تجارب شخصية...

[بنت شعنونة]

في ناس كتيرة جدا تايهة قبل ما ربنا يهديها وترجع لطريق ربنا والهداية

"انك لا تهدي من احببت ولكن الله يهدي من يشاء"

وكل واحد فيما اكيد فيه في حياته نقطة تحول كانت هيا السبب انه يرجع من طريق التوهان الى طريق الله

ايه رايكم كل واحد فينا مر بالنقطة دي يكتبها

منه نعتبر كلنا

ومنه غيرنا اللي لسا تايه يممكن ربنا يرضى عليه ويهديه

ايه رايكم؟ :roll: :roll:

[Excellence]

فكرة هايلة

[بنت شعنونة]

اوكي ابتدي انا

مادام ماحدش عاوز يفيدنا :?

القصة دي قصت شخص اعرفه وهوا كان مش بيصلي

كان مرة في بيت احد اقاربة وكان تعبان ودخل ينام فحلم (وهوا بيقول انه دا كان حقيقيى)

ان روحه بتطلع من جسمة وانه مش قادر يتنفس او يصرخ ان حد يلحقة وفجاة لقى نفسه برا الاوضة والناس عمالة بتتكلم عنه وانه تعبان وكدا وغريبة انه دخل نام مع انه معروف بالمشاغبه

كل دا وهوا بيحاول انه ينطق او يصرخ ابدا

فجاة حس جسمة اترمى على السرير

ساعتها طلع يجري على الناس الي قاعدا برا وهوا بيصرخ وبياخد نفس بصعوبة جدااااااا

من يومها حس ان ربنا بيحذره من الموت

ومن يومها وهوا بيصلي

انا بقى.. قعدت فترة برضه مش ملتزمة بالصلاة

دا غير شوية ذنوب كدا كنت بعملها

المهم

فجاة حلمت انه انا في يوم القيامة

واقسملكم بالله العظيم انه اسوا حلم في حياتي شفته واني كنت حاسا بكل حاجا فيه

الأول كنا مجموعة من الناس شكلنا صعب قوي.. زي ما نكون ماشيين بقالنا سنين وجينا قعدنا في مكان مغلق

عبارة عن غرف بدون سقف

حيطان بس متقسمه كدا في مكان كبيييييييير

وكل عرفه من دول فيها مجموعة ناس

وبيجي كائنات كدا سوداء اللون كانها خيالات بتنادي على الأشخا وتاخدهم

وجه الدور عليا..

وطلعنا وقفنا في مكان مزروع نجيل وجواه مربعات بلاط

وجنب كل بلاطة عمود

المهم كل واحد بيطلع يقف على بلاطتة؟؟؟ زي ما يكون عارفها؟؟

وقفنا

فجاة اتنفخ في بوق كدا صوته وحش جدااااااااااااا

وعالي جداااااااا

لقيت خنازير كتيييييييييييير طالعا تجري علينا

لونها مقزز

المهم الخنازير دي بتاكل من لحمنا وتنهشنا و تلقي روثها في وشنا وبقنا

ياااااااااه شعور مرعب ومقرف

فضلنا كلنا كدا واصوات صراخنا و عذابنا كلنا مسموعة للكل

المهم البوق دا صفر تاني

راحت الخنازير مشيت

واحنا رجعنا الغرف اللي كنا فيها تاني واحنا اشد تعب

وبعدين جم الخيالات السودا دي تاني وخدونا عشان نشرب

اماكن كدا زي حمامات بس نضيفة قوي ومافيهاش اى حنفية متعلقة فووووووووق في الحيطة ونازل منها مية منظرها مشهي وجمييييل

وكلنا مادين ايدينا بنحاول نشرب ومش طايلين خااااالص

واللي ايده طالت المية مش قادر يجيبها على بقه

:(

وفضلنا كدا لحد ما ياسنا ورجعنا

وصفر تاني

وكل واحد طلع على بلاطته

والمرادي طلع علينا ناس بيحدوفنا بطوب

دبش عظيم جدا ومفزع

بجد

يومها انا صحيت من النوم ها اموت من كتر الرعب

خصوصا انه في ايات من الحقيقة طلعتلي في الحلم

حاجا من اللي سمعنا ان الناس بتتعذب فيها يوم القيامة

من يومها وانا مش قادرا انساه

ولا انسى ايه ممكن يحصلي لو فضلت زي ماكنت

الحمدلله :(

وربنا يهدينا

حد ها يتشجع ويحكي؟ :roll:

[moody00x]

الموقف اللى حصللى من ييجى 10 سنيين أو أكتر هو الحقيقة مالوش علاقة بالصلاة وكده لأنى الحمدلله محافظ عليهامن زمان وتحت أى ظروف لكن الموقف ده عمل عندى شعور غريب جدآ ناحية الموت

كنا مجموعة شباب فى إسكندرية وبالتحديد فى سيدى بشر قدام خالد بن الوليد بالظبط

المهم أنا علاقتى بالعوم بالظبط زى علاقتى باللغة الصينية..كنت واقف بره خالص وماليش دعوة بالبحر ....ولاد الحلال قالو لى طب ماتنزلش بس خليك على الصخور اللى بتفصل البحر عن الشط ياعنى برضه بره...

