تحية لكم من تايلند

[ديكارت]

السلام عليكم اخوتي

احييكم من بلاد الزهور

بلاد بوذا وكانتي

صدقوني لم تسعني الفرحة وانا اشاهد هذا المنتدى . فانا في هذه البلاد اكاد انسى حتى شكل الحرف العربي .

اامل ان اجد بينكم العزاء والسلوان وان يبارك الله في تجمعنا هذا ( قولوا امين )

ولو اني اجد ان غالبية المهاجرين هنا من الغرب الا اني ساذكر بياناتي لعل احدهم يكون في تايلند او حتى قربها

انا اعيش في بانكوك وهي العاصمة واتردد كثيرا على بتايا .

اعمل في ادارة مطاعم عربية في بانكوك وبتايا .

غادرت القاهرة في عام 1992 الى الرياض وبعدها بسنتين تقريبا سافرت الى تايلند .

عمري 31 عاما ومنذ خروجي من مصر لم اعد اليها . ولكن والداي يزوراني هنا كل صيف .

[ashraf1000]

اهلا و سهلا بيك فى المنتدى فعلا الواحد ماكنش يتصور ان من غير مكان زى الانترنت كان ممكن المصريين يتلاقوا اذاى

ياريت تعرفنا على البلاد الجميلة دى و قصتك يعنى كيف وصلت وهذه الاشياء و اهلا بيك كمان مرة

[Masrawy Abroad]

مرحبا بك في تجمع المصريين الرحالة اللي تلاقيهم في كل حتة من العالم...أنا كنت فاكر اللبنانيين بس اللي بيعملوا كده :mad:

احكيلنا عن تايلاند واللي بنسمعوا عنها....انا سمعي عنها مش خير الصراحة وهي بلد سياحية درجة أولى وخاصة السياحة الخاصة والتي تجذب الأمريكيين وأكيد العرب من الخليج :) ......الأمر اللي خلي مرض الايذز فيها فاق المعدلات وبانكوك ليها شهرة بس من نوع خاص....على فكرة هذا ما نقرأه في وسائل الاعلام والله....الشيء الأغرب واللي سمعته وهو ان أغنية مصطفى قمر اللي صورها هناك وسط المناظر الخلابة وطالع معاه شوية بنات حلوين أوي يقال ان نصفهم رجالة وهذا أمر شائع في هذه البلد...نورنا الله يخليك :) :D

[ديكارت]

اخواني

اشكركم على تفاعلكم معي

بخصوص البلد فهي ان صح التعبير ( بلد المسموح )

يعني ما فيهاش حاجة ممنوعة ( واطلق لخيالك العنان ) :) :) :D

ومرض الايدز منتشر عندهم بسبب الجهل ( نفس السبب في افريقيا )

اما عن البلد فهي جنة الله في أرضه والشعب ودود بشكل غريب .. لدرجة لا تتصوروها . لانهم بيعلموهم في المدارس ان السائح هو سبب رزقك واذا زعلته حنموت من الجوع.

على فكرة فيه مصريين كثير بييجوا هنا واغلبهم من الشباب . وبييجوا سياحة طبعا ... اما السعوديين فمن عام 90 الحكومة السعودية قطعت العلاقة مع تايلند لان شباب كثير انحرف وادمن المخدرات بسببها وده اضر بالاقتصاد التايلندي لدرجة ان العملة بتعتهم ( البات ) انخفضت 12%

[الطفشان]

الاخ المصري التايلاندي

اهلا بك

من العجيب وجود المصريين في كل مكان حتى تايلاند

انا جربت الاكل التايلندي، بس لقيته حراق موت، زي الاكل الصيني، بس ولعة زي الاكل الهندي

على فكرة: بوذا و عارفينه، مين بقى كانتي دي (و الا دة)؟

[ديكارت]

اهلا يا طفشان

هي جت على حراق . انت لو تعرف بياكلو ايه فاتح للشيهة قبل الاكل كنت شطبتهم من قاموس البني ادمين . بيمزمزو قبل الاكل بصراصير وديدان وخنافس يخخخخخ :shock: :shock:

أما كانتي ده ( مش دي ) فواحد من اتباع بوذا وهو عندهم زي بولس الرسول عند المسيحيين ( ده عن البوذيين الجنوبيين ) لكن الشماليين بيعتبروه كافر وخائن لمبادئ بوذا .

