قرار جمهوري بحلّ النادي الأهلي !!!

[badroora]

بعد أن تورط سيادته بالذهاب إلى استاد القاهرة فى مبارة نهائى ابطال افريقيا على أمل فوز الأهلى حتى يكسر نحس الاشاعة السائدة منذ عام 81 بأن وش سيادته نحس وأى مبارة يحضرها حتى لو كانت مضمونة مية في المية فإننا نخسرها

ولأن الأهلي تعادل فى تونس واصبح قاب قوسين أو أدنى من الفوز بالبطولة فقد اشار عليه مستشاريه بضرورة الذهاب للاستاد فى النهائى لضرب عصفورين بحجر واحد أولهما اكتساب شعبية من حضور مباريات الكرة اثناء الفوز والثانية كسر اشاعة أن وش سيادته نحس دائما

*******

وذهب سيادته مصطحباً المدام كما هى العادة ومنتظراً الفوز.. وفعلا بدأ الأهلى بهجوم كاسح وكان الأفضل.. وفجأة وبدون اسباب واضحة ووسط صحوة الأهلي يحرز فريق النجم الساحلى هدف.. وفجأة أيضاً تحل بركات سيادته على الأهلي اقوى فرق افريقيا فيتحول لفريق حواري شبرا بدون اسباب واضحة فيدخل مرماه الهدف وراء الهدف وينهزم بثلاثة أهداف فى سابقة لم تحدث من قبل.. ولم يتبقى من الاسباب لتفسير هذه الظاهرة إلا سبب واحد.. النحس يعيش طول عمره نحس

*******

طبعا سيادته اتنقط وجاله الضغط بعد ما العيال بتوع الأهلي كسفوه.. لذلك بعد عودته من الاستاد مباشرة أصدر القرار الآتى

قرار رئيس الجمهورية رقم 2 مليون لسنة 2007

بعد الإطلاع على الدستور وعلى قانون الطوارىء وكل القوانين الاستثنائية والمشبوهة سيئة السمعة

أصدرنا نحن رئيس الجمهورية القرار الآتى

أولا: يحلّ فريق الكرة بالنادي الأهلي

ثانيا: يعاد تشكيل فريق الكرة بالنادي الأهلي على النحو التالى

لحراسة المرمى: السيد كمال الشاذلي.. حيث أن حجمه وخاصة كرشة يكفي لسد المرمى بالكامل

خط الدفاع: فتحي سرور- زكريا عزمي- يوسف والي- أحمد عز

خط الوسط: صفوت الشريف- محمد رجب- عبد الأحد جمال الدين

خط الهجوم: سوزان مبارك- جمال مبارك- علاء مبارك

ثالثا: يتولى تدريب الفريق الدكتور مفيد شهاب ويساعده كمدير فني الدكتور أسامة الباز

يتولى السيد أحمد عز مد الفريق بالحديد والأسمنت المسروق من القطاع العام لزوم عمل الحيطة حال وجود ضربات ثابتة على الفريق

أي مدافع يتصدى لكرة مع الجناح الشمال السيدة سوزان يعتبر رجعي ومتخلف ومنتهك لحقوق المرأة

أي فريق منافس يفوز على الفريق يتم حله واعتباره فريق محظور ويحال أعضائه إلى المحكمة العسكرية

رابعا: ينشر هذا القرار في الجريدة الرسمية ويعمل به من تاريخ نشره

*******

من بريدي

تم تعديل 12 نوفمبر 2007 بواسطة Badria Mekkawy

[ahmedarab]

حــــــــــــــــــــــــلوة يا بدرية ..............جميلة اوىىى :D

ولو انى حزين على الاهلى ..بس برضة حلوة ...

وانا اقول الاهلى مالة مش طبيعى لية وكل حاجة كانت ضده

والله انا اول ما عرفت انة هايحضر الماتش .....اتشئمت :D

[رمضان]

لذيذة بجد

ربنا يخلي سيادته كمان وكمان

طب ليه ما قالش انا بشجع النجم

[النسر المصري]

لذيذة بجد

ربنا يخلي سيادته كمان وكمان

طب ليه ما قالش انا بشجع النجم

يشجع النجم ازاي يارمضان...

هو انت فاكره مانجاوي...ولا بيضاوي

آآآخ من بتوع المنجا والبيض التانين دول........ مش عارف امتى هيعقلوا :D

[م.سامح المصرى]

حلوة والله يا استاذة

بس الحمد لله انها جت علي اد كدة

جية هوا والمدام وخسرنا بس

الحمد لله انه ما جابش الاولاد كانت هاتاخد مجري تاني بقي

ونصيبة لو كان جاب الاحفاد يييييييييييية

كانت بقت ليلة

[kokowawa1979]

كدة بقى أبدأ اقلق عليك يابدر البدور ياجميل :lol:

الأهلوية في المحاورات مش هاينفعوكي- طبعا هم دلوقت بيقولوا : إيه الحلاوة دي - وغيه الجمال ده - لكن لما شرطة الجرايم الالكترونية تحقق - كل واحد هايقول ده مش أنا يابيه وياما نصحناها لكن دماغها كان ناشف - ثم يتحول الأهلوية إلى شهود إثبات smk:

ولايهمك أنا هاكلم صديقي العزيز مرتضى منصور يدافع عنك لاخر يوم في حبسه B)

[Ahmad Farahat]

حلوة يا بدرية

بس معرفناش

حبيب العادلي هيلعب فين بالضبط

[amrhoras]

B) انا اول ماشوفت الخبر قولت الحمد لله النادى الاهلى فككوه عقبال بقيت النوادى والكوره كلها

بس يابدريه يابنتى استاذ كوكوواوا بصراحه فكرته وحشه اوى عننا

لو حصلك حاجه ليكي عليا اجيلك واجبلك عيش وحلاوه كفاره ياعرب اجيبلك دخان :P

لا بس بجد تسلم ايدين اللى نقلت الموضوع لغايه عندنا دمه خفيف والله وخصوصا ابو كرش اللى حيسد المرمى ده :P

عمرو حورس smk: من أمام سجن ابو زعبل :lol:

[badroora]

كل اللى اشترك فى التوبيك دا اسمة متسجل ومترائب يا ريت يا جماعة بقي نتفرق قيمة كام يوم كدا لحد ما النفوس تهدأ :lol:

الغالى كوكواوا

تصور انا اشتركت فى المحاورات بعد مارجعت من مصر ولسه اول مرة انزل بعد ماشتركت

المهم لو بعد شهر مظهرتش ابقوا اسألوا عنى ومتنساش يا كوكوا انا يا ما خدمتك فى سوق العبور مع البلدية

وانا عرفة البك طيب مش هتنسى دراعك اليومين smk:

عمروا حورس انا حبش الحلاوة B) :P

بس لو مسر يبقي ممكن جبنه رومى وحبشش بقي مخلل وحاجات مندى ويا ريت العيش توست مأرمش :P

والماية المعدنية وحياتك . wst::

تم تعديل 12 نوفمبر 2007 بواسطة Badria Mekkawy

[amrhoras]

عمروا حورس انا حبش الحلاوة :lol: smk:

بس لو مسر يبقي ممكن جبنه رومى وحبشش بقي مخلل وحاجات مندى ويا ريت العيش توست مأرمش B)

والماية المعدنية وحياتك . wst::

مالها بس لا حول ولا قوة الا بالله طب انا عندى الضغط منخفض عشان كدى محبش الحلويات ولا الحلاوه

والله واتدبست باعمرو يابني :P

الا سؤال يابدريه ياختى شيكلها اه الدبنه الروامى ديه اكل ديه ولا دوه من الاسبتاليه من عند الحكيم وببتباع بالكيله(الكيلو) ولا أكراص (اقراص) :P

اوبه انا نسيت عندى معاد بعد شهر يادوبك الحق اجهز نفسي خلاص يابدردر اول ما يفرجوا عنك حتلاقيني فى الكارته بتاعة دادى الباشا منتظرك والسجن للددعان(للجدعان) :P

محسوبك عمرو ابو دومه زنزانه 9 عنبر 3 wst::

بعيد عن كل ده انتى تأمرى يا بدردر والله طلباتك مجابه :) ربنا يرجعك بالسلامه لاهلك يارب

تم تعديل 12 نوفمبر 2007 بواسطة amrhoras

[miramar]

الحمد لله انه مبيحضرش الدوري ولا مباريات المتتخب

كنا انتحرنا واتنقطنا من زمان

يلا ياى بدرية اتجدعني كدة وانا اجيبلك كل الي انت عايزاه

مرمر

[justtrying]

اخيرا بان الأهلي على حقيقه المرة واتفضح وظهر مستوى الأهلي الحقيقي

ومن وجهه نظري ما حدث هو الطبيعي جدا لأن الأهلي كتاريخ عريق وكبير هذا لا يستطيع أن ينكره أحد لكن كلعيبة حاليين وفريق مستواهم فعلا منخفض للغايه وكانوا بيلعبو باسم الفريق وفانلة الفريق فقط وبتالي لا يستحق أن يصل للنهائي

والف مبروك للنجم وهارد لك يا ريس كفايه عليكم تبهدلو في فرق الدوري كلها وتخليهم خادمين للأهلي فريق الحكومة والنظام :lol: smk: B)

[ابو محمود]

ياست اللة عليكى انتى كدةمش هتخلى حد فى المحاورات مش متراقب وبعدين انا هردومش خايف صحيح انا عندى عيال عايزاربيهم وبنات زيك عايز افرح بيهم بس لازم اردوأتضامن مع الباقى علية العوض جبتى رجلينا بقى

هو بقى ياستى مش اهلاوى ولابيحب الكورة لاكن الهانم هى اللى بتشجع كورة وكمان بتعمل شعبية لولادها رغم انهم مش بيحبو الأهلى وخليها فى سرك انا هسافر كمان ساعتين ولو بعتولى حد يسأل عنى مش راجع وهبعت وأخد العيال يلا بقى ربنا يسامحك يابدرية