رباعيات هشام الجنيدى ........ جديدةةةةةةةةةةةة

[هشام الجنيدى]

[/siالسلام عليكم يا حباييييييييييييييييييييييييييييييييييييييييييييييب قلبى بعد طول الغياب ملقتش غير انى اهديكو اخر اجزاء رباعياتى

واتمنى انها تحوز اعجابكم و توصل فكرتى ..... ze]

وسط السبق والعرق فوق الجبين سيال

وفتيل خلاص اتحرق حارب كما الابطال

نشف العرق والبطل خبا الظلام سيفه...!!

هوه احنا صابنا الكسل ولا اتقلبنا عيال ...!!!!!

اجمد كمان يا بطل خط النهاية اهو بان

كام خطوة وهتنتصر وتهيص مع الفرسان

قال قلبى لساه عفى والقوة فيه ياما

بس اعمل ايه والفرس ..عجز وصار تعبان....!!

وقال كبرت وخلاص لازم تكون مسئول

وتشيل هموم الوطن وتعدى بيه المجهول

موافق انى كبرت .... موافق انى اشيل..

طب شيل ... ولو كان تقيل ...كلمنى ع المحمول....!!!!

سؤال جوه نفسى على قلبى كابس

وبيلح اول وتالت وخامس

وسابع وعاشر وميت الف مره

ليه بضحك سعات ؟؟بس جوايا عابس...!!؟؟!!؟!؟!؟

يا علبة متبرشمة ومقفولة ع المحتوى

شكلك يشد القلوب ويربى فيها الهوى

حبيت اشوف محتواكى ..كسرت .. ولقيت مفيش

غير هرد عضم وتراب انسان ف قبره انطوى

يا قلبى مالك كده زعلان ومتنكد؟؟!!

مش قلنا دنيا فنا زز وقلت متأكد

انا زعلى مش من كده ... اما شفت حقيقتها...

انا زعلى ع اللى اترمى ف احضانها واتمدد...!!!!.!.!.!.!!..[/color]

تم تعديل 9 نوفمبر 2007 بواسطة هشام الجنيدى

[shahd]

هشام وعليكم السلام ورحمة الله وبركاته.. الف الف الف حمدلله على السلامة .. منور اخي الغالي :lol:

رباعيات قويه واكثر من رائعه .. كعادتك دائما لك اسلوب متميز .. معبر .. متمكن...........

سلمت اناملك اخي العزيز

[Folana]

وعليكم السلام ورحمة الله وبركاته....

أخى الكريم هشام حمدلله على السلامة...

رباعيتك ..أو كبسولاتك تعبر عن أدق تفاصيل ما نحياه وتوصل المعنى فى كلمات مختصرة تحتوى على الكثير والكثير ..مما يجعلك تبتسم وانت تقرأها وتقول "فعلا".

سؤال جوه نفسى على قلبى كابس

وبيلح اول وتالت وخامس

وسابع وعاشر وميت الف مره

ليه بضحك سعات ؟؟بس جوايا عابس...!!؟؟!!؟!؟!؟

يا قلبى مالك كده زعلان ومتنكد؟؟!!

مش قلنا دنيا فنيا .. وقلت متأكد

انا زعلى مش من كده ... اما شفت حقيقتها...

انا زعلى ع اللى اترمى ف احضانها واتمدد...!!!!.!.!.!.!!.

رائع كما أنت دائما........نرجو الا تطيل غيبتك على اخوانك وان تسعدهم دائما بكلماتك...

:lol: :lol:

[امانى]

الاخ الفاضل هشام

رائعة رباعياتك تعبر عما يدور بانفسنا 0 كلمات قوية تعبر عما يجول بخواطر معظم الشعب المصرى بحس وانا بقراها

كانى بتكلم عنى وعن كتير زينا 0 سلمت اناملك والى المزيد

امانى

[Mohamed Fayek]

والله ياهشام لاتعليق .. وعلى رأى مرتضى منصور السجن للرجالة

[bentmasria]

وحشتنا يا دكتور الرباعيات الرائعة

كل سنة وانت بكل خير وصحة وعافية يارب

ليه يا هشام كل الهموم متعلقة فى قالب

وحبل عقده ف شجون مغزولة فى ملامح

حتى الحنين والانين والعشق والمغنى

يا ما نادينا اعليهم بس الزمن........... جارح!!!!

هشام جنيدى اثرت شجون قلبى واسرت قلوبنا بحرفك

شكرا لك

[daktara]

الله يا رائع

ايه الجمال ده علاء ايه الزعل عيد مبارك

[ام البنات]

سؤال جوه نفسى على قلبى كابس

وبيلح اول وتالت وخامس

وسابع وعاشر وميت الف مره

ليه بضحك سعات ؟؟بس جوايا عابس...!!؟؟!!؟!؟!

هشام...

السؤال ده

إجابته

لوكل يوم ابكى وانوح

لو كل يوم اصرخ من العجز عن البوح

كان زمانى عايش وقلبى كله جروح

كالن زمانى عايش ومن الطعن مدبوح

بس الكريم رب العباد بالضحك خلانى...اجى واروح