ماهى تكلفة بناء عماره بالشروق

[فيصل رافت]

يااخوانى اريد معرفة ماهى تكلفة بناء عمارة من ارضى وثلاثة ادوار على مساحة 166 متر صافى حيث ان اجمالى الارض 260 متر والبناء على 166 متر فقط فكم تكون تكلفة البناء بدون تشطيب على المحاره عاوز اعرف بالتفصيل ان تكرمتو

[سهران]

الحقيقة أنا مش متأكد تماما لكن في نقاشي ذات مرة مع أحد الأصدقاء ( مهندس مدني ) و كان الحديث عن مسطح مماثل قاللي في وقتها من سنة تقريبا انها تتكلف في حدود 220000جنيه 90000للأساسات و الأرضي و 40000 ألف لكل دور متكرر لكن رجائي أن تستفسر من أحد المتخصصين هايفيدك أكتر

تم تعديل 16 نوفمبر 2007 بواسطة سهران

[طه بدر]

مبروك عليك يا استاذ فيصل قطعة الارض الاسكان العائلى بالشروق وابقى اعزمنا على الشاى لما نيجى هناك

طبعا هتسال نفسك عرف ازاى انها اسكان عائلى؟؟؟؟؟؟؟؟؟؟؟؟؟؟؟؟؟؟؟؟

ان كان كلامى صح فنصيحتى لك لان الاسكان العائلى له اكثر من تصميم واكثر من نموذج هو ان تذهب الى الموقع وهناك ستجد العديد من جيرانك قد قام بالبناء فعلا بعضهم طبقا للنماذج والبعض عمل عليها تعديلات يعنى سوف تشاهد النموذج الذى اخترته على الطبيعة منفذ فعلا وتحكم على المزايا او العيوب فى كل نموذج

وطبعا ستجد هناك المقاولون والشركات واصحاب الاراضى الذين قاموا بالبناء فعلا بحيث تعرف من هولاء تكلفة البناء الان وفى نفس موقعك وظروفك

دعائى لك بالتوفيق

تم تعديل 17 نوفمبر 2007 بواسطة طه بدر

[عادل شحاتة]

سوف أرد عليك في وقت لاحق إن شاء الله بخصوص تكاليف البناء

[فيصل رافت]

وانا مستنى ردك ياعادل

[ابو حودة]

يا جماعة ممكن حد يقولنا التكاليف دلوقت

لبناء بدروم وارضي وثلاثة ادوار متكرر

مع تشطيب الواجهة والسلالم والسور

يعني التشطيب الخارجي فقط

نموذج 260 متر البناء على 60% علشان عاوز اشتري

قطعة ارض اسكان عائلي في 15 مايو وعايز اعرف التكاليف مقدما

علشان اشوف هنقدر ولا لا

في انتظار ردكم ضروري علشان انا هاخد قرار

[ahmed abolhol]

السلام عليكم ورحمة الله

اخى العزيز من واقع خبرتى فى منطقة ابو الهول ومنطقة العائلى بالتجمع الخامس اقول لحضرتك ان جميع النماذج العائلى فى حدود 260 الى 300 متر والبناء بيكون على 60 %

تنحصر التكلفة مابين 350 و 400 الف للاعمال البدروم والارضى و3 ادوار متكرر وغرف سطح وسور

وتتوقف التكلفة على امور كثيرة جدا منها الاساسات وفرق المنسوب وطريقة التنفيذ

اتمنى لك التوفيق

م / احمد

[ابو حودة]

شكرا يا باشمهندس على سرعة الرد

لكن استفسار سريع الرقم ده يشمل الواجهة والسلالم زي ما انا سألت

يعني التشطيبات الخارجية