يوميّات المحاورات اللذيذه.....بين "بوش" والست "ليزا"

[disappointed]

المشهد : بوش يلعب الجولف فى مزرعته بتكساس مع لفيف من أصدقائه المقرّبين (من تايكونات النفط والسلاح)

(تصوير خارجى)

بوش يطيح (برعونة) بالكرة فى أحد برك المياه الصناعيّه على أحد جانبى "كورس" ملعب الجولف

“Yahoooooo...Yeppeeeeee..Bengoooooo..That’s it..What

a dam gooooood shot Mr. President”

(يصيح أحد مرافقيه بطريقة رعاة البقر وهو يقذف قبّعته فى الهواء)

بوش (بابتسامته البلهاء التى تزيد المسافة بين أنفه وشفته العليا اتّساعا لتزيد من تقارب ملامحه مع ملامح قرد "الأورانجيتان" وفصائل "البابون"وهو يلتفت الى صديقه مالك الــ"Bla Bla Bla Bla Oil Corporation") :

Yeeeh...

أنا برضه كنت بأقول كده.....

My dear..You are a real patriot

بس الله يخلّيك شوف لنا واد من الــBall Boys يكون "باتريوت" زيّك كده ينزل لنا فى بركة الميّه ويجيب لى الكوره علشان أعرف أكمّل لعب

وهنا....يرن جرس أحد الهواتف النقّاله مع أحد حرسه الخصوصيين الذين يتابعون عن قرب فاصل "الجولف" ذو المستوى الهابط الذى يؤدّيه رئيسهم وهم يتهامسون حول أن هذا المستوى سببه عمل ارهابى من تخطيط بن لادن الذى قام عملائه بالعبث بمضارب "بوش"

وبعد محادثة قصيرة يتحدّث الحارس مع أحد أولئك الأشخاص الذين يرتدون البذل والنظّارات السوداء وتتدلى من آذانهم سلوك تلك السمّاعات الصغيره والذين تشعر أنهم مصابون بآلام فى المعدة طوال الوقت من كثرة ما يضعون أيديهم على مسدّساتهم المتواجدة دائما فى وضع الاستعداد لاطلاق الزناد , فيقترب ذلك الرجل من "بوش" ليقول له :

مستر بريزيدنت......مسز كوندوليسا رايس فى الطريق اليك الآن على متن أحد عربات الجولف

بوش: ريللى؟؟؟؟ أوكى

تمر بضع دقائق انشغل فيها "بوش" بمراقبة محاولات البحث عن كرته الطائشة وانتشالها من المياه مع حديث جانبى مع بعض مرافقيه وهم يتباحثون حول تقسيم امتيازات نفط "عراق مابعد صدّام" ومقاولات اعادة اعماره وعقود الأسلحة (الدفاعيه) التى سيتم توريدها للمعارضة العراقيّه الموالية لأمريكا بعد أن تنصّبها ادارة بوش كحاكم أمريكى بالوكاله فى بغداد.... ثم ظهرت عربة الجولف التى تحمل مستشارة أمنه القومى التى ارتدت فستانا وردى اللون عتيق الطراز يذكّرك ببطلات أفلام قناة الــTCM للأفلام الأمريكيّه الكلاسيكيّه

بوش: هاااااى "ليزا".....واتس أب؟؟؟

كوندوليسا : الجماعه بتوع الــ"ميد-ايست" دول مش حيجيبوها لبر....صدّعونى...كل شويّه يقولوا لى أكلّمك بخصوص التسويه... التسويه.... التسويه....طالع عليهم عفريت اسمه التسويه :mad:

بوش: لا..لا....لا..يا ليزا ...الجماعه فى تل أبيب حبايبنا واحنا وهمّه واحد ومن حقّهم يكلّمونى مباشرة انشالله الساعه 2 بعد نص الليل :inlove:

كوندوليسا : لا...أنا مش قصدى عليهم....بقى دول برضه من بتوع الــ"ميد-ايست"؟؟؟ دول من جماعتنا اللى قاعدين فى الــ"ميد-ايست :wink: :wink: "... الجماعه بتوع الــ"ميد-ايست" همّه العرب التعبانين....ثم ان اسرائيل مش عايزه تسوية من أساسه زى ما انت عارف يبقى ازّاى حيلحّوا فى طلب التسويه؟؟؟؟!!! :idea:

بوش: ييييه...ييييه...I got it.....فهمت ..فهمت :roll:

كوندوليسا (وهى تحدّث نفسها): والله باين عليك ولا فهمت ولا نيله....علّم فى المتبلّم يصبح ناسى.... شكلك حتضيّعنا بغباوتك دى :s:

بوش: فيه أخبار ايه تانى يا ليزا؟؟؟

كوندوليسا : هنرى كيسنجر نزل له تصريح بيقول فيه ان أزمة الــ"ميد-ايست" بقت عامله زى كتلة الصخور مهولة الحجم اللى انكسرت من جبل وعمّاله تتدحرج بصورة عشوائيّه على سفوح الجبل وعلى وشك انها تنقض على كل المقيمين فى سفح الجبل علشان تسبب خراب تام ودمار شامل وكارثه مروّعه للمنطقه كلّها

بوش: غريبه ....مع انّى ما سمعتوش قال التشبيه ده قبل كده فى أعمال اللجنه الرئاسيّه اللى وضّبت لى تقرير الشرق الأوسط

كوندوليسا : يا مستر بريزيدنت....يااااا مستر بريزيدنت....ركّز شويّه بقى.... :s2: ما هو هنرى كيسنجر ماكانش عضو أساسا فى اللجنه دى

بوش: ريللى؟؟؟؟!!!! طيب وما كانش عضو فيها ليه؟؟؟

كوندوليسا : لأن مستر "كولين باول" اعترض على انضمامه لهذه اللجنه

بوش: ريللى؟؟؟!!! غريبه....مع ان "باول" اشتغل مساعد خاص لكيسنجر لفترة طويله قبل كده

كوندوليسا: جرى ايه يا مستر بريزيدنت!!!! مش نصحى ونصحصح مع بعض شويّه بقى يعنى والاّ ايه؟؟!!! انت ناسى ان "كولين باول" علاقته بكيسنجر تدهورت فى آخر أيّام عمله مع كيسنجر وانتهت علاقة عملهم فى جو شديد من التوتّر والانتقادات المتبادله؟؟!! وبعدين من ناحيه ثانيه مستر"ديك تشينى" كان شايف ان كيسنجر من طبيعته الشخصيّه انه حيحاول يوسّع نفوذه الشخصى ومش حيهتم فى الأساس بتوسيع دائرة اختيارات سيادتك بالنسبه لحلول أزمة الــ"ميد-ايست"

بوش: فكّرتينى....فعلا أنا سمعت أونكل "ديك" بيقول حاجه زى كده "ديك" النهار وهوّه بيتكلّم مع بابى....حتّى بابى قال لى يومها يا بشبوشتى يا ابنى خللى بالك ان كيسنجر أسير لتجربته السابقه بالشرق الأوسط وحيفضل أسير ليها رغم ان ظروف المنطقه اتغيّرت...بس أنا مافهمتش كان قصده ايه ساعتها

كوندوليسا: ما هو أنا عيّنونى يا مستر بريزيدنت علشان أفهّمك :wink:

بوش: المهم تكونى انتى واثقه انك فاهمه :?

كوندوليسا : ياعم قول يا باسط...آهى ماشيه بالبركه.... هوّه أنا حأغلب يعنى علشان أطبّق الكلمتين النظرى اللى أنا حافظاهم من أيام محاضرات الجامعه فى صورة عملية؟؟؟!!! وبعدين انت فاكر يعنى ان الكلام اللى بألقّنه ليك ده من بنات أفكارى أنا لوحدى , ده نتاج ورشة عمل مع مستر "تشينى" ومستر "رامسفيلد" وطقم صقور ادارتنا يا مستر بريزيدنت :idea:

بوش: ممممممم.....طيب... عموما... يعنى... انتم شايفين ايه؟؟؟ :roll:

كوندوليسا : والله احنا وضّبنا ليك تقريرنا عن ملف الميد-ايست وغيّرنا وصف أحوال المنطقه فى الميد-ايست من "الصخرة الهاوية" الى "الملاحه فى بحور مضطربه" و ده الوصف اللى اخترناه علشان يكون عنوان التقرير

(Navigating through turbulence )

بوش: عظيم.....يبقى خلاص....بكره بعد ما أخلّص لعب الجولف تكونى جاهزه فى التراس واحنا بنأخذ الــ"سوفت درينك" ومعاكى التقرير ده علشان نناقشه

كوندوليسا (وهى تقول لنفسها : قصدك تقول علشان ألقّنك وأحفّظك تعمل ايه يا مدهول :s2: ) :

أوكى.....

بوش: بس الله يسترك ابقى اعملى لى "برشامه" حلوه كده يكون فيها ملخّص التقرير فى ورقتين تلاته بالكثير :w: ...انتى عارفه انّى ما بأفهمش...قصدىىىىىىى ما بأحبّش الكلام الكثير اللى بيدوش لى دماغى و يعطّلنى عن لعب الجولف :lookaround:

كوندوليسا: آز يو لايك مستر بريزيدنت.....باى

ودّعته فيما استدار بوش ليرى أين وصلت جهود البحث عن كرته الطائشة لاخراجها من المياه كى يواصل لعب الجولف :D :oops:

[disappointed]

تصوير خارجى

(كوندوليسا فى التراس وبوش فى ملعب الجولف)

كوندوليسا (تنادى بوش) :

يا مستر بريزيدنت....

ميعاد الحصّه...

قصدى الاجتماع..

شيل صباعك من مناخيرك... :shock:

وكفاياك لعب.... :s2:

يالاّ بقى....

الشمس أكلتنى :s:

بوش: حالا يا ليزا......نفسى فى “Hole in one” مرّه واحده فى حياتى :sigh:

كوندوليسا : أبوس رجلك خلّصنى :(

بوش: أوكى....خلاص ....أنا جاى أهه

ثم يلتفت "بوش" الى صاحب شركة السلاح الذى كان يلاعبه قائلا له :

ايييييه....ماحدّش بياكلها بالساهل.....مضطر أضحّى بسعادتى علشان بلدى...ما انت عارفنى طول عمرى باتريوت.....يالله...انا رايح الحصّه....يوووووه...قصدى الدرس....يوووووه...قصدى الاجتماع... بس يكون فى علمك....أوّل ما يطلّعوا كورتى الأخرانيّه دى من الميّه حأجيب "هول ان وان" ولا تقولّى "تايجر" ولا "ماك آرثر" ولا دياولو.....بوش فى الجولف "نامبر وان" :cool:

صاحب شركة السلاح : طبعا طبعا مستر بريزيدنت

(ثم يقول لنفسه وهو يحاول عدم الانفجار فى الضحك :زى ما انت "نامبر وان" فى السياسه برضه يا أهطل :t2: )

يتجه بوش الى التراس فتبدأ كوندوليسا فى الحديث قائلة :

يامستر بريزيدنت.....تقرير الميد-ايست اللى حضّرته ليك المجموعة الرئاسيّه ده واحد من خمس تقارير عن أولويات السياسه الأمريكيه فى المرحله المقبله من وجهة نظر الادارة بتاعتنا , والتقارير دى عن خيارات القرار الأمريكى فى شرق آسيا (الصين واليابان) , وأوروبا (الناتو والسوق الأوروبيه المشتركه) , وشبه القاره الهنديه (الهند وباكستان) , الخليج وآسيا الصغرى (مواقع انتاج النفط والعراق وايران وأفغانستان وانت ماشى لغاية منطقة القوقاز) , والشرق الأوسط (الصراع العربى الاسرائيلى شاملا اسرائيل والفلسطينيين وسوريا ومصر والأردن ولبنان)

بوش : يووووه يا ليزا....هوّه انتى كل مرّه حتكركبى المنهج كلّه فوق دماغى مرّه واحده كده؟؟؟!!! :?

