الجوع ام الساطور؟؟؟

[بنت شعنونة]

من كام يوم والدي كان عازم واحد صديقة وزوجته عندنا على الغدا

المهم انهم اتاخروا

ولما جم

لقينا مراته داخلة غضبانة جدا وعماااااااالة تبرطم!! :D

والراجل مزبهل ومخضوض ووشه اصفر؟

قعدنا نستفسر عن الموضوع :D

اتاري وهما جايين في السكة الراجل كان جعان الظاهر :roll:

ولقى عربية بطيخ فقال ينزل يجيبلنا واحدا وليه واحدا

خصوصا انه بيحبه جدا ودا مش موسم البطيخ

المهم قال لمراته ووقف جنب العربيةبتاعت البطيخ ونزل

الست بقى بتقولنا انها فجاة لقيت الشنطة بتاعت العربية بتتفتح

وهاتك يا بطيخ فيها

واحدا

اتنين

ثلاثا

خمسة :shock: :D :D

راحت اتهبلت؟؟؟؟؟؟؟ :cry: :cry:

مين اللي ها ياكل كلللللل دا

المهم قعدت تديله كلااكسات وكدا راحلها فقالتله ااااييييه دا كله

كفااااااايا :twisted:

المهم راح الراجل وحاسب البياع

ورجع ركب العربية

وهواسايق قالته انت جبت كام واحدا؟

قالها 5؟

قالتله ليه كل دا؟

-اهو بقى اللي حصل

-وجبتها بكام بقى

-الواحدا ب 25

:cry: :cry: :cry: :cry:

؟؟؟؟؟؟؟؟؟؟؟؟؟؟؟؟؟؟؟؟؟؟

نعععععععععععم؟؟؟؟؟؟؟

25 اييييييه؟

ل 25 جنيه؟

الست فضلت تصوت لحد ما وصلت عندنا :D :D

المهم كلنا اتخضينا بجد؟؟؟

5 في 25 جنيه؟؟؟؟؟

قلناله طب ما رجعتش ليه ترجع البطيخ؟

الراجل قلنا بمنتهى البرائة

اصصلة كان ماسك ساطور كبيرفي ايده :?

اقوله اييييييييه دا بقى؟؟؟؟ عاوز ارجع البطيخ لو سمحت؟؟؟؟

:? :?

ومن يومهاواحنا ماسكينها له :)

بس تفتكره ايه السبب؟

الجوع والا الساطور؟ :)

[dimage]

معذور

اصل البطيخ بتاع الشتا دة بطيخ

انا لو منة

كنت تركتها في ضيافتكم وقلت لها حاروح ارجع البطيخ

وانزل اكلة كلة :D

[Katamando]

ممكن يكون هو من كتر حبه في البطيخ نسي سعره الأصلي وأشترى وخلاص

أو نفسه هفته على لب البطيخ وعايز كمية

أو ان صاحب الساطور هدده بس هو ما رضاش يقول

وممكن جايب خمس بطيخات علشان يمنع عنهم العين

ويمكن يكون الراجل ضحك عليه وخلاص

[kokowawa1979]

الجوع والا الساطور؟

مابلاش حكاية الساطور دي يادكتوره أحسن الرجالة بيخافوا من حكاية الساطور دي قوي

وباعتبار إنك دكتورة ممكن تقولي كان ماسك في إيده مشرط!!!!

[tiger1411]

:D :D :lol: :lol: :lol:

زمن البطيخ :lol: :lol: :lol: :lol: