هل اختلت موازين الأدب والاحترام؟؟؟

[shahd]

amrhoras'

* المعلم نفسه

الشخصيه :- لا احد يجعلك تحترمه سوى شخصيته ومع الاسف يتناسى كثيرا من المعلمين وضع حدود بينه وبين الطالب بالعكس وجدت امثله سيئه لمدرسين كانوا يتلفظون بألفاظ سوقيه ومتدنيه جدا مع احترامى الشديد فما بالكم بطالب يسمع مدرسه يقول تلك العبارات ويداعب الطلبه بها بل يبدأ الردود متبادله ويقولو بنشيل الحاجز بينا وبينهم طب هذا اساس البلاء كله للاسف

متى نرجع الى مقولة (من علمني حرفا صرت له عبداَ) هل انتهت هذه الايام ام اهناك بصيص من الامل لترجع هيبة المعلم

ربما كانت شخصية المعلم هي التي تجعل الطالب لا يحترمه.. لأنه في هذه الحالة لايحترم نفسه في الأساس

ففي هذه الحالة وفي رأي الشخصي على الطالب ان يحترم نفسه ويتجنب التلفظ بمثل هذه الألفاظ الغير لائقه

عدم احترام المعلم لنفسه في بعض الأحيان لايعني مسايرته فيما يفعل .....

هذا اذا كانت التربية صحيحه في المنزل كما ذكرت اخي الفاضل ........

شكرا لك على المداخلة والرأي القيم

[امانى]

الاخت العزيزة شهد

موضوعك اثار مشكلة حقيقية موجودة فعلا فى هذا الجيل وسؤالك رائع (هل اختلت موازين الادب والاحترام بين الطالب

والمعلم) فعلا اختلت الموازين مبقاش فى احترام بين الطالب والمعلم ومش عايزة اعمم لان فى مدرسين محترمة جدا

لا تقبل هذا الاسلوب من اى طالب 0 انا شايفة السبب يرجع للاسرة والمدرسة والمعلم نفسه

الاسرة لو ربت ابنائها تربية سليمة على الاحترام للغير ومعاملة الاكبر سنا بكل ادب مهما اساء وا وان ينظروا الى المعلم

نظرة احترام مهما كان اسلوبه 0

ثانيا المدرسة الان اصبحت بدون ظوابط او روابط الاول كانت المدرسة مقدسة لا يصدر اى فعل مخل او كلمة مخلة داخلها

الان اصبح الطلاب يشربون السجائر بها امام المعلم ولا احتساب للغياب والمدرس يقول كلمتين ويقضى بقية الحصة

هزار مع التلاميذ وبرضه مش عايزة اعمم ذلك لان فى مدارس على مستوى المسؤلية من الانضباط

ثالثا المعلم وده الاهم فى الموضوع لابد له الا يفقد هيبته امام طلابه من اجل الدروس الخصوصية ومبالغها المبالغ

فيها فالنقود لا تصنع الرجال ولكن الرجال تصنع النقود 0 لابد له ان يحترم نفسه اولا من اجل ان يحترمه طلابه

اخيرا اقول مهما كانت طريقة المعلم مع الطالب او الطالبة فعلى الطلاب والطالبات التزام الاحترام والادب معه

اشكرك على موضوعك الرائع ودمتى لنا

امانى

[vipwithyou]

انا فاكر يا جماعة اننا اذا كنا ماشيين فى شارع وشاهدنا فى اول الشارع من بعيد المدرس بتاعنا واحنا كنا فى ابتدائى وقتها

كنا بنخاف منه وندخل فى اى شارع جانبى

او نستخبى خلف اى عمود نور احنا كنا صغيرين بقى وفاكرين انه كدة مش شايفنا

قول للزمان ارجع يا زمان

راح الزمن الطيب

[shahd]

كنت فاكرة ان موازين الأدب و الأحترام اختلت فقط لدى طلاب وطالبات المدارس

انما طلبة الجامعه كنت فاكراهم اكثر احتراماً وتأدباً خاصة اصحاب الكليات العلمية وبالذات الطب اللي المفروض يكونوا مثال للطالب الجاد المكافح .. لكن للأسف الشديد في كل مرة ينحدر مستوى التربيه والأخلاق

استهزاء وغرور ما بعده غرور.

طالب يسأل دكتور ماده من المواد بأسلوب غير لائق في قاعة الأمتحانات . هيا المادة دي عليها كام درجة ..على اساس انها مادة سهلة وحيمسك الكتاب يحفظه في نص يوم؟؟؟

طالب اخر يطلب من دكتور اخر ان يناوله اله حاسبه برضه بأسلوب مافيهوش ذوق ولا ادب

الدكتور يرد عليه رد يليق بيه تماماً

مش فاهمة فعلا هما دول طلبة جايين لطلب العلم ولا ايه بالضبط؟؟؟؟؟

حاجة ترفع الضغط

تم تعديل 6 فبراير 2008 بواسطة شهد

[إيزيس]

للأسف اختلت جدا وكان هذا موضوع حديث اليوم مع زميلات العمل

لو أحكي لكم عن تصرفات الطالبات ...شيء مخزي الظاهرة في تطور والأخلاق في تدهور والله يستر

[Folana]

السلام عليكم ورحمة الله....

أختى الرقيقة شهد المنتدى.....نعم اختلت الموازين لاسباب عديدة نحتاج الى صفحات وصفحات لسردها...

ولكن للعملة وجه أخر ..يتمثل فى علاقة المدرس بالطالب....أرى ان بعض المدرسين ايضا يجانبهم الصواب فى مدى التزامهم بكونهم قدوة تُحتذى....وقد يأتون بأفعال لا تليق بدروهم التربوى قبل التعليمى...

واليك هذا المثال....عادت ابنتى الصغرى من اول امتحانات التيرم الاول للصف الثالث الاعدادى وهى فى حالة ذهول...وبتقولى يامامى راقبت علينا مدرسة غريبة جدا....(ومعروف طبعا ان الشهادات العامة يتولى المراقبة فيها مدرسين من مدارس الحكومة )........ولما كنت اعلم عن ابنتى انها لا تترك حقها وان رأيت دموعها اتيقن انها "قتلت قتيل وماشية فى جنازته"...:)...سألتها بتلقائية "عملتى فيها ايه؟"...قالت لى والله ولا حاجة دى اول مادخلت اللجنة طلعت قلم احمر وفضلت تزعق وتقول للبنات...انا حاربيكم...لو عايزين تتنططوا..روحوا اتنططوا بفلوس ابوكم اللى دخلتكم المدارس دى...مش على انا....ودينى اللى حتتنفس لاكون عاملة لها محضر غش واسقطها وابقوا روحوا اتعلموا مع بتوع الحكومة اللى بيدفعوا اتنين جنيه فى الشهر...

وفضلت على هذا المنوال الى اخر اللجنة....

حتسألينى كان امتحان ايه؟...اقولك كان امتحان فى مادة "الخط العربى "...!!!!!

وبادرتنى بسؤالها اللى ماعرفتش اجاوب عليه....هى ليه بتعمل كده؟...هو فيه ناس بتتكلم كده؟...

طبعا هناك خلل فى المنظومة التربوية التعليمية بوجه عام...ولابد من الاصلاح السريع حتى يستعيد المدرس وقاره واحترامه وتبجيله ...ويتعلم الطلاب معنى الاحترام والالتزام ......

ولنا الله فيما نراه حولنا من انهيار القيم والاخلاق على جميع المستويات.....

[إيزيس]

وما رأيكم في معلم التربية الرياضية الذي اشترط على تلاميذ الصف السابع أن اللي عاوز يلعب لازم ياخد له ضربة بالعصاية !!!!وطبعا ابني لم يقبل ولم يسكت رفض

وقاله دي حصة الألعاب ليه ما نلعبش وليه ننضرب الأستاذ المحترم سمح للفصل كله باللعب ما عدا ابني لأنه "لمض" ولما والده عاتب المدرس قال باهزر

بالله عليكم ما هو السلوك الذي يتعلمه الطالب من معلم من هذه النوعية؟؟

للأسف الأخلاق عموماً في انحدار للصغار والكبار

[amrhoras]

وما رأيكم في معلم التربية الرياضية الذي اشترط على تلاميذ الصف السابع أن اللي عاوز يلعب لازم ياخد له ضربة بالعصاية !!!!وطبعا ابني لم يقبل ولم يسكت رفض

وقاله دي حصة الألعاب ليه ما نلعبش وليه ننضرب الأستاذ المحترم سمح للفصل كله باللعب ما عدا ابني لأنه "لمض" ولما والده عاتب المدرس قال باهزر

بالله عليكم ما هو السلوك الذي يتعلمه الطالب من معلم من هذه النوعية؟؟

للأسف الأخلاق عموماً في انحدار للصغار والكبار

نفس الموقف حصلى شخصيا فى الصف الثالث الاعدادى

عندما رفضت ان اشارك زملائي فى تنظيف الملعب من أجل اللعب بعد التنظيف

قالى تعالى يا لمض برده

وريني شنطتك

جبتهاله

راح ماسكها وراميها ف الارض

بصتله باحتقار فقالى هاتها تانى

وانا نازل اجيبها راح رازعنى كف ع ضهرى نمت جنب الشنطه :blush2:

ولسوء الحظ انى كنت يومها تعبان اساسا وحرارتى مرتفعه جدا

ولحسن الحظ كانت اخر حصه فى يوم العذاب ده روحت البيت وانا كنت خلاص ميت

رحت للدكتور يومها وقال نزله شعبيه حاده وينام فى البيت اسبوع :blush2: والله سمعت الخبر ده حسيت بالشفا

بس اخدت حقى تانى يوم بشكوه الى ادراة التعلم بالشرقيه مرفقه معاها الكشف وبعد اعادة الكشف عليا تبين انى مصاب بنزله شعبيه حاده فعلا وعليه اخد المدرس عقابه بحرمانه من مكافأة الامتحانات ع ما أظن وخصم من المرتب ع ما اتذكر

الى الان كلما اجده احتقره وهو لما بيشوفنى مبيقدرش يحط عينه ف عيني كان اسمه طارق

طب وذمتكم المدرس ده نقدر نحترمه ازاى؟؟؟؟؟

*************

بس لما اوردته الاخت شهد من أمثله فى الجامعه فى كتييييييير جدا وده لانه جيل طلع كده لقى نفسه مش بيحترم مدرسه يبقى هيحترم دكتوره!!! اكيد لأ والاكيد مع الوالدين برده من الاخر مع كل الناس لانه فقد المثل الاعلى واحترام الكبير

ونسي من علمنى حرفا صرت له عبدا :) بس فين اللى بيتقى الله فى العلم ده الان قله قليله جدااااااا بجد

شكرا