اللى جوايا

[الاستـاذ]

فى يوم فى الصيف...فى عز الحر..وناس ملاين مايتعدوا

وشمسيات..وحضن البحر...بالف دراع بيتمدوا

وناس ماشين .. وناس نايمين..وناس قاعدين بيتغدوا

وطفل برىء..عنيه احلام ..بتبنى امال مايتهدوا

وشمس الصيف ..قالتلو كلام .. وسابت بوسه على خده

وطيارته ...دى شغل ايديه ..لا شغل اخوه ولا والده

تقع مره ..وكمان مره ..يطيرها كمان برضه

ولا بيمل ..ولا بيكل ..ولو كان الهوا ضده

يقوم تانى..ويتحداه ..يعاند فى الهوا عنده

ولما تطير ..البه يطير .. من الفرحه ومين قده

دى طيارته ..دى حلم كبير ..بتقوى عليه وبتشده

ومهما تروح .. لفين هتروح ..يشد الخيط تعود عنده

يا طفل برىء..عايش فيّه ..مهما سنينى بيعدوا

وفى ليّه ..سنين جيّه...سؤال معرفش ايه رده

يا الب نضيف..وحلم وطيف..ويوم ميهمنيش بعده

يا الب ربيع ..معدش رضيع ..وفتّح فى الحياه ورده

هتبقى صغير ..وانا بكبر ...بتمسح فى الشتا برده

انا عمرى ..حاجه وعشرين ..وعمرك تسعه ماتعدوا...............

سيظل يسكننى هذا الطفل البرىء الى ان اموت ...............!!

تم تعديل 20 نوفمبر 2007 بواسطة الاستـاذ

[Alex Lover]

جميييييييييييل جدا ولها نغمه بتهز القلب .. ده طبعا تاليفك .. ارجو ان لا تبخل علينا بالمزيد

وشكرا

[shahd]

فكرة جميلة وكلمات رقيقة

[امانى]

كلماتك بسيطة لكن معناها جميل تدخل القلب بسهولة 0 تسجيل متابعة والى المزيد

امانى

[Doofy]

===============================================================================

الأستاذ

صدقني لو كنت محمد منير كنت غنتهالك

لكن بلا شك اسلوب رائع

وتصوير يمس كل طفل يعيش في الذاكرة

واصطف مع الجميع المنتظرين للمزيد

تحياتي

:

:

تم تعديل 8 ديسمبر 2007 بواسطة Doofy