حملة ضد التسقيع

[se_ Elsyed]

قشطه قوي ... وبصراحة أفلح إن صدق

جريدة المساء 23/11

المغربي بدأ المواجهة

سحب 2 مليون متر بالمدن الجديدة..من مافيا تسقيع الأراضي

تقاعس أصحابها عن البناء.. وخالفوا شروط التعاقد

كتب- جمال العليمي:

بدأ المهندس أحمد المغربي وزير الإسكان والمرافق والمجتمعات العمرانية مواجهة مافيا تسقيع الأراضي التي تستهدف الاتجار بها لتحقيق الربح الوفير.. قرر سحب أكثر من مليوني متر مربع من أراضي الإسكان بالمدن الجديدة من أصحابها مؤخرا لتقاعسهم عن البناء والإخلال بشروط التعاقد.

أكد المهندس أحمد المغربي أن الأراضي التي تم سحبها إما بسبب استلامها ولم تستخرج لها تراخيص البناء وإما بسبب وجود مستحقات متأخرة لأكثر من قسطين.

أضاف أن الحصول علي الأراضي وتسقيعها وإعادة بيعها مرفوض تماما لأن ذلك يتعارض مع فلسفة التنمية في المدن الجديدة مؤكدا أن من يشتري الأرض عليه أن يقوم ببنائها وإلا سيتم سحبها منه فورا.

وشدد علي ضرورة الالتزام بالبناء علي الأراضي التي تم حجزها خلال الفترة المحددة عند التعاقد.

ياريت كمان تتكامل هذ المجهودات مع تجار أراضي القُرعة .... وعلى المحور الأخر الـ 6 مليون شقة المغلقين في مصر ومش لاقيين اللي يسكنهم ..

يبقى كده بإذن الله كل صاحب عقار هايحضر البخور ويبخر الشقة زي زمان عشان ييجي لها ساكن

[ahmedarab]

زى ما قولت يا عزيزى سين سين

أفلح إن صــــــــــــــــــــــــــــدق

وعلى فكرة المسؤل عن دة مش وزير الاسكان ولا الحكومة ..المسؤلية الاكبر بتقع على الناس المشترين والتجار اللى بيشتروا شقق وأراضى يتاجروا فيها

[se_ Elsyed]

زى ما قولت يا عزيزى سين سين

أفلح إن صــــــــــــــــــــــــــــدق

..المسؤلية الاكبر بتقع على الناس المشترين والتجار اللى بيشتروا شقق وأراضى يتاجروا فيها

ليه يا عم احمد ؟

ما اتفرجتش على مسرحية تحيه كاريوكا و بدر الدين جمجوم وفايز حلاوه والفنان الكوميدي سيف الله مختار - مش فاكر إسم المسرحية - لما كان له لازمه مشهورة طوال المسرحية لما أبوه كان بيقول له : بقى يا واد تشرب 26 قزازة بيبس مرة واحده ؟

فكان بيجاوبه ويقول له : ساقعه وحلوه ما أشربش ليه

أهم التجار بيقولوا كده ... ما هم بيعملوا حاجه لا هي عيب ولا حرام

والغلط على الثغرات والطرمخه بتاعت الحكومة

[ahmedarab]

والله يا استاذذ سين سين كلامك برضة مظبوط

بس تفتكر اية هي الالية او الاسلوب الامثل اللى ممكن يتبع للحد من الظاهرة دى ؟؟؟؟؟؟

[ahmedarab]

يعنى مثلا مش ممكن انك تغصب على واحد عندة شقة انة يبيعها او يسكن فيها

بس بخصوص موضوع الاراضى فدى سهلة واعتقد انها مقننة بجدول زمنى لتصريح البناء ونسبة الانجاز فى المشروع

لكن زى ما حضرتك قولت الطرمخة والمصالح ...... و اة من المصالح .........كل فى بلدنا بيمشى بالمصالح

