كم تبلغ تكلفة البناء

[mfarouk]

يا شباب ارجو الافادة

عندي قطعة ارض بمحافظة سوهاج مساحة 90 م 2

واجهة 9 م على الشارع وبطول 10 م

اريد ان ابنيها علي اساس يتحمل 6 ادوار وابني عليه حاليا طابق ارضي وطابق اول علوي

فكم تبلغ تكلفة البناء - للأعمدة والاسقف فقط - حاليا لمثل هذه القطعة " رجاء التفصيل "

[mfarouk]

ايه يا شباب ما فيش رد ليه

انتم مش عارفين ولا ايه

[vipwithyou]

يا شباب ارجو الافادة

عندي قطعة ارض بمحافظة سوهاج مساحة 90 م 2

واجهة 9 م على الشارع وبطول 10 م

اريد ان ابنيها علي اساس يتحمل 6 ادوار وابني عليه حاليا طابق ارضي وطابق اول علوي

فكم تبلغ تكلفة البناء - للأعمدة والاسقف فقط - حاليا لمثل هذه القطعة " رجاء التفصيل "

طيب يا عزيزى أنا هأضع لك مشاركة وجدتها فى منتدى آخر عن الموضوع دة ويمكن تفيدك بس كانت على مساحة 80 متر وحاول انت تحسب على أساسها أوكى والدراسة كالتالى

لو افترضنا أن مساحة المبني 80 م2 (بالبروزات - البلاكونات)

فيكون مكعب الخرسانة المسلحة للسقف والأعمدة= 20 م3 تقريبا

ومكعب الخرسانة المسلحة للأساسات = 20 م3 تقريبا

فيكون مجموع مكعب الخرسانة المسلحة فى المرحله الأولي (الدور الأرضي + الأساسات) = 40 م3

متوسط نسبة الحديد = 80 كجم\ م3

نسبة الأسمنت = 350 كجم \م3

وباعتبار ان

سعر طن الحديد = 3600 جنيه للطن

سعر الأسمنت = 400 للطن

بس طبعا اوعى حد يحسب على كدة علشان لما نيجى نبنى هيكون الرقم ممكن اتضرب فى أرقام تانية ولا حاجة ربنا يستر المهم

فتكون تكلفة الدور الأرضي = 11500 حديد تسليح + 5600 اسمنت + 2000 زلط ورمل + 4000 مصنعيات + 400 حفر + 400 عزل للأساسات + 400 ردم للوصول للمنسوب الأرضي + 1500 مباني حتى منسوب أرضية الدور الأرضي + 5000 لمباني الدور الأرضي + 1000 مياه للتشغيل =31800

يضاف حوالي 10% مصاريف إدارية ( حراسة ونقل عدة وهوالك ومصاريف غير منظورة)

فتكون التكلفة الإجمالية المثالية حوالي 35000 للدور الأرضي ( حفر + خرسانة مسلحة + ردم + مباني )

بس ياسيدى

يارب أكون قدرت أفيدك بأى حاجة

وعلى فكرة الدراسة دى كانت فى أرض صحراوية علشان أعمال الحفر والردم والأساسات وكدة

وفى النهاية أفضل تستشير أى مهندس أكيد هيفيدك أكتر منى طبعا

وادى العيش لخبازه أحسن

شكرا

[mfarouk]

الله ينور عليك يا سيدي

وافادكم الله

شكرا