سين سين .. حبيب الملايين

[kokowawa1979]

بعد إذن الزعيم الروحي للزملكاوية الحنرال موديست !

يتقدم كوكو واوا باسمه وباسم جميع الزملكاوية المزعجين بالمحاورات ( بعد إذنهم طبعا) - بأسمى التهاني البيضاء لصاحب القلب الأبيض - وصاحب منصة صواريخ البسمات الموجهة - زعيم الأهلوية - وصاحب الموضوعات المتنوعة - بل صاحب الرقم القياسي في المحاورات ( الأهلي لو عارف كدة يديك العضوية الشرفية mf) ) .

وباسمي وباسم جميع الزملكاوية نعاهد سي السيد بعدم التعليق على أي مداخلة لأي أهلاوي بالمحاورات حتى نهاية هذا الشهر حتى نحتفل ونسعد جميعا بزعيم الأهلوية - بل وزعيم المحاورات ( بحكم عدد المشاركات) - داعين المولى أن يجعله عيدا سعيدا عليه وعلى الأسرة الكريمة - وداعين المولى عز وجل أن يمد لنا في عمر أخونا وحبيبنا الغالي سي السيد .

كل سنة وانت طيب يازعيم

:closedeyes: :happy: :blink: md2: :lol: :sad: :wub: bv:-

[عصام أبوالفتح]

الحقيقة انا بعيد عن الاجتماعيات .. بس حبيت اشارك هنا بدل ما افتح توبيك جديد عشان احذرك يا س س .. مستر جوجل بوت هايسبقك خلال يومين ولازم تشارك فى كل توبيك يفتح فى المنتدى عشان تفضل متصدر قائمة افضل واكثر المشاركين بالمحاورات

كل عام وانت طيب يا جميل :closedeyes:

[لخبطه]

كل سنه وانته طيب يابو عمر وربنا يعود الايام عليك بخير

بس انته غسطان فين وسايب الفرح هنا هايص

طبعا أنا مش عارف اجيب لك هديه تليق بيك ولا على رأي المثل

مافيش حاجه بتيجي من الشرق تسر الغرب :closedeyes: :happy: :blink: md2: :lol:

تم تعديل 14 نوفمبر 2007 بواسطة لخبطه

[شينكاوي]

السلام عليكم ورحمة الله

جعل الله ايامك الاتية يا سي سي في طاعته ان شاء الله

مع عدم مشروعية اتخاذ يوم المولد عيدا لانه لم يرد عن النبي صلي الله عليه وسلم او احد من الصحابة او التابعين ان احتفل بمولده

ومع تمام الاقرار بأن الاحتفال بيوم المولد هو من البدع التي دخلت علي المسلمين .الا انني اقول لكم جميعا كل عام وانتم بخير وجعل الله ايامكم في طاعته ان شاء الله

وندعو لاخونا سي السيد ان يتقبل الله صالح عمله وان يبارك له في زوجه واولاده وان يوسع له في رزقه وان يجعله الله دوما

من عباده الصالحين.اميييييييييييييييييييييييييييييييييييييييييييين

[Modest]

أبو أشرف الله يستره :) لما عِرف إن حبايبك كتير و الإقبال على الاحتفال بك منقطع النظير بعت لك كِمالة علشان تعرف تصرف على المعازيم

طيب أوي أبو أشرف ده .. أمانة عليك تعرّفني عليه يا سين سين :D

[Folana]

السلام عليكم ورحمة الله ...

:lol: ...هو النهاردة الليلة الكبيرة ولا لسه الليلة الصغيرة لمولد سيدنا السيد.؟

مدد يا سيدنا السيد ..مممممممممممممدد wst:: :D

انا حاأجى اهنى بكره علشان تكون التورتة موجودة والسليزونات ونطفى الشمع وكدهوت يعنى...

كل سنة وانت نص طيب...وبكره اجيب النص التانى... :)

السلام عليكم ورحمة الله...

أنا رميت امبارح عربون نص كلام...والوصل فوق اهو...

نكمل باقى المبلغ بقى..

كل سنة وانت النص التانى طيب..

يبقى كده

كل سنة وانت نص طيب + كل سنة وانت نص طيب

كل سنة وانت واحد صحيح طيب

كل سنة وانت طيب..........سلامى لابو اشرف كتير ...وبلغه ان نينته الحاجة فلانة نفسها تشوفه هو والشنطة اللى رايح جاى بها دى....