كوندوليسا : طيب خلاص ماتزعلش...خلينا فى الميد-ايست....حأقولّك شويّة حاجات تحطّها حلقه فى ودنك

بوش : قولى يا أبله....قصدى يا ليزا

كوندوليسا : لاحظ ان الرأى العام العربى بيضغط على حكّامه من أجل تصعيد الأزمه مع اسرائيل و ان رجل الشارع العربى بيضغط على الحكّام العرب من أجل اتخاذ مواقف ايجابيّه والتخلّى عن سلبيّتهم تجاه القضيّه الفلسطينيّه وأزمة العراق

بوش : وبعدين بقى فى اللخبطه دى يا ليزا.... :lookaround: انتم مش كنتم قلتوا لى فى درس ثانى قبل كده ان أنا مش لازم أهتم أو أقلق على الاطلاق من الموضوع ده!!! , ومش قلتوا لى سيبك من العرب لأن حكّامهم جبناء ومش بتوع مواقف ومابيهمّهمش شعوبهم وكل اللى يهمّهم اننا نساعدهم علشان يفضلوا لازقين على كراسيهم حتى ولو كان ده على حساب اننا يكون عندنا ازدواجيّه فى خطابنا السياسى اللى بينادى باقرار الديموقراطيّات من ناحيه بس بيساعد وبيثبّت النظم القمعيّه الديكتاتوريّه العربيّه من ناحية ثانيه طول ماهمّه "جود بويز" وبيسمعوا كلامنا وبينفّذوا رغباتنا!!! ومش انتم برضه قلتوا لى ان رجل الشارع العربى جعجاع وعاطفى ومقهور ومطحون ومذلول بالبحث عن لقمة العيش وكسوة العيال وانه بيطلع يطلع وينزل فى الآخر على فاشوش وديّتها طوبتين تلاته فى قزاز ما كدونالدز أو كنتاكى و هتافين تلاته عن مقاطعة منتجاتنا وبعدين كل الهيصه دى تنام وكأنك يا أبو زيد ماغزيت

كوندوليسا : أيوه يامستر بريزيدنت....بس المرّه دى الظاهر ان احنا قرصنا وثقّلنا قوى بتبجّحنا السياسى على الرأى العام العربى فأوشك على الانفجار, والظاهر اننا المرّه دى مش بس خلّينا رجل الشارع العربى يشعر بالاهانه وباهدار كرامته وآدميّته...لأ ده احنا كمان خلّيناه يفقد أى ثقه فى نوايانا تجاهه وخلّيناه يبتدى يخاف من اللى ممكن نعمله فيه أول ما نتمكّن منّه لأنه حاسس وفاهم مخططاتنا تجاه مسح هويّته الاسلاميّه والعربيّه بأستيكه وتجاه اذلاله وتركيعه لغاية ما يشعر بالعجز تجاه عمل شيئ لينا واحنا بننهب ثرواته ونحتل أرضه ونسيطر على البشر اللى فوق الأرض دى وعلى النفط اللى تحتيها فيضطر يرمى الفوطه الصفراء ويستسلم ويرضى بوضعيّة اسرائيل اللى عايزين نفرضها عليه فى المنطقه علشان تكون الملكة المتوّجه بلا منازع والآمرة الناهية فى منظومة الشرق الأوسط الجديد اللى حنرسمه بعد غزو العراق ......يا مستر بريزيدنت المرّه دى احنا شدّينا على رجل الشارع والرأى العام العربى وذلّيناهم واحتقرناهم لدرجة ان الموضوع خرج من نطاق المظاهرات والهتافات لنطاق حملات العمل الشعبى المنظّمه وممارسة العنف ضد قوّاتنا ورعايانا وشركاتنا ومصالحنا فى حتت كثيره مش بس فى العالم العربى بل وأيضا خارجه , وبعدين حنروح بعيد ليه...ماهى صوابع بن لادن لسّه معلّمه على قفانا وخدودنا من يوم ضرب البنتاجون ومركز التجاره فى سبتمبر المشئوم :D :lol:

بوش: وبعدين معاكم بقى فى تعب القلب ده..... :mad: مش كنتم اتفقتم معايا قبل كده ان احنا حنسيب بعض الحكومات العربيّه الدائره فى فلكنا والمأتمره بأمرنا تحتفظ لنفسها بمسافة أمان قدّام شعوبها وتتكلّم ناشف شويّتين عن أمريكا وسياستها من باب انه كلام ابن عم حديث مش أكثر ولا أقل وآهو بالمرّه يحصل امتصاص لغضب رجل الشارع و بكده "تفسّى" بالّونته قبل ما تفرقع , وآهو من ناحيه ثانيه الحكومات العربيّه العميله دى (قصدى الصديقه زى ما احنا بنوهمهم وهمّه بيوهموا نفسهم :wink: ) تحمى نفسها من غضب شعوبها علشان تخفّ نغمة اتّهامها بالعمالة لينا فى المرحله المقندله دى اللى مشاعر جماهيرهم المعاديه لينا وصلت فيها للقمّه!!!!

كوندوليسا : أيوه يا مستر بريزيدنت....بس رخص السماح اللى احنا ادّيناها للحكّام العرب دول خلقت ازدواجيّه فى خطابهم السياسى لدرجة ان وزير الخارجيّه المصرى مدح فى "حزب الله" وكان ناقص يقول فيه شعر , ووزير الدفاع السعودى هدد بفرض عقوبات اقتصاديّه على الشركات الأمريكيّه , ورئيس وزراء الأردن ترأس وفد رسمى موسّع لبغداد وده كان معناه تمرّد صريح على رغباتنا :s:

بوش: آه والله....على رأيك....مابقاش غير شويّة العرب الرعاع دول اللى حيعملوا لينا فيها بنى آدمين وعندهم رأى وقال ايه ليهم موقف منفصل عن اللى احنا بنمليه عليهم ومتعارض معاه :s2:

كوندوليسا: انت حتقعد تمصمص لى فى شفايفك وتتصعّب يا مستر بريزيدنت....ازدواجيّة الحكّام العرب دى فى منتهى الخطوره لأنها ممكن تخلّيهم يصدّقوا الكذبه اللى كذبوها و ممكن تحوّل تظاهرهم بالعداء ضدّنا وكثرة ترديدهم وتكرارهم لهذه الخطابات الى سياسة لهم فى اللاوعى خصوصا بعد ماعرفوا نوايانا المنيّله بنيله تجاههم بعد ما نكتسح العراق , وبعدين ماتنساش ان رجل الشارع العربى ممكن ينضغط لدرجة الانفجار ويقدر ساعتها يضغط على الحكومات العربيّه المعتدله :roll:

بوش: طب والحل ايه يا ليزا؟؟؟!!! :?: :?:

كوندوليسا: وهيّه دى عايزه كلام يا مستر بريزيدنت؟؟؟!!! دى عالم تخاف ماتختشيش....سيبك بقى من حكاية الجزره والعصايه دى... من هنا ورايح الحكّام العرب دول مش لازم يكون ليهم عندك غير العصايه والعصايه :devil: :devil: .....خوّفهم...زمجر فى وشّهم...هدّدهم (شويّه عسكريّا وشويّه اقتصاديّا)....العب بكارت المعونات....احتقرهم...حاول تمرّغهم فى الوحل وتذلّهم قدّام شعوبهم على قد ماتقدر... وافضل كده شغّال معاهم بالعصايه ثم العصايه ثم العصايه لغاية ما يعرفوا ان الجزره بتاعتهم لمّا يبقوا "جود بويز" هى انّهم يتجنّبوا العصايه( مش أكثر من كده) , واللى ما يلمّش نفسه ويظبّط جماهيره ويقدر يخدّر شعبه تمام التمام يبقى على طول فشل فى المهمّه الموكوله اليه , ويبقى ساعتها غير قادر على تحقيق مصالحنا والحفاظ على الأمن فى بلده (الأمن من منظورنا هو الاستسلام لرغباتنا طبعا) , وأول ما ده يحصل يبقى هذا الحاكم كارت محروق ولازم يتشال من على الترابيزه ولازم نخلعه ونطرقعه , وآهى حجّتنا جاهزه ومبرراتنا الأخلاقيّه معانا وهيّه ان احنا عايزين نقرّ الديموقراطيه ونطلق الحرّيات للشعوب العربيّه المقموعه , وحتّى لو الشعوب دى سألتنا:" أمّال كنتم فين من زمان , واشمعنى دلوقتى , و طيب كنتم بتساعدوا وبتساندوا الأنظمة القمعيه الديكتاتوريه دى ليه من زمان...الخ الخ الخ" فمع الوقت وفى وجود الحكّام الخانعين المتغرّبين اللى حندعمهم سياسيا واقتصاديا بعد كده فالنغمه دى حتختفى بالتدريج من باب اننا والعرب بقينا أصدقاء.....بس اوعى تنسى يا مستر بريزيدنت ان مفهوم الصداقه دى لازم يكون فى مخّك انها صداقة فرضتها مصالحنا وانها صداقة اجبار الصديق على الركوع والاّ فهو عدو لنا :devil: :devil:

بوش: أوووووه ماى جود....يو آر مارفيلوس....شوفوا العلام حلو ازّاى؟؟؟ ياريتنى كنت شاطر مش دهل فى المدرسه والجامعه... بس يا ترى الشعوب العربيّه دى ممكن بجد نقدر نحقق معاها المخطط ده؟؟؟ :?:

كوندوليسا : ممممممم....سؤال ذكى مش عارفه انت عرفت تسأله ازّاى :roll: :sar: ...... بص بقى يا مستر بريزيدنت....صحيح ان الشعوب العربيّه عندها تقاليد وموروثات ليها جذور عميقه فى مجتمعاتهم لأنها نابعه من دينهم اللى بيتمسّكوا بيه لدرجة ان الاسلام فى الواقع هو صلب ثقافتهم بصورة عامة...لكن....احنا عندنا سلاح فتّاك لاقتلاع هذه الجذور :idea:

بوش: سلاح سرّى ياليزا؟؟؟!!! كده برضه؟؟؟!!! لا...للا...لاااااا ...أنا زعلان منكم.....زعيم أونطه أنا بقى والاّ ايييييه؟؟؟؟؟ يعنى أبقى كبير القعده وتخبّوا عليّا سلاح سرّى جديد زى ده؟؟؟؟ :mad: :mad:

كوندوليسا (وهى تكاد تقذفه بكأس العصير الذى فى يدها وتكسر زجاجة النبيذ فوق رأسه الغبى :s: ) : يا مستر بريزيدنت.... ده مش سلاح حربى أو عسكرى....ثوانى بس بعد اذنك كده (تخرج من حقيبة يدها حبّة الضغط وتبتلعها ثم تتبعها بحبّة الذبحه الصدريّه تحت لسانها وتاخذ نفس عميق ثم تتابع حديثها وهى تتصبب عرقا)....حتجيب داغى يا مستر بريزيدنت.....ركّز معايا شويّه أنا صاحبة مرض حرام عليك :( :s2: .... السلاح ده مش سلاح حربى ولا عسكرى....ده سلاح اعلامى....احنا معانا سلاح المحطّات الفضائيّه العربيّه الفتّاك

بوش: أوووووه....آى سىىىىىىىى :w:

كوندوليسا :ده سلاحنا الرئيسى لتحقيق هدف الهدر النفسى والعقلى العربى واللى حيغرّق الاراده العربيّه فى بحر مالوش قرار علما بأن السلاح ده فيه جزء منّه احنا اللى صنعناه وزرعناه ورعيناه وموّلناه فى العالم العربى انّما الجزء الأكبر منه العرب همّه اللى عملوه بايديهم وبقصر نظرهم وتكاسلهم وغبائهم وغفلتهم....يعنى السلاح ده العرب نفسهم تكفّلوا من الأساس بانّهم يستعملوه ضد نفسهم.....وعلى فكره يا باشمهندس...سورررررررىىىىى...قصدى يا مستر بريزيدنت –سامحنى بس انت اللى شكلك استورجى أو مكوجى بالكثير يعنى-......بأقول على فكره يا مستر بريزيدنت....مش مهم فى السلاح الاعلامى ده اذا كانت الفضائيّات العربيّه دى اخباريّه أو ترفيهيّه , فالاتنين حيأدّوا الغرض

بوش: ازّاى يا ليزا؟؟؟!!!!!

كوندوليسا : أقول لك أنا ازاى : بص ياسيدى...الفضائيات العربيه فتحت الأجواء العربيه لكل رياح التأثير على عقل رجل الشارع العربى أيا كان الاتجاه الذى هبّت منه هذه الرياح , وما تنساش ان الفضاء العربى أصبح أسير لأى دوله عربيّه قزمه مستعدّه للدفع مادّيا وممكن نساعدها احنا (أو أحد حلفائنا) تقنيّا وندعمها بتسهيلات اعلاميّه من تحت الترابيزه لتحقيق أحلامها فى قدرتها على التأثير فيما هو أوسع من حدودها لتعويض عقدة نقصها فى وسط مجتمعها العربى خصوصا لو كانت هذه الدوله القزمه زى الخاتم فى صباعنا وقاعدة عسكريّه لينا من الأساس ومن حملة مشاعل التبشير بالتطبيع مع اسرائيل :wink:

بوش: أووووووه يييييييه.....آى سىىىىىىى :w:

كوندوليسا : وماتنساش يا مستر بريزيدينت ان الفضائيّات العربيّه حوّلت(بالفعل وعلى أرض الواقع) الوعى العربى الى ثقوب يتسرّب منها بالليل ما يأتى به النهار , وأنهت قدرة أى حدث (مهما كان جسيما) يقع فى العالم العربى على تعبئة رأى عام عربى موحّد وصلب ومتماسك لأن تضارب القصص وطريقة عرض الأحداث فيها يوضّح الى أى مدى استباجت الأهواء والأغراض موضوعيّة اعلامهم المرئى والى أى مدى اغتالت هذه الأهواء والأغراض والروح التنافسيّه بين العرب وبعضهم البعض رموزهم القادرة على الهاب مشاعرهم القوميّه حتّى فقد الرأى العام العربى مرجعيات تلهمه وبالتالى فقد التصور لأى رؤية مستقبليّة قد تقوم بتجميعه.... ثم لاتنسى أن العرب استغنوا (بسبب هذه الفضائيّات) عن المشاركة بفكرهم وفعلهم الملموس فى مجتمعاتهم لأنهم استعاضوا عن ذلك بمشاهدة الصور وهم يشاهدون مسلسل أحوال بيتهم العربى كل ليلة على شاشة التليفزيون كما تشاهد ربّات البيوت الأمريكيّات مسلسلات فالكون كريست و نوتس لاندينج ....ثم....ثم.....مستر بريزيدينت....مستر بريزيدنت :shock:

بوش: خخخخخخخخخ........خخخخخخخخ :sl: :sl:

كوندوليسا: يخيّبك بريزيدنت....أول ما دخلنا فى الكلام الجد والمكلكع نام على طول :? .....قوووووم....بن لادن واقف وراك على طول :lol:

بوش: ايه...ايه....الحقونىىىىى....أسسسسسسستر :shock: :shock: .......ايه ده....اخص عليكى يا ليزا.....كده تفزعينى وتخضّينى الخضّه دى!!!! :sly: :s:

كوندوليسا (ضاحكة) : طيب...خلاص...خلاص...ماتزعلشى :D :D .....حأصالحك حالا.....يالاّ ياعم.....فسحه....افراج....انتهى الدرس يا ..يا...يا..بوش :wink: ......بس اسمع : أى حد من العرب يكلّمك فى موضوع التسويه ده تقول له ثلاث جمل مافيش غيرهم :

الأولى هيّه :التسويه محتاجه معجزه

الثانيه هيّه : الرؤساء اللى قبل منّى اللى دخّلوا نفسهم فى موضوع التسويه ده حرقوا صوابعهم وهمّه بيلعبوا بالنار

والثالثه هيّه : أنا مش صانع معجزات وما بأحبّش أحرق صوابعى

خلاص؟؟؟!!!!