[طاش ماطاش]

هي جت على حراق . انت لو تعرف بياكلو ايه فاتح للشيهة قبل الاكل كنت شطبتهم من قاموس البني ادمين . بيمزمزو قبل الاكل بصراصير وديدان وخنافس يخخخخخ   

اذا كان فاتح الشهية بالشكل دا ، أكلهم شكله ايه

انا عندي فكرة ان فيه مطاعم عربية

[ragab2]

أهلا

يا أخ ديكارت

وأهلا بتايلند بلد العجائب

وتذكرنى بتايلند التى زرتها من حوالى عشرين عاما فى طريقى لهونج كونج

كانت وقتها بلدا فقيرا جدا ويوم وصولى بانكوك كان المطر يغطى الشوارع بارتفاع متر تقريبا

والجنس فى تايلند مثل الماء والهواء والدولة والمجتمع التايلندى يشجع السياحة الجنسية وتشتهر تايلند مع السياحة بالملابس الرخيصة التى تباع بالدستة بالاضافة للأحجار الكريمة بأرخص الأسعار حيث تستخرج من جبال تايلند وتصنع فى هونج كونج

والمرأة

فى تايلند بعد أن تنهى دراسة الجامعة تتوجه الى العاصمة بانكوك أو بتايا المدينة الساحلية لمزاولة الدعارة فى الفنادق وبيوت الدعارة المرخصة من الحكومة الى أن تجد وظيفة مناسبة أو تتزوج

وتوجد فى بانكوك بيوت خشبية مؤقتة دورين أو ثلاثة لسكنى التايلانديات النازحات من الأرياف والضواحى لهذا الغرض فتجد البيت الواحد يسكنه حوالى مائتان أو ثلاثمائة بنت

وفى بتايا تطارد بائعات الهوى السياح بطريقة ملحة ولا يكلوا عن الالحاح حتى لو السائح قد اختار منهم واحدة أو اثنتين يظلوا فى مطاردته للانضمام الى من معه من بنات

وتنتشر فى بانكوك بيوت الدعارة والتدليك التى يقوم بها فتايات وتتم فيها الدعارة أيضا مع فتيات التدليك

بالاضافة الى الأكشاك الخشبية المنتشرة على شاطئ البحر وتعرض فيها بنات الدعارة بالآلاف

أما الفنادق فى بانكوك فحدث ولا حرج فأسفل كل فندق يوجد لوبى يحتوى على حوالى ألفين أو ثلاثة آلاف بنت من مختلف الأشكال للدعارة

كما أن صاحب الفندق وموظفيه يلحوا على النزلاء فى احضار بنات لهم حتى

يستفيدوا من الزيادة فى فاتورة اقامة العميل حيث تحسب الداعرة بأوفر جست over guest بالاضافة للطلبات الزائدة التى يطلبها العميل من عشاء ومشاريب وبعض الفنادق تحتفظ بطقم من بنات الهوى لديها لهذا السبب

ولا تندهش اذا شاهدت رجلا أو امرأة عارية تماما تتمشى فى ردهات الفندق

فأنا شخصيا قابلت رجلا سعودى مع بنت عارية تماما كما ولدتهم أمهم ينزلوا من الدور السابع الى الدور الثالث وبدون أسانسير وكانوا ثمل

وتايلند كانت بلدا رخيصا جدا عندما زرتها وكان كل عشرين بات يساوى دولارا واحدا

ويفضل

فى تايلند صغار الفئران أو زغاليل الفئران قبل أن تفتح عينيها وتؤكل محمرة فى السمن حيث يعتقد هناك أنها تقوى الجنس

بالاضافة أنهم يأكلو الكلاب وخاصة العائلات الفقيرة لأنها أرخص أنواع اللحوم

ويفضلوا الكلب الاسود ويقتل بطريقة الغمر والتغطبس فى الماء أو ضربه على رأسه ولا يذبح لاعتقادهم أن ذبحه يجعله زفر

وأترك

الباقى لديكارت لامتاعنا بالمزيد

[ashraf1000]

ايه ده بياكلوا فران و صراصير

انت متاكد انت اكلت ايه يا اخ طفشان

دا فى مطعم تايلاندى كنت بافكر اروحه بس كده خلاص خلصت .

[الطفشان]

ايه ده بياكلوا فران و صراصير 

انت متاكد انت اكلت ايه يا اخ طفشان 

دا فى مطعم تايلاندى كنت بافكر اروحه بس كده خلاص خلصت .

