مأساة فعلا .. لغم لكل ثلاثة مصريين .!!

[Proud Muslim]

لم اكن اتخيل يوما أن الألغام في منطقة العلمين و ما حولها من مخلفات الحرب العالمية قد تصل الى هذا العدد الرهيب !! :(

http://islamonline.net/Arabic/science/2003...Article05.shtml

و لكن أليس من المفروض ان تطالب مصر بتعويضات عن تلم المآسي ؟؟

[Faro]

لقد طالبت الحكومة وحفيت أقدامها وكان الرفض هو الإجابة .

[ragab2]

للأسف

لم تسعى الحكومة سعيا جادا لدى دول الحرب العالمية لازالتها

والمفترض أن تخصص لجنة دائمة لهذا الغرض

[Cleo]

سؤال منغص عليا عيشتى.......

هو يعنى معقول إن مصر و جيشها معندهاش الإمكانيات العلمية و لا البشرية اللى تخليهم يستخرجوا هذه الألغام ولو بالتدريج.... يعنى منطقة صغيرة فى منطقة صغيرة حتى يتم تطهير العلمين كلها؟؟؟

طيب نايل سات 1 و نايل سات 2 دول مهمتهم إيه؟؟؟ نشر برامج هالة سرحان و عدد مهول من قنوات الأغانى و الكليبات الفاضحة و بس ؟؟؟ لماذا لا يتم استخدامهم فى أغراض عسكرية و استراتيجية مثل الكشف عن الألغام و تصوير التربة فى منطقة العلمين؟؟؟؟

على فكرة أنا كنت أعمل فى شركة بترول قامت بتطهير جزء مزروع بالألغام فى مرسى مطروح من أجل استخراج البترول منه...... ما بال جيش بجلالة قدره؟؟؟

ولا هو الجيش المصرى متفرغ اليومين دول لصنع الغسالات و السخانات و البوتجازات و إقامة الأفراح و الليالى الملاح فى الدور العسكرية ؟؟؟؟؟؟؟؟؟

حد ممكن يفهمنى؟؟؟؟؟؟؟

[الطفشان]

الاخت كليو

الاقمار انواع كثير قوي

و الاقمار بتاعة الفضائيات مافيهاش اي اجهزة استشعار او كاميرات

و استبعد - و الله اعلم - ان اي قمر صناعي حتى بتاع التجسس يقدر يحدد مواقع الغام صغيرة (لا تتعدى ربع او نصف متر) و مدفونة تحت الارض

و العملية خطيرة و مكلفة، لانها تحتاج وقت طويل و جهد جهيد، و مخاطرها كثيرة ايضا

الافضل هو الضغط المستمر على دول الحلفاء و المحور و تحميلهم مسئولية وضع الالغام على ارض غير ارضهم، و ان يدفعوا ثمن التطهير، او على الاقل يساهموا فيه

[Cleo]

و العملية خطيرة و مكلفة، لانها تحتاج وقت طويل و جهد جهيد، و مخاطرها كثيرة ايضا 

عزيزى جدا الطفشان...

إذا كانت الدول صاحبة الألغام ترفض إعطاءنا الخراءط. هل البديل إننا نقعد حاطين إيدنا على خدنا و نغنى "هاتولى حبيبى" ؟؟؟ طبعا لأ...

لازم نعلن حملة قومية نبدأ فى التنفيذ و نستخدم أقمارنا الصناعية الإعلامية (يعنى معلش... الدكتورة هالة تتبرعلنا كدة ب 5 دقايق من برامجها "المثيرة" ) و نعمل دعاية كبيرة للموضوع ده...

زى ما شركة البترول دى طهرت موقع صغير ممكن الجيش يبدأ فى تطهير مواقع أكبر شوية... واحدة واحدة نطهر جزء كبير أو المنطقة كلها

التنفيذ مع الدعاية الإعلامية ممكن تخلى الدول صاحبة الألغام تبدأ تسليمنا الخرائط إما احتراما لموقفنا "الجاااااااد" أو على الأقل من باب "أنا لا أكذب ولكنى أتجمل" .. بعنى من باب تحسين صورتها أمام شعوبها و أمام المجتمع الدولى...

و على فكرة أنا سمعت معلومة لا أعلم مدى صحتها. و هى أن هذه الألغام مزروعة فى أرض رملية... و بما أن التربة دائمة التحرك فإن الخرائط التى نسعى لها حثيثا أصبحت غير ذات قيمة لأن مواقع الألغام تغيرت بفعل تحرك التربة....

ولا إحنا مش فاضيين غير لملئ جيوبنا و بطوننا من أموال الشعب و خلاص. و مش هاين علينا حتى ننقذ أرواح الأطفال اللى بتموت كل يوم فى العلمين و الساحل الشمالى بفعل انفجار الألغام فيها.... :? :?

[Katamando]

ومين قال لكم ان مصر ما بتطلبش حقها في الموضوع ده بس مصر تتبع سياسة النفس الطويل وكما بتطلب من الامم المتحدة وجميع هيئلتها بس الموضوع مكلف جداً فوق ما تتصوروا وعلشان كده الدول دي بتماطل في الدفع .... عرفتوا بقى؟