أفكار أمانى الذكية للاستفادة من النفايات المنزلية !!

[nash]

برافوا يا صبايا... :)

صباح الورد والياسمين علي عيونكم يا حلوين.... :)

بعد إذن أماني

تسلمي يا أم البنات علي دعواتك الجميله...يارب يرزقك الجنه ويهدي بالك ويحققلك كل اللي تتمنيه... :angry:

فوفو برافوا عليكي والله سعيده جدا بالورشتين ...أو بال3 ورش مش عارفه زيزي فين....

بالنسبه للفتيل بتاع الشمعه ممكن الخشب بتاع الشوي ( الأستيك ) عارفاة؟؟

تربطي الفتيل في نص الأستيكايه( لغات ) يا ماما بالظبط زي أم البنات ...وتحطيها في نص البطرمان وتسيبيها تعيش حياتها ........يانهاري أكيد أتعذبتي وانتي ماساكاها ومستنياها تنشف... :lol:

[امانى]

يا مساء الفل والجمال

الحبايب كلهم عندى فى الورشة يا دى الهنا يا دى الهنا اللى انا فيه

والله منورين الورشة نوشة وام البنات وفوفو الغاليه جايه ومعاها رائعة ايه ده كله ايه الجمال ده كله

ام البنات ربنا يخليكى لنا يا رب ودعواتك جميلة ربنا ميحرمناش منك ولا من ابدعاتك

نوشة المعلمة الكبيرة اللى فتحت نفسنا للأعمال الجميلة دى ربنا يخليها ويكرمها فى جوزها وعيالها وتشوفهم فى احسن حال

اما الغالية فوفو فبجد فكرة رائعة ورقيقة زيك والالوان جميلة قوى ايوة كدة خلينا نعرف الرجالة فى المحاورات اننا لنا نشاط واننا بنعرف

نخلق من لا شئ عمل فنى جميل فى انتظار المزيد مساؤكم فل وورد وياسمين خدوا منى دول :) :) :angry:

امانى

[Folana]

السلام عليكم ورحمة الله.....

ميرثى يا مس ناش...ربنا يخليك زخرا للوطن ....

الفتيل مش حيتربط فى العصايا لانه بالفعل متماسك نتيجة طبقة الشمع اللى عليه...عموما الجو برد جدا ده ما اخدش ثوانى.... وبعدين انت عارفة انا لسة مدلية البندر مالحقتش اتنور زيك... :) يعنى لسه بأخطو اولى خطواتى المهنية استحملونى شوية يابنات....

امانى الجميلة....ربنا يخليك..تعرفى كمان ريحتها تجنن وهى منورة...المشكلة انى الموضوع كبر فى دماغى..وعمالة ادور على اى حاجة مالهاش لزمة...او اخلى اى حاجة لها لزمة ماتنفعش...

بصى حيث انك عملتى براد سيراميك من قبل...حاوريك فنجان لقيته فى البدروم مش عارفة هو سيراميك ولا ايه هويته بالظبط...بس انا حطيت فيه شوية شمع فايضين وعملته شمعه برضه...مش باقولكم نهايتى وحشة....حاورهولكوا ..انت وناش وام البنات ممكن تصمموا الفنجان نفسه ...وانا على ادلق الشمع ..على ماتفرج

ده الفنجان.... و ادى غطاه....

وده بعد اضافة الشمع...هو مكان صغير جدا على فكره

وده الفنجان بغطاه

وده وهو منور..مش عارفة الصورة ضلمة ليه؟...اهى الشمعة تنورها بقى

يالا بقى اعملوا فنجايين كما هو موضح بالشكل...

[badroora]

هلا والله بالاخوة الافاضل والله وحشتونى موت موت موت

امانى الجميلة تصورى يا امانى نظرتى للزبالة والكراكيب اتغيرت وبقيت ابصولهم بنظرتك الجمالية وكل كيس زبالة بلاقية فى الشارع باتخيلة فاظة او انتيخة نادرة :)

انا بس داخلة اسلم عليكم واقولكم

مدام فولانه حبيبتى وحشتينى جدا جدا جدا ووحشنى طبيخك اوى اوى اوى

ابلة زيزي وحشتينى كتير كتير ووحشنى الكلام معاكي

مدام ناش الجميلة وحشتينى كتير ووورشتك الله ينور شيفاها ملعلعة الى الامام دائما

ام البنات ربنا يخليلك البنات وتفرحى بيا وبيهم يا رب :)

وانا من مقرى هذا ادعوا الله ان يصلح حال المحاورات والويب سايت يفتح بسلاسة زى زمان عشان نقدر نتواصل من تانى

وباقلكم وحشتونى اكتر مما تتصورن

وادعولى الايام دي عندي مذاكرة للركب نفسكم معايا بقي

وحضري نفسك يا امانى عشان تبقي تشوفيلي طريقة جملية للكتب والورق اللى عندي

يلا يا شباب فوتكم بالف عافية

[م.سامح المصرى]

بعد ازنك يا استاذة امانى - بعيداً عن الموضوع -

أستاذة بدرية

إية اخبارك عاملة اية

اية الغيبة الكبيرة دى عسى ان يكون المانع خيراً ان شاء الله

بس هوا انتى رديتي 4 ردود مرة واحدة :) بتعوضى الى فاتك صح (بهزر طبعاً )

بس الف حمد لله على السلامه

والنجع كلاتهم بيسلمو عليكي

[ام البنات]

امانى...متشكرين والله انت فاتحه لنا الوشه نعرض افتكاساتنا فيها ربنا يخليك

نوشه..معلمى واقفين اهه تبجيل لما رجلينا ورمت

فولانه....مميزة انت يا حفيدة اوغلو

بدريه...وحشتينا..شدى حيلك

لنا عوده ...مش عارفه فى ايه صوابعى متلجين

مع ان الجو وايد زين

انتظرونا ان شاء الله

[badroora]

بعد ازنك يا استاذة امانى - بعيداً عن الموضوع -

أستاذة بدرية

إية اخبارك عاملة اية

اية الغيبة الكبيرة دى عسى ان يكون المانع خيراً ان شاء الله

بس هوا انتى رديتي 4 ردود مرة واحدة :) بتعوضى الى فاتك صح (بهزر طبعاً )

بس الف حمد لله على السلامه

والنجع كلاتهم بيسلمو عليكي

هلا سولى شخبارك وعامل ايه

سلم على كل النجعاوية

وبخصوص الاربع ردود والله البروكسة عقدنى جدا بتيئ بتيئ وهو الللى عمل 4 كوبي

وبصراحة كسلت احذفهم قولت يمكن حد من المراقبين يخدمنى ويحذفلى منهم 3 ويبقي كتر خيرهم

ميرسي كتير ليك يا سولي ووصل سلامى للنجعوية كلاتهم نفر نفر وشخصة شخصة

[ebtihal]

ازايكم عاملين ايه ........

احييكم على الافكار الرائعة :roseop:

ممكن اشارك بفكرة صغيرة وهى استخدام الكروت التى تتراكم فى ادراجنا زى كروت التهانى والكارت بوستال فى عمل لوحة

منه نحافظ عليها لانها تحمل ذكريات ومنه نشرك الاولاد فى عملها

وممكن نعلقها فى شجرة زينة فى الصالون

ليكم كل تحياتى :lol:

[امانى]

الاخوة الافاضل زوار الورشة مرحبا بيكم جميعا نورتم ورشتى ودمتم لى دائما

نوشة انت بتستأزنى امانى علشان تردى على الاخوات دى ورشتك يا حبيبتى وورشتك الرائعة هى اللى

شجعتنى ادخل الورشة وابدأ اعمالى البسيطة انت تأمرى

ايوة يا فوفى طلعى كل الابدا ع اللى جواكى كدة ده مش ابداع ادبى بس لا ده ابداع فنى كمان الله ينور عليكى

فى انتظار المزيد وام البنات الورشة ورشتك اعملى اللى انت عيزاه احنا بنستفيد من اعمالك وجمالها

الاخت الزائرة الجديدة ابتهال اهلا بيكى فى الورشة وبمقترحاتك ويا ريت لو عندك اقتراح فنى او عمل تصوريه

وتنقليه للورشة علشان كلنا نستفيد

امانى

تم تعديل 18 يناير 2008 بواسطة امانى

[nash]

صباح الورد والياسمين ......

حقيقي الورشه في منتهي الروعه ...وأم البنات وفوفو عاملين شغل حلو جدا....

بس حبيت أنوة علي خفه دم أم البنات...بجد أي مداخله ليها بتضحكني من قلبي...ربنا يفرح قلبها....

فوفو ياريت بس تكبري الصور لو تقدري...باين الشغل شيك جدا وأنتي عارفه الاستيجماتيزم ....والدنيا برد ....ونفسي أشوف الصور بوضوح أكثر....

أينو تسلمي علي زووووقك ...وأخلاقك العاليه...تسلمي يارب ...

أنا تقريبا خلصت شغلي الجديد ....فاضل حاجات بسيطه ...بس يارب يعجبكم ....

علي راي فوفو الحاجات اللي ليها لازمه بنخليها مالهاش لازمه مخصوص علشان نشتغل فيها...( جمله واقعيه جدا) كأنك عايشه معايا يا فوفو ....

أنا أشتغلت علي 3 كاسات ومستنيه رأيكم فيهم...وفاضل بوكيهات الورد تاتشات بسيطه ويكونوا تحت العرض....

تسلموا يارب ويارب يعجبكم شغلي واللي عنده ملاحظه أكون في منتهي السعاده

أهلا يا بدريه ...حمدلله علي السلامه وشدي حيلك في المذاكرة

[Folana]

السلام عليكم ورحمة الله....

حاضر ياننوشة حاصور الفنجان تانى..- مش انت قصدك على الفنجان؟ - وحانزله فى موضوع السيراميك...

بس انا داخلة عن طريق الدايل اب النهاردة لما خلالالالالالالالالالالالاص..مش قادرة اقولك...

يعنى مش حينفع احمل حاجة...

دعواتك الحلوة علشان الامتحانات تعدى على خير...

:blush2:

[ام البنات]

السلام عليكم ورحمة الله وبركاته

بداية"...اشكر الاعزاء امانى ونوشه وفوفتى...ومنتظرين زيزيتا تقفل البلوفر إللى فى إيديها

وتيجى تنورنا....ونعمل عصابة الخمسه مش الاربعه...علشان التانيين صينين

تصوروا والله كان عندى فكرة هاقولكم عليها وبدأت اكتب واول ما جيت اكتب الفكرة...نسيت

طيب هاقوم كده اتمشى ..واأكل البودرى جارد اللى جابهم جوزى وارجع لكم

هابقى اصور لكم البودى جارد...فزيعين..وحوش

[ام البنات]

دى صور الوحوش الفزيعين اللى هيحرسوا البيت

[nash]

يااااارب يا فوفو الإمتحانات تعدي علي خييييير..وتفرحي بالنتائج الجميله....أومال الكابتن اللي عندي مش هامه ليه؟؟؟؟ ثقه في نفسه مش كده؟؟؟ وبعدين علي رأيه ده أمتحان قواعد عربي ...يعني سهل ميه...تووووو ايزي

شدي حيلك معاهم.....وإن شاء الله تخلص علي خير وتقضي أجازة نصف العام سعيده..

والله كنت هانسي أنا كمان....ايون يا فوفو الفنجان...هوة بلحمه وشحمه....وتسلمي مقدما يا قمر :) .

............................................

أووووم البنات...يا قلبي دول مدرعتين...لو بصيتيلهم بتمعن هاتنسي كل حاجه بلااااااش تهور .......بس عارفه شكلهم كيوت خالص ( كدابه ) ماتصدقينيش :blush2:

فكرتيني بالمدرعتين اللي كانوا عندي وبدلتهم بكتكوتين....أة والله وفي الأخر أهديتهم لصاحبتي....لما كانوا الولاد هايموتوهم....أييييييييييه أياااااااااام

ممكن بأة تبطلي تضييع وقت وتقولي الفكرة؟؟؟؟ :blush2:

اينو....عايزين فكرة نتاوي بيها المدرعتين دول........أوك؟؟؟

[ام البنات]

الحقيقه يا فولانتى انت رائعه جدا" وعامله شغل على ميه بيضه

(كشرى)

طبعا مش معقول مش بتسمعى المقوله الحكيمه دى يعنى الشغل على نظافه مش شغل بايت

بجد شئ ممتع...تسلم عيونك

:blush2: ست الكل نوشه

العيال اصلا" معندهاش ضمير...والله بيحرقوا دمنا وهما ولا على بالهم

ربنا يهديهم

ادينى افتكرت فكرتين مش فكرة واحده بس

مقولتيش إيه المدرعات اللى كانوا عندك...قطط ولا عصافير :blush2:

بخصوص الشمع ..كنت شفت مرة برنامج بيقولوا ا

لشمع بنجيبه من عند العطار

الشمع الخام

وكيفية تلوين الشمع ممتعه جدا"

عارفين الوان الشمع بتاعة الابتدائى..؟

الاحمر لو حطيناه مع الشمع الابيض يخليها حمر يعنى استخدام الالوان الشمع رائع

عاوزة ااقول لكم على فكرة

طبعا انا ربنا رزقنى بعيال...مش هاقول...دول حسابهم عصير

بيكسروا فى جهازى...وأنا يتيمه ومش هيجى لى جهاز تانى فا بضطر اصلح اللى انكسر

رغم ان اللى انكسر ميتصلحش

طبق الصينى انكسر صلحته لزقته بمسدس الشمع

وبعدين لزقت عليه ورقه مقويه وبعدين رحت عامله بوكيه ورد من الورود القماش

عليه وبقى الطبق نافع واستخدمته فى شئ نافع

برضه كسروا لى كتر خيرهم قاعده فخار بتاعة ورود جافه

رجت لفه عليها اللزق بتاع الكهرباء ( شيكرتون)

وبعدين رحت رشيت اسبراى ذهبى او فضى فتبقى النتيجه رائعه

ان شاء الله اصورهم واحضرهم

تم تعديل 19 يناير 2008 بواسطة ام البنات

[امانى]

اصدقائى الاعزاء

فوفى اعمالك رائعة فيها فن منتظرين اعمال جديدة وربنا ينجح الاولاد وتشوفيهم فى اسعد حال

نوشة دايما مشرفة ورشتى بحضورك الجميل وعلى فكرة انا عملت شمعدان زى بتاع ام البنات بس مستنية الوسيم يجى وينقله عندك

فى ورشتك علشان تقوليلى رأيك وبعدين هضيفه على سى دى وانقله للورشة عندى كفكرة للاستفادة من السى دى القديم

يا رب يعجبك

ام البنات افكارك رائعة انا عندى كاس بتاع جيلى مكسور بفكرله فى طريقة للاستفادة بيه هتشوفيها قريب وهتعجبك ومش انت لوحدك

اللى عيالها بيكسروا انا مش العيال بس ابوهم كمان بيساهم بنصيب فى هذا الكسر بس طبعا غصب عنه وانا عليا التصليح او التكسير

برضه فى بعض الاحيان ربنا يخليلك اولادك ويكسروا زى ما هما عايزين امال هنشوف افكارك ازاى يعنى من غير كسر

منورين الورشة وفى انتظار افكار جديدة

امانى

[امانى]

الاخوة والاخوات الافاضل زوار ورشتى المتواضعة

اهلا بيكم ومرحبا النهاردة هقدم لكم عملين قمت بهم على الله ينالوا اعجابكم

العمل الاول عبارة عن كاس جيلى مكسور حبيت اعمل منه شكل جمالى يدارى الكسر واستفيد به بأوضاع مختلفة للزهور

العمل التانى طبق فنجان مكسور وكاس صغير قمت بنفس العمل لتحويله الى شكل جمالى

اليكم الصور للعمل الاول

وهذه صور العمل الثانى

امانى

تم تعديل 20 يناير 2008 بواسطة امانى

[nash]

مساء الخير علي الفنانات الجميلات....

برافوا يا أينو برااااافو....

والله غيرتي منظر الكأس تماما ولو مش معروف الورد محطوط فين ..هانفكر انه في فاز عاديه أو بوت مخصوص...وبصراحه طريقه تنسيق الورد جميله جدا...وعلي فكرة دي مشكلتي الحقيقيه..يعني أعمل الورود وبحرفيه لكن تنسيقه هو المشكله الحقيقيه بصراحه....

بالمناسبه بالأمس عملت شمعدان بكأس قديم ..الفكرة العامه لصقت عليه ورود سيراميك والقاعده عملتها كأنها ساق الشجرة ....يارب يعجبكم العمل وإن شاء الله هاصورهم كويس وأنزلهم...

بقالي سنه بقول نفس الكلام

استحملوني ....أحنا أصحاب برضه

:wub:

[ام البنات]

ناش ...منتظرين الكاس...وللصبر حدود

امانى وناش وفولانه وكل الستات

عندى غطاء بوبونيره كريستال...البونبونيرة راحت فى الوبا....

اعمل ايه للغطاء والله شكله كويس..اصوره لكم واخترعوا لى فكره

[nash]

ناش ...منتظرين الكاس...وللصبر حدود

لاااااااااااااا محدش أدي....نزلت صور من جهازي علي الموقع ...وزغرطت وعملت هيصه في موضوع السيراميك....

امانى وناش وفولانه وكل الستات

عندى غطاء بوبونيره كريستال...البونبونيرة راحت فى الوبا....

اعمل ايه للغطاء والله شكله كويس..اصوره لكم واخترعوا لى فكره

أنزلي بالصورة ...وإن شاء الله نشوف لها فكره جميله