اضطرابات الشخصية

[الطفشان]

اصل الهجاجنة بطنين

الله ..مش كله علم نفس :D

و الله يا كليو .. ربنا يكرمك ... وانا كنت باسأل نفسي هو فيه مشجعين في الاستاد .. و لا زي منتخبنا القومي باكتب من اجل التمثيل المشرف

و انا اضم صوتي لكليو

تييييت ييييييييت ابو حلاوة

لا بجد و الله ، انا استمتع بقراءة موضوعاتك، و اسلوبك الهادئ

[ابو حلاوه]

احم احم ..

شكرا على الموضوع الظريف .. موضوع ثقافى هايل .. و شكرا لكل المشاركين .. 

اصل الهجاجنة بطنين

يعنى ايه ؟؟؟؟؟؟؟

هذا تعليق مؤقت ..

دي عبارة وردت في تمثيلية رأفت الهجان ... يعني هناك فرعين من العائلة

[ابو حلاوه]

لحد لما جه بندورا في اواخر السبعينات و عمل نظرية التعلم الاجتماعي .. و النظرية مختصرها ان البني ادم فينا نص نص يعني الدافع بياتي من الخارج و من الداخل ايضا و لم يكتفي بندورا بذلك .. بل و تجرأ علي اقتباس الكثير من الاعمال الادراكية و التي كان يعتبرها السلوكيون شرك و كفر بالعلم .... لانها تدرس الصندوق الاسود .. اي العقل و ال Higher functions اي الذاكرة و الانتباه و الاستقبال الحسي و التي كان يتصور السلوكيون الارثوذكس انها غير قابلة للدراسة

و بني بندورا نظريته علي اساس ان احد و اهم وسائل تعلم السلوك هو التقليد من الاخرين .. و اتعلمت عدة ابحاث في هذا الموضوع ... احد اظرفها كانت علي القرود ..

مجموعة قرود تم نقلهم من احد جزر المحيط الهادي المعرضة للغرق لجزيرة اخري ... و بدات ابحاث علماء الحيوان تتابع سلوك القرود في وطنهم الجديد ..... و لفت نظرهم ان احدي القرود و هي صغيرة كانت تاخذ الموز و تغسله في البحر لكي تنظفه من الرمل .... و المدهش انه بعد فترة امتدت لعدة اشهر بدأت القرود الصغيرة في تقليد نفس السلوك و بعد عدة سنوات كانت معظم الاجيال الشابة من قرود الجزيرة بتغسل الموز من الرمل في حين ان القرود العواجيز بياكلوا الموز برمله

ملحوظة :-

السجن تعليم و تهذيب و اصلاح ..... في المشمش

و اذا كان سلوك العنف و الجريمة و الفساد هو المعيار السائد في المجتمع بسبب الفقر .او غيره... لا داعي ان نتوقع ان تكون غالبيته من المتقين الورعين ... فالعنف و القوة هما معيار الاحترام

[ابو حلاوه]

هناك نظرية لا تقل اهميه و لها ابعاد كبيرة جدا في كافة نواحي الحياة و هي ال cybernetics اي نظرية الانظمة المغلقة ... مش متاكد من الترجمه بالعربي

الثلاجة مثلا ... بها ترموستات .. عندما ترتفع درجة الحرارة لدرجة معينه بتبدا الثلاجه في التبريد و عندما تصل الي درجة الحرارة الصغري المطلوبة تتوقف الثلاجة عن العمل و هناك حوائط عازلة تمنع تسرب الحرارة للخارج

و الهدف هو ان تبقي درجات الحرارة داخل الثلاجة في حدود معينة

اي ان الثلاجة عبارة عن نظام بيعمل علي الحفاظ علي مكوناته و تركيبه بدون تغير

جسم الانسان بيتصرف كنظام يسعي علي الاحتفاظ بمكوناته و علي ال configuration بتاعه ... في حالة الاصابة بعدوي بكتيريه مثلا .. المخ بيرسل اشارات لرفع درجة الحرارة .. و درجة الحرارة المرتفعة بتحفز خلايا الدم البيضاء للهجوم علي الميكروب ... و لان ارتفاع درجة الحرارة عن حدود معينة يضر باعضاء الجسم الاخري .. يبدا الجلد في افراز العرق لتبريد الجسم

و كل من درس طب بدا بدراسة الهوميوستازيس -- الله يصبحه بالخير اساذنا الدكتور هاني ايوب ---

و الهوميوستازيس هو دراسة العلم الذي يسمح للجسم كنظام بحماية تركيبة من خلال ترموستات مختلفة لكي تبقي المعايير المختلفة في نطاق set point معينة

[ابو حلاوه]

و الانسان من الناحية النفسية نظام .... يتكون من رغبات و ارادة و تاريخ و احباطات و امور اخري كثيرة ... و الاسرة عبارة عن نظام يتكون من اب و ام و ابناء و اجداد .. و المنتدي عبارة عن نظام يتكون من اعضاء .... و باب في المنتدي عبارة عن نظام يتكون من مداخلات مختلفة ...

و كل نظام في هذه الانظمة ممكن ان يكون جزء صغير من نظام اخر او يحتوي علي عدة انظمة اخري صغيرة ...

المدرسة فيها فصول و ايضا المدرسة جزء من الادارة التعليمية

و كل نظام قد يشترك بجزء منه في نظام اخر ... منتدي المصريين يشارك فيه الكثيرون ممن يكتبون في محاورات المصريين و هكذا

[ابو حلاوه]

و كل نظام كما بينت من قبل يحاول ان يحافظ علي تركيبته بدون اي تغير ......و لكن لان النظام مرتبط بانظمه اخري متشعبه لا يمكن ان يسيطر عليها كلها ... فهو يتاثر بما حوله .. و يضطر لان يستعين ببعض الوسائل من اجل الحفاظ علي ال set points المحدده له

امثلة

الحكومة بتطرح الدولار في الاسواق لكي تحافظ علي السعر الحالي

الجسم بيعرق بغزارة في الصيف لك يحافظ علي درجة الحرارة الطبيعية

و لكن عندما يزيد الضغط جدا و لا يستطيع النظام التعامل مع حجم و كثافة التغيير بينهار النظام ...

الجسم في درجات الحرارة العالية جدا و لفترات طويلة و عدم شرب ماء كافي .. قد يتعرض لضربات شمس --- مركز الحرارة في المخ لا يعمل بكفاءة ---- و النتيجة ان درجة حرارة الجسم ترتفع باطراد و ينتهي الامر اذا لم يكن هناك تدخل خارجي للوفاة

نظام الحكم في في مصر قبل 52 لم ياخذ في اعتباره وجود شريحة وسطي مصرية شابة ترغب في مشاركة اكثر فعليه و اكثر قوة .. و لان الضغط كان كبير و لان النظام لم يستطع التعامل مع الموقف انتهي الامر بالانقلاب و برحيل الملك

[Cleo]

ما هى أسباب الإصابة بالبوليميا؟؟؟؟ و هل هى مرض نفسى؟؟؟

[مصرى]

تحية لأحلى أبوحلاوة :lol:

[الطفشان]

ما هى أسباب الإصابة بالبوليميا؟؟؟؟ و هل هى مرض نفسى؟؟؟

هو ايه الموضوع بالضبط يا كليو؟

انا شاكك تكوني فاتحة عيادة طب شعبي نفسي دكاكيني مثلا

و بيجيلك الحالات و تعرضيها هنا و تعالجيهم

انا حابلغ عنك نقابة الاطباء

اقرا المانشيت

القبض على عضوة في تنظيم انترنت تعالج المرضى

:lol: :D :D

[Cleo]

ما هى أسباب الإصابة بالبوليميا؟؟؟؟ و هل هى مرض نفسى؟؟؟

هو ايه الموضوع بالضبط يا كليو؟

انا شاكك تكوني فاتحة عيادة طب شعبي نفسي دكاكيني مثلا

و بيجيلك الحالات و تعرضيها هنا و تعالجيهم

انا حابلغ عنك نقابة الاطباء

اقرا المانشيت

القبض على عضوة في تنظيم انترنت تعالج المرضى

:) :) :)

الأحوال أصلها بقت فى النازل و الحالة الاقتصادية بقت جيم. الواحد لازم يجرى على رزقه و الرزق يحب الخفية. فلقيت إن أحسن بزنس دلوقت يمشى فى مصر من الغلب اللى احنا عايشين فيه هو الطب النفسىعشان الناس كلها اتجننت....

