عليا النعمة مؤامرة...

[moody00x]

والله العظيم أنا فيه سؤال هايجننى فعلآ

المصريين فين؟الشعب راح فين؟

كل اللى حوالينا غلط ولحد إمتى هانبلع ونسكت...

9 مليون عانس....مافيش جواز

البطالة على ألآخر .. ..مافيش شغل

مبروك لشارون وأهلآ بك فى بلدك التانى...مافيش دم

على العراق أن ينفذ كل ألأوامر وإلا فأنا أحذر الضربة ستكون قوية وعنيفة......مافيش إحساس

إقتصادنا قوى ومتين و3% بس تحت خط الفقر....مافيش أدب

الراقصة المثقفة ترفع قضية على وزير التعليم العالى لرفضه السماح لها بإنشاء معهد لتعليم الفتيات الرقص..ثم تحقق النيابة معها لظهورها عارية وهى تمارس الجنس مع رجل أعمال حرامى....مافيش أخلاق

هروب رجال أعمال بمليارات الشعب الغلبان ...لحوم الحمير فى اسكندرية للناس الغلابة...مبيدات وسموم وأمراض وفيروس سى والتهاب كبدى وفشل كلوى....مافيش مرؤة

عمرو خالد يطلع بره ويفضل عمرو دياب ....عمرو خالد يقول أشهد ألا اله إلا الله يمشى لأنه خطر وكاظم يقول أشهد ألا إمرأة إلاكى..روش طحن وفله .....مافيش دين

سعده وسفيه ونافع ومكرم نجوم وملوك الكلمة....والشاذلى وسرور والشريف ووالى وفاروق منورينا من 25 سنة....ونعم العشرة..مافيش مواهب تانى

مشيوا الحلوين محمد ابراهيم كامل و أبوغزالة وأحمد رشدى والجنزورى وعمرو موسى ....مافيش إحترام

طيارات وقعت وقطر إتحرق وعبارات غرقت وبيوت وقعت ....مافيش تعويض....

آسف آخر سعر للمواطن عند الحكومة كان500 جنيه ياعنى تقريبآ حمار إلا ربع

فتحناالدش و الفضائيات والموبايلات....وسيبنا العلم والتعليم .....مافيش وعى

ألأسعار هتزيد والدولار ب6جنيه بس إقتصادنا متين وجميل...مافيش ذمه

ياتسرق وترتشى وتعيش ندل يا تسكت وتكتم وتعيش فى الفقر...مافيش طبقة متوسطة...

هى الناس راحت فين...مابتتكلمش ليه؟ما بتصرخش ليه؟

دى حتى مش سلبية لأن السلبيةموقف واحنا مش عارفين ناخد أى موقف

إلى جميع السادة المعارضين لنظرية المؤامرة...لأ بقى هى فعلآ مؤامرة...

عليا النعمة مؤامرة...

.بس من منييين؟

[حشيش]

الخوف ياعزيزى هو سبب سلبية الشعب... الخوف من بطش الشرطة والأمن المركزي...الخوف من السجن والمعتقل وخراب البيوت وتشريد الأولاد...تمام زى ما انت خايف تكتب هذه المداخلة بإسمك الحقيقي!!! :shock: :shock: :shock:

[moody00x]

يا أستاذى الشعب هو هو ماتغيرش... الشعب اللى قاوم الاحتلال واتعرض للموت مش بس للبهدلة وتشرييد الاولاد...لكن النقطة الغريبة إننا نقاوم الأجنبى وبكل وسيلة لكن اللى مننا إحنا مانقدرش نعمل حاجة!!!!!!

موضوع الخوف ده شعور غريزى وطبيعى ومعاك بعض الحق فيه بس مش هو ده

أساس الموضوع برضه...الناس اللى فتحت صدرها لرصاص الانجليز ماكانوش بيخافو؟

اللى سد بجسمه فوهة أنابيب النابلم فى أكتوبر ماكنش بيخاف؟؟

موضوع إلأسم الحقيقى ده كان زمااان....دلوقتى ماشاء الله ساعدتك ممكن تعرف أى حاجة عن أى حد بمجرد معرفة ال IP بتاعه ودى سهلة برضه..

.

الحكاية مش مجرد إسم حركى ولا حقيقى وخلاص يا عم حشيش....

[متسائل]

الإجابة بسيطة..

الشعوب لا تتحرك من تلقاء نفسها...... مفيش قائد !

و مثل عربي أعجبني:

"الخيل المخصية لا تصهل"

[تصحيح]

والله العظيم أنا فيه سؤال هايجننى فعلآ

المصريين فين؟الشعب راح فين؟

كل اللى حوالينا غلط ولحد إمتى هانبلع ونسكت...

9 مليون عانس....مافيش جواز

البطالة على ألآخر ..    ..مافيش شغل                 

مبروك لشارون وأهلآ بك فى بلدك التانى...مافيش دم

إقتصادنا قوى ومتين و3% بس تحت خط الفقر....مافيش أدب

الراقصة المثقفة ترفع قضية على وزير التعليم العالى لرفضه السماح لها بإنشاء معهد لتعليم الفتيات الرقص..ثم تحقق النيابة معها لظهورها عارية وهى تمارس الجنس مع رجل أعمال حرامى....مافيش أخلاق

هروب رجال أعمال بمليارات الشعب الغلبان ...لحوم الحمير فى اسكندرية للناس الغلابة...مبيدات وسموم وأمراض وفيروس سى والتهاب كبدى وفشل كلوى....مافيش مرؤة

سعده وسفيه ونافع ومكرم نجوم وملوك الكلمة....والشاذلى وسرور والشريف ووالى وفاروق منورينا من 25 سنة....ونعم العشرة..مافيش مواهب تانى

آسف آخر سعر للمواطن عند الحكومة كان500 جنيه ياعنى تقريبآ حمار إلا ربع

فتحناالدش و الفضائيات والموبايلات....وسيبنا العلم والتعليم .....مافيش وعى

ألأسعار هتزيد والدولار ب6جنيه بس إقتصادنا متين وجميل...مافيش ذمه

ياتسرق وترتشى وتعيش ندل يا تسكت وتكتم وتعيش فى الفقر...مافيش طبقة متوسطة...هى الناس راحت فين...مابتتكلمش ليه؟ما بتصرخش ليه؟ 

دى حتى مش سلبية لأن السلبيةموقف واحنا مش عارفين ناخد أى موقف

 

إلى جميع السادة المعارضين لنظرية المؤامرة...لأ بقى هى فعلآ مؤامرة...

عليا النعمة مؤامرة...

.بس من منييين؟

شعب منقسم مشتت .. ما فيش هدف واحد

شعب جائع يلهث خلف لقمة العيش .. ما فيش قيادات شعبية

شعب مقهور خائف .. ما فيش انتاج

شعب مستعبد .. ما فيش ابداع و لا تقدم

في الزمن الردئ العملة الرديئة تطرد العملة الجيدة

نعم

"الخيل المخصية لا تصهل"

[الطفشان]

الخوف شق مهم

لكن هناك شق اخر لا يقل عنه اهمية و هو : اللامبالاة المطلقة

[DARWEEN]

الشعب المصري تم تهميش دوره الوطني منذ إنقلاب 1952 وتم إيهامه أن الحاكم الآن منك وإليك وهو أدرى بالمصلحه ..

ويمكن تقسيم الشعب لفئات أيضا من خلال هذا المنظور إلى

-طبقة مدحوره تصارع من أجل لقمة العيش

-وطبقة مستفيدين من الأوضاع ةمبسوطه كده

-وطبقة مثقفين إلتزموا الصمت أو المعتقل

-طبقة شباب تم تهييفهم عمدا بالأغاني الشبابيه والبانجو والجنس

-طبقة طهقوا وسابوها وطفشوا ... زيي كده

[kokowawa1979]

ارسل: الجمعة يناير 31, 2003 5:35 am    موضوع الرسالة: عليا النعمة مؤامرة...   

--------------------------------------------------------------------------------

 

والله العظيم أنا فيه سؤال هايجننى فعلآ 

المصريين فين؟الشعب راح فين؟ 

كل اللى حوالينا غلط ولحد إمتى هانبلع ونسكت... 