حتقول اييييييه؟؟؟

سمّع لى كده

بوش: يووووه يا ليزا.....مش تصبرىعليّا لمّا أحفظهم براحتى....مش ده " الهوم وورك" بتاعى النهارده؟؟؟

كوندوليسا: أيوه بالظبط كده.....وفى حصّة بكره حأسمّعهم ليك...... بس يكون قى معلومك اذا كنت "نوتى بوى"Naughty boy ومش مذاكر كويّس حأقعّدك على الــ" كلاون تشير"Clown Chair واحتمال ماندخّلكش البيت الأبيض الاّ لمّا تجيب لينا ولى أمرك الحاج بوش الكبير :s2:

بوش: لا...لا...بلاش بابى يعرف انّى تاعب المدرّسين بتوعى...أنا مش ناقص تريقه على غباوتى وسط العيله كل شويّه والتانيه :D :D :oops: :D

كوندوليسا: خلاص.....يالاّ بقى.....روح نام والاّ العب لك شويّة جولف....فسحه

بوش: هييييييه......هييييييييه......هييييييه

:xmas: :w: :xmas: :w:

[disappointed]

تصوير داخلى

(بوش جالس على الأرض فى غرفة الجلوس بمزرعته بتكساس وهو يشاهد فيلم كارتون, ثم يدخل عليه كل من "ديك تشينى" و "رامسفيلد" و"كوندوليسا" و "آشكروفت")

بوش: يوووووه....هوّه الواحد مايعرفشى يتفرّج على حاجه تهدّى أعصابه شويّه؟؟؟!!! :mad: :s2:

تشينى: لعبت كثير , وهنكرت كثير.....قوم يالاّ علشان عندنا حصّه مهمّه جدّا

رامسفيلد: يا أخى اختشى على دمّك...."ليزا" قعدت تحفّظك 3 جمل امبارح ماعرفتش تقول لى واحده منهم النهارده الصبح لمّا جيت أسمّعهم لك :mad: :?

آشكروفت: والله لولا دواعى الأمن والسلامه كنت حطّيت لك "كمبوشه" وملقّن زى المسارح كل مرّه تيجى تقول تصريح أو تقابل حد مقابله رسميّه

(يدخل "بوش" الأب فجأة الى غرفة الجلوس)

ايه ياجماعه.....صوتكم واصل لغاية الاسطبل خلّيتوا الحصان هاج وأنا بألعب الــ"روديو" بتاعى وكان حينطرنى زى ما احنا عايزين ننطر الدول العربيّه من الخريطه :wink:

تشينى : الولد تعبنا قوى....ده ولد "نوووووووتىىىىىى " وغبى وكسول :s2:

بوش الأب(صارخا فى وجه ابنه) : يا أخى قصّرت لى عمرى يا أخى.....يعنى أعمل لك ايه أكثر من كده......ماضيك الاسود اللى يكسف وصرفنا دم قلبنا على الدعايه فى حملتك الانتخابيّه علشان نداريه , نتائج انتخابات وطبّخناها لك فى الدايره اللى بالى بالك بتاعة الفرز اليدوى والخزعبلات اللى الدنيا كلّها هرشتها....البيت الأبيض وخلّيناك تبقى أول رئيس يوصل له بحكم محكمه , مدرّسين وجبت لك , دروس خصوصيّه وبتاخد , مصروف جيب وبأدّى لك........يكون فى معلومك : الفترة الرئاسيه دى لو ما نجحتش وجبت مجموع يدخّلك البيت الأبيض فترة رئاسيّه تانيه حأقعّدك فى البيت تخدم اخواتك البنات....... بلا علام بلا وجع راس :sly: :s:

بوش: بس يا بابى...... :) :)

بوش الأب (صارخا) : مافيش بس.....بس اييييه؟؟؟؟ قال بس يا بابى قال.....جتك "بوّ" أمّا يشتّحك.....يا أخى مرّه واحد خلّيك بنى آدم يعتمد عليك....ياخرع ياللى فضلت هربان ومستخبّى بطيّارة الرئاسه لما حصلت ضربة سبتمبر....12 ساعه يا جبان وانت فى الجو زى المطاريد وشعبك مرتبك وقلقان وخايف ومستنّيك تبقى راجل وقد المسئوليّه وتطلع تبل ريقه بكلمتين تطمّنه بيهم , وآخرة المتمّه تطلع تكلّم شعبك وانت بتعيّط زى النسوان ووشّك أصفر زى الكركم والكلام بيتلعبك فى بقّك وعمّال تبلع فى ريقك وتتهته وتثأثأ لمّا عرّيتنا.....ييجى اللى نفسهم فى خلفة الصبيان يشوفوا خيبتك انت وأخوك "جيب".....جتكم الهم :mad:

كوندوليسا (وهى تجرى لتحتضن رأس بوش الصغير بين ذراعيها وتربت عليه) : لا...لا...بشبوشى حلو و "كيوت" خالص وحيذاكر ويبقى كويّس ويشرّفك ويرفع رأسك ورأس الادارة بتاعتنا كلّها....مش كده يا بشبوشتى؟؟؟!!! :inlove:

بوش: أيوه...خلاّص.....أوعدك يا بابى

رامسفيلد: يعنى خلاص حرّمت يا "بوجى"؟؟....آ....آ.....قصدى يا "بوش"؟؟؟

بوش: حرّمت والله يا أونكل

بوش الأب : أمّا نشوف......الميّه تكدّب الغطّاس....وأنا قاعد بقى معاكم فى حصّة النهارده أمّا أشوف آخرتها....يالاّ اتفضّلوا على الترابيزه

(يتوجّه الجميع الى منضدة الاجتماعات فيقوم بوش الأب برمى ما عليها بعصبيّه)

بوش الأب : الله الله على المذاكره والمثابره وتحمّل المسئوليّه.......مونوبولى وبنك السعاده والسلّم والتعبان .....وعمّال تجمّع لى فى "ستيكّرات" شاكيرا ومادونا....ومخبّى لى مجلّة "بلاى بوى" فى كشكول محاضرات مادّة "تباطئ الاقتصاد"....ان ما ربّيتك ما أبقاش أنا :s2:

كوندوليسا: بالراحه يا عم الحاج على الولد شويّه......بعدين يتعقّد من المذاكره....ده احنا ملصّمينه بالعافيه

بوش الأب: مش شايفين بيعمل ايه؟؟؟!!!!

كوندوليسا: طيب أنا عندى اقتراح.....ما دام الواد لعبى ومش بتاع مذاكره ايه رأيك نجرّب النهارده ندّيله الحصّه فى صورة لعبه؟؟؟ :idea:

رامسفيلد: نعم ياختى؟؟؟!!!! :?

بوش الأب : ليه؟؟؟؟ هوّه موضوع حصّة النهارده ايه؟؟؟

تشينى : النهارده الحصّه عن الخطوط الاستراتيجيّه الأساسيّه اللى ادارتنا حتمشى عليها فى سياستها الخارجيّه

بوش الأب : ودى بقى انشاء الله حنلعّبها له ازّاى يا ست ليزا؟؟؟!!!!

كوندوليسا: بلعبة الــ”RISK” يا حاج بوش

آشكروفت : آآآآآآآه.....اللعبه اللى عليها خريطة العالم دى؟؟؟؟ لعبه ظريفه جدددددددا , كنت عايزهم يعملوا لى واحده منها على خريطة أمريكا بس مش خريطة العالم كلّه وأنا بأفكّر فى القوانين الأمنيّه الجديده اللى اتحفتكم بيها :sigh: :lookaround:

بوش الأب: اقعد لنا انت راخر فى حتّه ناشفه....احنا ناقصينك؟؟؟؟ مش كفايه الخنقه اللى خنقتها للناس جوّه البلد؟؟؟!!! :sly:

تشينى: القصد....خلّصونا.....أنا ابتديت أتعب....ماشى يا ليزا....خلّينا نجرّب

(يقومون بوضع لعبة الــ”RISK” على المنضده فيصرخ بوش : هيييييه.....هييييييييه....والنّعمه لمبهدلك يا بابى انت وأونكل تشينى وأونكل رامسفيلد وحأكسبكم كلّكم :xmas: :w: :t2: )

تشينى : ياد اهمد ياله.....اركز بقى شويّه بلاش الهرتله بتاعتك دى......يا ابنى احنا مش حنلعب مع بعض.....احنا حنشرح لك على الخريطه يمكن تفلح

آشكروفت : ندخل فى الموضوع

تشينى : بص يا أذكى اخواتك.....أول حاجه لازم تعرفها ان أمريكا دلوقتى بقت فى وضعيّه فريده عمر ما فيه قوّه عظمى فى العالم لقت نفسها فيها

بوش: وضعيّه فريده....مممممممم.....قصدك "فريده" بتاعة محاورات المصريين؟؟؟!!!! :sigh: :roll:

تشينى: :shock: :shock: مش حأرد عليك.....أنا مغيّر ثلاث شرايين فى قلبى :( :cry: .......كمّل انت يا عم "دونالد"

رامسفيلد: أيوه...آآآآيوه.....صدّرنى بقى انت كل ماتتزنق ......حتقعد تشحت على موضوع عمليّة شرايين قلبك دى كثير؟؟؟!!! :?

تشينى: اشمعنى انت قعدت تشحت على كسر دراعك ثلاث شهور بعد أحداث سبتمبر؟؟؟؟؟ :s2:

آشكروفت: الاّ انت دراعك بيوجعك قوى ياد يا مرسى؟؟؟؟ آآآآآآآآآآ...قصدى ياد يا دونالد

رامسفيلد: مالكش دعوه انت يا "متر :sly: "....

اسمع يا مستر بريزيدنت

أعتقد انك فاكر الدرس بتاع تقسيمة مستويات الدول الكبرى.....سمّع كده

بوش: آهى دى أنا حفظتها كويس بعد ماليزا حفّظتها لى فى أغنيّات

بوش الأب: طب قول يا فالح.

بوش: الدول القوى(Powers) زى بريطانيا وفرنسا وروسيا والدوله العثمانيّه والنمسا قبل الحرب العالميّه الأولى

والدول القوى الكبرى(Great Powers) زى بريطانيا وفرنسا وألمانيا والاتحاد السوفييتى وايطاليا قبل الحرب العالميه الثانيه

والدول القوى الأعظم (Super Powers) زيّنا احنا والاتحاد السوفييتى أيام الحرب البارده

كوندوليسا: برافو عليك.....مش قلت يا حاج ان الولد كويّس بس محتاج شويّة محايله ومداديّه

تشينى: انتى حتعملى له فرح علشان كلمتين حفظهم.... اسمع يا ابنى.....احنا دلوقتى أصبح لينا تصنيف منفرد فى التقسيمه دى.... قول له يا عم رامسفيلد

رامسفيلد: بالظبط كده..... احنا دلوقتى ما بقاش يناسبنا أى تصنيف من دول...احنا دلوقتى بقينا القوّه الكاسحه (Hyper Power) بعد ما بقينا لوحدينا فى الساحه العالميّه......بس لازم تكون واعى لأن فيه مشكله كبيره بتواجهنا كقوّه كاسحه

آشكروفت وبوش الأب وكوندوليسا فى نفس واحد: آآآآآه والله....ماتفكّرناش

بوش: مشكلة ايه لاسمح الله؟؟؟؟؟!!!

تشينى: طبعا ما انت نايم فى العسل......مشكلتنا يا بشبوشه ان قوّتنا الكاسحه دى لسّه تجربه كونيّه وعالميّه جديده لانج ماجرّبتهاش قوّه غيرنا فى التاريخ لغاية دلوقتى....يعنى تقدر تقول انها لسّه فى مرحلة التخليق اللى لازالت مستمرّه...وتقدر تقول انها لسّه تجربه مفتوحه والاحتماليّات اللى حواليها ضبابيّه ومش واضحه ومافيش شيئ نقدر نقول عليه مضمون لأننا ماعندناش أى Data Base من واقع خبرات سابقه لينا أو لآخرين غيرنا تساعدنا على التوقّع الكامل والاستنتاج الأكيد

كوندوليسا: وزى ما قلت لك فى درس التاريخ بتاع الجمعه اللى فاتت (فاكره؟؟؟؟ لمّا ظبطّتك قبل الدرس وانت سايق عربيّة الجولف وانت سكران :wink: !!!!) ....فزى ما قلت لك يومها (ان كنت فايق وفاكر :wink) ان امبراطوريّتنا الأمريكيّه الجديده خاضعه زى أى امبراطوريّه فى التاريخ لقوانين الحياه...يعنى طلوع ونزول.....توهّج وخفوت....

آشكروفت: وزى ما قال مؤرّخنا الكبير "بول كينيدى" فى نظريّته الشهيره ان أى امبراطوريّه بتفضل أعبائها تزيد وتتضخّم لغاية ما الحمل يزيد عليها فيحصل لها Drop امّا انه يكون مؤقّت تستعيد عافيتها بعده أو يظل مستمر فتسوء أحوالها وتتآكل

كوندوليسا: والدليل على كده اننا كنّا بندّى للاقتصاد العالمى 30% من مدخوله العام سنة 1960 وبعدين نزلت النسبه لـحوالى 19% فى سنة 1990 :idea:

رامسفيلد: وده يؤكّد ان التفوّق المطلق للامبراطوريّات مرتبط بعوامل كثيره منها ارهاق آليّات الامبراطوريّات أو تنامى جهود دول أصغر منها

بوش: فهمت.....يعنى حبّه فوق وحبّه تحت

تشينى: اسم الله عليك......شيلوا بقى الواد من الأرض...وادّوا الواد لأبوه

بوش: آهو انت كده يا أونكل "ديك" دايما كاسر بخاطرى وقارش ملحتى :(

بوش الأب: يا بشبوشتى أونكلك"ديك" مش قصده يتريق عليك....هيّه بس القافيه اللى حكمت

تشينى: يا عدويّه يا ابنى.....آآآآآآآآآآ.....قصدى يا بوش يا ابنى احنا امبراطوريّتنا الكاسحه لازم تحاول فى الفترة اللى جايّه دى انّها تعوّض خسائرها المادّيه......ودورنا لازم يكون اننا نعوّض كل اللى فاتنا اقتصاديّا ومادّيا عن طريق استعمالنا لذراعنا العسكرى.... ما تقول له يا عم الجنرال يا بتاع الدفاع

رامسفيلد: يا بوش يا ابنى.....أنا عارف انك ما دخلتش الجيش لكن كونك شفته فيديو حيساعدك تفهمنى.....اذا كان نصيب أمريكا فى القوّه الاقتصاديّه ابتدى يتآكل فماتنساش ان سطوتنا العسكريّه المهيمنه دى لازم يكون ليها دور ولازم نستغلّها :devil: :twisted:

بوش: ممممممممم......عروستى :notify: :sigh:

آشكروفت: قلنا ليكم بلاش الكلام المكلكع ده....بص يا ابنى....بالبلدى كده ومن الآخر...... اعتبرنا زى بلطجى حب يعمل نفسه شريف وبتاع ربّنا فاشتغل فترة بالتجاره وبعدين ابتدى ينضرب......يعمل ايه علشان تجّار المنطقه يكشّوا منّه ويعوّض خسائره؟؟؟؟؟

بوش: يشغّل نبابيته ويلوّش فيهم طبعا

كوندوليسا: للو للو لللو لللوىىىىىىىى.....ينصر دينك يا آشكروفت.....خلليتنى أزغرد يا "متر"

بوش الأب: وعلشان كده المقاومه اللى احنا بنواجهها اليومين دول فى موضوع العراق من تحالف غير معلن بيضم قوى متعدده لا يجمعها سوى رفض هيمنتنا حاطط قوّتنا الكاسحه فى أول اختبار عملى حقيقى لأن التحالف ده بيحاول يرغمنا على التراجع

تشينى: وعلشان كده لازم الكل يعرف اننا ما بنهزّرش :twisted: :devil: :s2: .....وان اللى عايز يلعب معانا اللعبه الدوليّه دى لازم يفهم انها لعبه خشنه جدا وعنيفه لأقصى درجه , واننا مش ناويين نخسرها لأننا ماتعلّمناش غير اننا نكسب وعمرنا ماتعلّمنا الخساره ولا ذقنا طعم الخساره المر

بوش (يرفع اصبعه)

تشينى: عايز ايه يا مستر بريزيدنت؟؟؟؟

بوش: عايز أدخل الـــW.C :lookaround: :lookaround:

تشينى: من W.C لــــ W.Bush يا قلبى لاتحزن :oops: :)

رامسفيلد: أنا كمان تعبت......نكمّل بكره فى اجتماع مغلق ....بس فى واشنطن علشان عندى ميعاد هناك مع أمير خليجى عايز أعصره وأرعبه وأهدّده من تحت لتحت لغاية ما مفاصله تسيب لمّا يلاقينى حمّرت له فى عينيّا لغاية ما يوافق غصب عنه على شروة الطيّارات والدبّابات الفرز ثالث اللى عايز ألبّسها له :devil:

كوندوليسا: أكيد...أكيد.....جمهوريين أو ديموقراطيين مش فارقه...سياستنا فى الموضوع ده ما بتتغيّرشى.... نبيع للخليجيين السلاح الــ"خشنى" والوقيع بأعلى الأسعار علشان يترمى زى القتيل فى مخازنهم وآهم كده أو كده ما بيستخدموهوش باعتبار ان أى حاجه تهددهم فاحنا موجودين فى قواعدنا بالفعل على أراضيهم....ده غير اننا أساسا لمّا نحب نكبس بقواعدنا على نفسهم أكثر وأكثر بنوهمهم انه فيه تهديد ليهم من أطراف تانيه....وآهو بالمرّه نبقى ضامنين انه مافيش خوف على اسرائيل خصوصا اننا محرّمين على العرب انهم ينوّعوا مصادر سلاحهم برّانا...ويا ويله يا سواد ليله اللى يغرّه زمانه منهم ويروح يشترى سلاح من برّه :s2: :s2:

رامسفيلد: على رأيك....شفتى عملنا ايه فى السعوديّه لمّا قفشناها مشتريّه الصواريخ بتاعة كوريا الشماليه فى آخر التسعينيّات؟؟!! :wink:

بوش: عموما....ولو انّى معترض على انّى أسيب مزرعتى فى تكساس وأروح واشنطن لكن.....ماباليد حيله......مضطر أضحّى :music: :cool:

بوش الأب: آهو كده الكلام اللى يرفع الراس.......

A man has got to do what a man has got to do :inlove:

بوش: أيوه يا بابى......Somebody has got to do the job any way :sigh: :cool:

كوندوليسا: شفت بقى يا عم الحاج لمّا أخدنا الولد بالهداوه حصل ايه؟؟؟؟

بوش الأب: يالاّ.......فركش....ونتقابل بكره فى واشنطن

بوش: تعيش أبله "ليزا" اللذيذه....تعيش تعيش تعيش

:xmas: :w: :xmas: :w:

[disappointed]

أعزّائى المشاهدين......

يؤسفنا انقطاع تصوير هذه الحلقات لأجل غير مسمّى لانشغال السيناريست (اللى هوّه العبد لله) فى فيلمه الطوييييييل بعنوان "دوّامة الحياة" ولانشغال المخرج (اللى هوّه برضه العبد لله :) ) فى مسرحيّته ذات الفصول اللانهائيّة بعنوان " طاحونة العمل"

وسيتم استكمال الحلقات عندما تسمح الظروف بذلك

فاصل (لا أدرى ان كان قصير أم طويل) ونعود اليكم

ابقوا معنا

Stay Tuned

:) :)

[متسائل]

و إلى اللقاء في حلقة أخرى من مسلسل.... الإعلام الموجه، في ثوبه الجديد

[mnman]

رجاء للاخ متسائل انة يوضح للغلابة أمثالي يقصد أية بالاعلام الموجة في ثوبة الجديد؟؟؟؟

أحسن مس فاهم حاجة خالس :D :D ؟؟؟؟؟ :lol: :lol: :lol:

[الطفشان]

يا اخ منمان

الموضوع واضح جدا

سبق لبعض الاخوة عرض افكار معينة و تم تفنيدها و الرد عليها

فيتم عرض الفكر مرة اخرى في صورة مسرحيات مضحكة خفيفة الظل سهلة الهضم

و لكن في خباياها الافكار ذاتها بطريقة مقنعة

مثلا:

- هل لاحظت موضوع الفضائيات المذكور في مسرحية بوش و ليزا؟ و التلميح بالجزيرة؟

- هل لاحظت التآمريات؟ و حنعمل في العرب كذا و كذا؟

- هل لاحظت الاسقاطات؟

و مثله تماما موضوع الرحلة و الاوتوبيس بتاع سيفود، و المنشور باسم "لازمات و مشاهير"

http://www.egyptiantalks.org/phpBB2Plus/vi...opic.php?t=3930

يعني صورة من صور الاعلام الموجه، تحت قناع ساخر ضاحك

ارجو الا يفهم هذا على انه حجر على فكر، اطلاقا!

اللي له فكر فليعرضه بوضوح في الباب المناسب، و يكون الكلام على المكشوف، و ليس في طيات المسرحيات، لتصبح تاثير مخفي

ما الفرق بين هذا مثلا و الاعلام الحكومي الموجة في صورة مسلسلات تقوي اتجاه معين و تنتقد اتجاه اخر في طياتها؟

و على فكرة، لقد استمتعت كثيرا بالمسرحيتين، و لا يعيبهم الا هذا الامر

[disappointed]

تصوير داخلى

البوشين (الأب والابن) وكوندوليسا رايس وديك تشينى ودونالد رامسفيلد وكولين باول وآشكروفت فى اجتماع مغلق بمبنى البنتاجون)

بوش الأب: والله برافو عليك يا "دونالد".....الله ينوّر....المبنى تجديداته ظريفه قوى :sigh:

رامسفيلد: كنت عايز أحط النووى بتاعنا فى الكوريدور أول ما تدخل من البوّابه –كارت ارهاب على الماشى كده يعنى من على الباب لزوّار المبنى- بس قالوا لى المساحه لاتكفى فقلت خلاص نخلّى النووى فى المخازن ...بس طلّعت منه طقم قنابل نوويّه روشين طحن من الصغنّنين محدودى التأثير دول زى اللى ناويين نستخدمها فى العراق :wink: وقلت نبقى نعلّقهم بقى فى سقف غرفة استقبال ضيوفنا الأجانب بدل النجف...وآهو يفضلوا فاكرين ان النووى بتاعنا فوق راسهم على طول :devil: :wink: :sly:

آشكروفت: أموت أنا فى الحرب النفسيّه دى :lol:

بوش: بس مش كنتم تعملولى ملعبين جولف محندقين كده علشان لمّا يكون عندى اجتماع هنا؟؟؟!!! :lookaround:

رامسفيلد: حتقول له حاجه الراجل ده يا عم "ديك" والاّ حتمسك لى صدرك وتقولّى مغيّر ثلاث شرايين فى قلبى؟؟؟؟!!!! :wink:

تشينى: ما انت قاعد جنبه خبط لزق....ما تناوله خبطتين على دماغه بالجبس اللى فى ذراعك يمكن أفكاره تترتّب والاّ حاجه :s2:

كوندوليسا: خلاص بقى سيبوا الولد فى حاله وما تجرّوش شكله.....

بوش الأب: دخّلونا فى موضوع حصّة –قصدى اجتماع- الولد يالاّ.....ابسط ياعم..آدينى جايب لك كونسولتو مدرّسين

كوندوليسا: مستر بريزيدنت.....حصّة النهارده فى مادّة "السياسه الخارجيّه" , باب "التحدّيات المحتمله"

بوش: وهوّه احنا بقى فيه قدّامنا تحدّيات؟؟؟؟؟

ماهو الاتحاد السوفييتى بقى أشلاء مش بس متفرّقه لكن متعاديه ومتخاصمه أحيانا

(وانطلق بوش بغنّى : مين يعادينا....هيهيييييه....فى أراضينا....هيهيييه :sly: )

ثم أخذت بوش الجلاله فصعد على المنضده واخذ يغنّى :

أنا شجيع السيما....أبو شنب برّيمه :cool: :cool:

وهنا (شخط) فيه بوش الأب : انزل يا ولد واسمع الكلمتين دول :s:

نزل بوش من على المنضده :lol: فقالت له كوندوليسا:

يا مستر بريزيدنت......صحيح الاتحاد السوفييتى انهار , وصحيح ان قوى التحدّى اللى بتواجهنا كلّها قوى تحدّى مؤجّله لسنين زى الصين مثلا اللى قدّامها وقت مش قصيّر علشان تقدر تتحدّانا , وصحيح ان اليابان كانت قوّة تحدّى محتمله بس الفرصه فلتت من اليابان وحتفضل فالته منها طول ماهى مش قادره تبنى علاقة تحالف استراتيجيّه من نوع عالى الخصوصيّه مع الصين وكوريا الشماليّه , وصحيح ان الاتّحاد الأوروبى قدّامه وقت لسّه علشان يوصل للوحده الكامله ويقدر ينازعنا - مع الوضع فى الاعتبار ان طبيعة علاقتنا مع أوروبا علاقة شراكه مش علاقة تناحر فى الأساس - .....بس مش معنى الكلام ده اننا ننام فى العسل

تشينى: بالظبط كده....لازم نفكّر لقدّام.....لقدّام قوى

رامسفيلد: ولازم نغتنم الفرصه التاريخيّه اللى احنا فيها دلوقتى ومانخلّيهاش تفلت مننا بحيث نثبّت دعائم هيمنتنا فى ظل اختلال موازين القوى قبل الأيام الجايّه ما تحمل متغيّرات ما نحبّش نشوفها....لازم نستغل فرصة ان تفوقنا مضمون على منظور المستقبل المرئى ولازم نتأكّد من استمرار التفوّق ده على مستوى المستقبل غير المنظور أو المرئى

باول: أعتقد اننا ماشيين بخطوات ثابته فى الاتّجاه ده...خصوصا على مستوى تعويد العالم نفسيّا على هيمنتنا دى.... مش كده برضه يا "متر"؟؟!!

آشكروفت: أكيد......موضوع تعويد الآخرين على هيمنتنا باعتبارها أحد الثوابت وان موضوع هيمنتنا ده هوّه الشيئ العادى مهم جدا..... ده حتّى لمّا كان البحر الأبيض هو مركز الثقل الاستراتيجى فى العالم فى القرن الــ19 وأوائل القرن الــ20 كانت بريطانيا مسيطره عليه فقط عن طريق تعويد الآخرين على فكرة السيطرة البريطانيه على البحار مع ان الحقيقه انّها كانت فى الفترات دى ماعندهاش غير تواجد عسكرى محدود فى البحر الأبيض عند المداخل والمخارج فى قناة السويس وجبل طارق مع أسطول كتيان فى عرض البحر مايجيش بارجه وييجى خمس أو ست مدمّرات عليها علم بريطانيا بين قبرص ومالطا....يعنى تقدر تقول كانت عامله زى البلطجى اللى عايش على سمعته مع انّه عنده السكّر والضغط والروماتيزم وحالته تصعب على الكافر...فما بالك بقى واحنا فى عنفواننا والصحّه بتنطّ من حبابى عينينا!!!!

