درجات الحب 35 درجة

[قاهرى]

الحب الحب .. الحب ذلك الذي يدخل السعادة الى ناس ويشعل الغيرة في ناس .. الحب هو الذي يسبب مصائب وكوارث .. وهو نفسه الذي ينمي الاحساس .. وهذه هي درجاته ال 35 درجة

1- هو العشق:

فرط الحب وامره واخبثه

2- الهوى:

وهو ميل النفس الي الشيء

3- العلاق:

وهو الحب الملازم للقلب

4- الكلف:

وهو شدة الحب

5- الشغف:

وهو ارتفاع الحب اعلى موضع من القلب

6- الشعف:

وهو احراق الحب للقلب

7- الجوى:

وهو الهوى الباطن والحرق وشدة الوجد من عشق او حزن

8- التتيم:

وهو التعبد والمتيم هو الذي تيمه الحب اذا عبده

9- التبل:

وهو ان يسقمه ويمرضه الهوى

10- التدله:

وهو ذهاب العقل من الهوى

11- الهيام:

وهو شدة العطش

12- الصبابه:

وهي رقة الشوق وحرارته

13-المقه:

وهي المحبة الوامق المحب

14- الوجد:

هو الحب الذي يتبعه الحزن

15- الدنف:

هو المرض واستعمل العرب هذا الاسم للحب الملازم

16- الشجو:

هو الحب الذي يتبعه الهم والحزن

17- الشوق:

هو سفر القلب الى المحبوب

18- البلبال:

هو الهم وسواس المحب بحبيبته

19- الكمد:

هو الحزن المكتوم

20- الأرق:

هوالسهر وهو من لوازم الحب

21- الحنين:

وهو الشوق الممزوج برقة

22- الجنون:

ومن الحب ما يكون جنوناً واصل مادة الجنون الستر والحب المفرط يستر العقل

23- الود:

هو خالص الحب والطفه وأرأفه

24- الخلة:

توحيد المحبة وقيل سميت خلة لتخلل المحبة جميع اجزاء الروح

25- الغرام:

هو الولوع والحب اللازم وأغرم بالشيء اي اولع به

26- الوله:

هو ذهاب العقل والتحير من شدة الحب

27- الرسيس:

وهو الثبات ورسوخ صورة المحبوب في النفس

28- الجزع:

هو عدم الصبر على الفرقة

29- الشهد:

شدة السهر وتواتر احوال المحبوب على القلب

30- الغل:

شدة العشق

31- اللهف:

حزن وتحسر اللهفان المتحسر واللهيف المضطر

32- التبالة:

تبله الحب اي اسقمه وافسده

33- اللوعة:

الحرقه لوعة الحب حرقته

34- الداء المخامر:

وهو من اوصافه وسمي مخامر لمخالطته القلب والروح

35- السدم:

هو الحب الذي يتبعه ندم وحزن

اتمنى ان يعجبكم الموضوع ... فى انتظار تلفوناتكم على 2320 والرد عن درجة الحب التى تشعر بيها سواء لحبيب لصديق للاهل لزوج .......

كان معكم اسامة منير سابقا ...... قاهــــــــرى حالياااااااااااااااا :ninja:

[سكندريه]

أستاذ أسامه منير.....ألي مبيحبش ينفع يدخل في الموضوع ولا ممنوع

أصليي موصلتش لأي من هذه الدرجات

تحياتي وأتصلت ب2320لقيته خارج نطاق الخدمه :unsure: :blush2:

[قاهرى]

تنورى يا سكندرية طبعاااااااااااااااااااااااااا .. دة احنا نفرش الموضوع ورد على وجودك فية :blush2: :unsure:

بس ازاى موصلتيش لاى درجة من درجات الحب دى ... الاب الام الاخوات الانتيم مش لازم يكون الحب حبيب وحبيبة .شكرا لردك و حاولى الاتصال فى وقت اخر ..

[ahmedarab]

والله يا قاهرى اول ما قريت الحب الحب فى اول الكلام افتكرت على طول

الحب الحب ..الشوق الشوق ..بلوبيف بلوبيف .من طرف اخوكى ............. B)

لا بس بجد شكرا على الموضوع الجميل اوى دة

تم تعديل 21 نوفمبر 2007 بواسطة ahmedarab

[قاهرى]

ههههههههههههههههههههههههههههههههههههههه

لا حلوة يا ابو حميد منك بجد ........................

بس بصراحة ظبطتى .. بلوبيف وكدة ............ :)

[ابو محمود]

ايةياعم الأوصاف دى كلها ....قصدك اصناف الحب شوف ياسيدى موضوعك شيق ولاكنى ارى نفسى الأن وبعد هذة السنون ال..... اجدنى فى المرتبة ودى درجةمش حاجة تانية لدماغك تروح لبعيد .. ال35

لأنى اجدنى فى حالة ..سدم أةةة واللةانا مسدوم فى حبى لسكان العمارة اللى ساكن فيها .؟

اقولك لية !!! دة سر جامد

عايز تعرفة !!!!!!!

ممكن بس متقولش لحد !!!!

ممكن يزعلومنى ويعاندونى

اصلهم مبيسمعوش الكلام وانا غلبت كلام ومحايلة واشتكيتهم لطوب الأرض و

كمان دعيت لهم بالهداية

لسة عايز تعرف ؟؟؟؟؟؟

بص ياقاهرى باشا

انا اشتكى لك من سدمتى منهم اصلهم يا أسامة ياخويا

بيسيبو باب الأسانسير (المصعد) مفتوح فى الدور العاشر

وانا مقدرش اطلع السلم علشان انا فى الدور السادس ...شفت سدمتى عاملة أزاى

[قاهرى]

محمود باشا ... تسلم على المرور نورت الموضوع وانشاء الله توصل لحل مع الجيران .. حاسس بمشكلتك عدت علياا ... والف سلامة على سدمتك ....

اما انا حاليا فى الحالة رقم 19 (الكمد) وهو الحزن المكتوم .. لانى شايف الناس بقت تاكل فى بعض والاخوات بقت بتحقد على بعض ومحدش بيتمنى لحد الخير . مش عارف اية الى حصل فى بلدنا

اسامة مين ؟؟؟؟؟؟؟

:sad:

انت جيت يا ا/محمود فى وقت لسة قارى موضوع فى المغتربون المصريون بتاع سفر البنات لدول الخليج والموضوع مخلينى مضايق وشايف قدمى الحالات الى حصلت قدام عنيا من كره المصرين لبعض

انشاء الله تلتقى فى مرة تانية تكون انت ظبطت السدمتك . وانا ظبطت الكمد :)

[ابو محمود]

اخى وعزيزى قاهرى عندك حل لسدمتى فى السكان يعنى انت عدت عليك مشكلةكدة زيها حلتها ازاى ممكن تدلنى أرجوك الموضوع فعلآ مزعج وغلس هل لةحل من وجهة نظرك :)

[قديم]

يا دي الحب وسنينــه

يا قاهري ممكن تشوف لنا الخلع فيـــــــن ولا في اي مرتــبه .

والله يا قاهري يعني سلم الحب دا ما فيهوش استراحـــات . على اليمين والا الشمال ..؟؟ اااااه من مهندس الحب عاملها سكه واحده . هاي وي .

ولا ممكن تاخذ اجازه بعد كل عشر درجات ....

ولا ممكن تتحال على المعاش بعد الدرجــه العشرين وتطلب تصفـــيه .ولا مش ممكن .

طيب ممكن نأخذها بالقســط.

[قاهرى]

اخى العزيز محمود ... اقولك حل الموضوع دة بكل سهولة والحل مش حاجة وحدة بس يجب اتباع اساليب كتيرة :

اولا: علق ورقة فى الدور الى بيقف فى الاسنسير من جوة الاسانسير ومن برة واكتب فيها (ارجو التاكد من غلق الاسانسير جيد حتى لا تعرض نفسك للضرب)

ثانيا : جيب بتوع الصيانة خليهم شوفو اية سبب ان الباب مش بيقفل كويس هل السبب ان الباب محتاج يتزيت شوية ولا الصدادة بتطلع لوحدها ويحلو المشكلة

ثالثا: ركبو انتركم فى العمارة علشان لو حصل بردوا ومقفلوش الباب كويس تتصل بالدور بتاعهم على طول وتقولهم يا جماعة عيب كدة يعنى . هو انتوا مش بتحسو بالناس لية ؟؟؟ مرة والثانية هيحسو على دمهم وهيقفلو الباب ولو معندكمش انتركم اطلهلهم اديهم دش التهزيق المظبوط علشان يحسو بالاخرين المرة الى بعدها

ولا تنسى اكيد موضوع الورقة على باب الاسنسير اكيددد لو علقت الورقة على باب الاسنسير وبردوا لقيتهم بيسيبو الباب مفتوح . علق ورقة تانية على باب بيتهم :blink: والله بجد على باب بيتهم واكتب (قبل دخول البيت تاكد مرة اخرى انك قفلت باب الاسنسير) ولو جم قلولك اية دة يا استاذ محمود الى بتعملو دة : قولهم مهو محدش بيحس بيا يبقى لازم اعمل كدة علشان الناس تحس على دمها)

مع الوقت تاكد انهم هيبطلو يسبوة مفتوح (مهو احنا كدة منحترمش نفسينا غير لما نحس ان القلق جلنا واننا بقينا فى الخطر بدون الشعور بالاخرين تماما)

واى خدمة .. وبجد عن تجربةةةةةة

استاذ قديم ... متسمعش انت الكلام دة احنا المصرين طبعا زى منت عارف فى قمة التعاون مع بعض :ninja:

دعواتك لنا بالهداية ............

شكرا لمرركم على الموضوع وتحياتى لكم

اخوكم قاهــــــــــــــــــــــــــــــــــــــــــــرى

[قديم]

بعض المشاكل تحتاج الي حلول جذريــه سواء حلول الحب او حلول المصاعــد ..

انا لو منك يا سي محمود فتحت موضوع مستقل في المحاورات . واكيد تلاقي الف زيك بيعانو من المشكله .

هرام تحشر موضوع الاسانيير البري في الحب المتنيل . ولا نتو عايزين تهربوه للسطوح .

مهندس الحب اعمــي مفروض يعمل له اسانسير مستقل

[ابو محمود]

صباح الأنوار لصاحب مواجع الحب ..........

أخى العزيز /قاهرى ... لقد قهرنى موقف سكان العمارة بس الحمد للة انك دلتنى على الحل الا وهو ان أكتب لكل شقة ورقة على بابها ودى فكرة لازم أن شاء اللة انفذها وأخلى البواب يلصقها بغراء متشكرين ياصديقى

الأخ /قديم يعنى انت شايف أن أفتح موضوع الأسانسير دة فى موضوع مستقل طب لية أماال منهدسين ازاى وبعدين كل الطرق استنفزتها معاهم حتى التوبيخ ولاكن فكرة قاهرى دى ممتازة علشان انا هخلى البواب يطلع بعد الفجر يلصقها علشان تبقى مفاجأة المشكلة ان هذا السلوك أخذ فى الأذدياد ليية معرفش مع اننا متغيرناش (محدش اتبدل )؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :ninja: