عودة المنتقم.....

[بنت شعنونة]

بصوا بقى

عشان بجد بجد انا خلالالالالالالالالالالالالالالالاص

كفت ووفت وفاضت وطفححححححت

استلموا كماااااااااااان الموقف دا :twisted:

بعيد عنكم انا ها اعزل اليومين دول

المهم اجرنا شقة في منطقة شيك وبتاعة راجل معروف نوعا ما في البلد بحكم مهنته :twisted:

الشقة تمام وكله

عيبها الوحيد انه جنبها ارض فاضية واحنا في الدور التاني وانا خفت لا تتبني و اتجن انا عشان الدق والصوت

وسالنا صاحبها قالنا "لا" دي بقالها كذا سسسسنة ومش ها تتبني قبل سنتين :shock:

تماااااااام لحدكدا :twisted:

المهم بقى

بحسن نية بابا دفع ايجار 4 شهور مقدم وهو مبلغ محترم

واستنينا البيه يجيب العقد

مرة مشغول

مرة مش فاضي

قعدنا 10 ايام على كدا واحنا عاوزين العقد عشان نقدم على تلفون

هوا صحيح ادانا المفتاح لكن العقد اهم؟؟؟؟ :mad:

المهم فييييييييين اداهلنا

كل دا ولسا ما عزلناش

المهم ابتدينا نعزل وودينا اول حاجا المكيفات

عاوزا اوصفلكم الشقة بس

الشقة عبارة عن حرف L

الريسبشن و غرف النوم ال 2 ليس لهم منفد الا شباك لكل واحد منهم وكلهم بيطلوا على نفس الأرض الفاضية

وغرفة واحدا وبلكونتها بعيد عنها

المهم

جم يركبوا المكيفات على الشبابيك

فوجئنا بناس تمنعنا

؟؟؟؟؟؟؟؟ :lol: :)

ليه بقىىىىىىىىى

عشان الأرض اللي ها تتبني ها تطلع عمارة الحيط في الحيط لزق وكل الشبااااااااابيييييك دي ها تتقفل لأنها "مخالفة"؟؟؟؟؟؟؟؟ :) :) :shock: :shock:

دا كلام مهندس الأرض

طب امتى يا عم

قال في خلال شهر؟؟؟؟؟؟؟؟

وفعلا لقينا عدد وبتاع بتدخل الأرض؟؟؟؟؟؟؟!!!!!!!!

:) :D

كدا الشقة بقى فيها بلكونة فقققققققققققط للتهوية؟؟؟؟؟؟؟؟؟

وبيقيت الشقة كهههههههف؟؟؟؟؟؟؟؟؟؟؟؟؟؟؟؟؟

لا نور ولا هوا؟؟؟؟؟

طبعا انا اتجننت؟؟؟؟؟

رحت كلمت الراجل وكان رده بغباء ما انتوا كنتوا شايفين الأرض؟؟؟؟؟

طب يا ابن الذين امنوا ما احنا سالناك وقلت لا؟؟؟؟؟ :twisted:

المهم اتنرفزنا عليه جدا وقررنا ناخد فلوسنا تاني

وكان هوا وضب متر ونص خشب الأرض واحنا دهنا الشقة

راح البيييييييييه

خاصم مننا 500ج حق السمسار

وقال اييييييييييييه 800ج حق 4 الواح خشب الارض؟؟؟؟؟

4 والله؟؟؟؟؟؟؟؟؟؟

بابا قال اهو خلونا نخلص وخلاص بدل ما يقولنا نفذو العقد وتبقى راحت الفلوس خالص :(

ونص العمى ولا العمى كله

وراح داعي عليه

دلوقتي بقى

بجد من نرفزتنا

قررنا انه نغير كالون الشقة و نديله مفتاح تاني عشان نقرفه

والدهان اللي دهناه ها نبوظه

واخواتي راسهم والف سيف انهم يكسرو الخشب ابو 800ج

بحكم انه احنا اللي دافعين تمنه

المشكلة انهم عندهم حق فعلا

لكن لو عملنا كدا وهوا بلغ عننا احنا اللي ها نتضر

فيييييييييييييييييين العدل في البلد دي؟؟؟؟؟؟؟؟؟؟ :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted: :twisted:

[Katamando]

كل ما هنالك تعملوا زي ماعمل

يعني تأخدوا عليه ورقة باستلام الشقة سليمة بعد ماتكونوا غيرتو الكالون وتيجو تاني وتكسروا وترشوا لون اسود على الحيطان بس بشكل سيريالي علشان يتجنن ويرمي نفسه في الأساسات بتاعت العمارة الجديدة من الشباك اللى ح يتقفل

وممكن تأجروا عليه شوية صعايدة يكسروا ألواح الخشب أو يجبروه انه هو يكسرهم بإيده وممكن حد من الأولاد الخلابيص يبوظ حاجة في السباكة علشان الصحي كله يتنيل على دماغه :lol:

وممكن تبلغوا عنه انه بيأجر الشقة مفروش لأرهابيين :D

وكمان أنه بيزور فيها فلوس (دولارات) :lol:

او ممكن تخلي العيال الخلابيص ( المذكورين أعلاه) ينفسوا عجل عربيته واحدة قدام يمين وواحدة ورا شمال علشان يتعذب لما يجي يصلحهم وبلاش الأربعة مرة واحدة علشان ماتبقاش مفقوسة :D :D

وممكن تخلي حد يستلمه ويقعد يبعتله رسايل على الموبايل كلها شتيمه وحجات تحرق الدم بس تبعتيها من الأنترنت علشان ماتتفقسشي :lol: :lol: :lol:

وممكن كمان تجيبي شنيور وتخرمي في الحيطان بشكل عشوائي علشان كنتي ناوية تركبي لوحات بس تكون الأخرام ببنطة 8 أوأكبر علشان تسيب أثر واضح في الحيطة بس تكون الأخرام كتير حبتين :lol:

وممكن كمان تجيبي شوية بيض وعلبتين تونة وفسيخة وكام موزة وتحطيهم مع بعض في كيس نايلون وتخلطيهم كويس وتسبيهم في الشمس لمدة يومين وبعدين تجيبي الخليط وتدهني بيه أجزاء من الأبواب (نوع من الديكور) وتسيبي الكيس النايلون في أوضه من الأوض بس تكون محكمة الغلق ويكون الكيس مفتوح علشان الريحة تلعلع وخرم مناخيره لما يدخل :lol: :lol: :lol: :lol:

[kokowawa1979]

أحسن حل يادكتوره تحطي فيها قنبلة زمنية تتفجر عن بعد !!! ده طبعا بعد ماتسلميه الشقه 100 فل وجديده كمان علشان تديله الأمان

وبعد التفجير تبعتيله 200 فار ولد ( بكسر الواو) لزوم عكننة مزاجه !!!!

انت محسودة يادكتورة اليومين دول ! يابنتي بخري نفسك لاحسن مشاكلك كترت :lol: :lol: :lol: :lol:

[الصاوى]

ليه الأذية دى بس

خليكو محضر خير وبلاش الأفكار العدوانية دى

شوفى يا أختى أنتى قولى لوالدك انه لو ما اخدش الفلوس منه ميزعلش ، دا خير وربنا شايلهوله فى الآخرة

يعنى كل واحد عليه دين لازم يرده ان ماكانش فى الدنيا حيدفعه حسنات يوم القيامه وشوفى بقى الجنيه بكام حسنه :?: :!:

دا الوالد المفروض يدعيله على الحسنات اللى حياخدها منه :lol: :lol: :lol: :lol: :lol:

[kokowawa1979]

خليكو محضر خير وبلاش الأفكار العدوانية دى

ياعم صاوي ماهو اللي ابتدا ولازم يتحمل

وهو انت عارف يعني إن الدكتورة شعنونة تعرف شكل القنبله إيه !!!

هي صحيح قلبها جامد وشافت جثث كتير ايام الكلية لكن مخها كبير ومش ممكن تعمل الأفكار العدوانية بتاعة كوكوواوا افندي وإلا هتوديه في داهية راخر لأنه المحرض

أمانة عليك يادكتورة ماتعملي كدة لاروح في العمبوكة

:lol: :lol: :lol: :lol: :lol: :lol: :lol: شاهد ياعم صاوي

تحياتي

[Spider]

يعنى كل واحد عليه دين لازم يرده ان ماكانش فى الدنيا حيدفعه حسنات يوم القيامه وشوفى بقى الجنيه بكام حسنه  :?:  :!: 

:lol:  :lol:  :lol:  :lol:  :lol:

لأ والنبى يا أخ صاوى ألا الجنية، أصله فقد من قمته الى الآن ما يقارب النصف

اظن الأفضل نحول الفلوس الأول لدولارات قبل منحولها حسنات

ودى نصيحة لشعنونة :cool:

[mnman]

أنا مع الاخ صاوي .... العقد شريعة المتعاقدين.... وانت ارتضيتي الشقة و هو طلع غشاش ..... بس دة ميدناش الحق نبقي زية......

صلي علي النبي ياشونشن و اسمعي كلامي انا مجرب الوصفة دي... افضلي رددي الاية الكريمة

"ولنبلونكم بشئ من الخوف و الجوع ونقص من الاموال و الانفس و الثمرات و بشر الصابرين الذين أذ أصابتهم مصيبة قالوا ان لله وان الية راجعون"

حتلاقي نفسك تقبلتي الخسارة بصدر رحب واستعوضتيها عند ربنا..

[ragab2]

الطيب أحسن

ويابخت من بات مظلوم ولا بات ظالم

ولك يوم ياظالم

ولابد أنه سينال جزاء ظلمه

وكفاية دعوة الوالد عليه

[Sharkiah]

ياملكه التلقائيه ، بيقولوا بالإنجليزىtwo wrongs don't make one right ، وديننا ينهانا تماما عن الرد بالإساءه لمن أساءوا إلينا ، ومع خالص إحترامى لكل الأرآء المخالفه فلو كل واحد فينا ـ والكلام ده بأقوله لنفسى أول واحد ـ خد حقه بإيده يبقى نعلنها غابه مصر العربيه

حاولى بكل الطرق القانونيه تسترجعى حقك فإذا فشلتى فلتكن لنا كمجتمع وقفه مع الثغره أو العوار فى تشريعاتنا وقوانينا التى سمحت بإهدار الحقوق على هذا النحو ومكنت طرف من التعدى على حقوق طرف ثانى فى معامله تجاريه

وشخصيا بأقولك بعشم والله ، جمال تلقائيتك إنها كانت دائما فى الخير ، فخليها كده دايما

[se_ Elsyed]

أنا مع رأي جماعة السلام الأخضر وفعلاً الطيب أحسن ولو فتحتوا باب الأنتقام ممكن مايتقفلش أو يتقفل على صوابع حد منكم وكمان ممكن يكون رد فع الراجل التاني ده غبي ويعمل أي تصرف أحمق ونرجع نقول ياريت اللى جرى ما كان ن مش معنى كلامي أن الواحد يفرط فى حقه ولكن بعض الامور لابد ان تعالج بحكمه .

وبلاش يا شنشن أسامي المواضيع دي " عودة المنتقم " و " المرأة الحديدية " "ودائرة الأنتقام " بتحسس الواحد انه بيتفرج على فيلم من بتوع أرنولد شوال الزينجر او سيلفستر سالأوني :oops: :oops: :D

[بنت شعنونة]

:twisted:

انا لسا جايا من هناك

اسمعوا اخر الأخبار

مش انتوا عاوزيني اكون طيبة

استلموا :mad:

البية او "الباشا" زي ما بينادوه غير الكالون على اجهزة التكييف بتاعتنا

وطلعت عين اهالينا على ما عرفنا نجيب المفتاح :twisted:

ودا غير قلة الأدب في التعامل طبعا

وتجاهل الرد على مكالمتنا عشان يفتحلنا الباب

بصوا بقى انا عارفا ان اللي ها اعمله "جايز " ما يكونش صح

لكن لو كل واحد سكت على "حقة" يبقى عيب علينا نتسمة مسلمين

خصوصا ان الباشا من اصحاب السمو والمعالي اللي معروفين في البلد

:twisted: :twisted:

ومنشور في الجرايد وانا شخصيا اعرف حقيقته "النظيفة"

انا ممكن استحمل اي خسارة

انما اهانة والدي باي مضمون

على جثتي انا و اخواتي بجد :twisted:

وبجد بجد

انا ناوياله على كارثا

ايه هيا

مش عارفا بس اكيد ها اقولكم لما ارجع

دعواتكم اني اخد احقي بالذوق وانه يهتدي كدا ويتعدل

:twisted:

[mnman]

شانا قلبت علي الوش التاني :oops: :oops: :D ........

ربنا يرحم المرحوم الباشا هو حد يقف في وش شانا و هي مترفزة هو اللي جابة لنفسة.....مش خد لقب مرحوم ولا لسة... :D :lol: :lol:

أهدي يا شانا و حلي الموضوع من غير نرفزة... النرفزة بتعقد اكتر ماتحل.......

[ابو حلاوه]

ياملكه التلقائيه ، بيقولوا بالإنجليزىtwo wrongs don't make one right

و الله يا شرقية كلام في الصميم ... و عسي ان الناس تفهمه

[Faro]

يأخت شعنونة

طالما الحق فى جانبك فلك الحق أن تفعلى ماتشائي عدا القتل والتخريب حيث أن هناك ماهو أشد كما يحدث فى أوروبا. التطور التكنولوجي أعطانا الفرصة لتلقي وإرسال المعلومات فى ثواني وهذا يعني السلاح المرعب ... الإنترنت ... فما عليك إلا أن تعلني إسمه على صفحات جميع المنتديات مع نشر القصة بدون تحريف وبتعبيرات يسهل قرائتها ... و إذا لم يتسنى لك ذلك فعلى صفحة شارك برأيك الوفدية .

[الصاوى]

 

اظن الأفضل نحول الفلوس الأول لدولارات قبل منحولها حسنات

ودى نصيحة لشعنونة :cool:

لا دا انت كده عاوزها تاخد خمس الحسنات بس :D :D :D :lol:

[الطفشان]

منمان كتب

أنا مع الاخ صاوي .... العقد شريعة المتعاقدين.... وانت ارتضيتي الشقة و هو طلع غشاش ..... بس دة ميدناش الحق نبقي زية......

و شرقية كتب

ياملكه التلقائيه ، بيقولوا بالإنجليزىtwo wrongs don't make one right ، وديننا ينهانا تماما عن الرد بالإساءه لمن أساءوا إلينا ، ومع خالص إحترامى لكل الأرآء المخالفه فلو كل واحد فينا ـ والكلام ده بأقوله لنفسى أول واحد ـ خد حقه بإيده يبقى نعلنها غابه مصر العربيه

و انا باقول فعلا كلام حكم، و يستاهل يتبروز على الحيطان و حلق في الودان و عقد كمان

و اقرب مثل هو بن لادن و الورطة اللي ورط فيها 1.2 بليون مسلم بسبب انه قال العين بالعين و السن بالسن، و نصب نفسه قاضي و جلاد، و اتصرف لوحده باسمنا

صحيح يا شانا انك اتظلمتي، لك ما تغلطيش ابدا، لان الموضوع قبل ما يبقى نكاية في الجدع دة، هو جرح في مبادءك انت و مفهوم الصح و الغلط

و زي ما الناس قالت، ممكن تفضحيه

و ممكن تحتسبي الاجر عند الله، لان الخسارة جت مقدور عليها

و ممكن تسألي محامي و تشوفي اذا كان ممكن تشتكي، و لو ان مافيش معاكي ورق يثبت و شهود و كدة، بما يكفي انه يتهز

دلوقت انا فهمت ليه مش طايقاه، و التوقيع بتاعك

[بنت شعنونة]

بيني وبينكم

كنت زمان اقول لوالدي

يا ريتك ما ربتنا كدا

عشان نعرف ناخدحقنا :?

لكن اهو :(

الموضوع لسا معلق

والمفروض اننا ها نروحله بكرا

وعلى قد غضبي وعصبيتي

على قد ما بتنور لمبة حمرا في راسي فجاة تقول

حرام..... واستحرما عمل فيه مصيبة

دعواتكم بس:(

[الطفشان]

ربنا يكرمك، و على الله الشعنونة ما يطلعلهاش الجنونة

[بنت شعنونة]

الموضوع انتهى الحمدلله

وخدنا الفلوس ناقصا500ج سمسرة+800ج خشب :?

والحمدلله بابا هزق الراجل بالأدب ودعا عليه :D

وبعدما مشينا اخويا اتصل بيه قالوه

على فكرة مش احنا دفعنا تمن الخشب؟؟

طب معلش بقى احنا عاوزينه :oops:

مش كدا عدانا العيب برضه؟ :wink: :wink: :oops: :oops: