مسافر إلى سلطنة عمان

[mohaman]

اخواني الأعزاء

محتاج مساعدتكم في الحصول على المعلومات المعيشية في مسقط

و خصوصا المعلومات الاقتصاديه و مستوى الأسعار وايجارات السكن و خلافه

متو سط المراتبات بالنسبة لمصممى الجرافيك وايضا مميزات و عيوب العيشه هناك

اللي عنده المعلومات دي ميبخلش عليا بيها و كل سنه وانتو طيبين

[seeem]

اهلا وسهلا بيك ويشرفني اني اساعدك..........

حدد اسئلتك اكتر علشان اعرف اجاوب عليها..........

[mohaman]

شكراً اخى العزيز على المتبعة وهو السؤال كم المرتب الى الوحد ممكن يوفق عليه

[mohaman]

اهلا وسهلا بيك ويشرفني اني اساعدك..........

حدد اسئلتك اكتر علشان اعرف اجاوب عليها..........

شكراً اخى العزيز على المتبعة وهو السؤال كم المرتب الى الوحد ممكن يوفق عليه

[MZohairy]

والله و جه اليوم ياد يا Mzohairy اللي بقيت فيه تفيد الناس عن مسقط

انت بس قوللي انت عايز ايه وانا اقولك

بالنسبه للأسعار انا ملقيتش اختلاف في اسعار السلع المعيشيه عن السعوديه و هي ارخص طبعا من دبي

لكن احترسسسسسسسسسسسسسسسسسسسسسسسسس

توجد ازمه شديده و خانقه في السكن!!!!!!!!!!!!!!!!!!!!!!!!!!!!!!!!!!!!

اخواننا العراقيين قاموا بشراء الكثير من الشقق وايضا اعصار جونو السابق هدم بعض المنازل مما أثر سلبا على عدد المعروض أمام المطلوب

و عشان تلاقي شقه في مسقط في حي كويس مش حتقل ابدا عن 300 ريال عماني شهريا و يصل بعضها الى 3000 ريال عماني شهريا

و ممكن تلاقي في حتت شعبيه نسبيا بس نضيفه في حدود 200 او 250 شهريا

الريال العماني = حوالي 15 جنيه و شويه

البلد شديدة النضافه و التنظيم

الطقس حار نسبيا لكن اقل من جده مثلا بالطبع

بها مناظر طبيعيه جميله للغايه من جبال و شواطيئ طبيعيه ممتده

يوجد بها العديد من المولات و المطاعم و المقاهي و السينيمات

ناسها و أهلها في غاية الأدب و الطيبه و الإحترام

تبعد عن دبي قرابة ال 400 كيلو او اقل قليلا

بس خلاص :angry:

[mohaman]

شكرا اخى العزيز mzohairy انا هقولك بصراحة انا جاتلى فرصة عمل فى سلطنة عمان ( تصميم جرافيك ) اناعندى خمس سنوات خبرة فى مجال التصميم والطباعة والفصل اللونى وعاوز احدد المرتب الى ممكن اطلع عليه أنا من مصر

[seeem]

بص بقى يافندم

انا حاقولك تقريبا حاتصرف كام .......

اما المرتب فده بتاعك لأنك انت اللي عارف انت عايز تحوش كام..........

اول حاجة لازم تسمع كلام اخويا الكبير mzohairy فى كل اللي بيقوله وبالذات فى موضوع السكن..... وهنا نسألك...عازب ولا متجوز؟؟؟

تم تعديل 11 نوفمبر 2007 بواسطة seeem

[ahmedarts]

إخواني الأعزاء

بالصدفة وجدت هذا المنتدى وأعتقد انكم سوف تساعدوني في استفساراتي

أنا أيضا معروض على العمل بعمان بنفس الوظيفة (مصمم جرافيكس ومدير فني)

ولم يحدد لى الراتب ولا البلد

أريد أن أعرف ماهو الحد الأدني الواجب توفره للعيش عيشة كريمة بالسلطنة

من ناحية الطعام والملبس والتعليم والسكن والانتقال وكل النواحي ... إلخ

مع العلم أني متزوج ولدي طفل عمره 5.5 سنوات والثاني في السكة وعمري 39 عاماً

جزاكم الله كل خير

[MZohairy]

إخواني الأعزاء

بالصدفة وجدت هذا المنتدى وأعتقد انكم سوف تساعدوني في استفساراتي

أنا أيضا معروض على العمل بعمان بنفس الوظيفة (مصمم جرافيكس ومدير فني)

ولم يحدد لى الراتب ولا البلد

أريد أن أعرف ماهو الحد الأدني الواجب توفره للعيش عيشة كريمة بالسلطنة

من ناحية الطعام والملبس والتعليم والسكن والانتقال وكل النواحي ... إلخ

مع العلم أني متزوج ولدي طفل عمره 5.5 سنوات والثاني في السكة وعمري 39 عاماً

جزاكم الله كل خير

سؤالك عام شويه يا احمد و حتلاقي معظم الاجابات في المداخلات السابقه

يا ريت تحدد المكان بالضبط فين في عمان و تحدد السؤال اكتر

شكرا

[ahmedarts]

والله يا أخ Mzohairy لسة ماحددوش المدينة ولا المحافظة، ولكن بشكل عام، هل الاختلافات كبيرة جداً من مدينة لأخرى حتى يصعب تحديد الحدود الدنيا للمعيشة؟ وبالنسبة لتحديد السؤال أكتر فهو صعب شوية، فهذه أول مرة لي أعمل خارج مصر وبالتالي لا أعرف أية قواعد في الاختيار أو التقييم، سواء لعمان أو غيرها، كل ما أريده هو الاطمئنان للحد الأدني الواجب توفره حتى أوافق على السفر، حتى لا أفاجأ بأنني سافرت بدون داع كما سمعت كثيراً عن مصريين سافروا وندموا بعدها بسبب أنا مرتباتهم لم تكن بالقدر الكافي بالنسبة لغلاء المعيشة بالخليج، فسمعت عمن سافر السعودية بـ 2000 أو 3000 ريال ولكن جاء كيوم ولدته أمه، أما عمان فكل ماأعرفه أنها بلد ناسها طيبين ومحترمين جدا بالمقارنة مع باقي الخليجيين ومعاملتهم للمصريين زي الفل، هو ده الشئ الوحيد اللي أعرفه عن عمان، وماعنديش أي معلومات تانية، أفيدوني جزاكم الله خيراً