدرب فريق الأهلي والقائم بأعمال مدير الكرة وشادي محمد قائد الفريق وأحمد السيد مدافع الأهلي علي رأس المرشحين لتوقيع العقوبات. بعد أن أدانهم تقرير العرجون الذي أشار فيه إلي تعدي بعضهم عليه بالقول وتعدي البعض الآخر علي بعض لاعبي الفريق التونسي عقب انتهاء اللقاء.

العقوبات لن تتوقف علي لاعبي الأهلي وجهازه الفني بل ستطول النادي بسبب تجاوزات جماهيره التي تعدت بالضرب حسب رؤية عبدالرحيم العرجون علي لاعبي فريق النجم خلال صعودهم لتسلم الميداليات وكأس البطولة. وقد توقع عقوبة مالية علي النادي الأهلي.

كان النادي الأهلي قد أرسل للاتحاد الافريقي لكرة القدم الكاف احتجاجاً لحفظ حقه ضد الحكم الدولي المغربي عبدالرحيم العرجون يتهمه فيه بظلم فريق الأهلي وتجاوز بحق الفريق بدليل تجاهله احتساب ضربتي جزاء لصالح محمد أبوتريكة وأحمد شديد قناوي كانت أي منهما كفيلة بحسم البطولة لصالح بطل مصر.

في الوقت نفسه طالب مصدر مسئول داخل النادي الأهلي بضرورة اغلاق الملف المسمي ب "رشوة العرجون" والذي تم فتحه منذ أيام بإتهام العرجون بتقاضي رشوة من نائب رئيس نادي النجم الساحلي جلال كريفه في باريس وأن أحد الأطباء المصريين صورهما يجلسان علي أحد مقاهي باريس. وهو الحديث الذي يفتقد لكثير من المنطق علي حد قول المسئول الأهلاوي. وأن استمرار هذا الملف ليس في صالح النادي الأهلي.

[محمد عبدالعزيز]

والله إذا كان الخبر ده صحيح يا كوكوواوا فأنا أعتقد إن معظم الأهلوية يتوقعوا من العرجون كل حاجة دلوقتى

وأريد أن أقول له "ليس بعد الكفر ذنب".

ده تشبيه طبعاً أحسن واحد زملكاوى يمسكها لى ذلة ويقول إنى بكفره.

ومن ناحية تانية برضه هو من المنطقى إنه يعمل كده, هو احنا مش عندنا لما واحد طيب يروح يعمل محضر فى القسم ضد واحد بلطجى عشان أذاه, بيقوم البلطجى عامل محضر مضاد فى القسم هو كمان؟ ونشوف نفس مين الأطول بقى.

عادى برضه يعنى مش حاجة جديدة علينا.

[kokowawa1979]

وأثناء تحليق كوكو واوا فوق السماء الفرنسية وجد مقالة منشورة في جريدة لو فيجارو وهي تثبت بالدليل القاطع أن سي السيد زعيم الأهلوية قد قام برشوة الحكم العرجون بدعوته على أكلة عكاوي وكوارع في أحد المطاعم الشعبية بالقاهرة - إلا أنه يبدو أن العكاوي والكوارع كانت مشمومة فجاءت بنتيجة عكسية :wub:

وإليكم دليل إدانة زعيم الأهلوية :

[محمد عبدالعزيز]

يا كوكوواوا حرام عليك

حد يقتبس من جورنال النبأ برضه؟

أفتكر مرة من زماااااااااااان قوى, تقريباً فى بداية صدور الجورنال ده, فكرت مرة أقرأه ولقيت خبر منشور بالبنط العريض كده بيقول إيه؟

"القبض على عمر الشريف فى فلسطين"

اجى بقى يا معلم أقرأ نص الخبر ألاقيهم بيقولوا إن فى واحد "اسمه" عمر الشريف اتقبض عليه فى فلسطين بتهمة مش فاكرها بصراحة لأن الحكاية دى من زمان قوى.

ودى كانت نهاية علاقتى بهذا الحورنال المشبوه والحمد لله.

[kokowawa1979]

هي النبأ واللا لو فيجارو ياأستاذ محمد :lol:

الموضوع ياأستاذ محمد أقسم لك حتة مداعبة صغيرة لزعيم الأهلوية باعتباره أشهر آكل عكاوي وكوارع في مصر - وليس المقصود منها الطعن في العرجون أو إن الأهلوية حبوا يرشوا العرجون . وهو يعني سي السيد كان قابل العرجون واللا يعرفه :lol:!!! :lol: :lol:

تحياتي لك ياأستاذ محمد

[se_ Elsyed]

طب والله فطستني على نفسي من الضوحك يا كوكو وإنا متأكد إنك فطست إنت راخر من الضوحك

حلوه قوي إتعشا عكاوي في أمبابة وفطر فول عند بحه بتاع الناصرية وراح إتغدا كبده عند حوده النتن في السبتية

النبأ دي جريدة لا تُكلف نفسك بلف ساندوتشات طعمية فيها وهي عار إنها تسمى جريدة ...

فإذا كنا نُسمي جرائد الإثارة " جرائد صفراء " فإن النبأ جريدة سوداء

قال العرجون إختصهم هما بحديث خاص دوناً عن كل الخليقة

والعزومة إتكلفت 310 جنيه بالتمام والكمال .... !!!!!! ده كذب طبعاً لإنهم ما جابوش حاجه عن السلطات والتيبس كمان :lol:

[م.سامح المصرى]

الأخ سى السيد ....

.... ولو إنى مش عارفة إيه علاقة عمرو زكى و أفاعيله الصبيانية بهزيمة الأهلى المذلة أمام فريق النجم الساحلى وبهدلة الأهلى وجماهيره الغراء أمام فريق من المكاف... بس فكرتنى بصالح سليم صنم الأهلى الأكبر و وثن الجزيرة الأحمر و صاحب مقولة "الأهلى فوق الجميع" لما لطش ميمى عبد الحميد بالقلم ثم بالقفا وشلوت وطرده بره الملعب دون أى تحقيق من إدارة نادى الأهلى الموقرة .....

اه انا سمعت كدة القصة دي بس حضرتك طالما قولتي حاجة يبقي لازم تكمليها هوا ضربة وطردة برا لية

اولا صالح سليم كان بيخاف على النادي بطريقة رهيبة لدرجة انه لما كان بيلاق اخوة مستواه مش هوا المطلوب كان بيطلعه بره ويغيرة

نرجع بقي للحكاية صالح ضرب ميمي لان محمود حسن لاعب الترسانة الذي يلعب لأول مرة يمر منه بسهولة ومعه مصطفى رياض والشاذلي كبير الهدافين في تاريخ الدوري

وسمعت انه وقف مكانه وساعتها لعبو ناقصين واحد بس شاف مباراه محمود حسن بقي يعدي منه شمال ويمين بس

فكرتنى برضه بالسباب الجماعى لجماهير المبادئ للواد شيكابالا من قلة لا تتعدى التمانين ألف - حوادث فردية طبعا دول يا دوبك تمانين ألف- وعنصرية جماهير الأهلى الوطنية وهى تسب فتى أسمر وتعايره بلون بشرته ونوبيته ونعتت أمه بالزنا ....

زعلانه ان الجماهير شتمته وهوا لما (صابع بصباعه ) لجماهير الاهلى دا ما دايقيش وما نتكلمش عنه دا كدا لعيب زملكاوي مثالي