ولا عزاء للى ميعرفش فى المصالح

[se_ Elsyed]

والله يا استاذذ سين سين كلامك برضة مظبوط

بس تفتكر اية هي الالية او الاسلوب الامثل اللى ممكن يتبع للحد من الظاهرة دى ؟؟؟؟؟؟

وزارة الجباية او المالية كانت بتفكر في فرض عوايد - ضرايب عقارات - عالية على الشقق المغلقة .. لكن الموضوع لو تم بطريق عبيطة كالعبط الذي تمارسه دايماً الحكومة فهايكون له عواقب وخيمه ورد فعل غاضب من ناس كتير

وبالتالي الموضوع محتاج دراسة وفرض عوايد معقولة تدفع صاحب العقارات دي إنه يأجرها للتخلص من دفع مبالغ وتكاليف هو في غنى عنها ...

لكن أنا خايف العاطل يروح في قلب الباطل ويدفع الثمن الإنسان الغلبان اللي كل اللي حيلته شقة وقافلها لإبنه أو بنته او قافلها لإنه مسافر بره زي حالاتنا كده ...

وزي ما قلت الموضوع محتاج دراسة وكل حاجة لها علاج وحل أكيد

[ahmedarab]

بالظبط كدة كلامك يا استاذ سين سين

لانهم غالبا لو قرروا اى قرر بيكون من غير دراسة والتنفيذ بيكون مضر اكتر منة مفيد

لانهم بيقرروا قررات هبلة وتطبيقها بيتم عن طريق ناس عندها حول ..... :ninja:

فكرتنى بالنكتة بتاعت الراجل الاحوال اللى عندة عصفورة حولة ....... الراجل مسك العصفروة عشان يحطها فى القفص وطبعا كانت ايده مش فى القفص خالص ....قامت العصفورة طاير وداخلة فى القفص ؟........... :blink:

[نبيل محيسن]

السلام عليكم

الحل الامثل لتلك القضية خصوصا ومشكلة الاسكان عموما فى ورقة العمل المقدمه فى المنتدى تحت اسم " نهاية مشكلة الاسكان الان " من كافة الوجوه وليحذر الجميع ان مصر ستدمر مع اواخر هذا القرن ان استمر المفهوم والاساس الحالى لسياسة الاسكان لا محالة .

اود ان اقول ان فرض ضرائب على الشقق الفارغة فقط لن يحل القضية بل سيزيد من مشكلة الاسكان الا اذا جمعت فى صندوق لاعطاء قروض ميسرة للراغب فى البناء واذا حدث فرض ضرائب فقط فتكون مجرد جباية للاموال

[فيصل رافت]

الوزاره شده حيلها على تجار الاراضى وبتفوت للى على مزاجها عندك اراضى كتير اوى انا اعرف اصحابها شخصيا بقالهم اكتر من قسطين مادفعوش ومفيش حاجه حصلت ليهم ليه بقى !!!!!!!!!!!!!!!!!!!!!!!!!!!!!!!! كله فى الهجايس

[عادل أبوزيد]

تصورى الشخصى طالما هناك قصور فى حجم المعروض من الأراضى و قصور فى المعروض من الأفكار الإستثمارية فستظل السوق السوداء قائمة فى الأراضى و ستظهر مئات المحاولات لإجتذاب الأموال الفائضة لتوجيهها لفرص إستثمار من قبيل توليد الدولارات أو توظيف الأموال أو ما شابهها.

ما سبق كان إستهلالا لابد منه

يبدو أن الموظفين فى حكومتنا الرشيدة عجزوا فعلا عن إيجاد آلية لوقف الإشتعال فى سوق الأراضى و يبدو أنهم فى حاجة أو ربما لجأوا فعلا "للشيخة صباح العمشة صديقة صديقنا حشيش"

و هذا تحقيق نشر صباح اليوم فى جريدة أخبار اليوم يوضح أن المطلوب هو ما ذكرته

Akhbar_07_12_01.mht

و هذا رابط الموضوع لو سمح الأخبار بقراءته فى الأيام التالية :

http://www.akhbarelyom.org.eg/akhbarelyom/.../3291/0900.html

[د محمد على]

اعتقد ان الحل ليس في معاقبة من اشتري بتوكيل و بدء في البناء لان هذا انسان جاد و ليس له اغراض تجارية

و لكن الحل في متابعة الفائز في القرعة و الزامه بالتوقيع على عدم التنازل عنها لاي شخص

الذى اعرفه ان كل اراضى القرعات القديمى الاولى و الثانية و الثالثة قد تم بيعها بموجب توكيلات

و معظم هذه الاراضي قد تم الشروع في بنائها من جانب الذين اشتروها

فهل من الطبيعي معاقبة هؤلاء الذين اشتروا و دفعو الثمن الحقيقي للارض و ليس المدعم

و ترك من باع و ربح بدون اي تعب

[se_ Elsyed]

أنا أهو وإنتو اهو إن البيع بالتوكيلات هايتم القضاء عليه ... لإن هناك طرق إلتفافية أخرى ومنها على الأقل البيع بعمل توكيلات إدارة وبين لاشاري والبائع هايبقى في ورق ضد وده إجراء معروف وشائع ... وموضوع توكيل الإدارة يبقى لأقارب الدرجة الاولى ده غير دستوري ولا قانوني ويبلوه ويشربوا ميته والحل الوحيد يكُمن في إن المشتري يلتزم بالمدة القانونية للبناء وخلاص أبيع بقى لزيد او لعبيد مالهمش دعوة

وإلا يا فرحتي واحد فاز في القرعة وبنا خلال المُدة وراح عامل عمارة تمام التمام وبايعها كلها ا تمليك ... بالله عليكم مش ده زيه زي اللي باع بتوكيل ولا لأ ؟

وبعدين اللي مش واخدين بالكم منه إن الدوله بتتبع الأيه القرآنية اللي بتقول " أتأمرون الناس بالبر وتنسون أنفسكم "

زي بني إسرائيل بالظبط ... الدولة عاملة حمله فرنسية على البيع والتسقيع والحركات وهي نفسها أم الحركات القرعة .....

وهاتكلم بالتحديد على المُدن الجديدة واتحدى إذا كانت الدولة اللي هبرت مليارات إلتزمت بما يجب عليها ان تقوم به مع السكان من ناحية توفير جميع المرافق ... ولا أقصد بالمرافق هنا مية ونور وصرف صحي .. ولكن أقصد مرافق حيوية مثل المستشفيات ورصف الطرق والتشجير والأمن والنظافة ... أنا بأقول أتحدى وأمام الجميع

بل بالعكس دول لا منهم ولا كفاية شرهم ... وما وصل إلى مسامع هذا الصيف من ناس ثقات عن إن الدولة بتلف وتدور دلوقت وعايزة تستولي على أراضي المرافق الترفيهية زي الحدائق مثلاً اللي لسه ما أتشجرتش وتحولها لأراضي بناء تنزلها في القرعة وتبيعها بمبالغ طائلة .. ده في حد ذاته نصب عيني عينك وسرقة الكحل من العين ولا لأ ؟

لإن كما قلت من قبل هذه الأراضي جميعها مميزة وتوجد في وسط المباني ولما تتحول إلى كتل خرسانية يبقى أنا كده تخليت عن النمط الغير تقليدي المُتبع في المُدن الجديدة وأبتديت أحولها لعشوائيات وأحشُر المساكن جنب بعض زي علب الكبريت ... والناس اللي دافعه لا يقل عن 15 % نسبة تميز يبقى كده اكلو البالوظة وما بقاش في تميز ولا غيره

فقبل الدولة ما تأمر بالمعروف وتنهى عن المنكر ... عليها هي أولا أن تكون قدوة للشعب .