اذهب إلى المحتوى
محاورات المصريين

اضطرابات الشخصية

Cleo

بواسطة Cleo
في استشارات طبية و نفسية

 مشاركة

Recommended Posts

Cleo عضو جديد

Cleo

بتاريخ:
بتاريخ:

بما أن المنتدى يضم نخبة من أعظم علماء النفس على وجه البسيطة... فكرت أفتح موضوع تانى فى تخصصهم علنا ننال مسحة من علمهم فى هذا المجال الشيق....

بعد أن تكلمنا فى موضوع سابق عن الفصام و السكيزوفرينيا... و هى أمراض... أتمنى أن نناقش هنا ما يدعى بعيوب الشخصية...

يعنى مثلا أنا أسمع عن شىء اسمه شخصية هستيرية.. و إن ده مش مرض... و إنه عيب من عيوب الشخصية...

طيب ...... إيه هى صفات الشخصية الهستيرية... و الأسباب اللى تؤدى لإن واحد يبقى كدة... و إيه هى الأنواع الأخرى من عيوب الشخصية؟؟؟

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
  • الردود 56
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

MuslimaEgyptian عضو جديد

MuslimaEgyptian

بتاريخ:
بتاريخ:

موضوع جميل اوى يا اخت كليو وخصوصا ان من الحكمه معرفه النفس كوسيله للتغلب على ما يعوق قدرتنا فى التعامل مع الآخرين وكل ما حولنا.

ساعات كتيره بيكون هناك مشاكل فى تعاملنا مع الناس وما أسهل إلقاء اللوم على شخص أخر..ولكن يجب ان نسأل أنفسنا...كان دورى أنا إيه فى هذا الخلاف؟ والعيوب الشخصيه هى بتكون السبب ساعات (مثلا، العدوانيه، خلق دراما من لا شئ، النرجسيه..إلخ)

وهناك تعقيب هام يجب ان نعلمه ، وهو ان كلنا جميعا بنا درجات من أنواع الشخصيه المختلفه...وده طبيعى ومعلهوش خوف. العيوب اللى بتوصل لحاله مرضيه هى ما يسميها علم النفس ال

Personality Disorders ودى بتبقى مرضيه لأنها تؤثر بشكل غير صحى على حياه الإنسان..وتحطم حياته لأنه تعوق علاقاته الشخصيه والعمليه او تقف فى طريق اشياء طبيعيه تحدث فى حياه الانسان. تخيلوا مثلا الشخصيه النرجسيه اللى متعاليه على الجميع بالبيت والعمل وهكذا.

والعيوب الشخصيه المرضيه لا علاج سهل لها لأنها تتعلق بخصل ترسخت فى عمق الإنسان تميز من هو كشخص...وربما بالعلاج النفسى يحصل للشخص insight او جنى معلومات جديده لم يراها من قبل تساعده على التغيير (مثلا...آه ه ه، علشان كده انا المدير بتاعى دايما بيتشاجر معى..طيب، هحاول اغير طريقه تعاملى فى النقطه دى).

ولكن هناك شخصيات مرضيه صعب اوى يحصلها insight كالشخصيه السيكوباثيه Antisocial personality Disorder وعاده بيكون وضعوا

فى ظروف قاسيه من الصغر شكلت هذه الشخصيه. وهذا النوع من الناس عاده بيكونوا السفاحين وقتالين قتله لا يعرفون معنى أذى الاخرين..لا يستوعبون هذا المبدأ. وسأعود ان شاء الله لسرد انواع الشخصيات واكيد الاخ ابو حلاوه ان شاء الله سيضيف الكثير من التفاصيل :)

التوقيع مغلق للتحسينات :) .
رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:

شكرا يا جميلة....... :)

المايك دلوقتى مع أبو حلاوة لحد ما ترجعيلنا بالسلامة...... :D

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

شكرا لسؤالك يا كليو ...و اهو مش السؤال بخمسين جنيه ...رزقي و رزق عيالي :) :D

مداخلتك يا مسلمه مصرية قيمة جدا .. و بتشرح بالفعل جزء كبير من امراض الشخصية .. و انا بافضل كلمة امراض عن عيوب .. لان كلنا عندنا عيوب ... الكمال لله وحده....

اولا نبدا بتعريف ما هي الشخصية ..الشخصية هي خليط من العناصر المختلفة -- المشاعر -- الادراك -- الدوافع -- و هذا الخليط بيختلف من شخص للاخر ... الرغبات و تظهر الشخصية من خلال تأثر الشخص بالموقف و تاثره بها

و الشخصية كما قلت من قبل عبارة عن جزء داخلي عبارة عن مشاعر الفرد ... و جزء خارجي هو الطبع .. و الجزء الخارجي هو ما نراه و ما نلمسه عند تعاملنا مع الاخرين ... و الطبع نعرفه بانه السلوك الاعتيادي للفرد عند مواجهة مواقف معينه

ملحوظة هامة جدا ... ما اكتبه الان هو ترجمة ابو حلاوية ... و ليست لي اي فكرة عن اي ترجمة او اي مصطلح عربي معين يتكلم عن نفس الموضوع .... فانا لم ادرس هذا الكلام بالعربي

الرئيس مسئول عن كل ما تعاني منه مصر الأن

لا

رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:

اذكركم ان شاء الله ان كلنا بنا درجات او مزيج من الآتى بشكل صحى:

1. Dependent Personality

الشخصيه التى "تعتمد" على الاخرين بشكل جامد...لا تستطيع حتى أخذ قرار لوحدها..ولا تنفع فى منصب ريادى بالمره. يخافوا يعيشوا لوحديهم من غير حد يعتمدوا عليه. وبنشوف ده فى النساء أكثر.

2. Histrionic Personality

درجه الاحساس عاليه جدا أكثر من الجانب الفكرى وتكون المشاعر والاحاسيس أساس اندفاعهم وتصرفاتهم مع الاخرين. شخصيه دراميه اوى..كالأداء المسرحى. وممكن الاحاسيس تتغير مره واحده وبسرعه.ممكن الشخص ده لو من النساء، تبقى لابسه ألوان كثيره وغريبه وتفعل تصرفات تشد الانتباه لها.ممكن يتعلق بيك بسهوله وخاصا لو راجل مهم ...ويحبوا كده ان يشعروا ان العين عليهم فى وسط القاعده مثلا..بيقولوا ان مونيكا لوينسكى ذات تلك الشخصيه..

3. Avoidant Personality

خجل وكسوف من الاخرين تجعلك "تتفاداهم" لأنك بتكون مش واثق من نفسك الى جانبهم...وحساس جداااا لأقل نقد ضدك.يعنى لو حد قالك صباح الخير بطريقه مش كويسه ولا حاجه، ممكن تدمر :)

ممكن يخافوا يدخلوا علاقات جديده علشان يحموا انفسهم من فشل غير واقعى. بيكونوا نفسهم يتحبوا من الناس ..ونفسهم يكونوا علاقات طبيعيه ..بس بيتفادوها من الخوف والتردد (على عكس نوع تانى من الشخصيات بيكون مبسوط كده من غير ناس ومش بيشتكى).

الباقى آت ان شاء الله...

التوقيع مغلق للتحسينات :) .
رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:

اوبس...د. ابو حلاوه هنا..اتفضل يا دكتور...كلنا آذان صاغيه :cry::)

lol :)

:) :D

التوقيع مغلق للتحسينات :) .
رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

دكتورة مسلمة .. ارجو منك الاستمرار في مداخلاتك ... و شرح بقية ال personality disorders و انا ساحاول طرح جانب اخر و هو ما هو الطبيعي و ما هو المرضي .. و يبقي كده احنا غطينا الموضوع من زوايا مختلفة .....و عملنا دويتو هيخلي الزباين قصدي القراء يكسروا الصالة ... احم ...قصدي المنتدي :lol:

الرئيس مسئول عن كل ما تعاني منه مصر الأن

لا

رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:
دكتورة مسلمة .. ارجو منك الاستمرار في مداخلاتك ... و شرح بقية ال personality disorders  و انا ساحاول طرح جانب اخر و هو ما هو الطبيعي و ما هو المرضي .. و يبقي كده احنا غطينا الموضوع من زوايا مختلفة .....و عملنا دويتو هيخلي الزباين قصدي القراء يكسروا  الصالة ... احم ...قصدي المنتدي  :lol:

العفو يا فندم البركه فيك، انا لسه بكمل دراستى وبتدرب تحت الاشراف ..فبتمرن عليكم بقى :D

كويس إننا هنكون متعاونين الحمدلله ومش هنحارب بعض فى لقمه العيش.. :D تبقى ساعتها حكايه وتتضطر اداره المنتدى تدخل وتخصص لكل واحد فينا حاره منقطعشى على بعض فيها...:):):)

منتظرين الاستفاده من حضرتك في الجوانب التى ستشاركها معا ان شاء الله..وأى إضافات او تصحيحات هامه :)

التوقيع،

تلميذتك يا فندم :)

التوقيع مغلق للتحسينات :) .
رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

ما هو المقصود بكلمة طبيعي

لكي نعرف كلمة طبيعي سنقع امام عدة مفارقات صعبة ... فهناك عدة تعريفات لكلمة طبيعي و كل منها يختص برؤية ما للموضوع

طبيعي من وجه نظر احصائية

الاحصاء بتتعامل مع منظور الشخص الطبيعي و السليم من خلال ارقام و بيانات ... كلنا يعرف الرسم البياني علي شكل جرس

The Normal Distribution and & The Bell Curve

bell_curve.gif

في الرسم البياني باعلي بنجد الوسط ... و هو ما يمثل الاغلبية العظمي من الناس و علي الجانبين بنجد الرسم البياني و هو بيتجه نحو الاسفل اي نحو الندرة

بمعني ان الطبيعي طبقا للاحصائيات هو ما يمثله الاغلبية العظمي من الناس و ما خرج عن ذلك صار غير طبيعي .. و مثال ذلك التحاليل الطبية -- نسبة السكر و الهيموجلوبين الخ .. و في الشخصية نقيس بعض الطباع ... اللاندفاع .. العنف ... التردد الخ الخ

و لكن تلك الرؤية لها بعض العيوب .. ما هو الحد بين الطبيعي و المرضي و في اي نقطة في هذا الرسم البياني يمكننا ان نقول انها الحد الفاصل بين المرض و الصحة ... واي ان مسالة تحديد الفواصل مسالة ارتجالية في معظم الاحوال..

شئ اخر الرسم البياني بالاعلي .. يمثل مستويات الذكاء . و كلما زاد مستوي الذكاء قل العدد ... هل معني ذلك ان العباقرة مرضي لانهم ليسوا كبقية البشر .. فالاغلبية العددية في معظم الاحوال ليست كافية لتحديد الطبيعي من المريض

و توفيق الحكيم تناول هذه النقطة بشكل رائع في مسرحية نهر الجنون .. فالملك و وزيره رأوا الساحرة و هي تضع السم في النهر و تحولت المملكة كلها لمجانين ما عدا الوزير و الملك اللذان رفضا ان يشربا من النهر .. و لان الناس لم يجدوا اي مبرر لتصديق روايتهم اعتبروهم هم المجاينين

الاحصائيات قد تساعد و لكنها ليست العامل الوحيد في التشخيص

الرئيس مسئول عن كل ما تعاني منه مصر الأن

لا

رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

نييجي للمعيار الاخر... المثالية

في كل مجتمع هناك عدة معايير مثالية بيتصورها المجتمع ده لنفسه و لاعضاءه .... مجتمع الاسرة بيتصور ان الاطفال لابد انهم يكونوا شاطرين و مؤدبين و بيسمعوا الكلام و هاديين .... لكن هل الولد لو كان جن مصور و عندي احيانا معني كده انه مش طبيعي ؟؟ بالتاكيد لا ..

ممكن جدا يكون طبيعي و سليم ... معيار الصحة النفسية ليس بالضرورة هو معيار المثالية الاجتماعية ... و الا كنا كلنا صورة بالكاربون من بعض و لما يريده المجتمع منا ... و في ايام روسيا الشيوعية .. كان كل معارض سياسي بيدخل مستشفي نفسي و يعالج !!!! بالجلسات الكهربائية و احيانا بجراحات المخ frontal lobtomy ... من مرض نفسي غير موجود غير في روسيا فقط social parasite.. اي طفيلي اجتماعي

الرئيس مسئول عن كل ما تعاني منه مصر الأن

لا

رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

و هم المعايير في رايي الشخصي ان لم يكن اهمها علي الاطلاق هي قدرة الشخص علي ارضاء نفسه و ارضاء المجتمع من حوله ....

يعني اذا لم يكن الشخص يعاني و اذا كان المجتمع من حوله لا يعاني منه فلا يوجد مشكلة تستحق العلاج ......

و لنأخذ مثال بالفشْار ... ابو لمعة ... يحكي الف حكاية و رواية مزيج من هتشكوك و حرب الكواكب و روايات عبير .... و الاستاذ مبسوط و كله تمام و من حوله منسجمون تماما .... ما هي المشكلة ...؟؟

البلطجي المقيم في عزبة زقلهم ... بيحمل مطوي قرن غزال و مستعد للمشاركة جدعنة في كل خناقات الحي ... لو فكرنا قليلا ... لو كان هذا البلطجي انسان مثقف و وديع و في حاله لن يستطيع ان يكسب احترام سكان العزبة و سيصبح لعبة البلطجية الاخرين ... و اخينا لا يعاني نفسيا .. و المجتمع من حوله لا يري فيه عيوب صارخة ما هو اولاد العزبة كلهم كده ... اين المشكلة ؟؟؟؟

المختصر ... ان وضع معايير للطبيعي و المرضي امر غاية التعقيد .. و اهم ما في الموضوع ان الفرد بيستطيع ان يتكيف مع المجتمع بمهارات مختلفة بدو ن ان يعاني و بدون ان يعاني منه المجتمع المحيط به

الرئيس مسئول عن كل ما تعاني منه مصر الأن

لا

رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:

4.Narcissistic Personality

الشخصيه النرجسيه. من أصعب الشخصيات القابله للتغير. بيدوا نفسهم مكانه أكتر مما يستحقوها..أكنهم متولدشى قبلهم ولا بعدهم حد...شخصيه غير متواضعه بالمره (ممكن ميتفهموش هما ليه لازم ينتظروا فى طابور...إزاى تيجى دى!) ويعيشون على حب إعجاب الناس بهم. لا يستوعبون معنى ان اراء الاخرون قد تكون مختلفه عنهم ويأخذون هذا الخلاف بشده إذا إنتقدتهم لأنهم...simply perfect. حساسين اوى من الفشل او الهزيمه ويأخذوها بصوره شخصيه.

5. Schizoid Personality

الشخصيه الانطواءيه...المنعزله ...بروده تامه فى الاحاسيس والتفاعل مع الحياه. يفضل ان يكون بمفرده بمحض إرادته ولا يشتكى من الوحده او لعدم تكوينه أسره...وينجذب للأعمال التى لا يتعامل فيها مع آخرين.

الى جانب الاسره التى نشأ بها، ليس له علاقات او معارف خاصه وقريبه.

6. Schizotypal personality

دى بقى زى الشخصيه الانطواءيه اللى فاتت بالضبط، ولكن الفرق هنا هو غرابه شديده فى التفكير وتحليل الامور...علشان كده الاسم مشتق من الschizophrenia (الفصام) ولكن مش بيكون بنفس الدرجه اللى تخليه يتشخص بالفصام مره واحده. طريقتهم دى بتتسببلهم فى مشاكل فى العلاقات مع من حولهم. بيؤمنوا ويعتمدوا مثلا على اشياء مشتقه من السحر وعلوم الفضاء ليحللوا الامور Magical Thinking وده مممكن يخليهم يشكوا فيمن حولهم بطريقه غريبه.التعبيرات ممكن متكونش فى محلها..يعنى موقف يستدعى الفرحه يبقى عادى جداا بالنسبه لهم...زى النوع اللى قبليه بالضبط. ممكن يكونوا بيلبسوا غريب شويه او يمارسون عادات غريبه (إستشاره الناس بتوع الشعوذه بشكل دائم...كتكوووتتت) :lol:

7. Paranoid Personality

الشعور بالبارانويا إزاء كل شئ...بيشكوا بسهوله فى نوايا تغيرات طبيعيه ممكن تحدث حولهم (نقلونى من العمل، ..يبقى المدير بيضطهدنى ومستقصدنى)..مع إنهم ممكن يكونوا ناجحين بالعمل. بيكونوا غيورين زياده عن اللزوم فى ذويهم...ويتحكمون فيهم بشده وخاصا لو بيحبوا حد. ولو شكوكهم تجاه أحد تحقق ووجدوا له دليل...يا ويلك وسواد ليلك..ممكن رد فعلهم يكون عنيف وغير متوقع.

ممكن حد يعمل فعل غير مقصود تجاههم وتكون نواياهم بريئه..ولكن الشخص البرانويد يأخذها بعدوانيه شديده.

ممكن نقص ما بالانسان يدفعه للبرانويا وده طبيعى احد ما. تخيل مثلا لو انت على مقعد متحرك (عفانا الله وعفاكم) وشفت ناس بتبصلك...هتقعد تقول دول أكيد بيبصولى علشان كونى معوق وكده.

التوقيع مغلق للتحسينات :) .
رابط هذا التعليق
شارك
MuslimaEgyptian عضو جديد

MuslimaEgyptian

بتاريخ:
بتاريخ:

8. Borderline Personality Disorder

يا ربى..من أصعب الشخصيات..ولذلك يسمونها "على الحافه" ما بين المعقول والا معقول...لا أبيض عاجب ولا أسود عاجب...ممكن فى ثانيه يحبك جدا..وفى لحظه يكرهك جدا لأتفه سبب ...شديد الانفعال والغضب...مفيش شئ إسمه وسط. ميعرفش ازاى يتحكم فى مشاعره بطريقه سويه وخاصا عند الغضب...فممكن يغضب لدرجه تكسير الاطباق على راسك (ده قبل مرحله الاكياس البلاستك) :lol:. عندهم شعور مذمن بالجوفاء الداخليه ويتعطشون للتحويط والاهتمام من آخرون لشعورهم بالوحده او الهجره منذ الصغر من قبل أقرب الاشخاص إليهم...ولو سبتهم، شعورهم بالخوف يجعلهم يلجأون لتلك ردود الفعل المضطربه والعنيفه...الى درجه الانتحار كما رأيت حالات بالغرب. إللى بيعاصرهم بيقاسى جدا...

9. Obsessive-Compulsive Personalityمنظمين جدا ومعتمد عليهم جدا وبيعملوا حساب كل كبيره وصغيره ولذلك مسؤولين جدا فى عملهم وبيوتهم ومعاملاتهم مع الاخرين...ولكن، لدرجه متعبه جدا وغير مرنين بالمره. يجدوا صعوبه شديده فى تقبل التغيير...تخيل مثلا محضر لرحله وعامل حساب كل قشايه من طقطق لسلامو عليكو...ومراجع على كل التفاصيل..(الشنط، الاكل)..يقوم ييجى صباح السفر والابن نسى يملى العربيه بنزين قبل السفر زى ما راجع عليه الاب بالليل...يا ساترررررر...يا ويلك وسواد ليلك :).

يكرهوا الغلطات وعدم فعل الشئ بإتقان...وذلك يسبب لهم توتر دائم فى علاقتهم مع الآخرين.

الشخصيه دى عاده بتخليهم ناجحين جدا جدا فى عملهم وكده...ولكن قليل ما يستمتعون بثمار هذاالنجاح لشعورهم بإن بإمكانهم فعل الافضل..perfectionism.

يفضلوا العمل عن امضاء الوقت مع الاصدقاء والعائله (سيناريو صاحب الشركه الناجح) وصعب يشتغلوا مع احد لأن بيشوفوا طريقتهم هى الاصح.

مش مسرفين اوى...وصعب يتخلصوا من شئ قديم لديهم كبدله قديمه..

*الشخصيه دى غير الObsessive-Compulsive Disorder او الشخص الوسواس اللى كل شويه يغسل إيده او يفتكر انه ساب المكوه مفتوحه...فيقعد يرجع البيت مليون مره علشان يشوف قفلها ولا لأ.

الأخير داء نفسى وغير الشخصيه المذكوره أعلاها.*

10. Antisocial Personality

كما ذكر من قبل، هذه شخصيه سيكوباثيه...وعاده من اصحاب الحيل والإجرام (ممكن تلاقيه يحمل أكثر من إسم). لا يشعرون بالذنب إطلاقا عند إيزاء الاخرين وعاده يلجأون للكذب والخداع للوصول لاغراضهم..معندهمشى أحترام للقانون او اى قيود دينيه وتربويه...

إستهتار دائم...فمثلا ميقدروش يقعدوا فى شغل مده طويله فلا يعرفون كيف يتماشون مع نظام المجتمع والحياه. وعاده بيلاقوا الناس دى عندهم خلل تربوى منذ الصغر..محدش علمهم الصح والغلط...أغلبيه القتالين

وخصوصا السفاحين، كده. صعب اوى العلاج لأنه خلل عميق..هتعمل ايه مع شخص مقتنع وبيحلل ترويع الآمنين وقتلهم ولا يستوعب الغلط فى ذلك...لذلك الحل لهؤلاء عاده السجن الابدى علشان ميضروش حد ويفسدون بالارض...

وللحديث بقيه ان شاء الله...

التوقيع مغلق للتحسينات :) .
رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:

يا سلام يا سلام على المباريات النفسوية....... أيوة كدة.... ورونا الشطارة.. :oops: :oops: :D

سؤال بأة.....

كل هذا الانواع من عيوب الشخصية.... ممكن يبقى فيه شخص واحد عنده compound من أكتر من نوع من هذه العيوب، أم أن هذه الأنواع مستقلة....

يعنى ينفع مثلا إن واحد يبقى سيكوباثتى و فى نفس الوقت عنده Obsessive-Compulsive Personality ؟؟

و لو ده صحيح. إيه هى الانواع الأكثر قابلية لتشكيل كوباوند عند الشخص الواحد ؟؟؟؟؟

(من غير ضرب. من غيييييير ضرب......)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

عزيزتي كليو الحساب تقل قوي كده :twisted: :twisted: و خمسين جنيه للسؤال .. و مائتين جنيه للاستشارة ..و لا شوفنا لا ابيض و لا اسود ... طب و المرسيدس اللي انا اشتريتها امبارح دي هادفعها منين ..... :oops: :oops: :D

مضطر ارجع الشغل دلوقت ... هاجاوب بالليل ان شاء الله

الرئيس مسئول عن كل ما تعاني منه مصر الأن

لا

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:
عزيزتي كليو الحساب تقل قوي كده  :twisted:  :twisted:  و خمسين جنيه للسؤال .. و مائتين جنيه للاستشارة ..و لا شوفنا لا ابيض و لا اسود ... طب و المرسيدس اللي انا اشتريتها امبارح  دي هادفعها منين ..... :oops:  :oops:  :D 

مضطر ارجع الشغل دلوقت ... هاجاوب بالليل ان شاء الله

مرسيييييدسسسسسس..........!!!!!!!!!!

ترجعها طبعا يا أبو حلاوة........!!!!!!!!

إنت برضه بتاع مرسيدس........!!!!!!!!!!

يا راجل انت مقامك أعلى من كدة بكتيييييييييييرررررررر......

ليك عليا أول ما الموضوع ده يستنفذ غرضه أجيبلك يخت 5 ستارز.... بس إنت ورينى الهمة و إلا يطلع اليخت من نصيب مسلمة..... :D

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

كليو كتبت

ليك عليا أول ما الموضوع ده يستنفذ غرضه أجيبلك يخت 5 ستارز.... بس إنت ورينى الهمة و إلا يطلع اليخت من نصيب مسلمة.....

يخت يخت.. ابو حلاوه هيبقي عنده يخت .... ياختي عليه يختي ..

طالما الموضوع وصل لدرجة اليخت ابو ستارز نكتب للصبح ....

الرئيس مسئول عن كل ما تعاني منه مصر الأن

لا

رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

لي طلب عندك يا كليو .. ممكن نغير عنوان عيوب الشخصية .. لاضطرابات الشخصية .. ان بحثت عن كلمة تماثل troubles بالفرنساوي او disorders بالانجليزي و لم اجد افضل من اضطرابات لان عيوب كلمة عامة و شاملة

الرئيس مسئول عن كل ما تعاني منه مصر الأن

لا

رابط هذا التعليق
شارك
Cleo عضو جديد

Cleo

بتاريخ:
  • كاتب الموضوع
بتاريخ:
ممكن نغير عنوان عيوب الشخصية

ماشى كلامك.... بس يتخصم من حساب الفيزيتا...... :twisted: :twisted: :twisted:

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
ابو حلاوه عضو جديد

ابو حلاوه

بتاريخ:
بتاريخ:

نرجع تاني لتعريف ما هو الطبيعي

مثلا في الشخصية

.

Schizoid Personality 

الشخصيه الانطواءيه...المنعزله ...بروده تامه فى الاحاسيس والتفاعل مع الحياه. يفضل ان يكون بمفرده بمحض إرادته ولا يشتكى من الوحده او لعدم تكوينه أسره...وينجذب للأعمال التى لا يتعامل فيها مع آخرين. 

الى جانب الاسره التى نشأ بها، ليس له علاقات او معارف خاصه وقريبه.

تلك الشخصية المنطوية علي نفسها و التي تتململ من كل احتكاك اجتماعي و تراه مشكلة لابد من تجنبها و عبا يستحسن تجنبه ...

سنجد كما كتبت مصرية مسلمة ان هؤلاء عادة ما يختارون مهن لا يوجد احتكاك فيها مع الناس ... المعامل... برمجة الكمبيوتر و غيرها .

الراجل لا يؤذي احد و لا يسبب مشاكل لمن حوله و لا يعاني -- انا مبسوط كده ... انا مرتاح كده----

هل معني ذلك انه غير طبيعي ... و هل معني ذلك ان الاستاذ يحتاج للعلاج بالعافية ... بالطبع لا

.

2. Histrionic Personality 

درجه الاحساس عاليه جدا أكثر من الجانب الفكرى وتكون المشاعر والاحاسيس أساس اندفاعهم وتصرفاتهم مع الاخرين. شخصيه دراميه اوى..كالأداء المسرحى. وممكن الاحاسيس تتغير مره واحده وبسرعه.ممكن الشخص ده لو من النساء، تبقى لابسه ألوان كثيره وغريبه وتفعل تصرفات تشد الانتباه لها.ممكن يتعلق بيك بسهوله وخاصا لو راجل مهم ...ويحبوا كده ان يشعروا ان العين عليهم فى وسط القاعده مثلا..بيقولوا ان مونيكا لوينسكى ذات تلك الشخصيه..

الشخصية الهيستيرية ... عبارة عن انسان او انسانة بيعيش مسرحية باستمرار ... هو النجم و المخرج و المؤلف ... و لابد ان يكون محط الانظار و الاهتمام باستمرار .... السطحية و عدم القدرة علي البلورة العميقة تمثل جزء من مميزات هذه الشخصية

و اذا نظرتي لنجوم الاذاعة او التليفزيون من ماما زينب لعمو تامر .. ستجدي المجال الفني ملئ بتلك النوعية من الناس ..

Paranoid Personality 

الشعور بالبارانويا إزاء كل شئ...بيشكوا بسهوله فى نوايا تغيرات طبيعيه ممكن تحدث حولهم (نقلونى من العمل، ..يبقى المدير بيضطهدنى ومستقصدنى)..مع إنهم ممكن يكونوا ناجحين بالعمل. بيكونوا غيورين زياده عن اللزوم فى ذويهم...ويتحكمون فيهم بشده وخاصا لو بيحبوا حد. ولو شكوكهم تجاه أحد تحقق ووجدوا له دليل...يا ويلك وسواد ليلك..ممكن رد فعلهم يكون عنيف وغير متوقع. 

ممكن حد يعمل فعل غير مقصود تجاههم وتكون نواياهم بريئه..ولكن الشخص البرانويد يأخذها بعدوانيه شديده.

رجل المخابرات او المباحث ... الذي يشك في امه اثناء اداء عمله ... الا تري معي انه فيه جزء فطري او مكتسب من خلال عمله

9

. Obsessive-Compulsive Personalityمنظمين جدا ومعتمد عليهم جدا وبيعملوا حساب كل كبيره وصغيره ولذلك مسؤولين جدا فى عملهم وبيوتهم ومعاملاتهم مع الاخرين...ولكن، لدرجه متعبه جدا وغير مرنين بالمره. يجدوا صعوبه شديده فى تقبل التغيير...تخيل مثلا محضر لرحله وعامل حساب كل قشايه من طقطق لسلامو عليكو...ومراجع على كل التفاصيل..(الشنط، الاكل)..يقوم ييجى صباح السفر والابن نسى يملى العربيه بنزين قبل السفر زى ما راجع عليه الاب بالليل...يا ساترررررر...يا ويلك وسواد ليلك . 

يكرهوا الغلطات وعدم فعل الشئ بإتقان...وذلك يسبب لهم توتر دائم فى علاقتهم مع الآخرين. 

الشخصيه دى عاده بتخليهم ناجحين جدا جدا فى عملهم وكده...ولكن قليل ما يستمتعون بثمار هذاالنجاح لشعورهم بإن بإمكانهم فعل الافضل..perfectionism.

و استاذ نخلة و استاذ عبد المهيمن و هم قاعدين علي مكاتبهم و بييجوا الساعة 8 بالثانية ... افندية المدير بيثق فيهم ثقة عمياء .. و لكن مكروهين من الزملاء و الجمهور ... لكن لم يمسك عليهم احد غلطة واحدة طوال 30 سنة خدمة اميري ...

الملخص ...... كل مسير لما خلق له .... و المشكلة حينما يجد الفرد من دول نفسه في خارج اطار امكانياته و استعدادته النفسيه ... و اضطرابات الشخصية بتعني ان الفرد لا يستطيع ان يكيف نفسه مع الظروف و بيتعامل دائما من خلال نفس القوالب و الطباع .. اي ان التكيف هو اكثر مشاكل اضطرابات الشخصية

الرئيس مسئول عن كل ما تعاني منه مصر الأن

لا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...