استشارة رومانسية...

[بنت شعنونة]

اختكم في الله اتدبست في عزومة اتنين من اعز اصدقائي اتخطبوا قريب :D

وانا عازماهم بمناسبة الخطوبة :roll:

فا من فضلكم اللي يعرف مكان يكون شاعري كدا و رومانسي في القاهرة يقولي عليه

عشان اعزمهم فيه وازوغ انا بعد كدا :wink:

وهما يكملوا القعدة :wink: :lol: :lol:

بس و النبي يبقى سعره مهااااااااااود

احسن الحالة جيم خالص معايا اليومين دول :(

وحسنة قليلة تمنع بلالالالالالالاوي كتيرة

ودبرووووووووونني الله يكركم :)

[moody00x]

مطعم الركييب فى الحسين كوارع ولحمة راس

كشرى من عند أبو طارق

فول وفلافل من عند التابعى

أظن أماكن كللها رومانسية أهيه

:lol: :lol: :) :D

[Hassan]

مطعم الركييب فى الحسين كوارع ولحمة راس

كشرى من عند أبو طارق

فول وفلافل من عند التابعى 

أظن أماكن كللها رومانسية أهيه

:lol:  :lol:  :)  :D

لاء و رخيصة كمان .... :D :D :D

[Faro]

مجلس الشعب

علشان تقدري تزوغي

[بنت شعنونة]

:lol: :lol: :)

حسبي الله ونعم الوكيييييييييل فييييييييييكوا

كوااااااااااااارع ولحمة رااااااااااااااااااااسسسسسس

:D :D :D

بقولكوا مخطوبين جدييييييييد

مش طالعين على الأرافة جدييييييييييد :(

وبعدين انا قلت مهاااااااااود

بس مش قوي كدا يعنيييييي :D :D

انا فكرت في السفينة سكارابية اللي قدام شبرد او كريستال اللي علىالمعادي

هما جمال قوي وفظاع ومكان شاعري

بس عيبه انه فيه رقاصة وبتاع

وانا مش عاوزا كدا :?

يعني لو مشيت على شوية مزيكا هادية وشوية شمع كان عجبهم اكتر

حديعرف مكان رومانسي بجد

حسن ومودى

اطلعوا انتواااااااااا منهااااااااااااا :twisted:

الرومانسية بتاعتكوا خرفااااااااااني خالص

ودي بنوتة حبوبة خالص مش عاوزا اجيبها تخلف :D

[حشيش]

الكوفى شوب بتاع لوكاندة مصر الكبرى بالعتبة :lol: :lol: :)

[بنت شعنونة]

:?

ها اقتلكم

:twisted: :twisted:

اتكلموا جد شووووووووووية :lol: :lol:

العزومة قربت وانا محتاسا

:? :twisted:

[حشيش]

شعنونة حتكلم بجد...فى عدة أماكن:

الكوفى شوب بتاع واحد من الفنادق التالية:

1-سميراميس انتركونتنتال اسمها Day & Night على ما أذكر.

2-ميريديان المطار وعادة بيكون فيه باند.

3-فندق الموفنبيك بطريق المطار.

4-فندق البارون بمصر الجديدة.

سيتكلف الفرد من 50-75 جنيه تقريباً :roll: :roll: :roll:

[بنت شعنونة]

يا عيني عليك يا حشيش :)

الله ينور يا فندم :wink: :D

المشكلة انه

لما انا كنت عندهم هناك عزموني في مكان اسمه جنجل jungel

في اسكندرية (هما اسكندرانية علىفكرة)

وكان مكاااااااااااان خراااااااااااافي :lol:

فكان نفسي اعزمهم في حتة خرافة كدا برضه :lol: :roll:

[moody00x]

أهو إحنا كده يا مصريين وعماليين نوجع قلبنا من زمان ونقول شجع بلدك وبلاش عقدة الخواجةاللى جايبانا ورا... :lol: :lol:

مالها الكوارع بقى ؟مش أكلة شعبية هى صحيح ليها طريقة أكل يمكن ماتكنش رومانسية قوى لكن ليها فوايد كتيره عاللونجرن

:wink: :twisted: :twisted: :twisted:

بقولكوا مخطوبين جدييييييييد

طب ماكويس ..كده حتى يعيشوا المستقبل بعيون الحاضر

:) :D :D

انا فكرت في السفينة سكارابية اللي قدام شبرد او كريستال اللي علىالمعادي 

هما جمال قوي وفظاع ومكان شاعري 

بس عيبه انه فيه رقاصة وبتاع 

وانا مش عاوزا كدا

سكارابية ايه بس وكريستال ايه بس؟؟...إنتى مش قلتى الحالة جيم وألأماكن دى برضه محتاجة تكونى تقيلة ياعنى مش أقل من 12 ولا 13 جنيه ليكو انتو التلاتة :D :D :D

وبعدين فيه رقاصة كمااااان ياعنى ممكن الليلة تقلب دراما طبعآ الراجل ممكن ببراءة يكون بيبص على الجرسون عشان عايز يشرب تروح هيا لامحه إتجاه نظرة ساعدته وطبعآ لو حلف لها بكككل ألأيمانات إنه كان بيبص فى إتجاه تانى خالص مش هاتصدقه....وطبعآ ساعتها حضرتك هتكونى مطالبة بالوقوف مع محور واحد فيهم....يا لههههوى دى قلبت ضلمة خالص :D :lol: :lol: :lol:

أنا مالييش دعوة

[بنت شعنونة]

ههههههههههههههههههههههههههه

والله يا مودي

بعد خوفي من الذنب طبعا

انا خابفا يحل كدا بجد

لأنه اكيد ها يسيب البنية ويبحلق للرقاصة

والمصيبة انها هناك بتلف على الترابيزات ترقص كل راجل لوحده :wink: :wink:

يعني اختكم في الله ها تاخد علقة

اما عن تمن التيكت سعدتك

فهو 100ج للفرد

وانا كنت ها احجز 2 تيكيت واقعد شوية معاهم برا وبعدين اسيبهم يكملوا الرحلة لوحدهم

:lol: :lol:

عشان ما ادفعش 100ج ليا واركب دش على دماااااغي لمدة ساعتين

هوا انا بعزهم اه :roll:

بس مش لدرجة دش يعني :)

اريد حلالالالالالالالالالالالا :(

[Cleo]

حديعرف مكان رومانسي بجد

فيه مطعم فرنساوى جديد فاتح فى مركبة نايل سيتى اسمه "بروفينس" أكله حلو قوى و سعره مش غالى أوى و الview من هناك فظيييييييييييييييييييييييييييييييييييييييييييييييع............

[kokowawa1979]

أنا في رايي يادكتورة تديهم حقهم ناشف أحسن طالما إنك مزوغة مزوغة وهما يختاروا المكان الرومانسي اللي يحبوا يقعدوا فيه :lol: :lol: :) :D :D :D

[kokowawa1979]

الواحد لما قرا المداخلات والأماكن المذكورة حس إنه مش عارف حاجة في مصر :? :wink: :wink: :twisted: :twisted:

[بنت شعنونة]

والله يا اخ كوكو فكرت فيها بجد

بس لولا الأحراج :roll: :lol:

وعن الاماكن

ييييييييييييييييييييييييييه

حدث ولا حرج

دااحنا مش من هنا اصلا :lol: :roll: :(

[عادل أبوزيد]

الإختيارات التى عرضت عليكى كلها جيدة و تتفاوت كنت أريد أعرض عليكى شللى فى المعادى مكان هادى و رومانسى و ابن حلال.

لكن حضرتك تريدين مكان خرافى ...!!!!! يمكن اقتراح الفاضلة كليو يكون خرافى فعلا بمعيير .....

أنا شخصيا عجبنى شيللى فقط لم أكن أبحث عن مكان خرافى كنت أبحث عن مكان استطيع الحديث فيه بخصوصية مع نوعية راقية من الطعام و الخدمة.

ليتك عندما تستقرى على مكان "خرافى " تذكريه لنا و ليتك أيضا تصفى ما دار فى تلك العزومة "الخرافية " فى هذا المكان " الخرافى "

[بنت شعنونة]

:lol: :lol: :)

احم :roll:

انا احرجت (بضم الألف) بالذوق.. :D

المكان الخرافي اللي بقول عليه دا كان عبارة عن جزء من الطبيعة

فيه شلالات و شجر صناعي على طبيعي وانهار بتعدي من جنبك و ممرات من الصخور و كباري بالحبال وطاولات رخامية مرصعه بالزان واضائة خافتة و سوفت ميوزك في كل المكان

وهوا مكان مفتوح يعني منك للسما

وسمك في الأنهار و البشاروش ذو اللونين الابيض و الزهري في البحيرة الصغيرة

وفي الشتا دافايات شكلها جميل قوي عشان تدفي المكان المفتوح :roll: :roll:

يعني مكان رقيق جدا بكل المقاييس :roll:

دااللي كان قصدي عليه خرافي

واكله شيك جدا و التقديم اكتر من 5 نجوم

فعلا مكان خطير :roll:

[moody00x]

فين المكان ده فى اسكندرية بالظبط؟

[ابو حلاوه]

ايام الكلية كان الامور و ....الجحش .... و شاكر بتاع الكلاب اقصد بتاع الكباب في مصر الجديدة من احلي الاماكن اللي كنا بنروح نتعشي فيها ..... اه الله يرحم .... و حششششاننننني يا مصر ..... و احشني يا جحش .......

[بنت شعنونة]

موودي

jungel

داجنب جاردينا جنب الملاهي الجديدة اللي على اول الطريق الصحراوي

وبيقولوا في اخر سموحة قبل ما تمسك الطريق

:roll:

اللي يروح يدعيييييييلييييي

ويعزمني بالمرة

بس انا عزومتي كاااااااااش

ابعتولي حقي نااااااااشف

:lol: