اجتماع عاجــــــــــل الان

[amrhoras]

اعذروني فى العنوان بس انا كان لازم اخليكم تتجمعوا

الساده/ عادل ابو زيد / احمد محمود / كوكومن / داروين / مزهرى / محمود مصطفى / قاهرى / قديم / احمد فرحات / ابو محمد / مسالم / النسر المصرى / المدهش / احمد تيتو / ابا عمر / الحيدرى / اسد / عصام ابو الفتوح / سي السيد /طفشان / دياب / مروان /بروفيسير / بروسيسور / مصرى فور ايفر

السيدات / فولانه / ناش / امانى / زيزيتا / بدريه / بنت النيل / زهرة الجبل /اليكس لوفر / ام البنات / سلوى / المصريه والنعم

واعذروني ان مكنتش الذاكره حاضره وتقدر تجيب اسامى كمان وكمان بس انا ليا سؤال انتو فين ؟

لاحظت فى الايام القليله الماضيه بعض التوترات بين الاخوه الافاضل

لاحظت ان المشاكل اصبحت عناوين المحاورات

لاحظت مساوىء اصبحت حديث اليوم

لاحظت الكوره والانكسارات جذبت اتجاهتنا

لاحظت ان البعض توقف عن الكتابه

لاحظت ان البعض انحسر للرد فقط او عدم الرد

بصراحة مش عارف انا ليه فكرت فى كدى يارب اطلع غلطان وارجو من كل واحد استفسار وعدم الاجتناب

ممكن الموضوع ميكنش كبير او ممكن تكونوا مشغولين بس اتمنى ان محاورات المصريين تستمر فى تقديم رساله تقديم صوره لمجتمع مثالى يناقش ويتداول وجهات النظر بصدر رحب

اتمنى محاورات المصريين يكون فيها كل الالون سلبيات ايجابيات قضايا وحلول جد وفكاهه بصراحة اليومين للى فاتو دول وجدت الاغلبيه توجه الى الكوره والتعصب والبعض اختفى والبعض بيتخانق مع البعض الاخر

بس عشان كدى دعوه من لكم اننا نرجع تانى اسره واحده اتمنى ذلك

شكرا

[النسر المصري]

تم مسح مداخلاتي للانسحاب

:lol:

تم تعديل 24 يناير 2008 بواسطة النسر المصري

[zizetta]

أنا إسمي مكتوب! ... يعني أنا معزومة في الإجتتتماع ده؟ ..

على العموم أنا لسه خارجة من حجرة الإنعاش حالاً .. حيث أن الكمبيوتر بتاعي كان مسورأ ..(ضيفوها للقاموس الفريد)- يعني مغمن عليه - يعني في غيبوبة - يعني قاطع شحن - يعني .... المهم جبنا الخبرا و قالوا لنا لازم نغير العتبة ... ويا دوب لسه حالاً ماضيين العقد مع كمبيوتر جديد ..

وعليه حتشوف النشاط اللي على أصوله .. دنا حعملك تنظيم هنا .. ( يعني حنظم الرسائل ) :lol:

تحياتي ..

زيزيتا

[badroora]

عمرو انا جيت هنبتدى الجلسه امتى :lol:

ثم يا عمرو انا واحمد فرحات عاملين برامج ترفيهية ثقافية دمها خفيف فى قناه الزعيم دياب ودي عشان اللى يخرج من موضوع نفسيته تعبانه يروح يتفرج على قناة المحاورات الفضائية عينبسط .