9 مليون عانس....مافيش جواز 

البطالة على ألآخر .. ..مافيش شغل 

مبروك لشارون وأهلآ بك فى بلدك التانى...مافيش دم 

على العراق أن ينفذ كل ألأوامر وإلا فأنا أحذر الضربة ستكون قوية وعنيفة......مافيش إحساس 

إقتصادنا قوى ومتين و3% بس تحت خط الفقر....مافيش أدب 

الراقصة المثقفة ترفع قضية على وزير التعليم العالى لرفضه السماح لها بإنشاء معهد لتعليم الفتيات الرقص..ثم تحقق النيابة معها لظهورها عارية وهى تمارس الجنس مع رجل أعمال حرامى....مافيش أخلاق 

هروب رجال أعمال بمليارات الشعب الغلبان ...لحوم الحمير فى اسكندرية للناس الغلابة...مبيدات وسموم وأمراض وفيروس سى والتهاب كبدى وفشل كلوى....مافيش مرؤة 

عمرو خالد يطلع بره ويفضل عمرو دياب ....عمرو خالد يقول أشهد ألا اله إلا الله يمشى لأنه خطر وكاظم يقول أشهد ألا إمرأة إلاكى..روش طحن وفله .....مافيش دين 

سعده وسفيه ونافع ومكرم نجوم وملوك الكلمة....والشاذلى وسرور والشريف ووالى وفاروق منورينا من 25 سنة....ونعم العشرة..مافيش مواهب تانى 

مشيوا الحلوين محمد ابراهيم كامل و أبوغزالة وأحمد رشدى والجنزورى وعمرو موسى ....مافيش إحترام 

طيارات وقعت وقطر إتحرق وعبارات غرقت وبيوت وقعت ....مافيش تعويض.... 

آسف آخر سعر للمواطن عند الحكومة كان500 جنيه ياعنى تقريبآ حمار إلا ربع 

فتحناالدش و الفضائيات والموبايلات....وسيبنا العلم والتعليم .....مافيش وعى 

ألأسعار هتزيد والدولار ب6جنيه بس إقتصادنا متين وجميل...مافيش ذمه 

ياتسرق وترتشى وتعيش ندل يا تسكت وتكتم وتعيش فى الفقر...مافيش طبقة متوسطة... 

هى الناس راحت فين...مابتتكلمش ليه؟ما بتصرخش ليه؟ 

دى حتى مش سلبية لأن السلبيةموقف واحنا مش عارفين ناخد أى موقف 

إلى جميع السادة المعارضين لنظرية المؤامرة...لأ بقى هى فعلآ مؤامرة... 

عليا النعمة مؤامرة... 

.بس من منييين؟

ششششششششششششششش ياعم وطي صوتك لحد يسمعك ماحناش ناقصين!!!!!

[mnman]

moody00x كتب:

والله العظيم أنا فيه سؤال هايجننى فعلآ 

المصريين فين؟الشعب راح فين؟ 

كل اللى حوالينا غلط ولحد إمتى هانبلع ونسكت... 

9 مليون عانس....مافيش جواز 

البطالة على ألآخر .. ..مافيش شغل 

مبروك لشارون وأهلآ بك فى بلدك التانى...مافيش دم 

على العراق أن ينفذ كل ألأوامر وإلا فأنا أحذر الضربة ستكون قوية وعنيفة......مافيش إحساس ..................................ألخ

أخي مودي: المصري مطحون و مستعبد في بلدة يعني عبد لقمة العيش و خايف علي العيال و البهدلة.... وطالمل اصبحت عبد لقمة العيش و الخوف يبقي ... مفيش فايدة حضرتك بتنفخ في قربة مقطوعة مهلهلة مش مخرومة .....

روح ميدان التحرير وزعق وقول و اهتف واعترض.... التلفزيون حيجي و يصور و يهلل و اهية اهية اهية الديمقراطية اهية... وبعد ما يهدي الموضوع يا حضرتك تهرب من البلد يا حيزورك شوية عسكر و يخدوك رحلة الي المجهول والكسبان في الاخر الحكومة سعدتك....

الحل هو ثورة جديدة علي كل شئ ......................

[مصرى]

أعتقد أن المشكلة الأساسية هى غياب المنهج فى التفكير وغياب القواعد فى العمل .. بداية من المثقفين الذين يفترض أنهم يمثلون طليعة المجتمع ..

وبصراحة وبدون زعل .. فإن جانب من الحوارات المطروحة فى هذا المنتدى تمثل دليلا على هذا ..

نرفض توريث الحكم .. ولكن نجد من يروجون لأبو الشباب باعتبار وماله ما هو شاب مصرى برضه وياخد فرصته !!

نهاجم بضراوة فساد الحكم والفساد الحكومى والفشل الادارى .. ولكن نجد فى نفس الوقت من يصدقون أن "شيخ المنصر" يمكن أن يقود حملة لمكافحة الفساد !!

نحن نهاجم الاعلام المصرى بشراسة .. لكننا نجد من يؤيد فى نفس الوقت بشكل غير مباشر فرض قيود على الاعلام بدعاوى علشان الصورة تطلع حلوة أمام الغرب .. وأن فضح عيوبنا هو تآمر لصالح إسرائيل وأمريكا وما وراء البحار !!

نقود حملات وندبج المقالات دفاعا عن حقوق الشعب المطحون .. ولكن فجأة نشارك فى أن الشعب هو الغلطان وأنه السبب وأنه لا يراعى قواعد الانتيكيت !!

أعتقد أن هذه الازدواجية ناتجة أساسا عن غياب المنهج .. حتى يكاد يبدو جزء من الشخصية المصرية .. التى تميل الى المسالمة ربما أو تفتقد الى عدم الاصرار على الرأى ربما .. أو يسهل قيادها ويسهل التأثير عليها وكلمة تجيبها وكلمة توديها كما يقولون ربما .. لكن الحقيقة الواضحة أن هناك غياب فى المنهج .. وأن هذا الأمر يقف حائلا دون تطور الفكرة الى عمل مستمر قادر على أن يتحول الى إرادة للتغيير .

[freefreer]

أنا عايز اضيف لكلام بعالية .. و خاصة كلام أخى مصرى .. عملية تستطيح العقل المصرى و العربى و الإسلامى .. عموما ..

فمن المعروف .. ان لو شخص ما دأب على سماع الكلاسيكيات و السيمفونيات .. فإن ذوقه سيرتقى .. و يسموا .. و لن يستطيع يعدها أن يتذوق اغانى شعبان عبد الرحيم مثلا ..

و العكس صحيح ..

و نظرة الى ما يحيط بنا اعلاميا على وجه العموم .. سنرى جزئية السطحية و البلاهة فى كل ما حولنا و فى تصريحات المسؤولين .. و البعد عن البحث الجدى و التحليلات العميقة ..

و نظرة الى الشعب المصرى من 50 - 100 سنة مضت .. نجد من هم نجوم الشعب المصرى ..

محمد عبدة و عبد الله النديم و سعد زغلول .. و رفاعه الطهطاوى .. و أحمد شوقى .. و جمال الدين الأفغانى .. و أحمد عرابى .. محمد سامى البارودى .. النحاس .. الخ الخ الخ

كل هذا السيل انقطع تماما ..

لا تسمع الآن .. الا عن تالية الحاكم .. و اسرته .. و نافع و سرور و الشاذلى و والى .. و دينا .. .. شعبولا .. الخ الخ الخ

طلعلى رمز واحد ممكن يلتف علية الوطن .. فائما ان اقطع رأسة أو يشوة .. سعد الدين .. قبل ما صوته يعلا .. كان يقى حرامى و نصاب ..

عمرو خالد .. بسرعة البرق .. طفش ( لازم فيه سبب ) .. و حسنا فعل .. لأنهم كانوا حيطلعوه بتاع نسوان .. و اى حاجة مخلة بالشرف ..

و فى الآخر جابين طفل .. بيطلعوة احسن واحد فى مصر ..

لا يوجد شيئ .. أو شخص محترم .. مسلطة عليه الأضواء فى مصر .. أو ليه محبيه و معجبية ممن يرونه قدوة تحتذى .. أو تستطيع ان تلجأ اليه لتعرف الحق من الباطل .. او الغث من السمين ..

و هذا هو المطلوب .. ان يضرب الشعب اخماس فى اسداس .. و ان يتوه و تتوه فى عينه معالم الطريق .. حتى دينيا .. كما ترى ..

[حشيش]

"الخيل المخصية لا تصهل" 

أنا عارف مين اللى خصاها :roll: :roll: :roll: ...رئيس وزراء الخصخصة...الدكتور/خصخص عبيد :) :) :D

[مصرى]

لا يوجد شيئ .. أو شخص محترم .. مسلطة عليه الأضواء فى مصر .. أو ليه محبيه و معجبية ممن يرونه قدوة تحتذى .. أو تستطيع ان تلجأ اليه لتعرف الحق من الباطل .. او الغث من السمين ..

أتفق معك تماما .. فكأنها حملة منظمة على كل رمز وطنى فى أى مجال .. وللأسف فإنهم يستخدمون الناس فى حملة تمزيق الأوصال .. يضربون على أوتار الكبت وما يولده من شهوة الانتقام بين أفراد الشعب ويطلقونها فى الاتجاه الذى يريدونه .. مثلما كان يأتى القيصر الرومانى بأعدائه من أبطال الشعب ويلقى بهم فى حلبة الأسود الجائعة لكى تمزقهم بينما الشعب يتفرج ويصفق وينتشى .

طيب عندى فكرة .. توبيك جديد عن الشخصيات المتميزة فى الشعب المصرى فى كل المجالات .. يكفى أن تكون شخصية قيادية متميزة فى مجالها بغض النظر عن الاتفاق أو الاختلاف حول توجهاتها السياسية .. وفى النهاية يتم تجميع هذه الأسماء لتكون مثل لوحة شرف فى المنتدى فى توبيك مغلق .. لا أعرف ماذا يمكن أن تكون فائدتها ولكنها ربما تعيد الثقة أنه لازال فى مصر شخصيات تصلح للقيادة خارج رجال الحكومة .. مجرد فكرة :?

[الطفشان]

الاخ فري

الخ مصري

الموضوع هو تفريغ الساحة من اي شخص مميز في اي مجال

لو نظرت الى مصر في النصف الاول من القرن الماضي، و النصف الاخير منه، لوجدت فرق شاسع

حافظ ابراهيم و شوقي و طه حسين و محمد عبده و سعد زغلول و محمد فريد و مصطفى كامل و سليم حسن و مصطفى مشرفة و جمال حمدان و غيرهم

حتى نجيب محفوظ محسوب على النصف الاول

اما النصف الاخير، فتجد انه كلما تقدم الزمن به كلما قل الابداع و التميز و الصدارة التي كانت تحتلها مصر في المنطقة حتى اضمحل تماما

و في السياسة، اي شخص يمكن ان يحظى بشعبية و يلتف الناس حوله، تم التخلص منه بطريقة او باخرى

طيب عندى فكرة .. توبيك جديد عن الشخصيات المتميزة فى الشعب المصرى فى كل المجالات .. يكفى أن تكون شخصية قيادية متميزة فى مجالها بغض النظر عن الاتفاق أو الاختلاف حول توجهاتها السياسية .. وفى النهاية يتم تجميع هذه الأسماء لتكون مثل لوحة شرف فى المنتدى فى توبيك مغلق .. لا أعرف ماذا يمكن أن تكون فائدتها ولكنها ربما تعيد الثقة أنه لازال فى مصر شخصيات تصلح للقيادة خارج رجال الحكومة .. مجرد فكرة

فكرة ممتازة

ابدأ و توكل على الله

في دماغي اسامي في مختلف المجالات

[الفارس]

الأخ الطفشان .. اسمح لي أن أعقب على مداخلتك

واضح جدا أن النظام بتاعنا لا يحتمل أي نموذج محترم .. سواء كان محترم على المستوى الشعبي .. أو ناجح على المستوى المهني .. أو حتى أن لديه كاريزما وقبول لدى الناس .. بدءا من أحمد رشدي مرورا بأبو غزالة وانتهاء بنادية مكرم عبيد وعمرو موسى ..

أنا رأيي من زمان إن المصيبة في النخبة المثقفة التي من المفترض أن تحمل مشاعل النور للمجتمع وتقول كلمتها من أجل الله والوطن ولا تخشى تبعات كلمتها ..

أثناء حكم الرئيس الراحل أنور السادات يرحمه الله كنا نرى الكثير والكثير من هؤلاء يقول كلمته .. يقولها عالية مدوية بلا خوف ولا وجل .. أنا أذكر أن المرحوم فتحي رضوان كان يهاجم سياسات السادات أسبوعيا على صفحات جريدة الشعب .. وكان يذكر الرجل بالإسم .. ويهاجمه بأقسى مما نهاجم عاطف عبيد الآن .. رحم الله أنور السادات ورحم الله فتحي رضوان ورحم الله كل من أحب هذا الوطن بصدق وفعل وقال ما رأى أنه في سبيل رفعته وعزته ..

أما الآن أعزائي فقد عز الرجال .. كلهم عرف الخطوط الحمراء والصفراء وكل الألوان .. وكلهم تدنسوا أو دنسوا .. ووضعت فوق رؤوسهم "البطحات" حتى إذا فكر أحدهم أن ينبس فإنه لابد "أن يحسس على بطحته" قبل أن ينطق .. أما الشعب المسكين فقد نجحوا بامتياز أن يغرقوه في دوامة الصراع على لقمة العيش أو يغرقوه أيضا في دوامة التدني والغيبوبة .. وحسبنا الله ..

==========

واحدة بعدالأخرى ترتفع الأيدي في وجه الطغيان ..

لكن سيوف السلطان ..

تقطعها .. واحدة بعد الأخرى ..

في كل مكان..

[مصرى]

المصيبة في النخبة المثقفة التي من المفترض أن تحمل مشاعل النور للمجتمع وتقول كلمتها من أجل الله والوطن ولا تخشى تبعات كلمتها

نعم أتفهم وجهة نظرك وأؤيدك حقيقة .. فقد أصبحت النخبة (الفاعلة) تفتقد الرغبة فى المقاومة أو المواجهة أو النضال .. مثلما كان يفعل السلف ويلقوا فى سبيل الدفاع عن المبدأ ما لاقوه من قمع وهوان بلغت حد الزج فى المعتقلات أو الهروب الى الخارج ..

الآن يبدو أن النظام قد أصبح أكثر خبرة وشراسة فى الدفاع عن مصالحه أكثر من أى وقت مضى .. صار النظام يقصى ليس فقط معارضيه .. ولكن من ليس لديهم "الاستعداد الكامل " لخدمته .. وصار هؤلاء المقصيون فى مواقع بعيدة وإن كانت فوق الأرض الا أنها غير قادرة على إظهار موقفها من الأساس ..

فعلى سبيل المثال .. إذا قلت أن الدكتورة عواطف عبدالرحمن ترفض كذا وتطالب بكذا .. فكم منا يعرف عواطف عبدالرحمن ؟! وأنها ممن شملهم قرارات الاعتقال فى خريف الغضب "سبتمبر 1981 " وأنها لرؤيتها ومواقفها السياسية حرمت من حقوق كثيرة .. هل سيحدث تجاوب معها .. أشك .. هل إذا إنبرت بعض الصحف الرسمية لشن حملة هجوم وإتهامات عليها سيدافع عنها الناس .. أعتقد أنهم سيساهمون فى تناقل أخبار الحملة .. صار من ينبرى للعمل العام .. كأنه راقص يقف وسط حلبة من المتفرجين .

[الفارس]

الآن يبدو أن النظام قد أصبح أكثر خبرة وشراسة فى الدفاع عن مصالحه أكثر من أى وقت مضى .. صار النظام يقصى ليس فقط معارضيه .. ولكن من ليس لديهم "الاستعداد الكامل " لخدمته

=============

سمعت من أحد وزراء الداخلية السابقين (بالمناسبة .. هي طبعا الوزارة الوحيدة التي يتغير وزراؤها لأهمية الكفاءة وتجديد الدماء فيها لتظل لياقتها وجاهزيتها عالية لحفظ النظام) .. ما علينا .. المهم سمعت منه أن كل الذين من الممكن أو من المحتمل ولو بنسبة ضئيلة جدا أن يقولوا كلمة ضد النظام (بمعنى تجاوز الخطوط الحمراء طبعا) .. كل هؤلاء يتم إغراؤهم أو البحث بأسلوب شيطاني عن نقاط ضعف لهم أو توريطهم في ممارسات غير نظيفة على أي صعيد من الأصعدة .. أو تضخيم أخطائهم .. أو البحث فيمن حولهم من الأبناء والأقارب والمحيطين وتوريطه .. ثم الاحتفاظ بكل ذلك موثقا في ملفات جاهزة للظهور عند الحاجة .. وهي دي نظرية "البطحة" .. يعني كل واحد لازم يبقى على راسه بطحة يحسس على أمها قبل ما ينطق .. وطبعا كده مش هينطق .. حسبنا الله ..

هذه أحد أبعاد المؤامرة التي يقصدها الأخ في بداية هذا الموضوع الخطير ..

[Seafood]

نعم هي الطبقة المثقفة ... يجب أن تخرج من حيز الكلام و المناقشات إلى حيز العمل للتأثير على جموع الشعب ... و إحداث تغيير ....

و لكن ما هو تعريف الطبقة المثقفة أو المثقفين .... و كيف يتم تفعيل دورهم ؟

[عمر بيك]

سلام

نقص وعدم ظهور شخصيات مميزه في الفتر ه الأخيره يبدو غير مفهوم والأكثر اندهاشا هو ان حتي الشخصيات الفكريه البارزه في سبات منذ زمن. علي سبيل المثال ان نجيب محفوظ لم ينجز اي عمل يذكر منذ اكثر من ثلاثين سنه بخلاف البعص الموجود في الجرائد الحكوميه.

وانا اعتقد ان الأجابه علي هذا السؤال يكون اسهل اذا غيرنا تعريفنا لهذه الشخصيه المميزه. انا اجد ان الشخصيات الدينه كالشيخ يوسف القرضاوي والغزالي وبعض الدعاه كعمر عبد الكافي وعمرو خالد كان بديلا مهم لأمتنا . وايضا لا ننسي ان مصر تحظي بنخبه من العلماء وللأسف هاجروا البلاد. ولا ننسي بالطبع ان عالم الأقتصاد البار جمال مبارك هو امل مصر الجديد :(

عمر!

[مصرى]

نعم هي الطبقة المثقفة ... يجب أن تخرج من حيز الكلام و المناقشات إلى حيز العمل للتأثير على جموع الشعب ... و إحداث تغيير ....

و لكن ما هو تعريف الطبقة المثقفة أو المثقفين  .... و كيف يتم تفعيل دورهم ؟

يفترض يعنى أن الثقافة بمعناها الواسع هى مجموعة القيم والعادات والتقاليد المتوارثة والمكتسبة التى تؤثر فى المجتمع .

يعنى يفترض أن المثقفين ليسوا طبقة وإنما عناصر من مختلف طبقات وفئات المجتمع لديهم إتساع فى الاطلاع .. وعمق فى التغكير .. وفهم للواقع .. وقدرة على التأثير ..

أتصور أن هؤلاء المثقفين يعملون بالفعل فى حدود إمكانياتهم وجهدهم الشخصى كل فى مجاله ومجتمعه .. وبمبادرات شخصية وأن هذا ما يؤدى الى أن المجتمع لازال يسير حتى الآن .

طبعا ليس هذا ما تقصده عزيزى سيفود

أنت تريد عمل جماعى قائم على أسس وليس وفقا لمبادرات شخصية وفردية .. وإذا حدث ذلك العمل الجماعى المنظم فإنه سيكون التفعيل الذى تريده .

أعتقد أن الواقع الفعلى يصنع هياكل ثقافية .. ولا يصنع ثقافة ولا منظومة ثقافية .. بداية من التعريف .. فقد أصبح المثقفون طبقة رجال الجامعة ورجال الصحافة ونجوم التليفزيون .. وأصبحت الثقافة هى القدرة على تركيب جمل مقعرة بقصد تفسير الواقع على النحو الذى تريده الحكومة ..

الحقيقة يا أخ سيفود .. فى إجابة سؤالك حل للمعضلة ولكن كيف ؟