:blush2:

[امانى]

اخى الرائع سى السيد

كل سنة وانت طيب 0 كل سنة وانت منور المحاورات بمواضيعك المتنوعة الرائعة وقفشاتك اللذيذة

وعقبال منهنيك كل سنة وانت محقق كل امنياتك وربنا يكرمك انت والاسرة والانجال امين يا رب العالمين

امانى

[miramar]

كل سنة واستاذ سين سين بالف خير

هدية عيد الميلاد بقى

عمايل ايديا وحياة عينيا

مرمر

[م.سامح المصرى]

السلام عليكم ورحمة الله وبركاته

استاذي سي السيد

تقبل مني كل تحية وتقدير

انا امبارح عمال افتكر وانا بعملك الكروت

هوا ابو محمد ولا احمد قلت اعملها سي السيد بقي

وحياتك ما رضيت انام غير لما اعملهم

هوا انا كنت عايز اعمل واحد لابو اشرف بس قلت يمكن مش عيد ميلادة انهاردة

بس جوجل بوت دا قليل الزوق اوي مش مش يقول كل سنه وانتا طيب ولا حاجة المهم

اتفضل يا استاذي العزيز

[عصام]

ودى هديتى ..

سمى وادخل برجلك اليمين ...

لا مؤاخذة يا موديست يا اخويا أنا قلت الدولار بيطلع وينزل .. فقلت سين سين رفيق الكفاح وخريج الرعيل الأول يستاهل حاجة بتطلع على طول ..

بارك الله لك فى عمرك ومتعك بالصحة ما أمد لك فيه يا ابو السيد ..

:D

عصام شوقى

أمين مخزن مجلس الذهب العالمى .. ونسن سكاكين

[Tafshan]

كل سنه و انت طيب يا عم س ..

و بهاذوها المناسبه .. محضر لك جوز كوارع عجالى و سلطانية فتة من اللى موصى عليهم العهد الجديد ..

اخطف رجلك انت لدبي عقبال ما الكوارع ما تستوى :D

[ahmedarab]

كل سنــــــــة وانت طيب يا عزيزى سين سين

وعقبال مليون سنـــــــــــــــة وانت فى خير حال وأتم صحة

:rolleyes: :blink: :blink: :lol:

[se_ Elsyed]

إنت فاجأتوني يا ولاد

خير اللهم أجعله خير أجي داخل البيت الاقي الدُنيا ضلام دامس ولسه بامد إيدي على كوس النور الأقي موديست عامل حركات دوت كوم ومكهرب الكوبس وفجأة هو يوصل التيار والاقي كل حبايبي في التوبيك ... باسأل واحد جمبي قالي إن النهارد الخامس عشر من تشرين وده يوم ميلادك يا معلم ...

إتفاجئت وجالي حالة إذبهلال - قال ما كانش عارف قال - شوف يا اخويا الكُهن بتاع المُشرفين -

ميرسي لكم جميعاً فرداً فرداً

ميرسي لصاحب الموضوع .... الزملكاوي الحزين موديست ... ربنا يفرحه يارب قريب إن شالله الزمالك يكسب حتى دوري القطاعات بتاع الناشئين بس أشوف موديست موسبنشق قبل ما أموت واشوفه رافع راسه وسط الكفر وواقف في السرادق بيتلقى التهاني بفوز الزمالك والطبل والزمر شغال من حواليه ... ويا سلام يابو المداميس انا لو عندي شنطة سونسو نايت مليانه ورق أخضر من اللي إنت اكتفيت بوضع صوره ده ... ده انا كنت جبتكو كلكو على كفالتي وأسيبكو تشتغلو برهة عند كفله تانيين ومش هاخد منكم إلا 100 ريال في الشهر ... أيووووووووووووووووه يا جدعان ... ده الغنى حلو ياولاد ... بس الفقر بالنسبة للي مثلي حشمه ، بيني وبينكم لإن أول حاجه هاعمله لو مسكت خمسة باكو في إيدي هاتجوز تاني .. وهاسيب المنتدى وهاقطع علاقتي بجميع اللي كانوا عارفين إني كنت في يوم من الأيام فقري ...

