كراهية الأهلي تزداد .... أين الروح الرياضية بين جماهير الكرة المصرية ..؟؟؟

[Ahmad Farahat]

ربنا أعلم كم لا أحب هذا الرجل الذي أستذته علي

والله أعرف يا هندسة لكن خانك التوفيق واستخدمت نفس الكلمات التي استخدمها شوبير سابقا في النيل من نادي الزمالك وجماهيره - ولأنك صديق عزيز لي فقد قررت ألا أترك هذا التوبيك وصديقي أرسين لديه غصة مني لذلك قررت أن تكون هذه الورود لأخي أرسين هي آخر مداخلة لي في هذا التوبيك

:rolleyes: :ph34r: :blink: prt:

ومين قلك اني زعلان

أنا زعلان بس علشان حاجة تانية

روح على باب الفنون وانت تعرف

[se_ Elsyed]

من اهم أسباب زيادة روح الكراهية هو ما يبثه الإعلام المسموم من أي جوانب من الجوانب سواء أهلاوي إسمعلاوي أو زملكاوي ...

سأذكر مثال بسيط لسه حاصل طازة الإسبوع الماضي ...

- خبر نشرته جميع المواقع الرياضية وخصوصاً الزملكاوية وتناوله الإعلام عن الإعتداء على لاعب زملكاوي بمطواة من بعض جماهير الأهلي والولد إنجرح جامد وأستلزم تدخل جراحي لخياطة الجرح ومش عارف إيه ... وده أثناء مباراة لفريقي الأهلي والزمالك في قطاع 20 سنة وكانت المباراة بتتلعب في نادي الشمس وحضرها جمهور كبير لإن الزمالك كان بيلعب بشريف أشرف وشيكابالا من ضمن الفريق ...

أنا عن نفسي تضايقت وقلت هي وصلت للدرجة دي ..

لكن سبحان الله في نفس اليوم إنتقلت عدسات العديد من القنوات التليفزيونية للمستشفى وسجلوا مع الولد وأتضح الأتي ":

1- هذا اللاعب يلعب في فريق 18 سنة بالزمالك وكان رايح يتفرج زيه زي أي واحد .

2- على لسان اللاعب إنه كان رايح يتفرج على المباراة ولسه نازل من التاكسي فأشتبك مع مجموعة من الجماهير هو يعرفهم جيداً لإنهم جيرانه وعوروه بالمطواة ..

يعني لا طلع لاعب معروف ... ولا طلع بيلعب في نفس المباراة .. وكل الموضوع إنها مشكلة ممكن تكون لها رواسب قديمة مع جيرانه اللي شافوه هناك وضربوه ... ولا اعتقد هناك عاقل واحد يقول إن أي واحد كان نازل من التاكسي ورايح يتفرج على المباراة كان بينضرب ....

ولا حد قال جمهور الأهلي ولا مشجعي الاهلي ولا هو جاب سيرة ذلك من بعيد ولا قريب ...

ومع ذلك ولإن عدم الأمانة متوفرة في كثير من الأقلام ما حدش كتب الكلام ده .. ووقفوا عند إن اللي اعتدى على اللاعب هم جماهير الأهلي ... واتحدى جماهير الزمالك نفسهم لو كانوا يعرفوا حتى إسمه مش شكل اللاعب عشان يبقى معروف لجماههير الأهلي ويتربصوا به ويضربوه ؟

[Modest]

تاااااااااني؟

بالعودة للتسجيل مع الواد اللي اتضرب بمطواة لقيتُه بيقول إن و هو نازل من التاكسي لقى أصحابه اللي قالوا عليه إنه بيلعب في الزمالك فانقض عليه جماهير نادي المبادئ (اللي هما مش أصحابه لكن ناس تانيين وحشين مجرمين ) و ضربوه ... أسوأ ما في الموضوع هو طريقة خياطة الجرح .. كانت مقرفة جداً و الدكتور اللي بيخيط الجرح ماكانش حتى لابس جوانتي و لا فيه ريحة التعقيم... يعععععععع

و لا يفوتني مع ذكر هذه الجريمة ذكر تكرار جماهير نادي المبادئ التعدي بالقول (بالشتايم الأبيحة :lol: ) على شيكابالا و شريف اشرف في نفس المباراة و نفس التسجيل .. لإن شيكابالا لونه أسمر و دي خلقة ربنا و لإن شريف أشرف انتقل للزمالك بعد فضيحة تزوير من النوع الممتاز لنادي المبادئ.

أيووووووووووه... ما كنّا ساكتين.. لازم يعني نضطروا نتكلموا؟ :ninja:

تم تعديل 20 نوفمبر 2007 بواسطة Modest

[se_ Elsyed]

تاااااااااني؟ :ninja:

... أسوأ ما في الموضوع هو طريقة خياطة الجرح .. كانت مقرفة جداً و الدكتور اللي بيخيط الجرح ماكانش حتى لابس جوانتي و لا فيه ريحة التعقيم... يعععععععع

أصله كان دكتور أهلاوي عميل ... ومعاه ممرضه أهلاوية دسوسه وكانوا لابسين أحمر هما الإتنين :lol:

أضحك بقى يا بوديس على عُمر إبن أخوك ابو أشرف

الولا عمر كان بيلعب بالعجلة بتاعته في الأجازة وإحنا في مصر فوقع وإيده إتجزعت - كالمعتاد - روحنا به جري عالمستشفى وعملنا أشاعة لقيناها محتاجة جبيرة بسيطة ... فوجدنا الدكتور لسه بيستخدم شكاير الجبس بتاعت المحارة بتاعت ترميم البيوت اللي كانت تستخدم إبان حروب البلقان والثورة البلشيفية ... قلنا ماشي ما فيش مشكلة اهم حاجه إنها تجيب نتيجة أو زي ما بيقول اهل الخليج " مالنا إلا ولدٍ يجرا - يقرأ يعني " يعني إنت مالكش الا النتيجة ومالكش دعوة بآليه التنفيذ ...

إلا والأقي صاحبك لا لبس جوانتي ولا يحزنون وعمال يلغوص في الجبس وبقى شكله عامل زي مبيضين المحارة .. أنا سكتت وسيبت عليه عُمر يشتغل لوحده ووقفت ميت على نفسي من الضحك انا ومامته وعمه الكبير والولد عمال يرص له ويقول له : إنت شخص مقرف ... لا لابس جوانتي ولا حاجه في إيدك وعمال تحط عليه بودرة صراصير .. عُُمر الجبس ما بيبقى كده زي البودرة ، الجبس المفروض بيبقى شاش وإنت تحط عليه ميه بسيطة وبعدين يعمل جبس ( كان بيشرح له الدرس بتاع سنة أولى طب اللي بياخدوه أول السنة )

ما علينا

و لا يفوتني مع ذكر هذه الجريمة ذكر تكرار جماهير نادي المبادئ التعدي بالقول (بالشتايم الأبيحة ) على شيكابالا و شريف اشرف في نفس المباراة و نفس التسجيل

حبيب قلبي أبو ساميه إنسى إنك زملكاوي للحظه وكلمني بالعقل .... وقدام الناس الحلوه دي يا عم لو جماهير الزمالك ما كانتش شتمت هي كمان يا موديست في نفس المباراة يبقى لك عندي حق عرب وهادبح لك ربع جمل مندي بالسلطات واللبن الرايب عشان تهضم لما تيجي الرياض ..... في أكتر من كده يا عم ؟

أصلك بتكرر نفس اللي حصل يا أبو ساميه في مباراة الأهلي والزمالك الأخيرة اللي لبناكو فيها كالمعتاد ... فبشهادة الزملكاوية قبل الأهلاوية إن القلة الغوغاء من الجانبين تبادلوا الشتائم في المباراة

جماهير الزمالك بدأت من الباب للطاق بشتم أبو تريكه وعصام الحضري اللي ما ردوش عليهم لا بالخير ولا بالشر

راحت جماهير الاهلي ردت بشتمية شيكابالا

إذن فهناك تجاوز وقلة ادب مرفوضة من الجانبين

لكن بما إنك راجل زملكاوي قديم ورياضي صميم فروحتوا ماسكين كلكوا في شتيمه شيكابالا ونسيتو التجاوزات بتاعتكم

شوف يابو ساميه

ويمين يحاسبني عليه ربنا يوم القيامة

فاكر لما كلمتك من مصر عشان أغيظك وأقولك إني في إستاد القاهرة باتفرج على نهائي الكاس بين الأهلي والزمالك ؟

- كنت قاعد زي مانت عارف مع معسكر الأعداء لإن ماكانش فيه مكان .. وعلى يميني مشجعي رابطة جماهير الزمالك ودول حرقوا نفسهم تشجيع نظيف وحماسي للاعبيهم طوال وبعد المباراة

وعلى شمالي وملاصقة في المقصورة الرئيسية جماهير زملكاوية أخرى معظمهم شباب صغير دول طول المباراة نازلين شتيمة قبيحة في الأهلي وفي سمير زاهر وشوبير اللي كانوا يبعدوا عنهم بضع مترات

طبعاً لا حد جاب سيرتهم ولا حد قال إنهم كانوا شغالين 120 دقيقة شتيمة من اللي قلبك ما يبحهاش .... على اساس إن ميزان العدالة الزملكاوي بكفة واحده زي اللي كانوا بيوزنوا بها القوطة زمان ...

[kokowawa1979]

بصراحة كنت لا أنوي التعليق مرة أخرى - لكن بالنسبة لحادثة لاعب الزمالك - فده يوريك إن الهمجية الظاهر متأصلة مش في مباراة تونس وبس - لأ على لاعب مجرد إنه بيلعب في الزمالك !!!

بصراحة ما لقيتش غير ال 3 كليبات دول يوضحوا مدى الروح الرياضية العالية التي يتمتع بها جمهور الأهلي ومن أجلها جميع جماهير مصر تدوب في حب الأهلي !!!!

وعلى فكرة حتى الأهلي نفسه ناله من روح جماهيره العالية جانب من الحب !!!

أولا الحادثة التي أشار إليها زعيم الأهلوية والتفاصيل الكاملة بس شاهدوا الكليب لآخر واحكموا !!!

http://www.BLOCKED77/account/file/298923...71PVGKIJHAQEtUA

وده الكليب الذي أذيع في أوروبا ولم نر منه إلا القليل في مصر !!!

http://www.BLOCKED77/account/file/298870...71PVGKIJHAQEtUA

وده بقى كليب بيوضح عظمة الروح الرياضية اللي بيتمتع بيها جمهور الأهلي مع ناديه !!

http://www.BLOCKED77/account/file/299761...71PVGKIJHAQEtUA

لو سمحت بقى يازعيم أنا عاوز 2 كيلو من الريش من أي كليب من دول :lol:

[شينكاوي]

السلام عليكم ورحمة الله وبركاته....

العزيز كوكواوا ده مش غريب علي جماهير الأهلي التي هي اساس التعصب وده لأنهم دايما يسفهوا من

المنافس وجميع المحايدين ادركوا ان حادثة احمد الكاس هي من الحوادث التي بدأت شرارة التعصب بين الاندية

من هتافات خدوا ستة رايح وهتافات الكومي والتندر علي الاندية المنافسة هي اساس التعصب في مصر .

مما جعل المتعصبين من جماهير بقية الاندية الاخري تقوم بنفس الشئ والذي يعتبره البعض هو رد فعل غير

مقبول للرد علي جماهير الاهلي التي تسفه من جماهير الاندية الاخري .

واخير اختم بتوقيع احد الاخوة الذي لايحضرني اسمه ((( مناقشة الامور التافهة يستغرق وقتا اطول)))

واسال الله الا يكون ما كتبت من باب التعصب وان يجزينا جميعا خيرا .

وحفظ الله ابناء مصر المسلمين من التعصب لكرة قدم.

[ابو محمود]

بما أنى أهلاوى ...يكفينى ان أقرأ تعليقات وردود أخوتى الأهلوية المستنيرة ... على اتهامات الزملكاوية المليئة بالغيرة.... ياجماعة النسر قالها انتوزعلانين علشان بقالكو كام سنة مأختوش بطولة ولا حتى بصلة ربنا يرزقكم بأى حاجة كدة علشان تهدو كدة ......وسلامى الى كل أهلاوى تمتعت بقراءة مايكتب وكل زملكاوى غير متشنج ومتحيز ولا يرى اى لون غير الأبيض :lol: :lol: :angry2:

[se_ Elsyed]

هانرجع بقى للعك تاني والأهلي والزمالك وبلدية كفر الشيخ ...

بس ده نصيبنا واللي مكتوب على الودان لازم يظهر ويبان

في الأيام الأخيرة غاظني خبرين طلعوا من لاإسماعيلي

وهما بيع سيد معوط وكمان محمد محسن أبو جريشه

اللي غايظني بقى الألبانده اللي بيعلموها جماعة الإسماعيلية واللي بيدبحوا اللعيب على باب النادي بس ما يروحش الاهلي أو حتى الزمالك

على سبيل المثال ... محمد محسن أبو جريشه كان هايروح الزمالك في الإنتقالات الشتوية مش أقل من مليون دولار وعملوا هوليله وزموبليطه -على رأي على الكسار الله يرحمه - وفي الأخير باعوه لفريق صيني مضروب ... عارفين بكام ؟

والله العظيم ما هاتصدقوا ؟

100 ألف دولار ... اللي السعر ده لا مؤخذه ما بتشتريش به واحد بيلم كور من ورا الجون دلوقت في مصر

وإدارة الإسماعيلي الأشاوس ضحكوا على الجماهير وقالوا لهم دي إ عارة .... إعارة ... بتقولي إيه يا بت ( من فيلم جاءنا البيان التالي ) .... ؟

نفس الشيء وبنفس المبلغ إتباع سيد معوض والنادي التركي التعبان هايكمل المبلغ 900 ألف دولا وهايشتريه بشكل نهائي بعد 6 شهور عشان يهديه للأهلي ... طب ما كان من الأول طالما مبدأ البيع موجود

ويا عيني من سوء الإدارة منتظرين الـ 100 ألف ملطوش بتوع أبو جريشة عشان يخلوا هاني سعيد ومحمد فضل يتنازلوا عن قضايا الشيكات اللي بدون رصيد اللي اعطها لهم النادي ..

ده مش تجُبر والله من اللي معاه فلوس او غني

لكن احنا في عصر إحتراف وما فيش لعيب هايرحمك أو يقولك أنا بألعب هوايه ومن غير فلوس للنادي ..

وإذا لم تدير النادي بتاعك بطريقة إحترافية يبقى لا تبحث عن بطولات وأشترك بقى في دورات رمضانية أحسن لك ..

[Scorpion]

ايه ده ....

تاني ....

تاني اهلي و زمالك .....

ده لسه الكاس ما مسحوش من عليه العرق.....

حنرجع تاني نعيده من الأول .....

أنا أعترض .... و بشدة....

ما نحاول نتكلم عن الرياضة بعيد عن الفريقين دول اللي بحجتهم لغوا الرياضة من بلد بحالها .....

[حسام يوسف]

السلام عليكم

الزميل العزيز:

scorpion

انا زملكاوى

لكنى معك اننا يجب ان نفرح بانجاز مصر

ومقتنع ان مصر فوق الاهلى والزمالك

وفوق اى شيء

لكن البلد الحمرا اللى احنا فيها دى

تعمل ايه فيها

حتى كاس افريقيا تسمع تعليقات تجيب كل انواع الشلل:

عماد متعب ماجابش اجوان لكن لولاه زمايله ماكانوش هيهدفوا!!!!!!!!!

ابو تريكة تتحط صوره على الجرايد

وكأن منتخب دولة ابو تريكة جاب الكاس

مش منتخب مصر لا سمح الله

عنرو زكى واللى كان من نجوم البطولة

والوحيد اللى بيسلك مع لاعبى افريقيا

بييجى الكلام عنه بالعفية

ومن تحت الضرس

اى رياضة ف الدنيا

اساسها الاول التنافس

ازاى ييجى التنفس مع النادى الاهلى ده؟

وبعدين حضرتك بتقول ناديين

لأ هما نادى واحد

والباقى هما البؤساء

انشاء الله انا ههاجر لبلد مافيهاش اهلى

ياساتر

[se_ Elsyed]

انشاء الله انا ههاجر لبلد مافيهاش اهلى

وراك وراك وين ما تروح

هاتيجي السعودية تاني هاتلاقي الهلال هو الاهلي

هاتروح إنجلاند .. هاتلاقي المان يونايتد هو الاهلي

هاتروح أسبانيا هالتقي النادي الملكي ( ريال مدريد ) هو الأهلي

هاتروح اليونان هاتلاقي نادي ( كلماتا خريستوبولي ) هو الاهلي

هاتروح ماليزيا هاتلاقي نادي ( بلدية كوالامبور ) هو الأهلي

يا بني إحنا منتشرين في كل مكان :rolleyes:

[حسام يوسف]

السلام عليكم يا عمنا س س:

ازيك يا أحلى أهلاوى ف الدنيا

اسمحلى اختلف معاك ف اللى قلته

الاهلى ظاهرة سرطانية تنفرد بيها مصر

مفيش نادى ف السعودية

أو انجلاند

أواسبانيا

أو كفر طهرمس الغربية

فى كل الدول وفى كل العالم

مفيش نادى بياخد أكتر من 70 % من بطولات البلد اللى هو فيها

ولا بيشكل مشجعيه أكتر من 80% من المشجعين للرياضة فى البلد

ولا كل البلد مسخرة عشان ياخد كل حاجة

ويقولوا هيه خدنا البطولة

الا الاهلى

واطمن يا عم بخصوص السعودية

انا مش هاجى ابدا

ومش عارف لما اجى احج هعمل ايه

عموما انا صعيدى

وممكن احج فى زرزارة

زى الصعايدة ما عملوا فى سنبل بعد المليون

[se_ Elsyed]

طب إنت كده لمست كبدة الحقيقة

يعني حضرتك بقى إشتراكي وعايز تطبق مبدأ توزيع الثروة ؟

وهل ده ذنب الأهلي إنه بيفوز بـ 70 % من البطولات ؟

وهل لما مصر فازت بستة بطولات دلوقت من بطولات أفريقيا من 25 بطولة ... يبقى نيجي نلاقي الأخوة الأفارقة بيطالبوا بتطبيق العدالة المُطلقة وتوزيع الكئوس دي عالغلابة ؟

[kokomen]

طب إنت كده لمست كبدة الحقيقة

يعني حضرتك بقى إشتراكي وعايز تطبق مبدأ توزيع الثروة ؟

وهل ده ذنب الأهلي إنه بيفوز بـ 70 % من البطولات ؟

وهل لما مصر فازت بستة بطولات دلوقت من بطولات أفريقيا من 25 بطولة ... يبقى نيجي نلاقي الأخوة الأفارقة بيطالبوا بتطبيق العدالة المُطلقة وتوزيع الكئوس دي عالغلابة ؟

 يا سي السيد  يا خويا

 رجعنا .. لهم .. الدوري المصري بعد ما  ذوقنا طعم بطولة أفريقيا 2008

واللعب الجميل والروح القتالية العالية ... رجعنا للنقطة والثلاث نقاط

وركل الكرة بطريقة المكاسيح والتصريحات النارية للمدربين ووسائل

الإعلام المتعصبة .. وسوف تنسينا الكرة الحلوة اللى أستمتعنا بيها في أفريقيا

 ويحعلوا عامر ... أحسن حاجة .. ده إقتراحي .. نسلم الأهلي درع بطولة الدوري ونخلص من العك الكروي

:lol: :lol: :lol:

تم تعديل 21 فبراير 2008 بواسطة kokomen

[سيف الدين جلال]

....دائما مشجعى الاهلى ..يظنون ان عدم حب الاهلى هو عدم حب لمصر ..!!! ...ولا يفوتهم ...غياب مبدا تكافؤ الفرص بين الاهلى والزمالك...يجعل معشر الزمالكاوية الكرام .....بهم بعض الغيظ من الاهلى ..وسماسرته ...خاصة القيعى (انا ما بطيقوش)....وفرجان براحة ان الحضرى سابكم ..وراح يدور على اكل عيشه برا الاهلى ...كما ان هناك نقطة غائبة عنكم...ان أكبر رأس فى البلد اهلاوى ....يعنى مشكلتكم مشكلتين ......الغرور بتاعكم ...وال.....والا بلاش .....................ناس ليها حظ ...وناس ليها الزمالك