نصيحة يا أبو حلاوة انت و مسلمة ارجعوا هنا... كلها سنتين تلاتة و تبقوا مليونيرات.... :) :) :)

[ابو حلاوه]

كليو كتبت

نصيحة يا أبو حلاوة انت و مسلمة ارجعوا هنا... كلها سنتين تلاتة و تبقوا مليونيرات....

كلام بحق و حقيقي و لا زي يخت نورماندي تو :D

[ابو حلاوه]

انا فعلا باشكرك يا كليو لانك طرحت موضوع البوليميا و انا رديت عليكي في الباب الثاني و لكن هاضم موضوعين في بعض في المكان ده

اولا مرض الانوريكسيا نيرفوزا ---- هام جدا و ليس البوليميا---- نظرية النظم المغلقة و دورها في اضطرابات الشخصية

فاكرة لما قلت ان كل نظام بيحاول ان يحتفظ علي تكوينه الاصلي بدون تغير و ان النظام ان لم يستطع ذلك احيانا ينتهي بالانهيار

من ضمن النظريات اللي عن مرض الانوريكسيا ... و لمن لا يعرفه هو مرض بيصيب عادة الفتيات المراهقات و بيبدا دائما ببعض زيادة في الوزن بيتبعه محاولات مستميته لانقاصه و ينتهي الامر بفقدان شديد لاي رغبة للاكل مع استمرار الرغبة في انقاص الوزن ... و من ضمن اعراضه ايضا اختفاء الدورة الشهرية

النظرية بتقول ان في هذا السن .. النظام المحيط بالفتاه بيعاني من ضغط شديد جدا ... الام و هي الانثي الوحيدة في المنزل بتجد نفسها امام انثي اخري في فترة مراهقة البنت ... و الاب بيجد العلاقة بينه و بين بنته علاقة جديدة و مختلفه و بين اضطراب الام و حيرة الاب يصبح النظام العائلي مهدد ... و لحل تلك المعضلة يصبح مرض الانوريكسيا علاج لمشكلة النظام .... فالبنت بتفقد الكثير من ملامح الانوثة البازغة .. الثدي و الارداف و الدورة و كانها اصبحت طفله مره اخري

يعني النظام الاسري استطاع ان يتغلب علي مشكلة كبيرة من خلال مرض احد اطرافه .. و بالرغم من ان كل الناس تشترك في المعاناة من اضطرابات لكن فرد و احد بس هو الذي تم توصيفه كمريض

بالرغم من النقض الموضوعي و رفض البعض لتلك النظرية التي ذكرتها باعلي فيما يختص بالانوريكسيا و انا اشترك ايضا في رفض ذلك الطرح

و لكني استطيع ان اقول انني كثيرا ما عالجت مرضي و انا اعرف جيدا ان المشكلة اكبر من المريض نفسه و ان الاسرة و النظام الذي يعيش فيه يعاني من خلل كبير جدا كانت من نتيجته ذلك المرض

و هناك تعبير فرنسي le malade designé اي الشخص الذي وقع عليه الاختيار لكي يحمل المرض الذي تعاني منه الاسره

يستكمل

[Cleo]

كليو كتبت

نصيحة يا أبو حلاوة انت و مسلمة ارجعوا هنا... كلها سنتين تلاتة و تبقوا مليونيرات....

كلام بحق و حقيقي و لا زي يخت نورماندي تو :D

شوف بأة أما أقولك الكدب خيبة... إحنا أصل خلاص... كل بيت فى مصر دلوقتى بقى عيادة أمراض نفسية و عصبية. يعنى من غير ما تكلف نفسك و تدور، إنت غنزل على أى بيت ضيف هتلاقى على الأقل 5-6 زباين هما سكان البيت ممكن تاخد على الراس 50-60 جنيه (أكتر من كدة الناس ممكن تفضل الجنان) و كمان آكل شارب نايم عندهم...