نجفة المنتدى ... شكراً ليكي يا نجفة وشكراً لمحاضرة الغسيل عالبابور ... رجعتيني 50 سنة مارش دير ... وشكراً مرة ثانية على طقطوقة بكار دي ... الواحد ما بيشبعش من اغاني منير ....

فلانة هانم المنسترلي ...يا رفيقة الكفاح الإشرافي المُسلح ... أنا مُشكر ليكي ( باصي لي دفتر الإنذارات بعد ما تخلصي عشان عايز أوجب مع كل المهنئين )

تيتو .... يعني لازم اعمل عيد ميلاد كل يوم ثلاثاء عشان نشوفك ؟

عمرو حورس ... يعني المحاسبين الأشقيا وعفاريت دفاتر الأستاذ

نسووور الأمور ...... أنظر الرسائل الخاصة صفحة " تهاني واماني آه ياما ياني "

أحمد فرحات ..... أنا منتظر تزنق إسمي في قصة مفيدة .. إن شالله تطلعني بدور بياع سريح كان بيعدي من قدام بيت مفيدة وهي كانت بتشتري منه تين شوكي لإنها كانت بتحب الجوافة ....

ليون كنج الشهير بأسد .... متشكر يا أبو الأسود ..... في الوكر بقى زي ما أتفقنا بس خليها بعد إجتماعات أوبك عشان مش عارف أتحرك بالعربية ....

ياسو فيناس كلاماتا ..... بوسلي عمر من هنا ومن هنا وإوعى تنتقم من الواد في صورتي وتقوله " والله لأعذبك ياللي عيد ميلادك يوافق عيد ميلاد عمك سين أبو سين "

أبو عمر الغالي ... دي شكلها صورة عمور الامور ... تخيل في شبه مني لما كنت صغير .. والله بتكلم جد .... كنت مكلبظ ومتختخ ... لكن لما كبرت عوامل التعرية والظروف المناخية لعب لعبتها وإتحولت وبقيت شكل تاني ...

مدام زيزينيا ...... انا متأكد إنك لو فاضية شويه كنتي عملتي إنتشار وتوغل في المنتدى واعطيته شكل ولون وريحه كمان .... ( فين الشيرز . أنا تكتكت من البرد ؟ )

شهد ... الله ... حلوين قوي شوية الكروم دول ....أنا هاخدهم أعصرهم واعبيهم في قزايز ...... ما تفهمنيش غلط وأشربهم عصير عنب قبل الأكل عشان نفسيتي تنشرح ...

ناش أم ياسر ... يعطيكي العافية وبنا يطمنك على ياسر ( عامل إيه في مشوار الجامعة اللي في أخر الدنيا ؟ )

سمسمه .. المختفية واللي بتظهر في المناسبات لاسعيدة .. شكراً لتشريفك الحفلة - روحي البوفية خديلك حتتين باسطا وقزازاة عصير عنب -

د / نانو ....... مش عارف يا دكتورة دايماً يوم عيد ميالدي بيجيلي حموضه كده وإحتقان في فُم المعدة على طول بعد ما أضرب التورتاية ودستتين الجاتوه ؟ روحت لدكتور عظام قالي : مانت سيادتك بتاكل الشمع مع التورتة ... تفتكري الشمع يعمل كل ده ؟ ....

وسلامي لحبيبي الدكتور هوبا المختفي ... قوليله أرجع الزمالك عنده 17 نقطة والخامس في جدول الدوري دلوقت ما شاء الله ..

فلانه هانم ... اللي ليها مداخلتين وفاكره إني بأكل من الكلام ده وراحت غيرت الهدوم ووقفت تاني في الصف عشان تاخد حتة جاتوة زيادة ..... فين مشرف الباب ده ياخوانا يشوف الناس اللي بتحمرق دي ؟

جوجل بوت .... اخي العزيز جوجل بوت اللي حاشر نفسه في كل المواضيع .. أنا عارف إن إنت جماد لا تسمع ولا ترى ولا تتكلم .. لكن كونك تيجي وتتعب نفسك فده جميل على راسي من فوق .. وإن شالله تكون قرد مسلسل حتى برضوا هاتاخد واجبك في ليلة مفترجة زي دي وهاتتراضى ...

سولي ... فناننا الصاعد ميرسي على الكرت ... جميل جداً وتسلم إيدك ( تعرف تضرب لي جواز سفر ما يخرش الميه ؟ وليك الحلاوه )

شريف الشهير بشرشر العجيب ... نجم الصحف المعارضة والمستقلة وعدو الإعلاميين التعبانيين .... ( نتقابل على قهوة المشرفين بالليل يا مان )

داروين بتاع نظرية الجاذبية ... شكراً يا داروين ( ميسدات بقى زي إمبارح .... :rolleyes: )

somebody .... شكراً عالوردة البلدي دي وفعلاً الهدية في معناها مش في قيمتها ، عندك مثلاً أكوام الفلوس اللي نقطني بها موديست ... او محل الصاغة بتاع عصام ... يسووا إيه جنب رقة وردة بلدي مندية ؟ ( سامحني يارب )

كوكو إبن أبي واوا ..... ما فيش كده صندوق طماطم مسقي مية ورد ... ولا قطف عنب بناتي ... ولا بابازتين على الطاير .... إيه إنت جاي عيد ميلاد واحد محروق ؟

م / عصام ملك العقارات .... اخبار القرعة إيه يا مان ؟ .... ميرسي يا عصام واتمنى التعارف عليك عن قرب عشان تعزمني في الفيصلية إن شالله في الـ 11 A أنا راضي

لخبطه ... سمعني يا عم اغنية كوكب الغرب نانسي عجرف " لخبط لخابيط .. شخبط شخابيط " حمد الله عالسلامه يا لخبوط

شنكاوي ... شكراً على الدعاء ربنا يباركلك ويستر طريقك ...

أماني هانم ... ما تتكسفيش بقى وتحطي إيدك على وشك ... إدخلي برجليك اليمين وإقطعي لك حتة جاتوة من بيت الكلاوي .... ده عيد ميلاد أخوكي سين سين ولو ما أخدتيش حقك بدراعك هاتروحي جعانه ...

مير مير ... أول مره أعرف إنك في الرياض .. وده لما سمعت هيصه وزمبلطية عشان اجازة السبت والحد ... إنتي تعرفي عمر إبني ؟ أصله عمال يتحزم ويرقص علشان الاجازة وبيلوي دراعي ويقولي : يا سلام يا بابا لو أأجز يوم الإتنين كمان ؟

عصام .... حمد الله علاسلامه يا مان ( فكيت السلك إمتي :blink: ) يا عام انا مش عايز حيطه دهب ... انا راضي بغويشه وحلقين بس نعدي بقى يا عم عصام وبلاش موضوع الصور ده خلينا نقب بقى ..

طفطش حبيبي ... كوارعك وصلت يا مان .. لكن خلاص يا طفطش يابني انا داخل بسرعة الرهوان على مرحلة ما بعد الزبادي وبالتالي بقيت أحافظ على نظام أكل معين ( بس لو تعزمني على ممبار ولحمة راس .. أحجز وأجيلك من الصبح )

أحمد عرب باشا ... ميرسي على مجاملتك ربنا يخليك يارب ...

وميرسي جداً لكل من اتصلوا بي مكلمات دولية عشان يهنونني ...

وربنا يستر طريقكو ولا يعريلكو جته ويطعمكوا ما يحرمكو ... قادر يا كريم ..

[Ahmad Farahat]

عمو ثين ثين كتب

أحمد فرحات ..... أنا منتظر تزنق إسمي في قصة مفيدة .. إن شالله تطلعني بدور بياع سريح كان بيعدي من قدام بيت مفيدة وهي كانت بتشتري منه تين شوكي لإنها كانت بتحب الجوافة ....