باول: مظبوط....احنا بس يا دوب محتاجين نرسّخ تعوّد الآخرين على الاقرار بهيمنتنا وتواجدنا فى كل مكان وتأثيرنا على مقدّرات أى مكان

كوندوليسا: وبعدين مهما كانت خسائرنا الاقتصاديه مؤخّرا سواء قبل سبتمبر أو بعد سبتمبر فاحنا اقتصادنا لسّه هو الأقوى والأكثر قدرة على التجدد والنمو رغم التباطئ الاقتصادى اللى حرق قلبنا , ماتنسوش ان الدولار لسّه هوّه "رامبو" كل العملات :wink:

بوش: بس يا "ليزا" أنا قلقان قوى من اللى بيحصل فى أسواق المال وبالذات من اللى بيحصل لشركات التكنولوجيا الجديده اللى أسهمها انهارت.....خايف يكون ده بيعكس هشاشة قوّتنا الاقتصاديّه على أرض الواقع

تشينى: الله الله الله....وبقينا بنتكلّم بالنحوى.....ايه يا واد انت البرمجه دى؟؟؟؟ عرفت تقول الكلمتين دول ازّاى يا بشبوشه؟؟؟

بوش: دى من بنات أفكارى والله يا أونكل :lookaround: :lol:

تشينى: مافيش فايده فيك.....أبيض وحتفضل طول عمرك أبيض.... :? يا واد مايغرّكش أسواق المال والكلام الفاضى ده.... أمريكا هيّه أمريكا يا وله....كل ما هنالك ان اللى حصل فى أسواق المال هو تصحيح لوهم اقتصادى عيّش الناس فيه "كلينتون" والديموقراطيين , ماتقولى له يا "ليزا"

كوندوليسا: يا مستر بريزيدنت –مش ملاحظ انّى الوحيده هنا اللى مسعّراك وعاملالك قيمه وسط الجماعه اللى عمّالين يدقدقوك فوق دماغك وينقرزوك بلسانهم؟؟؟...ماعلينا....اعمل الخير وارميه البحر :wink: -....يامستر بريزيدنت....موضوع الارتفاع الشديد والسريع اللى حصل فى أسهم شركات التكنولوجيا الجديده واللى وصلت للذروه فى أيّام "كلينتون" ده كان "موضه" و"تقليعه" مش أكثر...ودى تقاليع بتحصل فى أحسن العائلات..آآآآآآ...قصدى فى أحسن الاقتصاديّات بسبب توقّعات خايبه ومبالغ فيها بتظهر فى مراحل التحوّل البارزه فى قوى الانتاج

تشينى: تخيّل يا بشبوشه ان الوهم ده وتوابع اختراقات تكنولوجيا المعلومات للسوق خلّت ناس كثير تتصوّر ان الاستثمار ممكن يستغنى أحيانا عن رأس المال لمجرّد ان فيه واحد معدم قرر اقتحام السوق وهوّه ماعندهوش رأس مال لكن عنده فكرة جديده وجاهزه لقبول مخاطرة عدم الارتكاز على رأس مال مساند...وده طبعا ثبت انّه كلام فارغ ووهم كبير

بوش: عروستى :sar:

آشكروفت: ما بدّهاش......مش عارف الحقيقه كنتم حتعملوا ايه مع المخفى ده من غيرى....نقول بالبلدى ومن غير كلاكيع وفيونكات.... يا ابنى طفرة السوق أيّام "كلينتون" كانت فقّاعة صابون زى اللى بتلعب بيها سيادتك لمّا بتقفل المكتب البيضاوى على نفسك , وكل اللى حصل ان الفقّاعه دى فرقعت فى عهد ادارتنا واضطرينا ندخل فى عملية اعادة تصحيح أوضاع السوق

بوش: طيب مش تقولوا كده من الأوّل :s2:

كوندوليسا: أبوسك يا "متر" :inlove:

آشكروفت: معلش.....اكسيكيوز مى....أصلى بأقرف :?

كوندوليسا: مافيش فايده فى العرق الأيرلندى بتاعكم يا شلّة الجنوب...حتفضلوا Racial يا Red Necks مهما عملتوا فى مسرحيّات وحركات بروباجاندا من بطولتى أنا و"باول" :mad: :mad:

باول (هامسا لها) : خلاص.....لمّى الدور يا "ليزا"....ما احنا عارفين ومطنّشين وعاملين نفسنا بالحقيقه مش عارفين....اقفلى "ضبّك" ده ودارى سنانك خلّينا نأكل عيش :bored:

بوش : طب....والحل ايه علشان نرجّع اقتصادنا لعافيته قبل ما صورة هيمنتنا تتهز؟؟؟؟

تشينى: ياسلاااااام.....الواد ده ساعات بيطلع منّه أسئله شكله كده ما يوحيش انه ممكن بغباوته دى يسألها.....طيب ياسيدى...أنا حأجاوبك مكافئة منّى لك على السؤال ده.....يا بشبوشة البشابيش....استسلام للوهم مافيش.....لازم نشيل من مخ الناس وهم الاحساس الزائف بالرخاء اللى سابه لينا المدعوق "كلينتون" بسبب زيادة حجم التعاملات اللى تضخّمت على أيامه بصوره مش منطقيّه

رامسفيلد: آهو "كلينتون" ده مات قتيل وساب فتيل.... مشى بفضايح وساب لنا اقتصاد سايح......مش كفايه ان البالّونه الكدّابه بتاعة الرخاء والانتعاش الاقتصادى اللى نفختها ادارته فرقعت!!!!! آهى لمّا فرقعت ادّت العالم احساس مبالغ فيه ان الرأسماليّه بتمر بأزمة مع ان الحقيقه هيّه ان الرأسماليّه دلوقتى فى أوج قوّتها وتملّكها من العالم ومش محتاجه علشان تثبت كده غير ان الأسواق تتساب مفتوحه ليها ويتمنع أى طرف (غيرنا طبعا)من انه يتدخّل فى حركتها

بوش الأب: حاجه تحرق الدم والله......بقى ادارتى الجمهوريّه على أيّامى توقّع الشيوعيّه وتفكّك الاتّحاد السوفييتى وبعدين ييجى سى "كلينتون" وادارته الديموقراطيّه ويتهاونوا فى استغلال الفرصة دى ويتهاونوا فى بسط هيمنتنا الساحقه الماحقه اللى عندنا مقوّماتها....طبعا...ماهو البيه ماكانشى فاضى....حيفضى للشغل ده والاّ للشغل التانى بتاع "مونيكا" :mad:

تشينى: ماتخلّى الطابق مستور....يعنى الواد ابنك مفضّى نفسه للشغل هوّه راخر... ماهو متلقّح فى مزرعته بيلعب جولف طول السنه :wink:

بوش الأب: على رأيك....آهو كلّه لعب :lol: .....بس اللى حارقنى أكثر ان "كلينتون" سمح بظهور شويّة صراصير على المسرح العالمى بقت بتقلقنا وبتضربنا ضربات توجع.....يعنى عمر ما كانت الدول المارقه دى حتظهر لولا تهاون "كلينتون" فى استئناف خطط الدفاع الاستراتيجى زى ما تصوّرناها أنا وريجان من أيّام ماكنت النائب بتاعه

رامسفيلد: وعلشان كده أهم حاجه اننا ننجز دلوقتى شبكة صواريخنا المضادة للصواريخ عابرة القارّات لأن هيّه دى اللى حتدّينا الدرع اللى يقينا من أى مخاطر مهما كان مصدرها....برنامج حرب النجوم لازم يرجع ونستكمله

بوش: مش فاهم حاجه....هوّه يعنى مش كفايه استراتيجية الردع المتبادل بيننا وبين الدول اللى عندها امكانيّات نوويّه؟؟؟؟ مش كفايه؟؟؟

تشينى: حمار...حتفضل طول عمرك حمار فى السياسه الخارجيّه حتّى لو أخدّت تأبيده فى "هارفارد"..... :s: يا ابنى الله يكرمك افهم بقى... الردع المتبادل ده كان ينفع أيّام الحرب البارده لمّا كنّا احنا والسوفييت كل واحد فينا عنده قدرة على تدمير التانى بضربه أولى مفاجئه من منصّات اطلاق برّيه ثابته أو من منصّات اطلاق بحريّه متحرّكه زى الغوّاصات النوويّه اللى السوفييت كانوا أشطر منّنا فيها .... بس الظروف دلوقتى مختلفه.... ماتفهّمه يا عم الجنرال

رامسفيلد: غلبت أفهّمه يا "ديك"....يا ابنى مش قلت لك مليون مرّه ان دخول الصين وكوريا الشماليّه والهند وباكستان فى قائمة الدول النوويّه بترساناتها المؤثّره فرض علينا استراتيجيّه جديده مش بس تقدر تردع طرف واحد لكن تقدر تردع كل الأطراف –حتّى لو كانت صديقه لينا النهارده- خصوصا بعد ما دول صغيره –سمّيناها الدول المارقه- مادخلت فى طابور التزاحم والتسابق على دخول مجال القوّه النوويّه من باب انّها الطريقه الوحيده اللى ممكن تخلّى الدول الفتافيت المارقه دى تعتبر نفسها ند لينا

بوش: عروستى :roll:

كوندوليسا: اشتغل يا "متر" :wink:

آشكروفت: اعتبر الدرع الواقى ده يا مستر بريزيدنت زى الثعبان الكبييييييير قوى خالص اللى يقدر يبلع كل ثعابين الناس التانيين قبل ما توصل لشطآننا ومدننا ومواقع قوّاتنا وبكده كل الناس دى تلم ثعابينها وتلم نفسها وتبقى تحت رحمتنا وتقبل اننا نتصرّف معاها بالطريقه اللى تعجبنا لأنها ماعندهاش قدرة على الاعتراض والاّ حنعوّرها وحنقطّعها ونبلعها....وبكده يبقى تكاليف الدرع الواقى ده مهما كانت كبيره أرخص من تكاليف أى سباق نووى معتمد على الردع المتبادل

بوش: آهو كده الكلام.....يا بابى..... الله يسترك خللى "آشكروفت" دايما معايا لأنه هوّه الوحيد اللى بيفهّمنى صح

كوندوليسا: خلاص يا حبيبى......نعمله ليك ميداليه

تشينى: والله لو زرعتيه ليه تحت جلده....برضه حييجى عليه أوقات مخّه الزنخ يزرجن.....

باول: أنا ساكت من الصبح....جرى ايه يا عم "دونالد"؟؟؟؟!!!!! هوّه احنا قاعدين فى الصحراء والاّ ايه......يا أخى عيب اختشى ده احنا ضيوف عندك فى بيتك......مش حنأكل لقمه والاّ ايه؟؟؟؟!!!!

رامسفيلد: طبعا ياعم.....ما انت بسم الله ماشاء الله عامل زى الفحل........شطّب لنا بقى على خزين مطبخ البنتاجون

كوندوليسا: الاّ صحيح انتم طابخين ايه النهارده؟؟؟؟

رامسفيلد: عاملين "باربيكيو"

بوش: بس اوعى يكون "باربيكيو" قرديحى زى اللى جنودنا عملوه للجدع الصومالى فى الصورة اللى ماليه الانترنت

رامسفيلد: يا عم روووووووووح.......هوّه ده كان "باربيكيو"؟؟؟؟ حد يعمل "باربيكيو" على شوية جلد على عظم.... ده الواد الصومالى كان متمصمص جاهز

تشينى: بكره لمّا ندخل العراق تتفرّج على الباربيكيو اللى على حق ربّنا.........حتّى اسأل الحربايه "اولبرايت" وهيّه تقول لك

رامسفيلد: طيب يا جماعه....اتفضّلوا ....البوفيه جاهز

بوش الأب: يالاّ ....نكمّل كلامنا على ترابيزة الغذاء.....اييييييه....فكّرتونى ببوفيه "الكبسه" اللى اضطريت آكلها مع الجماعه بتوع الخليج أيام عاصفة الصحراء......

بوش : وكان طعمها حلو يا بابى؟؟؟؟

بوش الأب: حتستهبل ياله....مش بعثت لك منّها حلّتين فى الكريسماس أيّاميها :s2:

كوندوليسا: معلش الأمور العائليّه دى خلّوها فى البيت.....وعلى فكره يا بشبوشتى...أنا وصّيت لك الشيف يعمل لك Scottish Eggs على شكل كور الجولف :wink:

بوش: هييييييييه....هييييييييه....تعيش أبله ليزا...تعيش تعيش تعيييييييش :inlove: :inlove:

[disappointed]

تصوير داخلى

(المشهد: الجميع جالسين وهم يتجاذبون أطراف الحديث على المائده فى المطعم الرئيسى بالبنتاجون)

تشينى : ناولنى يا "متر" الملاّحه وحتّة البوفتيك اللى جنبك دى الله يسترك

آشكروفت: لأ

تشينى:لا؟؟؟؟؟؟؟ يعنى ايه لأ؟؟؟؟؟ وليه لأ؟؟؟؟؟؟ :mad: :mad:

آشكروفت: لدواعى أمنك وسلامتك يا باشا.....ماتنساش انك عندك الضغط والقلب

رامسفيلد: اشمعنى دلوقتى يا عم "ديك" مابتسمّعناش اسطوانة "أنا مغيّر ثلاث شرايين فى قلبى"؟؟؟!!! :wink:

تشينى: خلّيك فى حالك انت وانت عمّال تدلدق الشوربه على نفسك :s2:

رامسفيلد: الله....مش دراعى اللى متعوّد آكل بيه مكسور؟؟؟؟

بوش الأب: يا "ديك" الــــ"متر" معاه حق..... وبعدين اذا ماكانش فيه ضرورات تبيح رفع القيود يبقى خلاص.... مش انتم فى الادارة دى اتعاهدّتم مثلا على انّكم تمكّنوا للمصالح الأمريكيّه بدون أى قيود على أساليبكم طالما ما كانشى فيه ضرورات تقيّدكم؟؟؟ وطالما البوفتيك والملح مش من ضروريّات الحياه يبقى لازم نقيّد استعمالك ليهم

تشينى: عندك حق...أحرجتنى :lol: .....بس لازم الكل يتذكّر ان ادارتنا فعلا ما يهمّاش غير المصالح الأمريكيّه دون أى اعتبار لأى أطراف أو أى ضغوط

كوندوليسا: الحقيقه الصفه دى صفه مشرّفه واحنا فخورين بيها , وكان ممكن تخلّى العالم كلّه يحترمنا بسببها –حتّى أعدائنا وخصومنا- لو كنّا بنمارس استخلاص مصالحنا بصورة شرعيّه من خلال اطار الأمم المتّحده فقط...بس يا خساره... الحلو مايكملشى.... مضطرين نلعب فى مناطق كثيره فى العالم برّه نطاق الأمم المتّحده ونحقق مصالحنا بالدراع لأن فيه مصالح كثيره لينا غير شرعيّه و مش حتتحقق لو مشينا بالأصول وفى السليم ...وسلّم لى على الشرعيّه :devil:

تشينى: شرعيّة ايه وهباب ايه بس؟؟؟!!!! :?

باول: يا اخوانّا أنا اللى بأتظلم دايما فى الموضوع ده لأنى انا الواجهه اللى العالم بيسمعها......ومهما حاولت أتجمّل وأزوّق كلامى ومهما كان الناس شايفين قد ايه انّى معتدل وحنيّن ففى الآخر بلطجتنا دى بتخلّينى انا نفسى مش مصدّق اللى أنا بأقوله للعالم :(

رامسفيلد: اتفضّل.....آدى ياعم الحمائم.....قلنا لكم الحمائم دول قلبهم خفيف ونشاز فى وسط صقور عصابتنا...آآآآآآ...قصدى ادارتنا

كوندوليسا (هامسة لباول) : مش لسّه انت قايل لى نلايم الدور وناكل عيش ونبوس ايدينا وش وظهر ان ملوّنين زيّنا دخلوا الاداره وبالتالى لازم نسمع كلام أسيادنا الأيرلنديين؟؟!!!!

باول: معلش...سوووررررىىى....أخدتنى الجلاله

تشينى: لا معلش ايقى خلّى بالك بعد كده يا...يا...يا حمامه :s2:

رامسفيلد: وبعدين يعنى انت عايزنا نبقى خرعين زى ادارة "كلينتون"؟؟؟؟ مش كفايه ورّطتنا فى اتفاقيات منظّمة التجارة العالميّة من غير ما نحط بنود تخلّى لينا وضعيّه متميّزه تحافظ على مصالحنا؟؟؟ وكانت النتيجه ايه؟؟؟؟ مش كان الأوروبيين حيضربوا لينا صناعة الصلب بتاعتنا لولا ان ادارتنا قرّرت تبلطج وتفرض رسوم وضرائب على الصلب الأوروبى؟؟؟

آشكروفت: والاّ توريطة معاهدة "كيوتو" اللى "كلينتون" بلانا بيها

بوش: آهى معاهدة "كوتوموتو" دى اللى أنا مش قادر أفهمها

تشينى: كوتوموتو؟؟؟؟؟ :shock: :shock: ده انت اللى "كوتوموتو"....."كوتوموتو" بنّى يا حبيبى.....مش تبقى تدرّسى له بذمّه يا "ليزا"

كوندوليسا: والله حفّظته مليون مرّه اسمها وفهّمته حكاية المحافظه على البيئه دى

رامسفيلد: تولع بجاز بقى صناعاتنا احنا علشان العالم عايز يشم شويّة هواء نظيف؟؟؟!!! ما انشاء الله ما عنّهم شمّوا هواء من أساسه... آهى كانت توريطه منيّله اضطرت ادارتنا تبلطج فيها هيّه كمان :s:

بوش الأب: كل اللى عملته أنا وادارتى ضيّعه "كلينتون"....أنا مش فاهم ايه كم التنازلات اللى قدّمها دى واللى خلّت العالم يوصل له اشارات غلط اننا ممكن نبقى دوله أليفه و "سان فاسون" مع دول العالم

تشينى: وهوّه ده الخطأ اللى ادارتنا بتصلّحه دلوقتى.....بلا شعارات خايبه ومثاليّات هبله

كوندوليسا: وهيّه العمليّه ماكانتشى مثاليّات أساسا من ادارة كلينتون... الموضوع وما فيه ان "كلينتون" اتحط فى موقف دفاعى مكّن الآخرين من ابتزازه والطمع فى محاولة تطويعه لأنه ببساطه فقد "رئاسته" نفسها لمّا فقد مشروعيّته الأخلاقيّه بفضيحة "مونيكا"... وهيّه دى كانت فضيحة "عرى أخلاقى" عاديّه؟؟؟

رامسفيلد: بالظبط كده.....احنا بقى كجمهوريين ما عندناش حالة تلبّس بفضيحة "عرى أخلاقى" زى بتاعة الديموقراطيين... وما يهمّناش اننا نبقى متلبّسين بفضائح "عرى سياسى"....وفقدان "كلينتون" لمشروعيّة رئاسته الأخلاقيّه مش زى فقدان بشبوشتنا الصغنّونه لمشروعيّة رئاسته القانونيّه

بوش: أنا خلاص كنت قرّبت فعلا أتعقّد من حكاية مشروعيّة رئاستى القانونيّه دى

كوندوليسا: قطع لسان اللى يقول عليك كده ياحبيبى :s:

تشينى : وعلشان كده لازم البلطجه والتبجّح والعين الحمراء تفضل شعار ادارتنا علشان نهتّ ونخوّف أى حد ممكن يتصوّر انه ممكن يبتزّنا سياسيّا زى ما تم ابتزاز "كلينتون" أخلاقيّا , ولازم نرعب أى حد تسوّل نفسه انه يطعن فى قانونيّة رئاسة بشبوشتنا ونكون فى منتهى العنف مع أى حد يحاول يلاعبنا فى حكاية قرار المحكمة العليا والفرز اليدوى فى الدايره ايّاها أيّام الانتخابات

آشكروفت: زى ما عمّنا "دونالد" مخوّفنى و مبلطج على صدر الفرخه المدملك اللى عينى فيه و اللى مش راضى يطلق سراحه كل ما أمد ايدى وآخده؟؟؟؟

رامسفيلد: يا "متر" ....صدر الفرخه ده ما يتقسّمش.....هوّه حتذه واحده يأكلها شخص واحد....زى ما احنا فى ادارتنا كده بنحاول نفهّم العالم ان أمريكا لاتقبل القسمه أو التوزيع فى اتخاذ القرارات العالميّه , وان امريكا لن تقبل أبدا أى قيادة جماعيّه او أى نوع من انواع مجالس الادارة العالميّة حتّى لو قالوا لينا انّهم موافقين يخلّوا امريكا رئيسة مجلس الاداره وحتّى لو عرضوا علينا يحسبوا لينا صوتنا بدستة أصوات

تشينى: وأكبر مثال على كده عدم سماحنا لأى قوى دوليّه بالتدخّل فى الصراع العربى الاسرائيلى...... من يوم مازمجرنا وحمّرنا عينينا والروس والأوروبيين احترموا نفسهم ولمّوا روحهم وعرفوا حجمهم الحقيقى....واذا كان "كلينتون" كان خايف انّه يصرّح للعالم برئاسة أكريكا ليه فده لأنه راجل خرع ومش صقر زيّنا....قال ايييييييه خايف يثير حساسيّات وحزازيّات ويستفز الآخرين ويستعديهم علينا..... ماللى يزعل يتفلق وأعلى مافى خيله يركبه.....طالما العالم شايف وواثق اننا فعلا رؤساء العالم يبقى مافيش مانع نعلنها صراحة زى ما ادارتنا بتعمل....غيرش بس عمّنا "باول" عايش لى فى دور الحمامه

باول: طب ناولنى بس الحمامه المحشيّه اللى خبّيتها فى جيب جاكتتك دى :wink:

تشينى: يا ابن اللذينه.....قفشتنى :lol: .....مش أسلوب أكل يعنى :mad:

رامسفيلد: اهىىىىىىىى....مش مغيّر تلات شرايين فى قلبك؟؟؟ اشرب بقى يا حلو

تشينى: سدّيتوا نفسى....انا قايم

بوش الأب آشكروفت : خدنا معاك

كوندوليسا وباول: يالله خليّنا نأخذ الــ"مارتينى" بتاعنا فى الصالون

رامسفيلد: وعلى رأى المثل ...."مارتينى" ولا تغدّينى" :lol: :lol:

كوندوليسا: يالاّ يا بشبوشه.....افراج....... حضّر نفسك كده وخلّيك fresh علشان كمان يومين تلاته كده حأقعد معاك أفهّمك ايه هيّه أخطاء "كلينتون" القاتله اللى احنا مصممين انّك تصحصح وما تغلطهاش

بوش: يعنى خلاص......أقدر ارجع مزرعتى؟؟؟؟

كوندوليسا: على البركه

بوش: هييييييه....أنا فى الخليعه......باى باى يا أبله "ليزا" :inlove: :inlove:

[disappointed]

تصوير داخلى

(كوندوليسا رايس جالسة على أحد الأرائك فى غرفة الاستقبال الرئيسيه ببيت "آل بوش" بمزرعتهم بتكساس وهى بانتظار "بوش"... ثم تدخل "باربارا بوش" زوجة بوش الأب ووالدة ابنه بوش الصغير)

باربارا: هاى "ليزا" :Pl:

كوندوليسا : هاى "مسز بوش" :D

باربارا (تحدّث نفسها) : كويّس ان البت البربريّه دى لمّت روحها ومانسيتش نفسها ونادتنى بــ"مسز بوش" من غير ما ترفع التكليف والاّ كنت طيّرت لها صف سنانها اللى ناطّه من ضبّها بظهر ايدى زى الواحد ما بيوقّع حبوب الذره بخبطه واحده على كوز الذره المحمّص :s2: .....ياسلاااااااام......الله يرحم أجدادنا الجنوبيين ويبشبش الطوب اللى تحت راسهم......ربّوا العبيد الزنوج تربيه صح الصح عمّاله تمدّ فى عرقهم من أيّام جدودهم لغاية النهارده.....الله يجحم الشماليين بقى ويحرق "الاتّحاد" اللى أسسوه واللى خلّى شوية القرود دول يفتكروا انّهم بقوا رأس برأس معانا...انّما ياللّه.....ان غدا لناظره قريب.....The south will rise.. the south will surely rise… وبكره ترجع أيام غيطان قطن وتبغ "فيرجينيا" ونورّى الشماليين أيّام أسود من لونك يا "ليزا".... وساعتها حترجعى "كماريرا" عندنا زى جدّتك :sly:

كوندوليسا : أمّال فين مستر بريزيدنت؟؟؟

باربارا: معلش بقى حتستنّيه شويّه......أصل مزاجه متعكّر حبّتين النهارده

كوندوليسا: ليه بقى كفى الله الشر؟؟؟؟!!!!

باربارا: يعنى.....انتى أم وعارفه بقى الواد من دول لمّا بيبقى قايم الصبح عاملها على روحه وأمّه عمّاله تبستف فيه وهيّه بتحط المرتبه فى الشمس علشان تنشف !!!! :cry:

كوندوليسا: انتم خلاص كنتم شلتم المشمّع من تحتيه؟؟؟؟!!! :shock:

باربارا: معلش....غلطه ومش حتكرّر تانى....بس اللى زاد وغطّى كمان انّه دلق الكورن فليكس على نفسه وهوّه بيفطر فدخّلناه تحت الدش علشان نحمّيه :cry: ....فحتضطرى تستنّيه شويّه على ما يخلّص حمّامه

كوندوليسا: مش مشكله....وانتى ازّيك وازاى الحاج؟؟؟؟

باربارا: ماشى الحال.....ولو انه عنده اكتئاب من ساعة ما خرج من البيت الأبيض سنة 1992 :(

كوندوليسا: يااااااه....هوّه لسه فاكر؟؟؟؟

باربارا: انتى أصلك ماتعرفيهوش..... البيت الأبيض ده طول عمره كان حلمه..... تعرفى انه كان ناوى يرشّح نفسه زمان عن الحزب الجمهورى قدّام "ريجان" وبعدين "ريجان" و "نانسى" عزمونا عزومه فجائيّه فى بيتهم على العشاء , ولمّا رحنا "ريجان" شكله كان عايز يقول حاجه ومكسوف فقالتها لينا مراته (ما انتى عارفاه كان مش بجح زى "نانسى") :idea:

كوندوليسا: انتى حتقولى لى!!! دى "نانسى" دى كانت يندب فى عينها رصاصه :mad: ... وكانت وليّه متسلّطه و رخمه ومتعجرفه ونابها أزرق وكانت بتمشّى كلامها على "ريجان" كثير وياما اتدخّلت فى قراراته من أيّام ما كان حاكم ولايه...ده غير بقى استغلالها لسلطات جوزها لتحقيق مكاسب ماليّه والحصول على هدايا عينيّه , ويا ما أحرجت جوزها لدرجة انّها مرّه اضطرت ترجّع شويّة "سواريهات" و "اكسسوارات" كانت مبلطجه عليهم من دار أزياء......ايه بقى قالت ايه ليلتها؟؟؟؟!!! :?:

باربارا: قالت انه لو "بوش" رشّح نفسه قصاد "ريجان" فحتّى لو كسبه فأنصار "ريجان" will make sure to vote for the democratics in the big day.......و انه من الأفضل لينا ان "بوش" يدخل انتخابات الجمهوريين كنائب لــ"ريجان" ويبقى أنصار "ريجان" يدعموا جوزى فى الانتخابات الرئاسيّه بعد ما فترة رئاسة "ريجان" تنتهى

كوندوليسا: مممممم.....و الحاج قال لها ايه؟؟؟

باربارا: أنا فوجئت انه وافق بدون تردد....ولمّا كنّا مروّحين قال لى انه حابب يلعب على المضمون لأنه مش مستعد يفرّط فى حلمه بدخول البيت الأبيض....وآهو ربّنا كرمه ودخله , وحتّى لمّا خرج منّه ربّنا كرمنا فى الواد الصغيّر