فى موضوع عمرو زكى ... دور على المرأة ... قصدى على الأهلى ... الولد خد عظة و درس من اللى جرى له و لغيره و من تصيد إتحاد الشفايف لإخطاءه و بهدلته إعلاميا من بلاء كاذب و شوبير و المجرى و شاف إن اللعب للزمالك يشبه مقاومة الإحتلال الإسرائيلى بالحجارة .... تحكيم يوك و إعلام يوك و شتائم أهلاوية جماهيرية -قلة يعنى يادوبك عشرات الألوف- فى حماية الحكومة و وكالة الأهرام بينما لاعبى الأهلى الكسر من أمثال شادى محمد و احمد السيد يقولوا اللى هم عايزينه علنا وبدون مسائلة ومستواهم وحش و يتم ضمهم للمنتخب .... شاف إينو يهرب بتخاذله على مدار سنتين وتفرد له صفحات للدفاع عنه ويختمها بإنضمامه للمنتخب و هو لم يلمس كرة لشهور طويلة ..... شاف فلوس وكالة الأهرام و عقود إعلاناتهم نازلة زى السيل على لاعبي الأهلى و شاف جرائم الأهلى المتكررة من تزوير فاضح وتهليب و سرقة أموال عامة وجرائم إغتصاب داخل جدران الأهلى وخناقات بالسنج والمطاوى- بس طبعا كلها مبادئ و بالدااااستور على المرحوم السادات - يتم التعتيم عليها بينما اى خناقة بين عامل الكافتريا و نادل بنادى الزمالك يخرج علينا إبراهيم باشا حجازى و باقى شلة الفساد بعناوين ومنشيتات من عينة" إنهيار الزمالك" و"الزمالك...إلى متى" و " الزمالك واليهود" وباقى المنشيتات اللى بتداعب جماهير الأهلى - قلة منهم طبعا لا تتعدى العشرة مليو - وتكرس الجهل .........

انا اول مره اسمع من حضرتك بجد كلام الاغتصاب والسرقة والنصب والحاجات دي كلها بس باين من كلام حضرتك انك بتتكلمي علي مافيا :lol:

(قلة منهم طبعا لا تتعدى العشرة مليون :lol: وتكرس الجهل ) :lol:

عموما... من الحكمة التروى فى تناول قضايا الزمالك ولاعبيه من قبل الأهلاوية وحتى و هم بيمروا بمرحلة إنعدام التوازن بعد فضيحة النجم و صدمة الكابوس الساحلى .... لأن كل دول الأهلى بيسرقهم بعد كده زى صديق والسعيد وبيتحولوا إلى أولياء .... عشان بس متلحسوش كلامكم كالعادة ....

على فكرة .... بيقولوا الأهلى حيشترى فريق النجم عشان يضمن عدم بهدلته مستقبلا و إتحاد الكرة حيرفع عدد المقيدين بالقائمة إلى 60 لاعب دون التقيد بعدد أجانب زى ما إتحاد عصام عبدالمنعم عمل ....

ان الاهلي اتغلب مرة بقت فضيحة دا علي كدة بقي الزمالك بقاله حوالي اربع سنين ما خدش بطولات وقولي انهزم كمان ابل الاربع سنين يا واد يا سولي

لقيتها يبقي الزمالك بقاله اكتر من اربع سنين مفضوح بجلاجل

ومين الي بيقول ان الاهلي هايشتري فريق النجم دا غالي بلاش النجم نشتري واحد تاني

بس لو كل فريق اشتري الي خسرة بطولة

يبقي الزمالك هايشتري كدة بالصلات علي النبي (عليه افضل الصلوات واتم التسليم ) اول حاجة عقدته وعقده كل زملكاوي الاهلي

وبعد الاهلي يخش علي الاسماعيلي وبعده انبي وبعده حرس الحدود وبعده وبعده وبعده ........ ياااااااااااة دا انا عايز اروح مش هاقدر احصرهم

بس هوا ممكن يشتري كل فرق الدورى المصري

السيد موديست والسيد كوكو واوا ... :lol:

... شكرا على الترحيب ومعا نعيد بناء مصر ... وكل سنة و الأهلاوية طيبين وبعودة التاسع من نوفمبر ...

و يا ريت ننضم إلى سرادق العزاء وحفلات التأبين المقامة على ضفاف النيل السعيد والتى ستقام كل سنة فى nine eleven بتاعة الأهلى عشان نواسى جماهير المبادئ ...

وانا برحب بيكي ترحيب شديد وخاص وهايضرب فيه ١٥٠ طلقة في عم عبده البواب وبعودة

يوم

ويوم

ويوم

ولا اقولك بعوده كل ايام السنه ويجعله عامر

سلامي لكي بس اتمني بجد ما تخديش كلامي بحساسية

تم تعديل 25 نوفمبر 2007 بواسطة Solee