لأ يا س.س يا حبيبي

ممكن أكتبلك قصيدة لو انت عايز

بس للأسف ملكش دور في مفيدة

أقلك على سر

بعد قصتك العاتطفية فكرت أعمل قصة وكان هيبقى الصراع ما بيني وبينك فيها

بس قلت انا مش قدك يا عم.....أكيد هتغلبني فيها

خليني في اللي اعرفه أحسن

عموما متقلقش

بس تابع القصة كويس

أكيد هتستفيد حاجة لو عندك أطفال صغيرين (الكلام ده بجد)

وعايز تخلي عندهم اهتمام بالأشياء المفيدة

[محمد عبدالعزيز]

أنا حاولت أبعت تهنئة فى أول يوم بس الظاهر كده الدنيا كانت زحمة وكل الناس كانت عايزة تدخل الموضوع عشان تهنى, وأنا بصراحة مش باحب الزحمة والوقفة فى الطابور قلت أستنى على جنب لغاية مالطابور يخلص وأخدك على رواقة كده, ومش مشكلة بقى مش لازم ألحق حتة جاتوة ولا حتة تورتة, هدية أبو أشرف تكفى أهل المحاورات كلهم :rolleyes:

كل سنة وانت طيب يا سى السيد وعقبال يارب 100 مليون سنة

:blink: :blink: :lol: :roseop:

[amrhoras]

بندحرج التماسي على الورد القاعد على الكراسي ونقولهم ميه مــــــــــــــــــــــــــــــــــسا :rolleyes:

عمنا سين سين يعنى الجدعنه :blink:

يعنى خفة الدم :blink:

يعنى الردود الحلوه :lol:

يعنى الضحكه الصافيه

يعنى طيبة القلب

يعنى الدماغ الصاحيه

يعنى احلى شباب يامصر بره وجوه

يعنى الناس المخلصه

يعنى كل حاجه حلوه

ونقوله كل سنه وانت طيب ياعمنا وعقبال مليون سنه يارب

كان معاكم عمرو حورس من وسط الدفاتر والموازين وسمعنى يلا سلام صعيدي شحط محض لعم سين سين وادى خماشر جنيه تحيه

[kokomen]

تهنئة كبيرة قوي لزعيم القرن كبير الأهلاوية الأستاذ الفاضل : س س \ سي السيد

تهنئة بعيد ميلادك بالمئوية مع كل الأهلاوية والزملكاوية والإسمعلاوية والمصراوية والإتحادوية

وكل جماهير مصر الوفية بتهني سي السيد وتتمنى له السعادة الأبدية وتدعوا له بالصحة والعافية

ولكل أفراد أسرته بالسعادة وعقبال ألف سنة في صحة وسعادة وراحة بال

وتقبل أحمل التهاني والتبريكات من هيئة مكتب المحاورات للتهاني والمناسبات السعيدة

1- فولانة هانم الزعيمة

2- بدرية هانم مكاوي

3- احمد فرحات باشا

4- الطيار المصري الجميل

5-ابو احمد الإسكندراني

[عصام أبوالفتح]

م / عصام ملك العقارات .... اخبار القرعة إيه يا مان ؟ .... ميرسي يا عصام واتمنى التعارف عليك عن قرب عشان تعزمني في الفيصلية إن شالله في الـ 11 A أنا راضي

أاااااااادى اللى بناخده من الاجتماعيات ... شفتوا .. أهو أول ماقولتله كل سنة وانت طيب قالى اعزمنى فى المش عارف ايه ..

أمال يا س س لو حطيتلك وش واحد مبتسم هاتعمل ايه ؟

انما خلاص .. انا كريم وانت تستاهل .. بس من 4 العصر ل 8 م .. واخدلى بالك طبعا .

القرعة مدخلتهاش ومتهمنيش النتيجة .. لو واحد نباتى أساساً يتخانق على طابور لحمه ليه ؟

ومسيرها ترطرط والناس تتخانق على حاجة غيرها .. ماهو احنا شعب بندمن الطوابير

بعدين بلاش ملك دى الله لا يهينك لبعدين نترحل لهونولولو انت وانت وعمر .

[مصرية يعني مصرية]

مناسبة زي دي لا يمكن لايمكن تفوتني

كل سنه وانت طيب س س

وعقبال مليون سنه يارب

كل سنة و انت بألف خير يا سي السيد

عييييييييييييد ميلاااااااااااااااااااااااااااااد سعيد عليك يااااااااااا رب .. اجمل سنين العمر ان شاء الله يا رب ...

ربنا يسعدك و يكرمك و يحفظك ياااااااااااااااارب ..

معرفتش كام شمعة حطيت العلبة كلها

[النسر المصري]

تم مسح مداخلاتي للانسحاب

:unsure:

تم تعديل 24 يناير 2008 بواسطة النسر المصري