و الله الكلام كان زمان قوي

و اتأكدت انه بط و فراخ و لحم بقري

دة ما كانش في تايلاند نفسها، فلا اظن ان عندهم فيران و لا صراصير

بس الحرقان كان مش معقول لدرجة ان بطني سابت

مع اني باحب الاكل الهندي (اللي مش حراق قوي منه طبعا)

[freefreer]

اتأخرت فى الترحيب بيك يا ديكارت .. فسامحنى .. طبعا تايلاند بلد اخرى لا تعلم عنها سوى القليل جدا .. و أرجوا ان تحكى كل شيئ .. و ياريت صور .. و العملة و الأسعار .. الخ الخ ..

بالنسبة للصراصير .. طب ماحنا بناكل الجراد .. و الفسيخ .. و المش بدوده .. ولا ايه .. :oops:

و شكرا

:D

[Horus]

فكرتونى لما كنت فى لوس انجلوس الصيف اللى فات و روحت انا و الاولاد محل بيقدم اكل تايلاندى او اندونيسى موش عارف ... الحمد لله انا متاكد من الاكل عشان الراجل اللى بيدور المحل مسلم و عرفت عنه من الجامع... المهم طلبنا ارز و خضراوات و لحوم - فراخ على ما اذكر- و كنا فعلا جعانيين من المشى مده طويله ... المهم جه الاكل و اخوكم طبعا نزلت حتتك بتتك .. و :oops: :D :D نااااار..... يا حبيبى ....نارررررر .........بقى مولععععع..... و بصيت لمراتى لقيت وشها احمرررر - الحمد لله الاولاد مااكلوش منه - .... شاورت للجدع ده عشان ييجى اسفخلله ... لقيته جاى بسرعه و بيعتذر و مكسوف من نفسه... البيه نسى حاجه و جايبهالى معاه ...قزازة الشطه :lol: :lol: :D

[MuslimaEgyptian]

سبحان الله، مصر عملت إيه بس فى ولادها خليتهم فى آخر ما نتوقعه فى أرض الله الواسعه :(.

أنا بجد خايفه مره ادخل الباب ده ألاقى توبيك جديد عن "السلام عليكم من المريخ" :) من كتر نسبه المهاجرين المصريين.

بس بجد..مواضيع شيقه وفى إنتظار المزيد عن تايلاند إن شاء الله (بس من غير صراصير) :)

------------------------------

مع اني باحب الاكل الهندي (اللي مش حراق قوي منه طبعا)

إيه ده، هو فيه منه مش حراق؟؟؟؟ إستحاله...النار اللى استشعرتها

خير شاهد على ذلك...على العموم، انا أقصد الهندى فرع باكستان علشان الهندى ...فرع الهند :) مبحبوش لله ف لله كده.

[Hassan]

بالنسبة للصراصير .. طب ماحنا بناكل الجراد .. و الفسيخ .. و المش بدوده .. ولا ايه ..  :) 

و شكرا

:) 

فعلا لو الواحد اخذ تقاليدة و اطباعة و ركنهم على جنب للحظات ح يلاقى موضوع المش ابو دود دة وهو حى بيلعب فى الطبق و احنا بنركنة على جنب عشان ميحشرش نفسة فى الموضوع :) و نقوم مغمسين اللقمة و هوب على المعدة عدل ... حاجة اخر قرف.

و الا الفسيخ و ريحتة العفنة الرهيبة...و بعد الاكل تغسل ايدك مهما تغسل مفيش فايدة رحيتها عفنة.

طب دة انا فاكر حكاية قديمة ..انة فى مطار اوروبى مسكوا صفيحة فسيخ و اول ما فتحوها كلة هرب و لبسوا الكمامات و الجوانتيات و تحليل و كانت هيصة و كانو مستغربيين ان اللى بياكل الفسيخ دة بيظل على قيد الحياة :oops:

[kokowawa1979]

واتردد كثيرا على بتايا

بتايا مدينه على ما أعلم تقع جنوب تايلاند وهي ذات أغلبية مسلمة وأهلها يتكلمون العربية بطلاقة كما أعلم بطريقة فصحى ومفهومه أكثر من دول شمال المغرب العربي

وأهلها وديدون لكل عربي مسلم يزوروهم بل ويحتفلون به احتفالا كبيرا .

وبعدين تايلاند من دول شرق آسيا التي لاتتعامل مع المسلمين هناك بعنف مثل الفلبين أو الصين أو غيرها من الدول الأخرى

وبمناسبة المش هنا في المطارات الخليجية بمجرد وصول أي طائرة مصرية تبدأإجراءات العزل الكيماوي ضد المش فتجد طوارئ في صالات الوصول وابعد ياجدع زلعة مش على وشك الانفجار وطبعا الركاب كلهم بيخرجوا من غير تفتيش الشنط :) :)

طبعا هو هم يضحك صحيح لكن ده اللي بيحصل فعلا عند دخول الطائرة المصرية للمجال الجوي لأي بلد خليجي!!!!

[ديكارت]

اخوتي

شكرا لكم ولم اكن اتوقع كل هذا التفاعل شكرا مرة اخرى .

الاخ رجب

انت متاكد انك رحت تايلند ترانزيت .. يا راجل دنتا حفظها شبر شبر . اعترف بسرعة :) :) :)

بخصوص الاسعار فهي جيدة نوع ما اذا قورنت باوروبا او الخليج . الدولار هنا 36 بات . تستطيع ان تسكن في فندق خمس نجوم ب 100 دولار لليلة . ولكن من يعرف منكم شرق اسيا يعرف جيدا مستوى الخدمة الفندقية الرائعة . يعني فندق نجمة وحدة هنا زي خمس نجوم في مصر .

اما بتايا فهي مدينة العربدة :oops: واغلب روادها من الخواجات وليس بها من يشهد ان لا اله الا الله . وهي من صدر الايدز لكل تايلند .

بخصوص الصراصير فهي اكله زي الطرشي عندنا ومفيش حد ما يكلهاش ( ولو اني افكر اني اجربها من كثر ما اسمع منهم عن حلاوتها وسحرها ) ... وعلى فكرة البوذي المتدين ما يكلش لحمه حمرا بيقولو حرام :cry: :D

[ragab2]

يابتايا يابتايا

فيكى قلة الفتيان وكثرة الفتايا

من

شعر سعودى مقيم اقامة مستمرة بتايلند

..................

أهلا يا عم ديكارت

طبعا انت مبسوط فى بلد العجائب

مكثت فى تايلند اسبوعين زيارة عمل

وكنت متفرجا ومتفحصا فقط وشاهدت مالم أشاهده طيلة عمرى فى أى بلد من بلاد العالم

مع العلم بأن الشباب الخليجيين معسكرين فى تايلند بالشهور

وترسل لهم أهاليهم المصروف شهريا

ويوجد فى بانكوك مسارح تقدم عروض جنسية وفيها تشاهد مزاولة الجنس بطرق عدة طوال ساعتين

[kokowawa1979]

ومتفحصا

ماانت بقى دكتور يابختك ياعم

[ويوجد فى بانكوك مسارح تقدم عروض جنسية

خللي بالك يادكتور فيه عزاب معانا :lol: :lol: :) :D

[KWA]

وبمناسبة المش هنا في المطارات الخليجية بمجرد وصول أي طائرة مصرية تبدأإجراءات العزل الكيماوي ضد المش فتجد طوارئ في صالات الوصول وابعد ياجدع زلعة مش على وشك الانفجار وطبعا الركاب كلهم بيخرجوا من غير تفتيش الشنط :lol: :lol:

طبعا هو هم يضحك صحيح لكن ده اللي بيحصل فعلا عند دخول الطائرة المصرية للمجال الجوي لأي بلد خليجي!!!!

العكس هنا في مطارات أمريكا تقدر تدخل اي نوع من المأكولات المصريه فيما عدا البسطرمه...لأنه لحم معفن ولا يسمح بأكله و هي الحاله الوحيده التي تعرضك للتفتيش ....

[KWA]

وتذكرنى بتايلند التى زرتها من حوالى عشرين عاما فى طريقى لهونج كونج

بسم الله ما شاء الله...20 سنه و لسه فاكر هذه التفاصيل بهذه الدقه ....الله اكبر

ولا تندهش اذا شاهدت رجلا أو امرأة عارية تماما تتمشى فى ردهات الفندق 

فأنا شخصيا قابلت رجلا سعودى مع بنت عارية تماما كما ولدتهم أمهم ينزلوا من الدور السابع الى الدور الثالث وبدون أسانسير وكانوا ثمل

الله ...الله...الله...هو الجو حر للدرجاتي في تايلاند....

مكثت فى تايلند اسبوعين زيارة عمل 

وكنت متفرجا ومتفحصا فقط وشاهدت مالم أشاهده طيلة عمرى فى أى بلد من بلاد العالم 

يا محظوظ ...أسبوعين رحله عمل...فرجه و تفحص ... و كنت عايز تروح كرواتيا ...كفايه تايلاند