كوندوليسا: الله....أمّال بقى مكتئب ليه؟؟؟؟

باربارا: مكتئب لأن كل الأوراق اللى كان ستّفها فى أيام رئاسته بعثرها "كلينتون" ....والمشكله دلوقتى ان الواد الأهطل بتاعنا لازم يعيد ترتيب الأوراق دى ..... ودى مهمّه صعبه حقيقى على واحد امكانيّاته متواضعه زى المنيّل ده :(

كوندوليسا: عندك حق......الحاج كانت ليه انجازات كبيره لأمريكا....يعنى كفايه حرب الخليج الثانيه اللى خلّتنا نتمسمر فى الخليج , وكفايه انّه قدر يضحك على العرب لمّا طلبوا السير فى موضوع التسويه فى مقابل انضمامهم للتحالف أيّاميها وماين معاهم ومشّاهم فى سكّة "مدريد" اللى ما كانتش حتوصّلهم للتسويه زى ما توهّموا انّما كانت مجرّد خانة انتظار لغاية الأمور ما تتظبّط وبعدين نعمل برضه اللى فى دماغنا احنا واسرائيل :wink:

باربارا: وهيّه سكّة "مدريد" دى كانت شويّه؟؟؟؟ اذا لمّا مشّينا العرب فيها أكثر من خمس أو ست دول عربيّه بقى ليها علاقات رسميّه مع اسرائيل على كل المجالات (السياسيّه والاقتصاديّه)....مش بس كده....ده العرب وهمّه ماشيين فى سكّة "مدريد" فيه منّهم ناس تعاونوا مع اسرائيل فى مجال تبادل المعلومات الاستخباراتيّه لدرجة ان بعض الدول العربيّه سرّبت لاسرائيل برقيّات مشفّره لقطوها من شبكات استخبارات دول عربيّه تانيه....ده طبعا غير تسجيلات المكالمات التليفونيّه اللى كانت بين مسئولين عرب على مستوى رفيع واللى سرّبتها دوله عربيّه لاسرائيل فى مقابل تسريب اسرائيل ليها لمحضر وقائع لقاء سرّى بين وزير دفاع دوله عربيّه تانيه مع مدير مخابرات دوله عربيّه ثالثه :D

كوندوليسا: والاّ ضماننا لتملّكنا من الخليج وموارده البتروليّه بصورة نموذجيّة ماكانش فيه رئيس أمريكى يحلم بيها.... ده الحاج ربّنا يكرمه قدر يفصل بين الساحل والداخل فى العالم العربى لمّا قدر يعزل الخليج عن الشام وعن مصر...وبكده فصل شئون البترول عن قضايا الصراع العربى الاسرائيلى....يعنى من الآخر كده قدر يفك الارتباط اللى بين دول مجلس التعاون الخليجى وبقية دول العالم العربى....... أمّا كان حتّة قلم على وش مصر وسوريا!!!!! الحاج لعبها صح واستخدم المصريين والشوام فى تحالف حرب تحرير الكويت وبعدين ادّاهم الشلّوت المتين بعد ما بقت دول الخليج زى الخاتم فى صباعنا وبعد ما عوّدنا العالم العربى على وجود قوّاتنا فى الخليج وكأنه هوّه ده الشيئ العادى واللى حيستمر.... وكأنه هوّه ده الشيئ الطبيعى اللى مش حيتغيّر :wink:

باربارا: وطبعا أكثر حاجه ساعدتنا فى القصّه دى كلّها اننا لمّا أجبرنا العالم على لعب لعبة "العولمه" حسب القواعد اللى احنا حطّيناها كانت الحاجه الظريفه قوى ان الدول العربيّه فشلت فى الاستفاده من الجوانب اللى كان ممكن تكون ايجابيّه شويّه فيها بالنسبه ليهم بعد ما قدرنا نخلّى العولمه تخلق فى المنطقه العربيّه جو رخو ومرن ومفتوح بالنسبه لحركة الدخول لأسواقهم وبالتالى ماقدروش يزوّدوا نصيبهم فى حركة التجاره العالميّه بل بالعكس فقدوا جزء من نصيبهم فيها :D

كوندوليسا: بس ياخساره :mad: ......."كلينتون" ما قدرشى يكمّل الخطّه دى مظبوط وماقدرشى يحافظ على الـــpaxa Americana اللى كانت حتخلّينا نخلّص موضوع الصراع العربى الاسرائيلى بالطريقه اللى تريّحنا احنا واسرائيل... بالظبط زى ما فشل فى انّه يستفيد من هيمنتنا الكامله على الأوضاع العالميّه علشان يدّى الــ"نوك-آوت" لكل قوى التحدّى المحتمله قدّامنا بحيث ما تقومشى ليها قومه نهائيّا :devil:

باربارا: وعلشان كده.....أنا عايزاكى توعّى الواد المدهول النهارده وتفهّميه ايه هيّه الأخطاء اللى وقع فيها "كلينتون" وازّاى يصلّحها وما يكرّرهاش :idea:

كوندوليسا: وهوّه ده بالظبط اللى كنت ناويه أعمله

باربارا: خلاص....أنا رايحه أشوفه خلّص حمّامه والاّ لسّه وحأبعته ليكى على طول...... لو جعانه والاّ حاجه ابقى خشّى كلى فى المطبخ :wink:

كوندوليسا: ليه ؟؟؟؟ حد قال لك انّى جايّه أسيّق ليكم المزرعه والاّ حاجه؟؟؟؟ :s2:

باربارا: أووووه....سوررررىىىى ماى دير.....نسيت......معلش بقى....ما انتى عارفه موضوع شم نفسكم اللى خلاّكم تقبّوا على وش الدنيا بعد ماكنتم تحت رجلينا ما بقالوش كثير.......ما تاخديش على كلامى.....الواحده لمّا بتبقى متربّيه على حاجه بتتعوّد عليها :wink:

كوندوليسا: يالاّ...حصل خير.....حصل خير زعيع يعنى :?

باربارا: أوكى....ليزا......سى يو :Pl:

كوندوليسا: هاف أ نايس داى مام :Pl:

ثم تحدّث كوندوليسا نفسها قائلة : مش كفايه مستحمله غباوة المحروس الصغنّن و تخن مخّه!!!!!!:s2: ....قطيعه........ماحدّش بياكلها بالساهل :(

[disappointed]

تصوير داخلى

(بوش يدخل الى غرفة الجلوس التى توجد بها كوندوليسا رايس وهو يرتدى بيجامة صفراء مزركشة بألوان مرحه وعليها بعض رسومات شخصيّات أفلام كارتون "والت ديزنى" ويحتضن دب كبير من الفراء)

كوندوليسا: هاللوووووو......ايه أخبار الــ"كيوت ليتيل تيدّى بير" بتاعك النهارده؟؟!!

بوش(وهو فى حالة من السرحان الممزوجة بالخجل :lol: ) : فاين

كوندوليسا: معلش يا بشبوشه.....أنا عارفه انّك متضايق ومش فى الفورمه علشان موضوع الــ....الــــ...الــ... :roll:

بوش: يووووووه بقى....هيّه مامى دى ما بيتبلّش فى بقّها فوله!!!!! :mad:

كوندوليسا: قال يعنى لو ما كانتشى قالت لى ما كنتش حأعرف...... يا واد دى المرتبه اللى مفروده فى الشمس برّه دى عامله زى الاعلان اللى بينزل فى الجرايد الرسميّه :shock:

بوش: مش عارف ايه اللى حصل؟؟؟؟؟ مع ان الموضوع ده ماجاليش من يوم ما اتخرّجت من الجامعه غير مرّتين تلاته أيّام ضربة سبتمبر :bored:

كوندوليسا: يبقى أكيد حلمت ببن لادن وانت نايم امبارح بالليل :wink:

بوش: احتمال......أصلى اتفرّجت على "الفضائيّه الباكستانيّه" شويّه امبارح فلقيتهم كلّهم شبه بن لادن :lol:

كوندوليسا: وانت من امتى بتتفرّج على الفضائيّات البدائيّه دى؟؟؟؟ :?

بوش: أنا ماكانشى قصدى.....أنا الظاهر مسكت الريموت الغلط....أنا كنت عايز أقلّب شويّه فى الــFun Channel والـــ Cartoon Network على شويّة ESPN علشان أشوف أخبار الــNFL والــNHL والـــNBA , بس تقولى ايه بقى.... ساعة القدر يعمى البصر :(

كوندوليسا: يالاّ .....قدّر ولطف.....

بوش: مامى بتقول لى انّك كنت عايزه تدّينى حصّه النهارده....بس أعتقد انّى مش فى كامل لياقتى الذهنيّه

كوندوليسا: ياولد على الكلام الكبير..... لياقه ذهنيّه ايه بس؟؟؟؟ عليّا أنا....وهوّه انت من امتى كان عندك ذهن من أساسه؟؟ ده احنا دافنينه سوا يا بشبوشتى....خللى الطابق مستور :wink:

بوش: ممممممم......طب ماتطوّليش عليّا علشان وحدة الكوماندوز بتاعة الضفادع البشريّه اللى أونكل "دونالد" بعتهم امبارح بلّغونى دلوقتى انّهم لقوا كورتين الجولف بتوعى اللى طوّحتهم فى بركة "كورس" الملعب الأسبوع اللى فات فعايز أطلع اكمّل لعب

كوندوليسا: مممممممم.....طيب ياترى مالقوش فى الميّه مع الكورتين بقية باسبورات الارهابيين بتوع سبتمبر علشان نكمّل مجموعة الباسبورات مع الباسبور اللى لقوه جنب مركز التجاره العالمى؟؟؟ :wink:

بوش: ايييههههىىىىىى......ده احنا دافنينه سوا يا "ليزا" :cool:

كوندوليسا: لا......لمّاح يا وله..... :lol:

بوش: مامى بتقول لى انّك عايزه تكلّمينى على "كلينتون" باين؟؟

كوندوليسا: آآآه.....فكّرتنى.....كنت عايزه أنبّهك للبلاوى اللى عملها وازّاى تتفاداها وتصلّحها

بوش: وأتفاداها ليييييه بس؟؟؟؟؟ دى كانت بلاوى لذيييييذه بشاااااكل.... ماتبقيش قطّاعة أرزاق يا "ليزا"....انتم بس هاتوا لى "مونيكا" وأنا أصلّح غلطة "كلينتون" :sigh:

كوندوليسا: يا مستر بريزيدنت أنا مش قصدى على بلاويه الجنسيّه.....انا قصدى على بلاويه السياسيّه..... الجدع ده ماقدرش يحافظ على تماسك تحالف حرب تحرير الكويت....وبالتالى تحالف حرب الخليج وقع واتفشكل على أيّامه....مش بس كده... ده ظهر على أيّامه شعور عام فى الشارع العربى وعند الحكومات العربيّه ان الشعب العراقى دفع ثمن باهظ مش ممكن الاستمرار فى قبوله , وبكده تحالف الخليج اللى الحاج أبوك شقى على ماعمله انهار بعد ما "كلينتون" فشل فى انّه يحافظ على وجود الهدف المشترك للمشاركين فى التحالف واللى التحالف اتبنى على أساسه :s:

بوش: كل اللى عملته "أولبرايت" ده وماجابش نتيجه؟؟؟؟ :shock:

كوندوليسا: آهو اللى عملته "مادلين" فى مجلس الأمن ده بالذات ساعد على وصول الاحساس اللى بأقولّك عليه للعرب لأنّه كان من الواضح ان المواطن العراقى من أول الطفل لغاية الشيخ هوّه اللى دفع الثمن.... وبعدين غلبنا نقول انه ماينفعشى نحاول احتواء النظام العراقى لأنه صعب التطويق وبالتالى مش حيسقط الاّ بتدخّل مباشر منّنا :twisted:

بوش: الله....أمّال شلّة التنابله العراقيين اللى عمّالين ندفع عليهم دم قلبنا وعمّالين نطفّحهم كل يوم فى الفنادق الفايف ستارز بتاعتنا دول لازمتهم ايه؟؟؟ :?

كوندوليسا: سيبك...سيبك....ارمى ياراجل.....دى عالم تعبانه....بلا معارضه عراقيّه بلا دياولو...دى كلّها كروت محروقه.... ماحك جلدك مثل ظفرك....مش حينفع بقى غير اننا ننصّب حاكم عسكرى من عندنا يمسك العراق بالحديد والنار :devil:

بوش: مش المهم معانا شويّة أصدقاء عرب فى المرّمه دى؟؟؟؟ :sar:

كوندوليسا: أصدقاء ايه بس؟؟؟ ما احنا عارفين البير وغطاه...وهمّه كمان عارفين اننا مالناش عزيز واننّا حنقرمشهم أول ماتيجى لينا الفرصه :twisted: ....للأسف تقدر تقول ان تحالف حرب الخليج مابقاش فاضل لينا فيه من العرب غير النظام الكويتى :lol: ...وده شيئ خطير جدّا لأنه واضح كده ان نغمة الاتّصال بين البترول والقضيّه الاسرائيليّه العربيّه ابتدت ترجع تانى... وموضوع وجوب الفصل بين البترول والقضيّه الاسرائيليّه العربيّه ده موضوع أساسىىىىىى جددددددددا وعلشان كده حأبقى أكلّمك عنّه فى قعده مخصوصه ليه

بوش: بس يا"ليزا" متهيّألى مافيش داعى للقلق قوى كده....أصلى فاكر ان بابى كان دايما يقول لى انّه هوّه وادارته قدروا يدّوا الشلّوت المتين لكل القوى المناوئه لينا فى منطقة الخليج والشرق الأوسط بحيث يطيروا بلا رجعه

كوندوليسا: آهم بيحاولوا يرجعوا ياخويا.....بيحاولوا يتسلّلوا تانى للمنطقه يا مستر بريزيدنت

بوش: زى مين يعنى؟؟؟

كوندوليسا: زى روسيا....ماهى عمّاله تنخرب وبتحاول تلعب دور مؤثّر فى الشرق الأوسط :mad:

بوش: همّه لاقيين ياكلوا أساسا يا "ليزا"؟؟؟ :?

