جولة سياحية في القاهرة لصديق أمريكي

[shawshank]

السلام عليكم جميعًا ...

لي صديق أمريكي سيزور مصر هو وأسرته هذا الشتاء إن شاء الله . أرغب في تنظيم جولة سياحية لهم في القاهرة والجيزة لمدة يوم واحد . فماذا تقترحون ؟

فكرت في تلك الخيارات :

1. الاتصال بشركة سياحية للمساعدة في ذلك .

2. أقوم أنا بتنظيم الجولة بالاتفاق مع مرشد سياحي لاصطحابهم .

3. أقوم أنا بتنظيم الجولة من الألف للياء واصطحابهم بنفسي .

مع العلم أني غير مقيم بالقاهرة .

تم تعديل 12 نوفمبر 2007 بواسطة shawshank

[أسد]

أرشح لك الخيار الثاني ...

أو الأول إذا لم تتمكن من تحقيق الخيار الثاني .. وهم سيقومون بدورهم بتوفير المرشد السياحي .. وإن كانت ستكون أعلى كلفة

أما كونك تعيش خارج القاهرة .. فقد يكون الأمر أكثر تعقيداً عليك إذا إخترت أن تقوم بكل شئ بنفسك

تحياتي

[ahmedarab]

عليك يا عزيزى بالاختيار التانى فعلا

لانه افضلهم من جميع النواحى الساحية منها والمادية ايضا

السلام عليكم

[Folana]

السلام عليكم ورحمة الله...

أشفق عليك اخى العزيز شواشنك من هذا الحِمل...جولة سياحية فى القاهرة والجيزة لمدة يوم !!...ربنا يوفقك وتتشرف قدام ضيوفك ان شاء الله...ولكن ضع فى الاعتبار ان نصف هذا اليوم ممكن جدا يضيع فى الزحام...وعليه حاول ان تختار يوم لا يكون فيه ماتش كورة ولا افتتاح دورة ولا عيد عمال ولا اى مناسبة وطنية ..والا حتخسر اصدقائك ..:lol:

الحل الثانى مرتبط بالاول..الا اذا كنت تعرف مرشد سياحى يقوم بالمهمة..وان كان لا...فطبعا حتتصل بشركة سياحة ترتب لك هى البرنامج (تحت اشرافك طبعا ) والمرشد وممكن العربية كمان حتى لا ترهق نفسك بالسواقة وتكره اليوم اللى فكرت فيه هذا التفكير الايجابى الجميل...

كونك لا تقيم فى القاهرة ده حيصعب عليك الامور فمن الافضل الغاء هذه الفكرة ...

البرنامج طبعا حيشمل زيارة الاهرامات وسقارة ..وممكن المتحف المصرى ...وانصحك بالابتعاد عن برج القاهرة..اظن فيه تصليحات اليومين دول ..وحتى لو ماكانش..برضه ابتعد عنه لان الطالع مفقود والنازل مولود...نتيجة الزحام على الاسانسير برضه...ومش حيعرفوا يشوفوا حاجة غير سحابة الغبار ...

وينتهى اليوم بعشاء على ضفاف النيل...اما فى احدى الفنادق المطلة على النيل..او على باخرة نيلية..وهم كُثر....وفيه باخرة تابعة للمطعم الصينى "بكين"..اسمها كده برضه...ديكورها صينى وبتقدم المأكولات الصينية لو بيفضلوها...ولو عايز وجبة اسماك يبقى عندك مركب سى جل على كورنيش العجوزة امام مطعم نعمة...برضه مكان ظريف...

او لو عايز تختصر فى المصاريف يبقى تاخد مركب خاص يطلع بك رحلة نيلية انت وضيوفك بس...اظن ده بيكون من روض الفرج او حاجة كده.مش متأكدة ....بس ده طبعا من غير اكل ولا شرب منك للمياه والسماء فقط...بس ممكن تاخد معاك اى مأكولات من التراث :lol:

ومتهيألى اليوم خلص كده....

ربنا معاك.... :lol:

[حسام يوسف]

السلام عليكم زميلى شاوشانك

انا صيدلى ولدى صديق عقبال املتك صاحب شركة سياحة

ممكن اعرف تفاصيل اكتر عن عددهم وميعاد وصولهم وبعض المعلومات وربنا يوفقنى واوصى عليهم ببرنامج كويس

ونعملك خصم كويس

ولوكان ينفع انا رايى تجيبهم يتفسحوا ف اسوان مش تعصب لبلدى والله

لكن الجو حاليا خرافة

واحلى حاجة ممكن تعملها معاهم توفرلهم فسحة واثار وجو حلو بعيد عن خنقة القاهرة

واى خدمة

[shawshank]

متشكر جدًا يا جماعة على النصايح ...

أنا فعلاً بدأت في الخيار الثاني عن طريق أحد المعارف الذي يعمل مرشدًا سياحيًا ، وقد ساعدني كثيرًا في ترتيب البرنامج وإمدادي بالمعلومات .

شكرًا جزيلاً للأفاضل : أسد ، ahmedarab ، Folana ، و د. حسام .

الأخ الفاضل د. حسام

عددهم أربعة : أب وأم وابنان عمرهما 15 و13 .

أسوان هيكون صعب لأن كل الزيارة 5 أيام . منها يوم في اسكندرية و يومين مثلا في مؤتمر .

Folana ... جميلة جدًا نصايحك : اختيار اليوم ، و الأكل الصيني ، والرحلة النيلية .

بالنسبة للسواقة ، المرشد السياحي هيتصرف في عربية بسواق من بتوع السياحة بشكل شخصي وليس عن طريق شركة سياحة .

شكرًا لكم جميعًا على الاهتمام وعلى الرد الإيجابي المفيد .