انصحك بالتوجه الى قناة المحاورات الفضائية وعلى فكرة هتلاقي ليك كام دور هناك وابقي طمنى عجبك ولا لاء

ربنا يخليك يا عمرو ودايما نجتمع فى الخير يا رب :lol:

اتفرج يا سلام دعوة للابتسام

[mesryforever]

السلام عليكم ورحمة الله وبركاته ،،،

أخي العزيز / amrhoras ، أحييك على المبادره الطيبه دي

بس أنا عاوز أعرف هو أنا كمان معاكو في الإجتماع ده

:lol:

[miramar]

طيب هو انا اسمي مش مكتوب ده حاجة كويسة يعني ولا ايه ؟؟؟؟

مرمر

[قديم]

اهلا وسهلا عمرو

والله رجعتنا للمدارس .. وايام الدراسه . والفصل والعريف .. وكان عريف الفصل يكتب الاسماء على السبوره . ويلا على المراقب .

فمن يومها ونا اخاف لما اشوف اسمي على اللوح ( السبوره ) ...

ففاجتي بصراحه استاذ عمروو بان اسمي مكتوب مطلووووب من ضمن قائمه طويله عريضــه .

ولكن اول مره اشوف اسمي فجاه معلق على بمكان عام .. ومش مطلوب مني احضر ولي امرك .. ولا هات معاك دفاتر الواجب . ولا....

شكرا لك . عمروو..

تم تعديل 12 نوفمبر 2007 بواسطة قديم

[amrhoras]

:lol: انا اسف جدا على انى نسيت ناس كتيييييييييير اوى

بس لاحظت فى الفتره الاخيره ان معظمنا لا يشارك والاخوه الاخرين اصبحوا منحصرين على مشكلات محدده وشدة اعصاب وتعصب كروى وناس اختفت

ايه اللى حصل ؟ياترى سنبدأ فى التفرق ؟

انا عامل الاجتماع المغلق ده كدعوه لاننا نتواصل من أول وجديد واى حزازيات او شدة اعصاب او مشكلات نتعداها

محاورات المصريين لم تنكب على المصريين فقط بل على العرب كلهم

لم نأتى هنا لنشر مشكلات فقط او نتشاكل او ننشر سلبيات فقط نحن هنا من اجل التواصل

اعجبت كثيرا بمبادره اليكس لوفر واعجبت اكثر بحلقة الشكر للانسه بدردر وهى تستاهل لكن هناك بعض المداخلات كانت تشوبها بعض مشاعر الغضب والتعصب وخاصة فى قسم الرياضه سامعين قسم الرياضه يعنى الروح الرياضيه

ارتبطت بكم كثيرا لدرجة اننى اشعر بالبهجه لما اجد جو الهدوء فى المناقشات ولا مانع من بعض التعصب لكن التعصب الايجابي

وجدت الموضوعات الاخيره كلها عرض لسلبيات فى شعوبنا وانحدرت الموضوعات لخلافات شخصيه وسوء تفاهم

علشان كدى انا دعيتكم كى اقول لكم رويدا ايها الاخوه تنفسوا الصعداء واعملو ريلاكس دعونا نتناقش فى هدوء كل شخص فينا يعرض وجهة نظره ويناقش اخيه او اخته دون تعصب او سلبيات

هل سنعود مره اخرى نتكاتف لنصل بصورة متكاملة عن شعوب مثالية راقية الفكر ومثقفه

شكرا وشكرا لكل من لبى النداء ومنتظر البقيه

ملحوظه حقيقة هذه الدعوه عامه لكل افراد المحاورات القدامى والجدد ذكرته ام لم اذكره دعوه عامه لكل فرد في محاورات المصريين

شكرا وشكرا لكل من لبى النداء ومنتظر البقيه

[ابو محمود]

عمور صديقى .... اية الجمال دةبصراحةمبادرة زى العسل وفى وقتها فعلآ

بس انا شايف ان مواضيع الرياضة(الكرة)سخنت أوى وانا النهاردة لقيت ناس زعلت وقلت انا السبب وأعتزرت ليهم وانا اعلنها هنا ايضآ واتمنى محدش يفهمنى غلط لأنى كنت اتكلم عن راية بلدى ومش اقصد اى تجريح لحد

اية رأيك نتقابل فى قناة المحاورات الفضائية يمكن نسرى عن نفسنا شوية

سيداتى انساتى سادتى ********** نتتقل الأن وعلى الهواء مباشرةالى كمل بقى ورينا شطارتك

[nash]

أخي الكريم عمرو...صباح الخير

...........................

للأسف زادت في الأونه الأخيرة المواضيع التي لا تعرض وجهات نظر مختلفه بل تطعن في كرامتنا في المقام الأول ...تحت شعارات مختلفه وعناوين مستفزة...وكأننا الشعب الأوحد علي وجة البسيطه الذي يحمل كل هذا الكم من السلبيه والأخطاء...وتعدت الحقيقه حدود الإختلاف الأدبي لتصبح في ظاهرها نقاش عام وباطنها سب وشتم لنا نحن المصريين...حتي بت أعتقد أن هناك مندسين بيننا لا يمتون بصله لجنسيتنا وينثرون هذه المواضيع لغرض سيء في قلوبهم...أفهم ان هناك مواقف سلبيه تمر بنا سواء من بني جلدتنا أو من أخرين بعيدين عنا ...لكن أن نأتي لننشر مواضيعنا بطريقه مهينه لنا نحن في المقام الأول بعيدا عن الموضوعيه وبألفاظ وعبارات تحمل كم من المهانه بين طياتها تجعلنا نشعر بالغضب الشديد والحنق علي صاحب الموضوع ومن أيده في رأيه...

أحيانا يحجم العضو منا علي الدخول في نقاشات بسبب صاحب الموضوع وتاريخه الغير جيد في الرد علي متحاوريه وأحيانا بسبب المشتركين اصلا في الحوار نتيجه أستخدامهم لإسلوب غير مهذب وعلي بالهم خفة دم ...فما العمل وقتها؟؟؟ هل علي مثلا أن أتحاور مع مثل هؤلاء؟؟؟ حتي ولو كان صاحب الموضوع جاد في طرح وجهه نظرة؟؟

هناك من يحترفون تخريب أروع توبيك بطريقه محترفه وبأعصاب هادئه وقتها ماذا أفعل؟؟ كيف لي أن أستمر في المحاورة والنقاشات المثمرة؟؟؟

هل لديك حل لمثل هؤلاء؟؟

للاسف حينما تنتشر موجه التهريج وأستخدام ألفاظ غير لائقه في مواضيع جاده أبتعد قليلا حتي تنتهي هذه الموجه الفكاهيه والتي يستخف أصحابها ....علي أما أنحسارها..

عل وعسي يعود الحوار لمسارة الصحيح...

أشكرك أخي الكريم علي دعوتك الكريمه....

دمت في رعايه الله وحفظه

[amrhoras]

أ/النسر المصرى . مدام / زيزيتا .أ/قديم .أختى/ بدريه . أ/مصري للأبد أختى / مرمر أ/ محمود مصطفى . مدام /ناش

ِشكرا لمروركم الكريم واهتمامكم بأنكم تحضروا

فى مجموعة نقاط مدام ناش اثارتها وهذه النقطه فعلا اصبحت ملحوظة

انتقادات مبالغه فى بلادنا من أشخاص غير معلومين

استخدام ألفاظ خارجه

انحدار الموضوع من الجد والمناقشات السويه الى سب بين طيات السطور وبطريق غير مباشر

العناوين المستفزه

انه هناك بعض الاعضاء يفضلون عدم الرد للحنق والاستفزاز داخل الموضوع

كل هذه النقاط فعلا بدأت فى الظهور واعتبرها ظاهره لكن ماذا نفعل نحن الأعضاء وابناء المجتمع الذي يتجنى عليه