كوندوليسا: ماهو هوّه ده الخطر يابشبوشتى....انّهم مش لاقيين ياكلوا وناقص يبيعوا النووى بتاعهم على الأرصفه....وبالتالى ابتدوا يورّدوا أسلحه محظوره للدول اللى مابتطيقناش وبتكرهنا أو للدول اللى منشّفه راسها ومش عايزه تبقى عبدة لارادتنا ورغباتنا....زى سوريا والعراق مثلا....والأنيل والأخطر طبعا ايران :lol:

بوش: آآآآآه.....شويّة الـــBad Guys وشلّة الدول المارقه بتاعة محور الشر دى؟؟؟؟ :s2:

كوندوليسا: الله ينوّر عليييييك.....ده طبعا غير كوريا الشماليّه اللى روسيا والصين عمّالين يزغّطوها تقنيّات نوويّه.... :mad:

بوش: مممممممممم....آى سىىىىى...... وطبعا احنا من ناحيه تانيه بصفتنا أكبر مورّد سلاح فى المنطقه ولينا أكبر نصيب من حركة التجاره بصوره عامّه فيها يهمّنا مهما كان مايبقاش فيه منافسه لينا فيه :wink:

كوندوليسا: ايه باواد الفكاكه دى....والله وطمر فيك علامى.... طبعا كلامك مظبوط...خصوصا لمّا يبقى العرب بيشتروا منّنا السلاح اللى احنا عايزين ندّيه ليهم مش اللى همّه محتاجينه وبنقبض ثمنه "كاش" ومقدّما وبالسعر اللى احنا نحدّده فى حين ان الروس بيعرضوا على العرب أى سلاح يحتاجوه من غير ما يهتمّوا زيّنا بحجب تقنيّات محدّده عنهم علشان الروس مش لاقيين ياكلوا ومحتاجين القرش...ده غير انّهم بيعرضوا على العرب كمان أسعار مخفّضه تندفع بالآجل وعلى أقساط مريحه :s:

بوش: ايه بقى حرب الأسعار دى؟؟؟ ناقص كمان يعملوا ليهم offers ويقولوا (اشترى صاروخين بسعر بصاروخ واحد) أو (خذ مجموعة صواريخ وأحصل على منصّات الاطلاق مجّانا) أو (اشترى طائراتنا واستمتع بدبّابات مجّانيّه) :s2:

كوندوليسا: وهيّه دى برضه الخطوره....الروس محتاجين فلوس بأى طريقه وممكن يعملوا "بوفيه سلاح مفتوح حتّى الاشباع".... وبعدين ماتنساش ان روسيا لاعبت "كلينتون" لمّا عرقلت فرض نظام عقوبات جديد على العراق علشان يفضل المناخ اللى فى المنطقه معادى لينا ومعبّأ ضدّنا وده شيئ خبيث جدّا ممكن يعزّز لروسيا فرصة تسلّلها تانى للمنطقه وازدياد التعاطف العربى مع مواقفها الداعمه لقضاياهم حتّى ولو كان العرب فاهمين ان روسيا مابتعملشى كده علشان سواد عيونهم وانّما نكاية فينا....والغريق بيتعلّق بقشّايه :idea:

بوش: بس روسيا "متكحرطه" خالص يا ليزا وضاربها السلك واقتصادها الرأسمالى الممسوخ اللى صديقنا وحبيبنا "جورباتشوف" أسّس ليه ماهوّاش غير اقتصاد كحيان رأسماليّته فى صورة شويّة عصابات مافيا ودعاره وغسيل أموال....دول تعبانين قوى يا"ليزا" :sar:

كوندوليسا: لمّا الصين كمان تكون بتحاول تتسلّل للمنطقه فى رجليهم يبقى الموضوع يستاهل القلق.....ماتنساش ان الصين ليها علاقات قويّه وقديمه مع العرب....وشلاّل حركة تجارتهم خصوصا فى التقنيّات مغرّق المنطقه بأسعارهم اللى فى الأرض... والمصيبه طبعا فى علاقات الصين مع ايران و اللى ماشيه فى الخباثه بهدوء ومن غير بروباجاندا لغاية ما بقت زى الحديد :lol:

بوش: ناقص تقولى لى انه مع الصين وروسيا حتكون أوروبا كمان بتحاول تتسلّل للشرق الأوسط ومنطقة الخليج :shock:

كوندوليسا: انت بتقول فيها؟؟؟؟ صحيح ان أوروبا حليف طبيعى لينا بس ماتستهونش أبدا بتقلّص مصالحها فى المنطقه دى واللى ليها فيها طموحات ومصالح كبيره ...وماتنساش انّهم مش قادرين يتسامحوا فى عمليّة اننا نطرناهم نطرة وحشة قوى من المنطقه... وآديك شايف "فرنسا" بالذات ومعاها ألمانيا مدوّخينا ومنشّفين ريقنا ازّاى فى مجلس الأمن... وعلشان كده لو الأوروبيين قدروا يتسحّبوا للمنطقه تانى فى الظروف دى فده حيخلق ثقوب وثغرات فى المنطقه ممكن غيرهم يستغلّها ويوسّع دائرة حركته ومناوراته معانا :idea:

بوش: ياخبر أبيض....ده "كلينتون" فعلا أذانا قوى :mad:

كوندوليسا: أمّال احنا مش طايقينه ليييييييه؟؟؟؟؟ ايّاك فاكر ان موضوع "مونيكا" ده جه كده بالهبولّى.....احنا كجمهوريين مافيش حاجه تستعصى علينا.....وطول ما معانا اليهود فكلّه حيبقى فى السليم.....والاّ حتعمل لى زى العرب السذّج اللى شايفين ان كون "مونيكا" يهوديّه ده ماكانشى غير محض صدفه!!!! :wink:

بوش: بس البت كانت لهطة قشطه :sigh:

كوندوليسا: كلّه ألوان يا بشبوشه....أمّال لو كنت شفتها قبل القصّه دى بسنتين تلاته وهيّه مفشوله ووشها حب الشباب واكله :?

بوش: ايه ده....يعنى "كلينتون" كان نفسه حلوه؟؟؟؟ :shock:

كوندوليسا: نفسه حلوه بس؟؟؟؟ ده كان رمرام.....حتّى فى السياسه كان رمرام....ماشفتهوش هان نفسه ازّاى فى محاولاته لدفع مفاوضات السلام بين الفلسطينيين والاسرائيليين؟؟؟؟ وهوّه ده أهم درس لازم تتعلّمه :idea:

بوش: هان نفسه؟؟؟ ازّاى يعنى :?:

كوندوليسا: يا مستر بريزيدنت...... "كلينتون" عرّض نفسه وادارته لبهدله مهينه ومرّغ هيبة أمريكا فى الوحل لمّا قبل على نفسه انّه يقعد يتفاوض مع رؤساء ميليشيات ومشئولين أمنيين فى الشرطه والمخابرات الفلسطينيّه.... ده كان شكله وحش قوى وهوّه عمّال يجرى من "كامب ديفيد" لــ"شرم الشيخ" لــ"واى ريفير"....كفايه تنازله وتفريطه فى هيبة رئيس أمريكا بالتفاوض على تفاصيل منمنمه مع شويّة فلسطينيين وعرب رعاع جايين من الــNo where وراجعين ليه تانى....بقى ده كلام برضه؟؟؟؟ :mad:

بوش: ممممممم......يعنى المفروض انا ما أعملشى كده؟؟؟؟ :sar:

كوندوليسا: قلت لك ايه بالنسبه للعرب دول؟؟؟؟؟ العصايه ثم العصايه ثم العصايه ثم الجزمه القديمه :s2: .... يا مستر بريزيدنت على أيام أونكلك "ريجان" و الحاج بوش الكبير كنّا بنعمل اتّصالاتنا مع منظّمة التحرير الفلسطينيّه لمّا كانت منفيّه فى تونس عن طريق حتّة سكرتير ثانى لاراح ولا جه فى سفارتنا فى تونس, ولما استجابوا لكل شروطنا وطلباتنا كافئناهم بقرار من وزير خارجيّتنا "جورج شولتز" بالسماح ليهم بمقابلة سفيرنا فى تونس ...ولمّا اتلقط شويّة صور رسميّه لبتوع منظمة التحرير الفلسطينيه مع سفيرنا فى تونس باسوا ايديهم وش وظهر واعتبروا أنهم حققوا حلم ولا فى الخيال....مش تقولّى العك بتاع "كلينتون" اللى قعد كل من هب ودب من الفلسطينيين وسهر معاهم يهرّج وينكّت للصبح وهوّه بيناديهم بأسماء شهرتهم .....و...و....حلوه يا" أبو فلان" و...و....ملعوبه يا "أبو فلان"...و...و...كفّك يا "أبوفلان"....وفى الآخر.....صدّروا ليه الطرشه وزاغوا منّه من غير ما يمضوا على حاجه :mad:

بوش: يعنى أهم حاجه انّى أتّنك عليهم وأتعامل مع العرب والفلسطينيين بتعالى وأحسسهم باحتقارى ليهم :cool:

كوندوليسا: بالظبط كده....يعنى ملخّص حصّة النهارده عن طريقة تعاملك مع العرب والفلسطينيين يبقى كلمه واحده هوّه : "بالـجـزمـه" :sly: :s:

بوش: أحب الملخّصات :lol:

كوندوليسا: وأنا أحب التلميذ اللى يسمع الكلام...و...و...يالاّ يا عم...افراج.....روح شوف موضوع انتشال كور الجولف الغرقانه... وابقى سلّم لى على الضفادع البشريّه :wink:

بوش: آهو انتى كده ميّه ميّه.....ابقى فكّرينى أجيب ليكى شويّة ضفادع بشريّه عرب من المقفوشين فى "جوانتنامو" علشان نعمل ليكى شوربة ضفادع عليهم :wink: ... يالاّ.. بالاذن بقى يا "ليزا"

كوندوليسا: اذنك معاك يا بشبوشتى :inlove: :inlove:

[disappointed]

يعتذر السيناريست والمخرج عن الاضطرار الى توقّف تصوير الحلقات لأداء فريضة الحج... مع دعواتنا فى هذه الأيّام المفترجه أن ينقذ الله الأمّه العربيّه من غزو "تتار" القرن الواحد والعشرين

:( :( :( :(

[disappointed]

تمر بضع دقائق انشغل فيها "بوش" بمراقبة محاولات البحث عن كرته الطائشة وانتشالها من المياه مع حديث جانبى مع بعض مرافقيه وهم يتباحثون حول تقسيم امتيازات نفط "عراق مابعد صدّام" ومقاولات اعادة اعماره

الاثنين 7/1/1424هـ الموافق 10/3/2003م، (توقيت النشر) الساعة: 17:08(مكة المكرمة)،14:08(غرينيتش)

بينها شركة كان تشيني الرئيس التنفيذي لها

بوش يرسل عروضا لشركات أميركية لإعمار العراق

قالت صحيفة "وول ستريت جورنال" إن إدارة الرئيس الأميركي جورج بوش طلبت من خمس شركات هندسية أميركية على الأقل -من بينها وحدة تابعة لشركة هاليبيرتن- التقدم بعطاءات لتنفيذ عقود لإعادة إعمار العراق بعد الحرب، وهي تعاقدات قد تصل قيمتها إلى 900 مليون دولار. وكان ديك تشيني نائب الرئيس الأميركي يعمل مديرا تنفيذيا لهاليبيرتن في الفترة بين عامي 1995 و2000.وقالت الصحيفة إن الشركات الخمس قدمت أو تستعد لتقديم عروض بعد أن أرسلت وكالة التنمية الدولية الأميركية طلبا تفصيليا يدعوها للتقدم بعطاءات. ووفقا للصحيفة فإن خطة إعادة بناء العراق ستتطلب تنفيذ مهام مختلفة منها إعادة فتح نصف "الطرق والجسور المهمة اقتصاديا" أي ما يقرب من 2400 كلم من الطرق.وذكرت الصحيفة أنه سيطلب من المقاولين أيضا إصلاح 15% من شبكات الكهرباء وتجديد آلاف المدارس وتوفير 550 مولدا كهربائيا بشكل طارئ في غضون شهرين. وأضافت أن الشركات الخمس المتخصصة في البنية الأساسية الهندسية التي دعيت لتقديم عروض هي بكتل غروب وفلور كورب وكيلوغ براون آند روت التابعة لهاليبيرتن والتي تتخذ من هيوستون مقرا لها ولويس بيرغر غروب وبارسونز كورب.ولم يصدر بعد أي تعليق من أي من الشركات المذكورة على التقرير. لكن الصحيفة نقلت عن المتحدث باسم بكتل قوله "إننا مهتمون بالمشاركة في الأمر". وقال مصدر بوزارة الدفاع الأميركية يوم الخميس الماضي إن كيلوغ براون آند روت التابعة لهاليبيرتن فازت بالفعل بعقد للإشراف على عمليات مكافحة الحرائق في حقول النفط بالعراق بعد أي غزو أميركي

المصدر : الجزيرة نت نقلا عن وكالات الأنباء

:wink: :wink: :wink: :wink:

:wink: :wink: :wink: :wink:

[Lighthouse]

موضوع جدير بالرفع

تمهيدا للرد عليه

:) :) :)

[disappointed]

الخارجيّة الأمريكيّة اللذيذة.....بقدوم الست "ليزا"

http://www.egyptiantalks.org/invb/index.ph...t=0#entry150703

يا "باول" مع السلامة....بين الصقور فين تروح الحمامة

http://www.egyptiantalks.org/invb/index.ph...ST&f=30&t=13188

[صبح]

:) ;)