إحسبها بأة و قوللى....

عرفتوا بأة أنا ليه قررت أفتح عيادة شعبية؟؟؟

عموما لو حبيتوا تشرفونا هتلاقوا عنوان العيادة فى لينك خلوا الطفشان يبعتهولكم.... :D :D :D

[Lancelot]

بسم الله ما شاء الله عليكم ... موضوع جميل جدا و شيق للغاية ... رغم إني مش غاوي علم نفس ... إلا إني لم أستطع التوقف عن القراءة ... بل و الرد أيضا ... لكن ليه توقفتوا .... يا ريت تكملوا ...

أنا بس فيه حاجة عايز أعرفها و هي تبع أنواع الشخصيات ... هل هذه هي كل ألانواع و لا ديه الأنواع الغير سوية ... و لو فيه سوية ممكن تصنيفها .. و لا هي أي حاجة غير دول ... طب لو كده الواحد ممكن يتعرف علي شخص و يصنفه إزاي ....

أسئلة كتيرة ... لكن أنا قلت أكيد أول كشف ببلاش .. علشان كده أستغل الفرصة و أسأل في كل حاجة ... :D :D :lol: :lol:

[ابو حلاوه]

أنا بس فيه حاجة عايز أعرفها و هي تبع أنواع الشخصيات ... هل هذه هي كل ألانواع و لا ديه الأنواع الغير سوية ... و لو فيه سوية ممكن تصنيفها .. و لا هي أي حاجة غير دول ... طب لو كده الواحد ممكن يتعرف علي شخص و يصنفه إزاي ....

أسئلة كتيرة ... لكن أنا قلت أكيد أول كشف ببلاش .. علشان كده أستغل الفرصة و أسأل في كل حاجة ... :D  :D  :D  :D

عزيزي لانسلوت

الكلام ده نبذه عن اضرابات الشخصية ..

و لا يتعلق بالشخصية السوية

و علي فكره الاكثر سهولة هو تعريف ما هو الغير سوي و لكن الصعوبة كلها في تعريف ما هو السوي

تعريفي الشخصي للشخصية السوية ان الفرد نفسه لا يعاني و ان العالم من حوله لا يعاني منه

و مسألة وجود تصنيفات للشخصية السوية .. بصراحة انا لم اهتم بذلك مطلقا .. طالما الراجل عايش كافي خيره شره و مبسوط نوجع دماغه و دماغنا ليه :cry: :cry:

[Lancelot]

شكرا يا دوك .... لكن أهم سؤال لم تجب عليه ...

إزاي ممكن أصنف واحد إنه كده أو كده ... هل لو فيه صفة من دول يبقي هو الشخصية ديه .... هل لو فيه صفة من هنا و أخري من هنا يبقي مشكل ... و كده مشكلته أكبر ... و لا لازم يبقي الأمر مأصل فيه ... يعني تبقي الصفة موجودة فيه جدا جدا ...

أصل أنا منظم شوية .. و بأحسب كل حاجة بالتفاصيل شوية ... و بأكره الغلطات خاصة لو كانت بتتكرر (حتي لو صغيرة) ... ده معناه إيه ... إن أنا مش عارف إيه كده (نمرة 9) .... أنا خفت يا دوك ... إلحقني و المرسيدس حقها عندي ..... :cry: :cry: :? :?

[Cleo]

هناك بعض الصفات التى يتسم بها بعض الأفراد... قد تكون مذمومة أحيانا مثل البخل... فالبخل هو سلوك لا إرداى... يعنى أنا مثلا مش قصدى إنى أحس إن إيدى إتقرصت وأنا بيطلب منى أطلع فلوس... فهو سلوك لا إرادى....

هل نستطيع أن نعتبر البخل مرضا و نوعا من اضطرابات الشخصية؟؟

هل صحيح أنه صفة وراثية تتسبب فيها جينات معينة؟؟؟ هل لهذا يتف سكان مناطق بعينها بالبخل؟؟؟ مثل الاسكتلنديين و الأندلسيين و (.....) :twisted: :twisted: ؟؟؟