وبعدين السخرية إشتغلت عليا إنت جاى إسكندريه ولا المنوفية...إبنى بيت على الرمل وإنت قاعد كده...طبعآ أنا دماغى سخنت وقلت طيب خالينى علىالصخور اللى بره دى

وقد كان....المهم جات موجة ماقدرش أوصفها بصراحة من قوتها لقيت نفسى فى وسط البحر وأنا طبعآ علاقتى بالعوم منقطعة تمامآ....طبعآ نزلت وطلعت وشربت كمية ميه تكفى قبيلة...ورفعت إيدى بالنداء ألأخير وأنا والله شايف الناس بعيدة جدآ عنى لكن وأنا تحت قلت أشهد ألا إله إلا الله وأشهد أن محمد رسول الله لا شعوريآ كده

وبعدين فتحت عينى لقيت الدكاترة حواليا وبيدوونى حقن عشان أرجع الميه اللى شربتها...قالو لى بعد كده إن اللى أنقذك شاب صغير عنده 16سنه من اللى بينقذو الناس على البحر وهو قالهم إن أنا أغمى عليا تحت الميه وإن اللى

بيغرق ليه 3 طبات وبعدين ينزل بقى لتحت هو قال إنه لحقنى فى النزلةالتالته

لأ وكمان إيه جبنى من شعرى لأن شعرى كان طويل شوية فساعده إنه يتحكم فيا ...والله دا الكلام اللى قالو..المهم فى الليلة دى أنا مانمتش لأنى كنت خايف

أنام وأموت وأنا نايم....لكن تانى يوم الصبح مش ألايمها وأقعد تحت الشمسية لأوقفت فى نفس المكان بس طبعآ مش نفس المكان قوى يعنى هو بعديه بكام

كيلو كده.....

المهم فى الموضوع كله إنى من يومها وأنا والله عندى شعور غريب جدآ زى مايكون كده لامبالاه بالموت...تبلد...إحساس بإن مفيش حاجة مستهله...

إحساس إن الحياه قصيرة قوى...وبعدين تقبل هادى جدآ لسماع حد قريب أو جار إنه مات...مش عارف ده كويس ولا يكون إحساسى بالأشياء بقى كله على موجه واحده حتى الموت!!!!! حاجة غريبة

[بنت شعنونة]

اخي مودي

التبلد من الموت دا خطر

انما ممكن تهون عليك الحياة

بس عب اوث ما تخافش من الموت

انا عن نفسي

مرعوووووووووووووبة من لحظة اتحط تحت التراب

:oops: :D :D

مع ان اوقات الجنونة تطلع وما اعملش حساب لحاجا

:(

بس بحاول اعقل الجنونة دي شوية :?

[moody00x]

انما ممكن تهون عليك الحياة  

بس عب اوث ما تخافش من الموت

أولآ مبروك على التوقيع الجديد

كده فيه شوية تفائل وأمل بعد الضروس ما راحت وبعد الانسانة مارقدت ...ده التطور الطبيعى وهو الوصول للجنونة

:oops: :D :D

ايه بقى الفرق بين ممكن تهون عليا الحياة وبين عدم الخوف من الموت؟؟؟

وبعدين أنا ماقصدتش عدم الخوف كمعنى مجرد...بالعكس اللحظه اللى بتقوليها

لحظة مرعبة فعلآ ...لكن إحساسى اللى أقصده مركب شوية...زى ماقلت بأن الحياه قصيرة فعلآ...إنها مش مستاهلة كللللل اللى بنشيله على دماغنا وبنفكر فيه وبنحارب عشانه....وبعدين ده شعورى الحقيقى فعلآ إن جوايا ركود....هدوء....لاانفعال....جمود...تجاه الموقف نفسه لكن مش تجاه حقيقة الموت....مش عارف أنا عارف أعبر ولا باخرف....

[بنت شعنونة]

المحكمة اتنورت يا فندم :D

وبالنسبة للتوقيع

ف دي مصيبة تااااااااااااااني خااااااااااالص :roll: :roll: :roll: :oops: :D :D :lol: :D :D :D :D

وبالنسبة لأحساسك اخي مودي اظن انه دا شيء وارد للي واجه الموت بعينه

وحصلتلي كتير جدا قبل كدا مع كل مرة ككنت ها اموت فيها

حالة اسمها مش فارقا ما كله ها يموت في الأخر

لكن فقت منها لما كان انسان عزيز عليا ها يقف الموقف دا والحمدلله ربنا نجاه

ساعتها رجعت طبيعية تاني :D

:roll: :lol:

بس تعرف احساسك دا ممتع

خصوصا واحنا داخلين على حرب :lol:

بحسدك :roll: