ما هو اكتر موقف محرج اتحطيت فيه؟

[Lancelot]

Lancelotبجد فطستني على روحي من الضحك اكيد كان منظرك وحششششششششش

ياريت كان منظري وحش ... أنا تخطيت ديه بمراحل .....

شعنونة .... فطستني علي نفسي من الضحك و الله .....

ممكن أرجع جوه الموضوع بتاعك تاني دلوقتي .... :D :oops: :oops: :lol: :lol: :lol: :lol: :lol: :lol: :cry: :cry: :D :D :D :D :D

[elbana]

خدوا الموقف ده

زمان وأنا ف ثانوي ، كان عندنا أبلة كنا بنعزها قوي ، وكانت بتحب الفصل بتاعنا جداً وتقعد معانا نضحكها لما تفطس من الضحك لدرجة إنها أوقات لو شافتنا والطابور الصبح شغال وبنحيي العلم مثلاً نلقاها تقعد تضحك وتسيب المكان ، أصل احنا كنا مصايب بعيد عنكو

المهم ما أطولش عليكو ... قولوا طوِّل ..

عرفنا إن والد الأبلة توفى ، فقررت آخد الفصل كله وأروح أعزيها ، أمال عيال اصحاب واجب مش أي حاجة يعني ، وصلنا بيت الأبلة ، طلعنا على السلم ، هي كانت واقفة على باب شقتهم ، وشايفانا طالعين ، وأخوكو طبعاً أول واحد في الطابور ، الواد العاقل بقى بتاع العزا والواجبات والحاجات الجد دي ..

المهم ما أطولش عليكو .. قولوا طوِّل ..

الأبلة عمالة تبص لنا واحنا طالعين وأنا بأتحاشى أبص لها علشان ما أضحكش ، وهي شكلها كده عايزة تضحك وبتقاوم بالعافية علشان الناس اللي مالية البيت ، يعني باختصار فيه مصيبة الكل بيحاول يتحاشاها ، هي عارفة إن احنا عالم بلموطية مش بتوع جد ، واحنا عارفين إننا ما نسترش في المواقف دي ، يعني كنا عاملين إحنا وهي زي قنابل ضحك موقوتة على وشك الانفجار ..

المهم ما أطولش عليكو .. قولوا طوِّل ..

وصلت عند الأبلة ، والطابور كله ورايا ، ولقيت نفسي ناسي حاجة مهمة جداً ، وهي ، الجملة اللي مفروض بتتقال في العزا !!!!

يا نهار إسود .. الست واقفة مستنية أقول لها حاجة ، والفصل كله ورايا ساكتين ، وأخوكو نسي الكلمة اللي مفروض بتتقال في العزا ، كد بكل بساطة ..

ما جاش على بالي ساعتها غير كلمة واحدة .....

كل سنة وحضرتك طيبة ...

وإذا بالأبلة تنفجر في الضحك ، والفصل كله انفجر في ضحك هستيري ، وكأنهم يا معلم كانوا مستنيين وبيتلككوا على حاجة تضحكهم ، وراحت الأبلة داخلة على البيت جري وقافلة الباب وراها ، ولقيت لكو نفسي واخدها جري أنا والفصل ... يا فكيييييييييييك ..

[الطفشان]

حصلت لواحدة قريبتي

راحت تعزي، و مش عارفة تقول ايه

قالت "عقبال عندكوا"

[elbana]

دي أكيد قريبتي أنا :) :oops: :cry: :cry:

[nora]

فكرتيني يا شعنونة بموقف انما اية كان محرج جدا

في يوم لسة صحية من النوم الصبح وريحة الشغل ونزله وكنت مش مركزه اوي المهم لقيت الفلبينية بتاعتنا بتوصل النت وكانت بتستعمل برنامج النت توفون علشان تتكلم فأنا بسألها انتي بتتصلي بأحمد ( داركر أخويا ) فقالت لاه فبصيت على الرقم لقيته الكود بتاع استراليا فعرفت انها بتغلس عليا وبتقولي لاه وراحت هي تنده بابا علشان النمرة رنت وانا رحت مسكت المايك قلت اكلم اصبح على احمد ابل منزل بالمرة المهم ببص لقيته رد بس الصوة مكنش واضح

فرحت قلت لية : ازيك يا زفت طز فيك

ولقيت حد رد وقلي الووووو مينن :twisted: :twisted: وبصوت معصب

الصوة مكنش صوة اخويا :cry: :cry: :cry: :cry:

ولقيت الفلبينية بتجري عليا وبتسحب الميك من ايدي وقالت لية انا مش قلت ان ده مش احمد :shock: :shock: :shock:

:) :oops: :cry:

طبعا انا خدت شنطتي وجريتتتتتتتتتتتت :lol: :lol: :lol:

ولما وصلت المكتب بكلمها وبسألها هو مين بأه ده الي كنتم بتكلموه

:!: :!:

راحت قالت لية ان امام مسجد في استراليا و اخويا التاني محمد يعرفوا :cry: :cry: :cry: :sadl: :sadl: :notify:

طبعا انا قفلت معاها و محولتش اسأل او حتى اقول لحد الي انا قلته للراجل :lol: :lol: :lol:

[crossfield]

انا بقى فيا عيييييييييب حطييييييير

اني بتكلم وانا نايمة :shock:  :shock: 

يعني ممكن اتكلم وارد على التلفون وانا كل دااااااا نايمة تمااااااااما ولا دريانا بالدنيا..

المهم في مرة كنت نايمة وكان عندي دور برد وعيانا ومخطرفة وحالتى كرب

والتلفون كان جنبي

وقااااااااااال اييييييييييه حبكت يرن بقى الوقت دا

طلعا انا رديت وانا نايما

واللي اتصل قعد يتكلم وانا ارد عليه واحكي وبتاع وقفلت

طبعا كل دا انا عرفته تاني يوم..:(

اللي حصل بقى ايه..

واحد قريبنا اتصل والحمدلله انه اتصل..

كان عاوز يكلم بابا..

وانا مسكته وانا نايما واقوله

اسسسسسسكت مش انا عيانه وعندي برد وحرارتي عالية

-طب سلامتك يا ماما

- لا ما انا عيانة وتعبانة وعندي شغل بكرا

- طب ربنا يعينك 

- لا ما انا مش رايحا الشغل

- طب انا عااااااااوز باباكييييييييي

- ما انا لو رحت الشغل ها اتعب اكتر :?  :? 

-سلامتك

-مش انا ما معيش فلوس؟

وفضلت اكلمه يجي تلت ساعا.. ومش معبراااااااه خالص

وعمالة احكيله تاريخ حياتي

تاني يوم الراجل ما كدبش خبر وجه يزورنا

اصله افتكر انه انا بشيييييع خلالالالالالالاص من كتر ما رغيت واعترفتله ب اعترفااااااااااات ليلية :D  :oops: 

من يومها بطلت احط التلفوووووووون جنبيييييييي :roll:  :roll:

:lol: :lol: :cry: :cry: :cry: :D :D :D :D

بابا فين؟بابا هنا هنا اهوه قوله مين؟؟؟؟؟

[بنت شعنونة]

موقف كان حصلي زماااااااان قبل ما اتحجب :lol:

كنت لسا بادية في مرحلة اكتئاب..

المهم قررت فجاة اني اجززززز شعري

ورحت حلقته حاجا كدا شبه زلبطة :shock: :shock: :roll: :lol: :lol:

اه والله مش هزار..

كان شعر اخويا طول شعري ويمكن كان هوا اطول كمان

المهم كنت خارجا انا وابن عمي وكان واحد زميله بيوصلنا

وكنا راجعين متاخرين بالليل

فوقفتنا لجنة واحنا في السكة.

:? :?

المهم الولد اللي سايق العربية كان سوداني وامه مصرية

لكن الولد ابيااااااااااااااضض

ولالالالالا له علاقة بالسودانين خااااالص

ولما يحلفوا انه سوداني مش اصدق؟؟ :lol: :lol:

المهم.. انا ما كنتش اعرف دا

ف الظابط "الفقري" راح قاله

الرخص يا خويا

راح مطلعها

فلاقاه سوداني

راح باصص في وشه كدا ومتنحله :shock: :shock:

قاله سوداني؟

طب اركن يا بيه..

ركنا.. وفضلنا في العربية

وراح سال ابن عمي

وانت؟؟؟

راح مطلعله البطاقة وقاله مصري..

راح باصص فيها

وبعدين بص ورا على الكنبة....

وانا كنت قاعدا ورا باااااااااردااااااا وعمالة اشرب بيبسي.. ورايقاااا

لاقيته بصلي قويي

وقالي..

وانت ولد والا بنت؟؟؟؟؟؟؟؟؟؟ :shock: :shock: :shock:

انا سمعت كدا وال شراااااااارر كله نط من عنيا :twisted: :twisted:

رحت معوجة عليه وقلتله بنتتتتتتتتتت يا خويااااااااا

طبعا انا شايفا العيال قدام ماسكين الضضضضضحك بالعافية

وان مفرووووووووسة :twisted: :twisted:

قالي بطاقتك

اديتهاله

وبتشتغلي ايه يا ختي؟؟؟؟

قلتله دكتووووووووووورة يا خوووووووويا :twisted: :twisted:

راح ساكت

ومشنا

ياااااااادوبك عدينا الحملة..

ودول راحوا راكنيين العربية

و والله زي ما بقولكم كدا

ونزلوا من العربية

اللي اترمى ع الرصيف

واللي وقع ع الأرض

وهما اللي اتنين

هههههههههههههههههههههههههههههههههههههه

وميتيييييييييييين ضضضضضضضضحك

بهستريا

ويبصولي ويقولوا انت ولد والا بنتت

ويدوها هههههههههههههه

:twisted: :twisted: :twisted:

بجد يومها كنت ها اقتلللللهممممم

:twisted: :twisted:

[وسام]

تشيكن ياكى سوبا او تشيكن ترياكى.............ماتنساش الاسمين دول لو اتزنقت فى يوم ما و رحت تتغدى فى مطعم يابانى :cool: :cool:

الاسمين دول نتيجة اسبوع من المغامرات اليومية ساعة الغداء امام محل للاكل اليابانى ...فى الاول كنت بروح اقف قدام المحل و احاول اقرا اسامى الوجبات .....بس طبعا انسى انك تفهم حاجة لان كله شبه بعض ( كله ياكى و كله سوبا و حاجة تالتة بترتيب مختلف) :shock:

قلت مبدهاش بقة الحكاية عايزة برادة و انا مصر لازم افهم ايه الحكاية ....قمت رايح واقف قدام المحل و مطرطق و دانى و اتصنت على الناس و شوف بتطلب ايه و اتفرج الاكل بيتعمل ازاى و امشى بعد كدة ...طبعا اول يوم مخدتش حاجة و تانى يوم برضه و تالت يوم تجرأت شوية و قررت اطلب حاجة بس كنت متردد المهم الظاهر اللى شغالين فى المحل اتعودوا عليا قوى ... اول ماشافونى كلموا بعض باليابانى ( سيا شون اهاا مىاا صصوا لاى دا كوا ببب.... رد واحد تانى دو تاغ سسى انتت صو ن تى ء هاهاهاهاهاهاهاها ) طبعا انا مفهمتش حاجة بس واثق ان الكلام عليا لما ضحكوا :twisted: :twisted:

قمت عملت فيها اسد بقى و طلبت التشيكن ياكى سوبا دى اللى حفظت اسمها من كتر ما الناس طلبتها و بعد كدة العقدة اتفكت و بعد شوية فهمت ان الاصناف دى كلها شبه بعضها مع اختلافات بسيطة

و فيه كمان شوربة نودلز بس مش نودلز و فيها حاجات كتير مع بعض حبقى اعرف اسمها المرة الجاية :lol: :lol:

[crossfield]

و فيه كمان شوربة نودلز بس مش نودلز  و فيها حاجات كتير مع بعض حبقى اعرف اسمها المرة الجاية :lol:  :lol:

تشيكو زاكى بلاميكى ترافلي شاور ياما نجازاكى فلايما دوكى بلكتى هاهاهاهاها هاهاهاههاهاهاهاهاهاهاههاهاهاهاها

لو سألتهم على اسمها هيقولوا لك كده :lol: :lol: :lol: و بالهنا و الشفا مقدماً

[crossfield]

آخر موقف سخييييييييييف اتعرضتله امبارح:

كنت مع أختى فى عربيتها و قاعدين ناكل أيس كريم و اخر روقان. شوية و لقيت بنت عمى جاية من بعيد و كل ما تقرب أتأكد انها هيه ؛نفس الطول و العرض و السمار و الطرحة الكبيرة هيه مالهاش حل . المهم قلت لأختى هبة جاية هناك اهى متيجى نعمل عليها فيلم بوليسى! :ch: :ch: بس أختى كانت مشغولة بالأيس كريم و ما اهتمتش و هبة عمالة تقرب تقرب لحد ما جات جنب العربية بالظبط و أروح أنا مطلعة راسى من الشباك: ما تيجى يا جميل!!!! و ألاقيلكوا دى اتعفرتت و تقريباً نطت فى مكانها

مطلعتش بنت عمى و لا حاجة أنا اللى كنت ناسية النظارة فى البيت :) . طبعاً أحرجت جداً و كنت عايزة أفهمها أو أتاسف لها لكن البنت خدت ديلها فى اسنانها و يا فكيك و ما ادتنيش فرصة. طبعاً أختى وقعت على روحها من الضحك و ساعتها ابتديت أجمع: الشارع كان هادى جداً و ضلمة شوية و اتنين قاعدين فى العربية على جنب كده مع نفسهم…. شكلى كان وحححححححش :) :D :D . يا ترى بتقول عليه أو علينا ايه؟؟؟؟

:cry :cry: :cry: :sigh:

[Lancelot]

موقف لسه طازة .... عايز أكتب عنه هنا لكن مش عارف أكتب ....

هتقولوا ليه مش عارف ... هأقولكم ما هو ده الموقف ....

طبعا كلكم عارفين ... إني أنا عملت شملول و أبو العريف ... و كتبت موضوع "كيف تكتب في المنتدي" و بقيت المرجع لأي مشكلة .... أنا اللي جبته لنفسي .... طبعا الأخت كروس فيلد متوصية بيا أخر توصية و نازلة فيا أسئلة ...

أخر سؤال سألته هو إزاي تغير الإيميل ... لأنه لما بتغيره .. بيقولها لازم تدخل كلمة السر ... المهم سألتني .. قمت أنا علشان أعرف إيه المشكلة ... قمت مجرب بنفسي ... و لاقيت الحل إنه أكتب كلمة السر في الخانة بتاعتها ... بسيطة .... لكن الإيميل اللي أنا كتبته كان إيميل مش حقيقي يعني أي حاجة في العبيط كده ... مش مشكلة ما أنا هأرجعه تاني للإيميل بتاعي ... و دست submit .... بقلب جامد أوي ... يا ولد يا لانسلوت عبقري يا إبني عرفت الحل في عشر ثواني ....

لاقيت ده بيكتب لي رسالة معناه .... الحساب بتاعك دلوقتي مش شغال ... روح الإيميل بتاعك هتلاقي رسالة فيها لينك إضغط عليه علشان يشتغل الحساب بتاعك ....

:shock: :shock: :shock: :shock:

الله يخرب بيتك .... يعني إيه .... إستني يا عم إنت ... لأ لأ لأ ........

طبعا لا حياة لمن تنادي ...

طبعا منظري كان بشع ... قاعد مستني رد من الأدفايزر أو هشام عبد الوهاب بإن حسابي إشتغل ... لكن إيه بعد عذاب ... كل ساعة أدخل علي النت ... أشوف .... مفيش ... لسه .... لحد لما جاللي إنهيار عصبي خلاص ... كل الناس عمالة تكتب و أنا قاعد هنا عمال بأكلم نفسي .... لا والله ده رأي كويس .... لا لا أنا معترض ... مش معاك حق في ديه .... كده يعني .... منك لله يا كروس فيلد :twisted: :twisted: ... كله بسببك ... لازم يعني تغيري الإيميل بتاعك ...

علي فكرة .... شكر واجب للأدفايزر و هشام عبد الوهاب .... تعبتهم معايا ....

[crossfield]

منك لله انت يا لانس :twisted: :twisted: :twisted:

أحسن عشان تحرم تقطع عليه و تدى دروس خصوصية :D :D :cry:

أنا عملت بنصيحتك و عملت الخطوات و غيرت الباس وورد و الرصيد اتجمد و استنى ان الرصيد يشتغل لكن مفيش فايدة و ادخل الباس وورد و ارجع تانى للأيه ميل بتاعى و أدوس على اللينك و مافيش فايدة .شوية و لقيت رسالة بتشغيل الرصيد و أروح و أدخل الباس وورد و مفيش فايدة و هكذا و طبعاً منسيتش أدعى لك يا لانس :twisted: :twisted: :twisted: و آخر ما زهقت بعت ايه ميل للأدفيزر و حكيتله اللى حصللى بس نسيت أقوله مين اللى عملها فيه :twisted: فيييييييييييين اكتشفت انى كنت بادخل الباس وورد القدييييييييم :cry: :cry: :D :D معلش الأمر ميخلاش من شوية زهايمر :) .

لكن أدينى رجعت تانى

اكس لازم يعيش

هههههههههههههههه

:lol: :lol: :lol:

بقى أنا منى لله يا لانس :twisted: طيب استنى عليه ان ما خدت الsticky منك مبقاش أنا كروسفيلد . :D :D :D

[Lancelot]

فيييييييييييين اكتشفت انى كنت بادخل الباس وورد القدييييييييم

يعني براءة أهوه ... مش السبب مني ....

طيب استنى عليه ان ما خدت الsticky منك مبقاش أنا كروسفيلد .

في المشمش ... :oops: :oops:

علي العموم .. تعيشي و تغيري إيميلات .... :oops: :oops:

[بنت شعنونة]

مرة من المرات زماااااااان

كان نفسي افرد شعري كدا زي البنات يعني :oops: :oops: :)

وانا كنت بكره السشواااار عمىىىىىىى :twisted: :twisted:

دا غير اني مش بعرف استعمله اصلا يعني :roll: :roll:

المهم

واحدا صاحبتي افتتني وقالتلي

يا بنت شعنونة..

لو لميتي شعرك كله زي ديل حصان بس من قدام

يعني ديل الحان يبقى على وشي كدا :shock: :shock:

ها اخد نفس النتيجة

المهم رحت عملتها فعلا ولميته ديل حصان على قدام...

وقاعدا بقى لابيا ولا عليا

المهم

طلبت اوردر بيتزا بعدها بحوالي ساعتين وانا ظابطا ديل الحان ما بين عنيا عشان اعرف اشوف اصلا :twisted: :twisted:

البتزا جت

قمت جبت الفلوس من الدرج..

فتحت الباب

فجأة

لقيت بتاع البيتزا

عمل كدا

:shock: :shock: :shock: :shock:

؟؟؟

وانا استغربت؟

ماله المعتوه دا تنح في وشي كدا ليه؟؟

المهم بمد ايده عشان اخد البيتزا

لقيته بيبعد عني برعببببب زي ما اكون مجنونة قدامه؟؟؟؟ :mad: :mad:

المهم خدتها منه وهوا بيبعد

قلتله كام؟

راح مديني الحساب من بعيد كدا زي ما اكون جربة؟؟

وانااااااا

باخد

الفلوس

افتكررررررررررررتتتتتتتتتتتتتتت

ديييييييييل الحصان اللي مقلووووووووب اللي انا عاملاه في خلقتييييي

:) :D :D :D :D

يالهوووووووووييييييييي

وطلعت جري

واديته الفلوس من ورا الباب وانا كان نفسي الأرض تبلعنييييييي

او اعزلللللل من الببببببببيت :( :(

[nora]

موقف طازة لسة حاصلي النهرده

جيت الصبح المكتب وكالعاده اليومية اني اعمل لنفسي مج القهوة الفرنسي المهم دخلت المطبخ ووقفه بحضر الحجات والا الاقي صرصار انما ايه ضخم جدا وانا من نوع الي بيموت رعب من الصراصير

ورحت اديتك حتت صرخة في الشركة لما كله اتلم و طلعه اجري والا الاقي ادامي واحد مندوب اعلانات :roll: :roll: :roll: :oops: :oops:

ومن الكسفه قلت بصوت عالي مين مبيخفش من الصراصير :lol: :lol: :lol:

طبعا المندوب فطس على روحة من الضحك :mad: :mad: :mad:

بس وراح واحد من زمايلي قال انا وراح هو دخل يستكشف الوضع وانا بكل ادب جريت على مكتبي :oops: :oops: :oops: :lol: ومشربتش القهوه الاني كرهت المطبخ كله :mad: :mad: :mad:

[se_ Elsyed]

أخوكم س س الأبلتين عنده لسع خالص ، فمنذ حوالي شهر حصل لي موقف محرج ومرضيتش أحكية علشان ماحدش يشمت فيه .. لكنه تكرر أمس وبنفس التفاصيل.

فمن شهر كده أكتشفت أني نزلت من البيت وركبت العربية وجيت الشغل وقضيت اليوم كله لحد صلاة المغرب وأنا لابس جزمة فرده وفردة .... ( وش واحد مذبهل ) وطبعاً كان شكلي بايخ وحسيت أن الدنيا كلها شايفاني وفضلت مداري نفسي ورا المكتب لحد ماروحت البيت تحت جنح الظلام .

أمبارح تكررت نفس المأساة ، لكن الحمد لله تداركت الموقف مبكراً وأكتشفت ذلك وأنا لسه بأفتح العربية لأني حسيت أن الزوايا مش مظبوطة عندي وأن فيه رجل تقيله عن التانية قمت طالع جري على الشقة وصلحت الموقف .

وأعتقد أن زميلي د / حلاوة يتفق معي بأننا يمكن أن نصنف هذه الحالة تحت مرض نفسي يسمى " الشوز فرانيا " وهو عبارة عن رغبة مكبوتة لدى الأنسان فى التخلص من قيود الأحذية وبالتالي تنعكس على تصرفاته اللا أرادية والتى تجعله دائماً يفضل المشي حافياً أو أنه يلبس الحذاء فرده وفردة .

أما العلاج فهو أن المريض اللي زي كده بنجيبة العيادة ونخيره بين أحدى طرق العلاج الآتية :

1- أننا نمده على رجلية بخمسين عصاية يومياً لمدة 3 أسابيع .

2- أو نعلقة فى الفلكة مع 25 عصاية يومياً برضوا لمدة 3 أسابيع .

بعدها المريض بيرجع زي الفل ويمشي على الصراط المستقيم علشان يتجنب طرق العلاج.

[White heart]

وقع لى أول موقف غاية فى الاحراج فى حياتى عندما كنت صغيرا جدا (الروضة) و مع ذلك ما ذلت أتذكرة كما لو كان قد وقع بالأمس!!!

فقد كان فى تلك المدرسة الفرنسية التى تعلمت بها، ملعب بة العاب ملونة جميلة، كان من ضمنها "الزحليقة" التى كنت أعشقها!!

و كان كل صباح قبل الطابور لدخولنا الى الفصل التعليمى، يسمح لنا بقضاء حوالى نصف ساعة للاستمتاع بتلك الألعاب، و كان بالطبع الضغط شديدا على تلك "الزحليقة" الوحيدة، فكنا نضطر الى الوقوف فى طابور حتى يحين دور كل واحد ل"يتزحلق"!!!

و فى يوم كنا فى فصل الشتاء، و كان صباح هذا اليوم ممطرا، و فجأة عند وصولى لذلك الملعب لم أرى اى طفل يلعب بال"زحليقة" و لا طابور و لا يحزنزن، و عنها تملكتنى فرحة عارمة و "فريرة" صعدت الى القمة و "هوووووووووب" و لحظتها فقط (وش طفل بطئ الفهم)فهمت سر عدم "تزحلق" أحد من الاطفال، و لكن متأخرا جدا، ولن أنسى ضحكات بعضهم حيث اتذكر جيدا ما أصاب جزء من بنطلونى الرمادى اللون و "المريلة" الكاروهات، من فضيحة بجلاجل تمنيت ساعتها ان تنشق الأرض و تبلعنى...

[delicate]

انا كنت في مزرعة........في يوم ممطر جدا...و الدنيا مطينة بطين

المهم انا و زمايلي ماشيين نتحاى الطين...وونا ماشية بارفع رجلي

..............................فجاة......................................

مالقيتش جزمتي..........اللي لزقت في الطينة..........

بقيت برجل على الارض و رجل مرفوعة...................

و كله بيضحك عليا.....ولما زميلة حاولت تساعدني....كانت حاتغرس هي رخرة........المهم في الاخر زميل لية ....اشكره جدا.......

فك ازمتي ......و جابلي جزمتي

في النهاية انصح بان لا يحاول احد مساعدة غريق لانه حياخده معاه

[محمد شلبى]

للرفع

موضوع لذيذ جداااااااااااااااااااا :D :D :D