دبور وزن على خراب عشه (النسر المصرى)

[النسر المصري]

دبور وزن على خراب عشه

دبور بيدور ويوين لما تنشه

تنشه على ديــــــــله وتهشه

ويثبت بردو ولاتعرف تقشه

*****

ياجماعه الخير ده دبور كوبيا

وكبيرو اوي يلعب في اللوبيا

مريــــض نفســــــيــا بالفوبيا

ولو هشيته ...هيفضل بردو...دبور كوبيا

*****

هتسألوني طب والدبور يطلع مين

يطـلع آفيــه ابــن آفــيه فـي التلقين

آفــيه نافــيه وبيلــقــن بالتـفـــنيـن

يفتن فتنه مليانه آفيه..وتقولوا مين

*******

يادبور ياحتتة آفيه امشي بعيد

ده المرض العصري... نخش ف عقلك... بفلة حديد

امشي لهشك...انشك واقشك...... واجييلبك كرشك....بالتنديد

اندد افعالك....اللي حاشره منخارك.... في كل اللي على بالك..... ولا كنه على بالك.....يادبور....يا مريييض

تم تعديل 15 نوفمبر 2007 بواسطة النسر المصري

[Ahmad Farahat]

الفكرة اللي اتكبت بيها القصيدة دي

يعني أوحتلي بحاجة كده

دبور وزن على خرابه

بالمن بيذل صحابه

في الليل رأيتك مش خايف

إصحى كده شوية يا دبور

*******

بيزن زنه على النايمين

في الفجر قايم

للقايمين

مش كنت شايفك في الخاينين

زيك هناك لابسين طرطور

********

دبور ومش عنده لباقه

ولا عنده ذمه ولا صداقه

خيبان بزفة وبراقه

عايق كده ودايما مغرور

********

خايف عليه من لقا ربه

وذنوبه واقفاله ف جنبه

بتنام معاه وقت ما يحلم

ويقوم بخوف الفار مذعور

********

بصراحة يا نسر أنا مليش في العامي قوي

انا افتكرت السير الشعبية على حس قصيدتك

قلت اكتب حاجة

بس ممكن تبقى مساجلة ظريفة

تحياتي يا نسر يا شديد

[النسر المصري]

شديييييييييد ..شديد وامونيجي اوي يا أحمد ......

اديني وسمعني....والله حلوه فكرة المساجله دي

مين يساجل تاني ياجماعه!!

[DARWEEN]

دبور وبيخرف تخاريف

ويقول كلام مالهوش تصريف

عامل فيها ابو دم خفيف

وهو من خيبته تغشه

دبور وعامل فيها منظر

يقول كلام وبيتمنظر

ولما تسأله بيهنكر

ويجري ما يوريك وشه

دبور يقول في كلام خربان

مابيقولوش غير الخيبان

والحيطه ليها ألف ودان

تزهق وتقرف من نتشه

دبور عامل فيها الفاهم

وتشوف عينيه تلاقيه ساهم

تعرف أكيد أنه شامم

بالكف من بيتك نشه

[badroora]

يسلام على اصالة الشعر والله حاجة تشرح القلب

واسمحولى اشارككم بمساجلتى المتواضعة انا والكورال بتاعى اختكم جملات كفته انا عارفة انى اجي ايه جنبكم بس معلش استحملونى بقي .

دبور جانى يا انا يمة

من النوم صحانى يا انا يمة

وقرصنى يا انا يمة

وأنا نايمة يا انا يمة

الكورال : شوف قلة ادبه

دبور وجه على شباكى

انشة يرجعلى ليلاتى

الكورال شوف قلة ادبه

حاولت اتخلص منه

يرجعلى ويبخلى سمه

الكورال: شوف قلة ادبه

دبور خسيس مالهوش لزمة

ضعيف وسكنوح ديته جزمة

ويقع على الارض ويقول طراخ

الكورال

شوف قلة ادبة

دبور وذن على خراب عشه

يوعده بمصيبة تشيل وشة

ونقول اهو دبور وراح

الكورال : شوف قلة ادبة

دبور ولسعته مميته

فى بؤه ماصة ببيته

يلسع ويجري يتخبي

شوف قلة ادبة

كفاية بقي كدا شكرا على حسن استماعكم

تم تعديل 15 نوفمبر 2007 بواسطة Badria Mekkawy

[miramar]

ايه الابداع ده يا بدردر

ليا عودة مع مقطوعة دبورية

مرمر

[النسر المصري]

:unsure: :blink: :P :lol: :lol:

هعه هعهعهه هععهعههع هع

شديده يا بدريه شديييده... استنى بقى السحتوته الجديده مني....عتعجبك اوي!!

تم تعديل 15 نوفمبر 2007 بواسطة النسر المصري