هناك فعلا موضوعات تستلزم الرد المباغت والهجوم الشديد لكن لا نتجنب كل عضو او كل مواطن مسؤل اتفضلين ياسيدتي ان نعود مرة اخرى الى نفس المشكله التى هى أساس المشكله فى بلدنا وهى (أنا مالى) كل شخص سيتبع نفس الأسلوب يوما بعد يوم شهر بعد شهر تجدين الوضع تضخم واصبح من الصعب السيطره عليه

أطالب ابناء بلدى بشيء ليس بالصعب

هو أن تنظروا بعمق للموضوع هناك موضوعات جديده كل لحظه لما لا فى دقائق معدوده فى وقت تصفح المنتدى دخول وتصفح طيات الصفحات الجديده ومن يملك الحجه فليتفضل بالمناقشه .مهما كان الاسلوب لكن فى حدود الأدب وانا متأكد اننا جميعا ملتزمين ونخاف على شعور بعضنا البعض

الشيء الثاني هو ادارة المنتدى

هم يعلمون تماما ماينبغى فعله لكن أخشى أن اقول أن البعض من الاداره الان متغيبين عن المنتدى اسأل الله أن يكون خير لاحظت فى الأونه الاخيره ذلك

الشيء الثالث لماذا انقطعت لغة الحوار بيننا ؟

اصبح الجميع عصبي فى ردوده ويظن فى ردود اخيه او اخته بل ويهاجم واعترف واعتذر اننى فى بعض الأوقات كنت أرد وبعنف من منطلق فهمي الخاطىء لكن أرجو من الأخوه الافاضل اولا وثانيا وثالثا توضيح وجهات النظر عدم التلاعب بالألفاظ والتى تفهم على انها سباب وهناك الكثيرين من يستخدم ألفاظ بمعان متعدده كي يجد الحجه والبرهان ( انا كنت أقصد كذا)

نحن هنا من أجل هدف واحد التواصل انسيتم ذلك أيها المصريين والعرب اننا اخوه هل جئنا هنا لاستعراض انتقادات لبعضنا البعض وأسوأ صور لنا أن كان كدى ملوش لزمه الجلوس امام الشاشه وافضل أن اجلس على مقهى يجمع جميع الجنسيات ونقوم بتبادل العبارات والسباب والتفاخر وهذا أقل مجهودا

ومنتظر ايضا حلول ايجابيه منكم وابداء رأى وأرجو اننا نبدأ من اليوم فى ضبط النفس وشعور أكثر بالمسؤليه تجاه انفسنا وبعضنا البعض كل شخص يعرض افكاره وشخصيته عن طريق كلماته وردوده وانتم فعلا وبدون أيه مجاملات او نفاق اعتبركم نخبه وجدت فيكم الصديق والاخ والاب والام والابن وجدت فيكم المثل والقيم التى كنت اعتقد انها اختف وجدت فيكم ما اتمنى ان اخطو خطاه فهل من مجيب؟

شكرا اخوكم عمرو :lol:

[ahmedarab]

عموووووووووووور حبيبى صباح الفل :lol:

فعلا دعوة جميلة وفى الوقت المناسب

وفعلا مؤخراً الموضيع معظمها بقت شد وضرب وتكسير وزعيق ..

دة حتى فية ناس من المنتدى اللى جنبنا اشتكوا من الصوت وانهم مش عارفين يناموا من الزعيق bxg:: bsh:)

بجد يا جماعة ..دعوة للتسامح ولتهدائة الاعصاب :lol:

ساعات يا عمرو من كتر ما ممكن يكون الموضوع او الردود مستفزة ..الواحد بيقرر انة ميردش احسن

بس خلاص وربنا يرجع كل حاجة زى ما كانت ويديم الحب والصداقة اللى بينا :lol:

على فكرة انا سمى مش كتوب md2: ...هاعديها المرة دى لكن اعمل حسابك ان المرة الجاية ...................... ابـــداً :P

[Folana]

السلام عليكم ورحمة الله ...

أنا شفت اسمى مكتوب....بالرغم من انى متواجدة يوميا...لكن قلة الكتابة ترجع الى عوامل عديدة لا تشمل ماذكرته اخى الفاضل عمرو...الموضوع ببساطة ان ممكن يكون لدينا مايشغلنا فى حياتنا الخاصة...يعنى مثلا انا بنتى بتمتحن وبأضطر انى اقعد اذاكر..:lol:

حضرتك كتبت :

الشيء الثاني هو ادارة المنتدى

هم يعلمون تماما ماينبغى فعله لكن أخشى أن اقول أن البعض من الاداره الان متغيبين عن المنتدى اسأل الله أن يكون خير لاحظت فى الأونه الاخيره ذلك

جميع افراد فريق الادارة والتنسيق متواجدون بصفة يومية..عدا الاخوة اللى لهم اعذار ومبلغين الادارة بتغيبهم...وجميعنا نتابع جيدا ما يكتب ويُناقش...ونتدخل وقت اللزوم...ويمكن ده سبب قوى من ضمن اسباب قلة كتابات المشرفين...لانهم بينشغلوا بمتابعة الموضوعات خصوصا اللى بتمتاز بنبرة حادة...

بس خلينى اتكلم بصراحة اكتر....هناك من الاعضاء من يأخذ تدخل الادارة فى موضوعه على محمل شخصى...ويزعل وينسحب..ويهاجم...وكأننا نعنى هذا العضو بشخصه واسمه ....

وهناك اصدقاء تراهم يتجمعون فى موضوع ويقاطعون موضوع ويهاجمون الاخر مجاملة لاحدهم...لدرجة ان حضرتك عندما تقرأ احد الاسماء تستطيع ان تخمن بسهولة من هى الاسماء الاخرى التى ستشترك...وده مش غلط طبعا...لكن الشىء المحزن ان نقوم بمقاطعة موضوع لان صاحبه دمه تقيل على قلبنا...او لان رأيه مش متوافق مع رأى صديقى...

يبقى فين النقاش هنا...؟؟ده كده كأننا بنتكلم فى غرفة محادثة مش صالون ثقافى...

هناك فنيات للحوار والنقاش...ارجو ان نتبعها حتى يصبح الحوار مثمر ويحقق هدفه المرجو...يعنى مثلا...

نبتعد عن محاولة السخرية من الاخر اثناء الحوار وتسفيه رأيه

مانحاولش نلصق صفة السلبية على افكاره او نقلل من قيمة مايقول

نصبر على محدثنا ونناقشه بالحكمة بعيدا عن الصراخ والعراك..

زى ما بنحب ان غيرنا يسمعنا واحنا بنتكلم يبقى لازم نستمع لكلامه او نقرأه جيدا ولا ننتقى مايروق لنا لاثارة المشاكل دون فهم فحوى الكلام..

نبتعد عن خدش الكرامة والتدخل فى مسائل شخصية اثناء الحوار...

يعنى عايزة اقول لو كل واحد بدأ بنفسه..وعرف سلبياته وفى المقابل تلمس مزايا الاخر...حنقدر نوصل لاسلوب نموذجى للحوار ..بعيدا عن استخدام الالفاظ السيئة والتلميحات الغير مهذبة...لان فيه بدائل كتير جدا للكلمات ممكن صياغتها وحتوصل برضه المعنى المطلوب...

ونتذكر اننا مش ساحة معركة..ونرتقى باخلاقياتنا لان مش كل الناس مطالبة انها تتحمل اسلوبنا اذا كان لا يناسبها..

كان فيه موضوع "فن معاملة الاخرين"...حاضيف مداخلة منه يمكن توصل اللى عايزة اقوله...

الموضوع

وقال تعالى :

"وما يلفظ من قول الا لديه رقيب عتيد "

اى ان كل مانتفوه به من قول سواء لك او عليك او من باب اللهو او من باب اللغو (والعياذ بالله )..يُكتب فى كتاب ...ونحاسب عليه..فلنحفظ السنتنا محبة فى الله ..

وأسأل الله ان يعاملنا واياكم بالعفو ويعيننا على انفسنا ويهدينا الى ما يحب ويرضى....

[kokowawa1979]

أخونا الفاضل عمرو صاحب مبادرة السلام - على الرغم من إن اسمي مش مكتوب أو مش مدعو للحضور ( قد يكون باعتباري أحد أعضاء جبهة التسخين الرياضية :lol: ) لكن آثرت أن أدعو نفسي لحضور هذه المبادرة - لإن كل مايقرب الأعضاء من بعضهم البعض لابد وأن نسرع الخطى نحو تنفيذه .

لي وجهة نظر بسيطة في هذا الموضوع :

لاأكاد أشعر باختلافات في وجهات النظر بين الأعضاء في أكثر من 90% من المواضيع باستثناء مواضيع قليلة جدا في باب الرياضة - 90% منها اختلافات حزبية أي بين حزب الأغلبية ويمثله الأهلوية - وحزب الأقلية ويمثله الغلابة الزملكاوية :lol: - فإن كانت الأغلبية لم تستطع إسكات الأقلية بالحجة وليس الحجر على الآراء فهذا قمة النجاح والديموقراطية التي تحسب للمحاورات ( الكلام ده جد مفيش فيه فلسفة أو هزار) لأننا لسنا في مجلس الشعب حتى تفرض الأغلبية رأيها بالقوة -يعني هنا تستطيع أن ترى الديموقراطية الحقيقية - ومن بعض سلبيات الديموقراطية أنك تجد في بعض الأحيان ( البعض القليل) تخرج المحاورات عن النص ولكن في حدود الذوق والأدب في النهاية - لكن قد يأتي أحدهم بكلمة غشيمة بلغة الكرة - يقلل فيها من الآخرين لمجرد أن الكلام لايعجبه - وقد تجد هذه الكلمة أيضا في مواضيع أخرى لمجرد أن هذا الشخص يشعر في قرارة نفسه أنه أكثر ذكاءا من الآخرين - وبالتالي مفيش مانع نكتب كلمتين - يشعر معها الآخر أنه أقل شأنا وثقافة .

مررنا بذلك كثيرا وتجاوزناه - وصدقوني طول مافيه أهلي وزمالك ستبقى أبواب الرياضة بها القليل من التسخين خفيف الدم - الذي قد لايعجب البعض كل حسب انتماؤه .

وأنا شخصيا لن أغضب إذا قام أحد الإخوة المشرفين بإلغاء أي مداخلة لي أتجاوز فيها حدود الأدب أو أقلل فيها من رأي باقي الإخوة المشاركين - وسأتقبل أي توجيه من أصغر عضو في المحاورات وهذا ليس عيبا - إذا شعر هذا العضو أنني أتجاوز في كتاباتي !!!

طبعا أنا شايف الكل بيستعجب ويقول : هو حد جاب سيرتك في الاجتماع - أما انت حشري صحيح :lol:

منك لله ياسي السيد يامن اخترعت أدوات التسخين في توبيكات الرياضة

وللجميع تحياتي

تم تعديل 13 نوفمبر 2007 بواسطة kokowawa1979

[أسد]

الأخ الفاضل عمرو

شكراً لإثارة الموضوع .. وشكراً لتذكرك إياي ...

تتكرر تلك الحالة على محاورات المصريين من حين لآخر ...

وتزداد في بعض الأحيان ....

تسيطر عليها عدم الخبرة والتسرع والحماس في أغلبها ..

وأحياناً تجد أن كل الموضوعات تدور في فلك الهامشية والسطحية ...

ولكنها تعود مرة أخرى لمسارها الصحيح ...

ولولا فريق الإشراف الذي يتسم بالوعي المطلوب .. ولولا وجود أشخاص مثلك ينبهون إلى مثل تلك الأمور ..

لما استمرت محاورات المصريين إلى اليوم بتلك القوة والأهمية ...

أنا عن نفسي ..

مشاركاتي قليلة الفترة الأخيرة نظراً لإنشغالي كثيراً في العمل وهمومه ومشاكله

بالإضافة إلى بعض المتاعب الصحية التي أمر بها مؤخراً ..

تحياتي لك وللجميع هنا

[kokowawa1979]

أسد كتب :

بالإضافة إلى بعض المتاعب الصحية التي أمر بها مؤخراً ..

ألف حمدا لله على سلامتك ياأستاذ أسد - مع أطيب أمنياتنا لك بالشفاء العاجل :lol: :lol: :lol:

[أسد]

ألف حمدا لله على سلامتك ياأستاذ أسد - مع أطيب أمنياتنا لك بالشفاء العاجل :lol: :lol: :lol:

أخي الفاضل .. كوكو واوا

شكراً لك شكراً جزيلاً ....

وشكراً لك كل الشكر على إتصالك الهاتفي ..

كلك ذوق .. وبارك الله فيك ...

[إبن مصر]

اخى الفاضل عمرو حورس..

انت شخص جميل ذو قلب رائع .

نحن نتحاور فيما نقبله من حوار.... تذكر ذلك.. فاذا وافق عدم القبول نفس امتنعت عن الحوار وان جاملت .. تكن كتاباتها بلا روح.

حتى فى السياسه والمواضيع الجاده ....

اذا تحاور اى منا وهو قد كون صوره مسبقه عمن سيحاوره تحملها التحدى والنديه المقيته وليس النديه التى تدفعك ان تستفيد ممن حباه الله بعلم اكثر ستجد ان الحوار ينتهى الى تسفيه احلام وعداوه تنهى حاله الاندماج الروحى بين اطراف الحوار.

وهذا سر المحاورات كما تفضل استاذى واخى أسد حفظه الله واتم شفاه...

فتأكد اننا لا ندع وسيله لتوفير الجو الصحى والجميل الذى يليق بمن يتحاور هنا الا واتبعناها ... ولكن يبقى المتلقى وقلبه هل هو يريد ان يقبل ام ماذا؟؟

وصدقنى انتم كلكم كنوز المحاورات .. ونحن نحافظ على هذه الكنوز... وبكم دائما نسعد..

شكرا لك...

اخى اسد.... اسعدنى ان ارى حروفك بعد طول غياب..

[badroora]

أستاذ : أسد الف الف لا بأس على حضرتك , ان شاء الله تكون بخير دلوقتي .

الف الف سلامة :lol:

[مسالم]

السلام عليكم ...

أخي العزيز عمرو .. مش عارف اقولك ايه .. انت خلتني احس بإحساس جميل .. يكاد يكون اندثر من كثره الآهات التي تمر علينا هذه الايام .. حرصك وخوفك على فقدان الحبيب (ألا وهو المحاورات) هو الذي دفعك .. لإستدعاء مجموعه لا يستهان بها من الخبراء والفطاحل .. من اصحاب الرأي السديد .. والفكر الرشيد .. بس اللي انا مستغربله .. اذاي يأخي تضعني بينهم وأنا العبد الفقير :lol: .. شكلي بقى وحش قوي في وسط هذه الكوكبه العملاقه..

ربنا يخليك لينا يا عمرو .. بس انا عايز اقولك حاجه .. اوعى عزيتمك تهبط .. احنا كلنا بنحب بعض .. بس انت عارف ان المصريين بيحبوا الفلفل المشطشط والمخللات والحاجات الحريفه اللي بتخللي الواحد مش قادر يظبط قاعدته ... من غيرها منعرفش ناكل .. قصدي نتحاور .. بس في النهايه احنا حبايب ..

دمتم في رعاية الله ...

تم تعديل 13 نوفمبر 2007 بواسطة مسالم