من اذكى المهندس ام الطبيب ؟؟؟

[قاهرى]

يحكى إن مهندسا وطبيبا جلسا جنبا الى جنب

خلال رحلة

جوية

بالطائرة طويلة ومملة فنظر الطبيب إلى المهندس وسأله إذا كان يريد أن يلعب لعبة

مسلية لملء الوقت.

فاعتذر منه المهندس بدبلوماسية (وصرفه) ونظر إلى الناحية الأخرى وصد عنه

وتظاهر برغبته بالخلود إلى النوم. بعد دقائق أصر الطبيب وقال للمهندس إنها لعبة

سهلة و رائعة وشرح له الكيفية و قال:

"أنا أسألك سؤالا وإذا لم تعرف الجواب تعطيني 10 دولارات – ثم تسألني وإذا لم

اعرف الجواب ادفع لك 10 دولارات". ومرة أخرى (صرفه) المهندس كما فعل في

المرة السابقة وتظاهر برغبته في النوم

وبعد دقائق تضايق الطبيب وقال للمهندس: "حسنا اذا لم تعرف الجواب تعطيني 10

دولارات واذا لم اعرف انا الجواب أعطيك 100 دولارات".

هنا أثار الطبيب تفكير المهندس الذي لم يلبث سوى قليلا فوافق على العرض

بالمشاركة في اللعبة المسلية.

سأل الطبيب السؤال الأول: ما هي المسافة بين الأرض و القمر؟

فبادر المهندس على الفور ودفع 10 دولارات للطبيب. ثم أتى الدور على المهندس

فسأل الطبيب: ما هو الشيء الذي يصعد إلى الجبل على ثلاثة وينزل على أربعة؟

نظر الطبيب إليه بارتباك و حيرة – واضطر لفتح حاسوبه الشخصي وبحث في جميع

مصادره وبعد حوالي ساعة أوقظ المهندس من نومه وأعطاه 100 دولار. المهندس

وبدبلوماسية اخذ النقود ووضعها في جيبه ثم أدار وجهه إلى الجهة الأخرى لإكمال

نومه. المبرمج استاء قليلا من المهندس لعدم إعطائه الجواب – وبعد ربع ساعة

أيقظه من نومه مرة أخرى وسأله: "ما هو الجواب لذلك السؤال؟".

ومن غير أن ينطق بأي كلمة أدخل المهندس يده في جيبه وأعطى الطبيب10

دولارات أخرى وعاد وأكمل نومة

ههههههههههههههههههههههههههه

مع الاعتذار الى كل الدكاترة طبعااااااااااااااااا

تحياتى .. اخوكم

مهندس / قاهــــــــــــرى :unsure:

[miramar]

بص هو انا عارفة قصدك شريف ومش قصدك تجرح في حد قصة رائعة جدا

بس من وجهة نظري الاذكى ...................

مش هاقول عشان متخانقش مع جد ............ :blink:

وانا عارفة المهندسين ماليين المحاورات :unsure:

مرمر

[قاهرى]

الله يسمحك يا مرمر ....

بقولك مهندس قاهرى وتقوليلى مش هتقولى وجهه نظرك .. مهى وضحت خلاص يا مرمر

بس انا والله مش قصدى اغلط فى الدكاترة ابدااااااااا

بس من وجهه نظرى الشخصية مفيش مهندس اذكى من دكتور ولا دكتور اذكى من مهندس .. دى درجات بتتفاوت من شخص لتانى بعض النظر عن مهنتوا

بس بردوا زعلتينى يا مرمورة

:blink:

واحب اقولك انك عضوة نشيطة اوى فى المنتدى بجد وسباقة ديما بالرد الاول :unsure:

م/ قاهـــــــــرى

[miramar]

لا متزعلش يا سيدي الدكتور اذكى ايه رايك :blink:

بجد باهزر وزي ما قلت مفيش حد احسن من حد وعلى فكرة ممكن تلاقي سباك اذكى من دكتور :unsure:

بس انا اهلي كلهم دكاترة عايزيهم يقطعوني قطيع :P

ودونت بي سينسيدف انا بس باهزر معاك

مرمر

[amrhoras]

يابني الجواب اسهل من كدى بكتير مين اللى اذكى

انت بتقول المهندس

مرمر بتقول الدكتور

بس للاسف اجابتكم غلط غلط غلط

ليه

مش تستعجبوا اوى كدى

لانى لم ارى اذكى من المحاسب

كان معكم محاسب عمرو حورس :lol:

[Mohamed Fayek]

الأخ الفاضل / عمرو حورس

أرجو المعذرة لمداخلتى وأود أن أبسطها للجميع

المهندس يمكنه العمل محاسب وبعد إسبوع يمكنه آداء العمل بكل دقة وأمهر من أى خبير مالى عالمى

المحاسب يمكنه العمل محاسب فقط ولو منح الدهر بأكمله لن يتمكن من أن يكون مهندسا

ودى طبعا مسألة قدرات ......ولا إيه ياصاحبى ... خللى روحك رياضية

مهندس / محمد فايق

[miramar]

ايه رايك يا استاذ محمود اني اعرف محاسبين اذكى من مليون مهندس

واولهم الاستاذ عمرو حورس :lol:

المسالة مش حكاية تخصص بقدر انها قدرات شخصية

مرمر

[amrhoras]

الأخ الفاضل / عمرو حورس

أرجو المعذرة لمداخلتى وأود أن أبسطها للجميع

المهندس يمكنه العمل محاسب وبعد إسبوع يمكنه آداء العمل بكل دقة وأمهر من أى خبير مالى عالمى

المحاسب يمكنه العمل محاسب فقط ولو منح الدهر بأكمله لن يتمكن من أن يكون مهندسا

ودى طبعا مسألة قدرات ......ولا إيه ياصاحبى ... خللى روحك رياضية

مهندس / محمد فايق

شكرا للتبسيط يا باش مهندس محمود معك حق فيما قلت فعلا لكن مع اعتذارى لسيادتكم فالمحاسب له عقل مفكر لن يحتاج لدهر او غيره الفرق بيننا درجات بسيطه فى الثانويه لا تمثل اى ذكاء من المهندس او غباء من المحاسب

وللتذكره مره اخرى ان كنت مهندس او محاسب او دكتور فهذا لن يرفع من قدراتك العقلية او يقلل من شخصيتك حتى ولو كنت عامل بسيط

مجموعة من النظريات يستند عليها المهندس دون ادنى تفكير يجد نفسه يعمل بها لكن كيف تضحك على قانون الضرائب ؟ اعتقد انها مجرد قدرات وزوايا فنيه بين المحاسب واى كان تميزنا عن اى شخص والا يبقى ملناش لزمه ندرس ونتعب والشهادات ليس لها اى داعى

على فكره دبلوم التجاره يدرسون المحاسبه ودبلوم الصنايع يدرسون مواد هندسيه وكنت فى الثانويه اذاكر ماده Civil structure خلسه دون ان يدرى احد لانها كانت تستهويني وايضا الرسم الهندسي على برامج Sap , Autocad فهى برامج سهله معده مسبقا ماذا لو طلب من اى فرد تصميم برنامج محاسبي من قيود اليوميه وحتي المزانيه العامه تجد كل خليه لها قانون وكل ورقه عمل تصب فى خليه معينه وارقام تترجمها الى بيانات هل كل ذلك يحتاج الى اسبوع فقط .....؟

ثالث حاجة الموضوع كان مجرد فكاهه ليس اكثر او اقل

تحياتى

تم تعديل 16 نوفمبر 2007 بواسطة amrhoras

[yasovinas]

هذه النكتة او القصه سمعتها من مده طويلة لكن كانت عن امريكي ومصري {المصري مكان المهندس :lol: }

ما علينا

زمان او حتى الى يومنا هذا ما زال العديد من الشعب المصري يتعامل مع الذكاء او الشطارة بمقياس الثانوية العامه وطبعا مقياس الثانوية العامة هو الدكتور والمهندس اذكى خلق الله بينما مثلا اصبح من السهل جدا ان تصبح طبيب بمجموع 60% في احدى الجامعات الخاصة او في اوروبا الشرقيه مثلا

ايضا ومن زمان ب 65% ممكن تصبح مهندس من جامعة بيروت وممكن تبقى مهندس كمبيوتر او مهندس بحري بمجموع 50% من الاكاديميه

وعلشان نكون منصفين ممكن ايضا تكون محاسب من خلال دورة او دورتين مدة كل واحده 6 اشهر فقط فياحد المعاهد المنتشرة في مصر بل وفي دول الخليج ،، وعلى ذكر الخليج ممكن تكون مهندس ايضا في غضون 6 شهور

المهم في كل ما سبق ان المشكله مش مشكله شهادة او دورة الذكاء الفعلي في اثبات الذات والنجاح في المجال

فكم من طالب حصل على 99% بل وتخرج من كليه الطب وهو حاليا كبيرة عمليه طهور لاحد ابناء الحارة واخر بعد قضاء ست سنوات في دراسة الطب ومع نظارات كعب كوباية ويعمل مندوب مبيعات يلف ويدور على المستشفيات والعيادات

نفس الكلام ينطبق على جيش المهندسين الذي نراهم يعملون كملاحظ انفار او مندوب توزيع

ايضا المحاسبين او خريجي كليات التجارة وهم بالملايين المهم من اثبت نفسه ونجح وتفوق في مجاله هذا هو الاذكى بغض النظر عن مؤهلاته

زمان كنا نجامل السباك والنجار واحيانا الميكانيكي ونقول له {يا باشمهندس}

بالمناسبة سؤال للجميع اذا تقدم لابنتك عريس طبيب بدون عمل او يعمل في مستشفى حكومي ب300 جنيه ومعيد في كليه التربية الرياضية براتب محترم بجانب قيامه بالتدر يب في احد الاندية الكبرى براتب كبير تفتكر هتختار مين فيهم ؟؟؟

تحياتي

[قاهرى]

عمور باشاااااا انا اول مرة اعرف انك لما تتكلم على الشغل بتكون شخص تانى كدة ... اية يا باشا قلبت على الباشمهندس محمد كدة لية .... وانا زى مقولت كل تخصص فية الذكى وفية النصف نصف وفى الى مش فاهم سواء مهندس او دكتور او حتى محاسب .. من غير متستعرض يا عمور وتقول انك تعرف تشتغل برامج الرسم الهندسى زى ال Auto cad و sap لانى اصلا ال sap مش برنامج رسم هندسى دة برنامج للتصميم وحساب نقاط تجمع ال moment على الbeams او ال salbs

وعلى فكرة الهندسة جواهاا اقسام كتيررررررررررررررر يعنى مش معنى انك درست Civil structure يبقى بقيت مهندس .. مكناش احنا دخلنا كلية 5 سنين واتبهدلنا فيها .. لان الهندسة مجالتها كتيررررررر جدا وسوالى هو هل اى محاسب مثلا يعرف يعمل تصميم لكوبرى steel structure .. يا عمور باشا انا مش بقول كلام زى كدة استهوانا بالمحاسب او باى مهنه انا اقصد ان كل مهنة ليها صعوبتها مفيش حاجة سهلة ولو كدا مكنش حد درس وكان كل واحد بحبة فهلوة على خبرة بقا محاسب وبقا دكتور وبقا مهندس

وهتلاقى كل مهنة على فكرة حد بيكون بيقلد الشخص صاحب المهنة دى .. يعنى مثلا المهندس هتلاقى المقاول الى هو مش متعلم خالص بيتكلم معاة وبيتناقش على تصميم الرسومات لمبنى مثلا وذلك لتقليل كمية الحديد فى كمرة مثلا .. فاكر ان بالخبرة هو الصح . ميعرفش ان علشان احسب الكمرة دى فية قوانين وكود بيتم اتباعة علشان تطلع safe وبردوا المحاسب تلاقى الى معاة برمجة كمبيوتر بردوا بيعمل البرامج الى انت بتقول عليها دى .. ولونوا اكيد مش هتكون زى المحاسب وكذالك الدكتور بردوا تلاقى الممرض الى بيدى الحقنة نقس القصة .....

عمور باشا كل واحد حتى السباك ولية صعوبة فى المهنة بتاعتوا ومفيش مهنة سهلة ابدا

والناس كلها اذكى من بعض بس ونبى انت اهم حاجة متزعلش ...

وبعد كدة مرمر قالت عليك انك محاسب جامد .. فية احسن من كدة

تحياتى للجميع

وكل من شارك فى الموضوع

قاهـــــرى

[amrhoras]

المسأله ليست كذلك يا استاذ ياسو

بالنسبه لعقده الثانويه متكلمتش عليها بمنطلق انها مقياس انا بتكلم على ان عقل المهندس هو نفس عقل المحاسب هو نفس عقل الدكتور هو نفس عقل كل الناس لايوجد شيء مستحيل كما ذكر

لو حضرتك لاحظت ان المحاسب لو قعد الدهر كله يدرس لن يكون مهندس اعتقد انه اتهام الاخ المحترم يجد ان من لم يمتهن مهنه معينه يكون لانه غبي او قدراته العقليه غير مؤهله

ياما هناك اشخاص فى مهن معينه لايعرفون الالف من كوز الذره كما يقال

المشكله ان لا احد ينظر الى درجة النجاح فى مجال معين الجميع ينظر الى المؤهل وبعضهم يسخر لجرد معرفته لمؤهل هذا الشخص ويضرب بنجاحه خلال عمله عرض الحائط

1% فهم عندى احسن من 99% حفظ يعتبر هذا هو النجاح من وجهة نظرى فى اى قطاع مهما ان كان

واعتقد انى ذكرت ايضا ماقصدته سيادتكم من ان اى جامعه خاصه او دورات يمكنها ان توفى بالغرض عندما قلت ان الدبلومات تدرس نفس المواد تقريبا فلا يوجد بالشيء المستحيل

بالنسبه لسؤال عن مدرس التربيه الرياضيه او طبيب لن تقاس المسأله بهذا المبدأ طب ما الحرامى دخله اعلى من اى دكتور تقاس على اساس شخصيه نسب معايير ومقاييس اجتماعيه ومعايير دينيه وهذا ليس بموضوعنا

كى تنجح فى نشاط ما عليك ان تبذل حهد وليس ان تتكل على شهادة مؤهلك العلمي فقط ولست فى حاجة الى ان اسرد لاحد طبيعة عملى لانه بمعنى اصح لا احد يستطيع ان يقوم به وليس غرور لا احد يستطيع ان يجمع بين ستة وظائف داخل وظيفه واحده ويقدم نتائج مذهله وباقل اخطاء

شخص يقوم بعمل سته افراد وليس اول عمل لى كذلك

لكن السخريه والتقليل من شأن الاخرين لمجرد انى على درجة علميه معينه غير مطلوبه هذا ينم عن .........

خلص الكلام

تحياتى

[amrhoras]

يا قاهرى ياحبيبي والله لم استهين بعملكم

والله انت فهمت غلط اقرأ كل المداخلات وبالاخص مداخلة الاخ محمد فايق حتعرف ليه انا قولت كدى انا برد وليس استعراض لمواهبي استفزنى الطريقه والسخريه من الاخ المحترم

جميعنا اتبهدلنا فى دراسه و شغل كلا فى موقعه وفى الاخر تجد من يتستهين بك ويسخر منك بكل بساطه

انا لم اقلل من شان المهندس واعتقد ان هناك من افراد العائله مهندسين واعلم تماما صعوبه الهندسه لم استهين لكن كلمة الدهر كله دى لم تكن بسيطه

ان كنتم فعلا اتضايقتوا لمداخلاتى فانا اعتذر لكن يمكن ان نلتمس العذر الفدرات العقليه لا تؤخذ بمقياس المؤهلات واحتج وارفض اتهام الاخ العضو المحترم محمد لمجرد دعابه فى وسط الموضوع

كل من فينا غيور على ماهو عليه ان كان عمل او شهاده او اى شيء تخص جزء من شخصية الفرد

وعلى فكره يا قاهرى ياحبيبي كان صاحب الشركه السابقه التى كنت اعمل بها هندسه قسم محاسبه ماشا الله راجل مخه ذرى جدا فى كل حاجة وبيقيس كل حاجة بدماغه حتى الجمع والطرح والعمليات الحسابيه لايحتاج الى اله حاسبه

وحكايه ماده الاستركشر كنت اعشقها والبرامج كانت هوايه لكنى اول مادخلت تجاره ابتعدت كل البعد لانها ليست بمجالى الجديد يارب تكون وصلت مفيش حاجة سهله يا قاهرى ياحبيبي والله ماقصدت انى اقلل او اقول انا مهندس او انى استعرض ولا عمرى نظررت لها بالمنظور ده خالص يارب تكون فهمت ليه الموضوع قلب معايا كدى كل مجال وله تعبه وقرفه

شكرا

تم تعديل 16 نوفمبر 2007 بواسطة amrhoras

[قاهرى]

يجاعة الموضوع هزار .. انتو لية قلبتوة جد كدة

ربنا يقدرك على شغلك يا عمرو ويوفقك فى شغلك ويزودك كمان وكمان تفوق فى عملك ويجعل كل واحد متفوق فى مجالة

بالنسبة لسوال ا/ياسو

هو طبعا المبدأ مش بيتقاس بالفلوس بالشكل دة .. موضوع الجواز دة بالذات لية نواحى كتير .. مش بس من الناحية المادية اكيد

وبردوا يا عمور متشبهش كلموا بالحرامى الى دخلو اكبر من اى حد هو ياسو بيقول على مهن ترضى الله مش حرامى .. بس هو انت كلامك صح ان الموضوع مش مادى وبس ولو اى اب فكر فى زواج بنتوا من الناحية المادية بس مهو ممكن تتجوز واحد مليونير وبعد شهر بالكتير يرميها وشكرا .. يعنى بالمعنى انوا واخد الموضوع تسلية ...................... الجواز بذات لية نواحى كتير جدا ...

يا جماعة الموضوع هزار فى هزار متقلبهوش كدة

دة احمنا كلنا اخوات بنهزر مع بعض ولو حتى اى حد قال كلمة وحشة على اى مهنة فاكيد هو مش يقصد يا جماعة الموضوع هزار بجد

[قاهرى]

عندك حق يا عمرو . بس خلى قلبك صافى ومتزعلش كدة بسرعة

وامسحها فيا انا بس الاستاذ محمود اكيد بردوا ميقصدش

الموضوع هزار يا جماعة والله

تحياتى لكل المشاركين

[amrhoras]

:lol: خلاص ياقاهرى بقي اخبار الخرسانه معاك ايه يابني اوعى تسمع كلام المقاول الله يكرمك ان كان عليهم عوزين المبني يتبني برمل من غير اسمنت او حديد :lol:

الموضوع اخد علبه سجاير بحالها انا اعمل ايه بقى دلوقتى خلى المحاسبه تنفعنى

مقولتليس ايه اللى بيطلع الجبل بثلاث وينزل باربعه؟

تم تعديل 16 نوفمبر 2007 بواسطة amrhoras

[yasovinas]

تقريبا والله اعلم سؤالي اتفهم انه يتعلق بالفلوس وهو ما لم اقصده او افكر فيه

سؤالي كان المقصود بيه المركز او الشكل الاجتماعي بين الطبيب العادي والمعيد او الاستاذ الجامعي واظن ان الاخير كفته ارجح في المجتمع اي مجتمع ؛؛ والمعنى انه وبالرغم من ان كليه التربية الرياضيه تعتبر من الكليات المتدنية المجموع الا انه بالرغم من ذلك من يتفوق ويبدع فيها سوف يصل الى مركز اجتماعي ومادي ايضا مرموق

عموما اللي لاحظته اننا جميعا ندور حول نفس المعنى وهو ان الموضوع مش موضوع شهاده ولكن المهم الابداع والتمكن في العمل

موضوع شخص بيشتغل 6 وظائف مع وجود علامات استفهام وتعجب كثيرة الا انه امر يجعلني اظن ان التخصص والتركيز مهم ايضا

تحياتي للجميع

[amrhoras]

موضوع شخص بيشتغل 6 وظائف مع وجود علامات استفهام وتعجب كثيرة الا انه امر يجعلني اظن ان التخصص والتركيز مهم ايضا

تحياتي للجميع

اللى رماك على المر :lol: للاسف اغلبهم تخصص واحد

تحياتى واعتذارى للجميع

[قاهرى]

من غير اعتذار يا عمور احنا كلنا اخوات وانت عندك حق انك تزعل على اى واحد يغلط فى مهنتك بالعكس واحترمك اكتر لان الى مش بيقدر تعب حد وفاكر نفسو هو بس الى بيتعب وبيشتغل .. خلية يشتغل لوحدوا باء وورينا هيعمل اية .. وبعدبن يا عمرو باشا من غير المحاسب اصلا

مكنش حد اشتغل .. لاننا مش هنقبط وقتها

ولا اية

اخوك قاهرى

[قاهرى]

اسف على الغلط فى الكتابة اقصد

من غير المحاسب يا عمور محدش كان اشتغل لاننا مش هنقبض وقتها

كلاكيت تانى مرة

[amrhoras]

ولا من غير مهندس حنقدر نعيش فى العراء او من غير طرق ممهده

على فكره ياقاهرى ياخويا انتو موادكم معقده اوى :lol:

اكتر من مره عاتبتك واديتلك وقت تفكر .......كان قلبي كبير بيسماحك انما كان غدرك اكبر من طيبة قلبي اكبر من طولة بالى اكبر من قوة حبي مع كل الماضى الغالى

ولقتني وانا بهواك خلصت الصبر معاك :lol: اتفضل اسمع معايا الست ولا لسه مع محمد فؤاد؟