من اذكى المهندس ام الطبيب ؟؟؟

[ابو محمود]

أصدقائى المحاورين ......ز

أخى عمرو .....

المهندس والدكتور والمحاسب والمفكر والقاضى وووووو كلهم لهم دور مهم فى حياتنا صح وتمام ...

ولاكنى مع احترامى لكم ولجميع الأراء انا شايف من وجهة نظرى ان السعاتى أهم .....

ههههههههههههههههههههههههههههههههه لية بقى علشان كلنا مش هنقدر نمشى وساعتنا بايظة

ياجماعة كل عمل محترم هو احسن لعاملة فالكل يجتمع فى الأهمية كأسنان الترس ان وجد بترس سنة ناقصة لن تدور الماكينة فان أختفت مهنة فلن تقوم الحياة بأستقامة أو نظام أنا بدور على ميكانيكى كويس علشان العربيةههههههههههههههههههههههه خليها على اللة بس كل واحد يجتهد ويعمل بأخلاص وضمير وهنبقى اسياد العالم

[amrhoras]

اهلا با الحاج محمود ازيك ياباشا مساك الله بالخير

هو كل اللي يدخل الموضوع هنا ميلاقيش غيرى انا ولا ايه :happy: والله ما انا اللى قولت مين اهم من مين كل واحد مهم فى موقعه والله بجد كلامى ده كان رد على مداخله رقم 3 اقرأوا مابين سطورها

انت فين ياقاهرى يابني تعالى الحق اخوك الغلبان

:lol: مش عارف يا أ/ محمود كل ماكلمك اكون فاتح الست

كم اناديك وفى لحنى حنين ودعاء اه رجاءى انا كم عذبني طول الرجاء انا لولا انت ........

ردى كان رد على رد قاله احد الاخوه ارجو قراءة الموضوع كامل ياباشا

اخوك عمرو هو مفيش موضوعات انهارده من اللى اتعودنا عليها من سيادتك ولا ايه

[Ahmad Farahat]

ربما انحزت للهندسة عن الطب لأسباب عديدة

لكنني أعترف بوجود كثير من الأغبياء في عالم الطب والهندسة

وكثير من الأذكياء في كليات أخرى ليست كما نحب أن نصفها من كليات القمة

وليس كل ناجح دراسيا ذكي

وليس كل غبي فاشل في دراسته

ثقوا أن هناك الكثير من الأغبياء المتفوقين

وهناك الكثير من الأذكياء الراسبين

الذكاء شيء نسبي

والغباء أيضا شيء نسبي

[miramar]

فاكرين نقابة المهندسين فرع المحاورات بتاعة ابو حميد

اهو انا بافكر اعمل نقابة للمهن التانية غير الهندسة (اصلهم كتير قوي في المحاورات)

ايه رايكوا؟؟؟؟؟

وبمناسبة كدة كل الغير مهندسين معزومين على الافتتاح النهاردة المهندسين يتفرجوا بس

مرمر

[amrhoras]

ياصباح الخير يادكتره ايه النشاط ده مش انهارده اجازه برده يا اهل الرياض

لا حفله بقى لكله لان كلنا اخوه فى الله بس فين الحفل وياترى فى جوايز يامرمر ولا مافيش

صباح الورد :happy:

[حسام يوسف]

السلام عليكم

لو هنتكلم جد

الاذكى هو الاذكى

وماحدش يقول يا سلام عرف الماء بعدالجهدبالماء

يعنى الذكاء مش قاصر على فئة مهنية معينة

احنا بس كعرب مغرمين بأفعل التفضيل

فبنشكر فى الطب والصيدلة والهندسة

ونقلل من مهن تانية كتير

وده غلط

لأن كل واحد بيعمل شغله صح يبقى ناجح

وفية نقطة علمية تانية

الذكاء مش معيار واحد

لأ

الذكاء مجموعة من المعايير

يعنى ممكن حضرتك تبقى ذكى من ناحية التحصيل الدراسى

ولا مؤاخذة ذكاءك محدود اجتماعيا

ولو تحب تقيس ذكاءك وتخلى النتيجة سر

روح للموقع ده

شديد طحن

بس لازم تكون بتتكلم انجليزى

www.queendom.com

الموقع بيعمل اختبارات نفسية ومعامل ذكاء وغيرة

ببلاش

بس محدش يكتأب

أو ثقتة فى نفسة تصاب بأى زلزال 9ريختر

النقطة التالتة هى ان الذكاء مش مرتبط بالتحصيل الدراسى

ويا ما أطباء وصيادلة بينهم وبين الذكاء مسافة زى اللى بينى وبين هندسة الفضاء

ويا ناس تعليمهم فنى أو حتى متعلموش وتلاقيهم ماشاء الله

[قاهرى]

شكرا حسام على الموقع الجميل دة ... انا هبقى اجربة واقولكم على مستواى الذكاء بتاعى .. بس انا خايف النت يفرقع او حاجة .... المهم

عمور انا موجود بس جنيك ,,, شفت فيلم غبى منوا فية بتاع هانى رمزى .... لما حسن حسنى بيقولو انا عايزك تكون جنبى ديما ... يقوم يروح يقف جنبو .. ههههههههههههههههههههههههههههههههههههه

مرمر .. لية كدة بس .. انتى لية مش بتحبى المهندسين بس ؟؟ والله دول غلابة .. وبيحبو الحفلات .. اعزميهم هما كمان .. وبعدة كدة البوفية اية نظامو فى الحفلة ولا المهندسين هيتفرجو بس ..؟؟؟

تحياتى للجميع

قاهــــــــــرى

[مسالم]

بعيداً عن مين الذكي ومين دون ذلك .. وبعيداً عن المقارنه بين الاهلي والزمالك ... قصدي المهندسين والدكاتره ...

حبيت أقول ان كلية الهندسه علمتني إذاي أفكر بطريقه مختلفه .. علمتني اذاي اوجد حل لكل مشكله تواجهني .. سواء علميه او عمليه ..

ومع احترامي لجميع المهن الاخرى فإن المهندس عندما يفكر .. فدائماً تفكيره = خلاصة تفكير الاخرين +1 :closedeyes:

وشكراً

تم تعديل 17 نوفمبر 2007 بواسطة مسالم

[Mohamed Fayek]

يا قاهرى ياحبيبي والله لم استهين بعملكم

والله انت فهمت غلط اقرأ كل المداخلات وبالاخص مداخلة الاخ محمد فايق حتعرف ليه انا قولت كدى انا برد وليس استعراض لمواهبي استفزنى الطريقه والسخريه من الاخ المحترم

جميعنا اتبهدلنا فى دراسه و شغل كلا فى موقعه وفى الاخر تجد من يتستهين بك ويسخر منك بكل بساطه

انا لم اقلل من شان المهندس واعتقد ان هناك من افراد العائله مهندسين واعلم تماما صعوبه الهندسه لم استهين لكن كلمة الدهر كله دى لم تكن بسيطه

ان كنتم فعلا اتضايقتوا لمداخلاتى فانا اعتذر لكن يمكن ان نلتمس العذر الفدرات العقليه لا تؤخذ بمقياس المؤهلات واحتج وارفض اتهام الاخ العضو المحترم محمد لمجرد دعابه فى وسط الموضوع

كل من فينا غيور على ماهو عليه ان كان عمل او شهاده او اى شيء تخص جزء من شخصية الفرد

وعلى فكره يا قاهرى ياحبيبي كان صاحب الشركه السابقه التى كنت اعمل بها هندسه قسم محاسبه ماشا الله راجل مخه ذرى جدا فى كل حاجة وبيقيس كل حاجة بدماغه حتى الجمع والطرح والعمليات الحسابيه لايحتاج الى اله حاسبه

وحكايه ماده الاستركشر كنت اعشقها والبرامج كانت هوايه لكنى اول مادخلت تجاره ابتعدت كل البعد لانها ليست بمجالى الجديد يارب تكون وصلت مفيش حاجة سهله يا قاهرى ياحبيبي والله ماقصدت انى اقلل او اقول انا مهندس او انى استعرض ولا عمرى نظررت لها بالمنظور ده خالص يارب تكون فهمت ليه الموضوع قلب معايا كدى كل مجال وله تعبه وقرفه

شكرا

[Mohamed Fayek]

الأخ الفاضل / عمرو حورس

إن أكرمكم عند الله أتقاكم .... فأنا ياأخى الفاضل لم أقصد أى سخرية وأعتذر لك وبارك الله فيك

[amrhoras]

الأخ الفاضل / عمرو حورس

إن أكرمكم عند الله أتقاكم .... فأنا ياأخى الفاضل لم أقصد أى سخرية وأعتذر لك وبارك الله فيك

أرجو ان سيادتكم تغير من بعض وجهات النظر كما ارجو منك ايضا أن تقرأ الموضوع وتقيمه هل هو مجرد فكاهه ام جاد

والاعتذار مقبول شكرا

[ssamir]

بعيداً عن مين الذكي ومين دون ذلك .. وبعيداً عن المقارنه بين الاهلي والزمالك ... قصدي المهندسين والدكاتره ...

حبيت أقول ان كلية الهندسه علمتني إذاي أفكر بطريقه مختلفه .. علمتني اذاي اوجد حل لكل مشكله تواجهني .. سواء علميه او عمليه ..

ومع احترامي لجميع المهن الاخرى فإن المهندس عندما يفكر .. فدائماً تفكيره = خلاصة تفكير الاخرين +1 :lol:

وشكراً

+1