استشارة رومانسية...

[Rabso]

كان هذا المكان يدعىClub 36 على ما أتذكر و هو الطابق الأخير بفندق شيراتون الجزيرة، و هو ما يدعى اليوم ٌRumors Piano Barو بالمناسبة كان وقتها الحد الأدنى عشرة جنيهات للفرد. أنصحكم بتجربة هذا المكان أذا ما ظل على ما عهدتة بة

الاخ الرومانسى الجميل

الكلام ده من امتى ؟؟؟؟

50 سنة مثلاً

على ما أتذكر إن Club 36 إلا إذا كانوا نقلوه و ما حدش قال لي :?

كان فيه بيانيست هايل .. و أنصح بالمكان ده إذا كان لسه موجود.

هيييييييييه دنيااااااااا ... كان مكان مفضل ليا أنا و مدام رابسو :lol: :lol: :lol: :lol:

[kokowawa1979]

بصراحة بقى أنا شامم ريحة زيس ( زي مابيقولوا على معدي ومقدمي البرامج بالتليفزيون ) وكل واحد عمال يعلن على إسم المحل اللي على مزاجه وببلاش كمان !!!!

انتم قابضين واللا إيه من أصحاب المحلات !!!! :lol: :lol: :lol: :lol:

[kokowawa1979]

عندما كنت أقيم فى القاهرة، كنت أستمتع بعصير الطماطم مع قليل من الملح و الفلفل فى مكان غاية فى الشاعرية و الجمال، على ضوء الشموع و أنغام البيانو الحالمة، و وردة بلدى حمراء يفوح عطرها من على منضدة صغيرة فقط

شيراتون الجزيرة، و هو ما يدعى اليوم

ٌRumors Piano Bar

فيه Cortigiano بالدقى وهو مطعم إيطالى

أناجالي اكتئاب بصراحة من الأسماء دي ده على كدة الوحد يعتبر رف بالقوي لأنه حاسس إن الأماكن اللي زرها ماكانتش رومانسية! :twisted: :twisted: :twisted: :twisted: :twisted:

[Farida]

فيه مكان فى الزمالك اسمه فور كورنرز جميل و شاعرى بس مش فاكرة كان ورا نادى الجزيرة مش فاكرة فين بالضبط و فيه حد ادنى للطلبات يمكن 30 جنيه بس الكلام ده كان من يجى من 8 سنين كده

و فيه كمان مطعم الأمم فى برج الرياض فوق الألفا ماركت اللى عند كوبرى الجامعه

[Katamando]

أعتقد الوصلة دي فيها الشفا يا شانا

فيها أماكن كتير وكمان تروحيها ازاي

http://www.cairolocator.com

وعلى فكرة جنغل اللى في اسكندرية ممكن استبداله بالميريلاند بالقاهرة وياريت صباحاً علشان الجو يبقى أحسن من البرد بالليل

وفي المعادي في مكان هادي وصغير ومش باين بس هايل وبيقدم أكل متنوع ومستوى الخدمة هناك رائع وهو مطعم اسمه بيكين موجود في آخر شمال بعد النزول من الكوبري المؤدي الى طريق الكورنيش يعني قبل التقاطع

[White heart]

على ما أتذكر إن Club 36 إلا إذا كانوا نقلوه و ما حدش قال لي :?

كان فيه بيانيست هايل .. و أنصح بالمكان ده إذا كان لسه موجود.

هيييييييييه دنيااااااااا ... كان مكان مفضل ليا أنا و مدام رابسو :D :D :lol: :lol:

عزيزى رابسو

أشكر لك يقظتك، و أعتذر عن خطأ تحديدى للمكان، فقد أختلط على الأمر، ربما لأشتراك الفندقين فى بعض الصفات، مثل ارتفاعهم، قربهم لبعض، لا أعلم تحديدا و لكن هذا يفسر لى لماذا لم أجدة على النت، ووجدت بدلا منة هذا Rumors Piano Bar وعند استعراضى لموقعهم على النت (ثلاثى الأبعاد) خيل الى انة نفس المكان الذى أعتدت زيارتة من أن لأخر، و قد تم عمل بعض التعديلات علية، منها الأسم، فلقد كنت أبحث عن الأسم الصحيح، و لكن فى المكان الخطأ. ولكننا فى النهاية نتفق على جمال المكان، و صدقونى كنت أدفع فقط عشرة جنيهات كحد أدنى، و لقد اثرتم فضولى فى معرفة قيمة الحد الأدنى الأن؟

أشكرك ثانية عزيزى رابسو

[ســيد مرزوق]

شوفي يا دكتورة ....

أنا نصحتك ببلاك هورس في المقطم .... ماعلقتيش عليه ... :roll:

مادام مش عاجبك ؟؟؟؟؟ يبقى تروحوا مطعم رائع تاني مش هلتلاقي زيه في مصر كلها ....

بس المشكلة مش فاكر اسمه ...

وأيضا باحاول أفتكر هو فين بالتحديد ..

عموما هو مكان أكثر من رائع .. ياريت تسألي على عنوانه

هاتنبسطوا أوي أوي هناك

وأدعوا لي :wink:

[بنت شعنونة]

اشكركم جميعا من قلبي والله

:D

واتضح لي من كلامكم ان اللحظات الجميلة وتذكرها ينعش القلب والقلم

واننا جميعا نفتقد الرومانسية قلبا وقالبا...

:(

[إبن مصر]

السلام عليكم..

معلش يا جماعه كنت فى سفريه شغل ولسه راجع النهارده المهم فيه حاجات كتير حصلت وانا غايب وربنا يقدرنا على الخير ... المهم..

بصى بقى يا شعنعن

1- ريتش كلوب .. وده موجود عند كوبرى الجامعه فى عماره بنك مصر الدولى..غالى شويتين بس كلاس..

2- فور سيزونز فى شارع مراد فى فندق فرست وبرضه كلاس و راقى ورومانسى ..

3- فندق رويال مريديان ( الجديد ) المطعم الدائر منظر خرافه وهدوء ورومانسه ( واعملى حسابك على 400 ج على الاقل) وشايفه كل مصر منه ..

4- مطعم بكين فى محى الدين ابو العز ( كل اضائته على الشموع والاكل كله صينى صحى والمكان غايه فى الرومانسيه..

5-المطعم الهندى فى فندق مينا هاوس ( الهرم ) حدث ولا حرج هلى الرومانسيه والمغنيه الهنديه والاكل الهندى ...

6- مطعم بكين برضه له مركب فى النيل عند مصر القديمه وما فيهوش رقاصه..

كفايه دول عليكى دلوقاتى وربنا معاكى ....

ابن مصر

[Set_Amina]

مع اني رومانسية لدرجة العبط بس انا شايفة ياشونشن انك تعبة نفسك في البحث على مكان رومانسي مع انك هاتكوني معاهم (عزول يعني) :D ولذلك رأيي المتواضع انك تعملي اكل في البيت، هاتكوني براحتك والقعدة بسيطة ومريحة وبفرق السعر ياستي ابقى اشتري بيهم هدية للعروسة، حاجة لبيتها في المستقبل مثلا، وبلاش حكاية 400 و500 جنية في أكلة برة ومش مضمونة كمان.

لو كانت صاحبتك مش عايشة في مصر كنا قلنا اهي بتتفسح وتتفرج على جمال مصر لكن هي وانتي في مصر يبقى لزومه ايه التكاليف دي كلها؟ كل اللي ممكن تعمليه انك تيجيبي حد يطبخلك لو انتي نص نص في المطبخ :D ولو كنت في مصر كنت جيت ساعدتك. بلا مطاعم بلا دياولو. :lol:

[بنت شعنونة]

ابن مصر

الف الف شكر :D

وشكلي ها اروح اشوف فور سيزنس دا شكله يه

ويا بختك يا بنت مصر :wink: :D

المهم مايطلعش الموضوع كلالالالالالالالام بس زي كل الأزواج المصريين المثااااااااالييين :twisted: :lol:

ست امينة

اكتر حاجااحبها انه اعمل جو لحد ويعجبه

عشان كدا بدور وادعبس على افضل شيء

واللحظات الحلوة اهم كتييييير من هدية

خصوصا انها ها تفتقد الرومانسية دي بعد الجواز

ف خلي البنت تلحق شوية قبل ما تتجوز وتكتأب :lol:

انمالو انا عزمتهم في البيت ها نقعد ساكتين وهما كمان

لأني برضه ها اكون لوحدي في البيت :?

وهما اسكندرانية وهي فرصة اوريهم شكل اخر للقاهرة :lol:

واهو كله بثواااااااابه :lol:

[إبن مصر]

:D :D

على فكره انا قلت الاماكن الى ليا فيها احلى الذكريات مع بنت مصر ربنا يخليهالى يا رب ....

وعقبالك يا شعنعن :lol: :lol:

ابن مصر

[linux]

وهما اسكندرانية  وهي فرصة اوريهم شكل اخر للقاهرة :)

واهو كله بثواااااااابه :D

طيب افتكرى تجيبلهم فيزا علشان يعرفوا يدخلوا القاهــره :wink:

[بنت شعنونة]

ما شاء الله الله اكبر عليكم يا ابن مصر

ربنا يحميكم ويحفظكم من العين ويخليكم لبعض ويرزقكم السعادة ان شاء الله :roll: :)

ليونكس

تعالى يا صديقي في الكفاااااااااااح

ايوايا عم ما دااللي ناا واخدا منك تريقأه وبببببسسسسسس :twisted:

ما انت نفدت بققققققىبعد ما وصلت

الوان وخط كبير وغير وكلالالالالالالالام كببببببببير :D

[linux]

ليونكس

تعالى يا صديقي في الكفاااااااااااح

ايوايا عم ما دااللي ناا واخدا منك تريقأه وبببببسسسسسس :twisted:  

ما انت نفدت بققققققىبعد ما وصلت

الوان وخط كبير وغير وكلالالالالالالالام كببببببببير :)

ده كلام برضه؟ من فات قديمه تاه! انا لسه يادوبك بئول الف به فى المنتدى...

ثم انى راجل غلبان جدا ونصايحى مش ها تنفعك اوى ...

يعنى ايام الشقاوه ... وده من حوالي سبعميت سنه كده ... الرومانسيه بالنسبه لى كانت مثلا سميط ودؤه ... سااااندااوتش كبده اسكندرانى من على عربيه الواد ابو سريع شطه ...

او رغيف حووواووشى من عند الدهان ...

اما بالنسبه للاماكن الشاعريه خدى عندك:

قعده على الكورنيش قصاد عزبه الناسانيس...

ركوب كرته بيجرها بغل فى شوارع درب المهابيل ...

فسحه جميله واحنا متشعلائين فوق سطح قطر اشنوش البلد ...

ها ... كده كويس و لا سوكاتى كان ارحم؟ :D :cry: :)

[Excellence]

إيه رأيك تسنجأيهم بمركب شراعي في النيل قبل الغروب بساعة كده

(حوالي 20 جنيه)

مع كيلو ونص كباب مع السلطات و التحابيش و ما إلى ذلك

(آدي كمان 70 جنيه)

و ممكن تبقى أحلى لو الجدع المراكبي شغل لهم شوية أغاني للست

(ممكن بعلبة سجاير سوبر أو كيلوباترا عادة)

كدة تبقى تري سونتيمونتال

[se_ Elsyed]

الله يسامحك يا ست أمينة ضربتي كرسي فى الكلوب وخرجتينا من الجو الرومانسي الجميل ، يا شيخة ده انا عن نفسي كنت عمال اتخيل إنى قاعد فى الاماكن اللى الشباب بيتكلموا عنها دى واللى أساميها ملعبكة وعمله زى أسامي المضادات الحيوية ، تيجي أنتي تقولى لشعنونة اعمليلهم محشي وخليهم يقعدوا فى البيت :(

ناقص تقوليلها خدي سلطانية الفول واخطفى رجلك لحد محل نجف اللى فى شارع رمسيس وهاتلهم بجنية فول على نص جنية طعمية وشوية طرشي وتبقى العملية قشطة على كده واللى يفضل من الأكل عبهولهم فى ساندوتشات يأخدوها معاهم وهما راجعين أسكندرية وزيادة فى التوفير خليهم يسطحوا على القطر علشان يبقى الجو شاعري أكتر :lol:

إتكلي على الله يا شنشن وخديهم أى نيل كروز خليهم يتبسطوا واقعدى معاهم - هما مش ناقصين حب - علشان تبقوا تفتكروا الذكريات الحلوه دى بعد كده وعلشان كمان صحبتك لما تقولك فاكره لما عزمناكى فى كازيون الجنجل تقوليلها طب ما أنا رديتهالكوا فى القاهرة إحنا بنتكلم يعني مش بنمن على حد :twisted:

[Set_Amina]

الله يسامحك يا ست أمينة ضربتي كرسي فى الكلوب وخرجتينا من الجو الرومانسي الجميل ، يا شيخة ده انا عن نفسي كنت عمال اتخيل إنى قاعد فى الاماكن اللى الشباب بيتكلموا عنها دى واللى أساميها ملعبكة وعمله زى أسامي المضادات الحيوية ، تيجي أنتي تقولى لشعنونة اعمليلهم محشي وخليهم يقعدوا فى البيت  :( 

ناقص تقوليلها خدي سلطانية الفول واخطفى رجلك لحد محل نجف اللى فى شارع رمسيس وهاتلهم بجنية فول على نص جنية طعمية وشوية طرشي وتبقى العملية قشطة على كده واللى يفضل من الأكل عبهولهم فى ساندوتشات يأخدوها معاهم وهما راجعين أسكندرية وزيادة فى التوفير خليهم يسطحوا على القطر علشان يبقى الجو شاعري أكتر  :lol: 

:twisted:

إيه رأيك بقى انك قلت على فكرة اورجينال وتجنن فعلا، ألا وهي الطعمية والفول ابو زيت مواتير ده :lol: بس لو شنن شاطرة تجيب الفول من الجحش اللي في السيدة زينب،، آل رومانسية آل .. جاتنا نيلة في حظنا الهباب :lol: يظهر انا لما خرجت من مصر ماكانش فيه أماكن رومانسية ولا إيه!!!

ياشنن ياختي المستفيد هو الرأسمالي صاحب المكان وحياتك وكله بيتنسي وكأنه اتغسل برابسو :lol: :lol:

[se_ Elsyed]

ياشنن ياختي المستفيد هو الرأسمالي صاحب المكان وحياتك وكله بيتنسي وكأنه اتغسل برابسو

طب كده أنتِ يا أمونة بتتكلمي فى الساسية وشكلك كده مياله للكتلة الشرقية وللرفقاء لينين وستالين بوتين ... الخ .

وبعدين ليه تجيبي فى سيرة الراجل النظيف رابسو ، ماهو قاعد فى جده كافي خيره شره ... :twisted:

[Rabso]

ياشنن ياختي المستفيد هو الرأسمالي صاحب المكان وحياتك وكله بيتنسي وكأنه اتغسل برابسو

طب كده أنتِ يا أمونة بتتكلمي فى الساسية وشكلك كده مياله للكتلة الشرقية وللرفقاء لينين وستالين بوتين ... الخ .

وبعدين ليه تجيبي فى سيرة الراجل النظيف رابسو ، ماهو قاعد فى جده كافي خيره شره ... :twisted:

حد بيغسل؟ :? .... قصدي حد بينده؟ :oops:

:oops: :D :D :lol: :lol: :lol: