على الارغول.

[إبن مصر]

استاذى الفاضل الساهر.. شكرا لمرورك الكريم وكلماتك التى اعطتنى اكر من حقى ..وفى انتظار عزفك على الارغول فى هذه المساحه المتواضعه ..

يالى بتقسى عالزمان وافعاله

وتقول ظلمنى بقسوه احواله

تبكى الليالى والصبح من جرحك

ولا حد شايفك من الناس ولا لمحك

تكفكف الدمع والضحكه على خدك

يقولوا نصيبك كده تقول وماله

ماتقولش ان الزمان مجرحنى

وتمشى مكسور النفس ومحنى

الى جرح قلبك ده كان منك

لا هو خالك ولا كانش يوم عمك

ده الى هويته وخبيته فى قلبك

دبحك وجاى يقول لك سامحنى

ظالمين زمانا بينا يا اخوانا

والى فينا ده حصد افعالنا

ماله الزمان ومال غدر الحبايب

والى عاش بينا والى غايب

والى مسك فى الود وقام سايب

قلب الحبيب محتار وحيرنا

[إبن مصر]

سألت الراجل الى فى المرايه

انت شايف ايه جوايا؟

تكونش خايف

تبقى عارف

انك انت مش معايا..

انت فاكر لما كنا

بنتكلم كتير سوا

وانت ساكت!!!..

والناس تقول مجنون هابولا..

ويوصفوا لينا الدوا..

والا لما زعلت منك مره ومصحتكش

كان امتحان تكاليف اظن

.. وسيبتك مخدتكش

ورجعت لقيتك نايم..

ولما صحيت.. ..

مهمكش

ممكن اعرف

ليه بتخرف

وتقولى انك أنا؟؟

انت كل حاجه فيك..

ملهاش معنى هنا..

عمرك ما جيت معايا مشوار..

ولا رديت عليا فى حوار..

ولا مره كلفت نفسك

ودخلت عليا بكيلو خيار!!

من ساعه ما جينا هنا..

وانا وانت مبنتكلمش..

كل ما ابص عليك فى المرايه الاقيك مبتبربش..

بس تصدق بالله ..

وحشتنى..

اييييييه.. ابقى اكلمك تانى بكره بعد جلسه الكهربا..

بتصعب عليا قوى بعدها..

حالتك بتبقى متشقلبه

بشوف دموع فى عنيك..

دقنك طويله ليه؟؟

واديك.. مربوطه ليه..

كله منك .. يا قلت لك.. اوعى ترد عليه..

عاجبك كده .. اهو داسك برجليه..

وخلاك تقف فى المرايا..

عريان

تعبان..

مكسور.. وجبان.

يالله اسيبك بقى علشان بيندهو عليا..