المنتوف!!!

[عبد الحكم]

أخي حشيش:

قد يكون الموضوع جانبياً ولكن هل لك أن توضح لي معنى توقيعك (إذا الشعب يوماً........؟

[EBN ELBLD]

يا عم حشيش بلاش تبالغ فى الافلام الهنيه بتاعتك!!!!

اذا كان معظم رواد المنتتدى ما دخلوش جيش فالعبد لله الجيش أخد مني راقات ودليلي على الافلام الهندي بتاعتك

1- مفيش حاجه اسمها جرايه او تعيين اقل فى الجيش (وزير الحربيه نفسه لا يقدر ان يتحمل مسؤليه احدث عسكري فى الجيش يقول انا جعان او ما اخذت التعيين)مش برضه كانوا بيقولوا لك خد تعيينك وارميه؟

2- عند دخولك المكتب لا ئؤدى التحيه العسكريهالشخص إللى مدورك مكتب هو إللى بيؤديها

3- القائد بتاعك ما يقولكش استريح فى السجن لكن يحولك على حاجه اسمها الحبس خانه(مستشفى السجن)

مع خالص تحياتى

رقيب مجند سابق

[Excellence]

اقتباس:

مفيش حاجه اسمها جرايه او تعيين اقل فى الجيش

الأخ EBN ELBLD

كلامك صحيح لو عندك واسطة داخل الوحدة أما غير ذلك فحدث ولا حرج

[Horus]

يا إخواننا بالراحه ع الراجل...

الكلام اللى بيحكيه حشيش - و الله حصللى أغلبه بالحرف - و بأحس و انا باقراه انه بيمرر قدامى شريط عن اصعب فترات حياتى .. و لكن انا كنت شايف الويل ده يا حشيش يا اخويا لمده 6 أشهر فى كليه الضباط الاحتياط موش هما 45 يوم و دمتم.... :cool:

و الكلام ده كان من بضع سنين يعنى أقل من 10 سنين كده ..

و ان كنت دلوقتى حاسس ان لازم فعلا الخدمه تكون كده ... فيها الكثير من الشده و العنف كمان ... امال هى الناس دى هتخدم أو تحارب ازاى. :D :D

افتكرت دلوقتى الصول ( المعلم) بتاع السريه بتاعتنا لما كان بيبهدلنا فى التمارين و الجرى و الطوابير تحت شمس الظهر الحارقه - و ما ادراك بقى الشمس دى فى فايد - و كان بيقول

" العرق فى التدريب يوفر الدم فى المعركه " الله يمسسيه بالخير.

و موش عايز ادخل فى تفاصيل لكن يمكن الاخوه الكبار كان الجيش على ايامهم مختلف حبتين و دوام الحال من المحال.

[حشيش]

يا عم حشيش بلاش تبالغ فى الافلام الهنيه بتاعتك!!!!  

اذا كان معظم رواد المنتتدى ما دخلوش جيش فالعبد لله الجيش أخد مني راقات ودليلي على الافلام الهندي بتاعتك  

1- مفيش حاجه اسمها جرايه او تعيين اقل فى الجيش (وزير الحربيه نفسه لا يقدر ان يتحمل مسؤليه احدث عسكري فى الجيش يقول انا جعان او ما اخذت التعيين)مش برضه كانوا بيقولوا لك خد تعيينك وارميه؟  

2- عند دخولك المكتب لا ئؤدى التحيه العسكريهالشخص إللى مدورك مكتب هو إللى بيؤديها  

3- القائد بتاعك ما يقولكش استريح فى السجن لكن يحولك على حاجه اسمها الحبس خانه(مستشفى السجن)  

الأخ إبن البلد...سامحك الله على ما قلته...أنا لست بحاجة أن أكتب أفلام هندى...أنا فقط أتذكر ما حدث لى أثناء فترة تجنيدى منذ ما يزيد عن ستة أعوام...إذا كنت قد نسيت من منا قد أدى التحية العسكرية أنا واللا الشاويش اللى مدورنى مكتب فلا أظن أن ذلك له أهمية كبيرة فى الموضوع...قولك أن وزير الحربية(تغير اسمه من حوالى عشرين سنه إلى وزير الدفاع) لا يتحمل مسئولية أن يجوع جندى فاسمح لى أن أقول لك إن كلامك ده تحشيشه كبيره لعدة أسباب...أولاً من هو هذا الجندى الذى سيذهب إلى(وزير الحربية) ليبلغه بذلك...هل تستطيع فى الجيش أن تشتكى ظلماً وقع عليك مباشرةً إلى ضابط برتبة ملازم دون المرور على العريف والباش شاويش والصول اللى همه أصلاً مديينك الجزا!!!!....ثم وزير الحربية لا يتحمل المسئولية أمام مين؟؟؟؟....رئيس الجمهورية مثلاً؟؟؟...هل موضوع الجرايا لعسكرى مجند كحول سيحظى بهذا الإهتمام من السيد وزير الحربية ومن فوقه السيد رئيس الجمهورية!!!...أنا برده اللى هندى :) :D :)...ياأخى الموضوع أبسط من كده...أنا فقط أسرد خواطرى هنا عن فترة تجنيدى مضيفاً إليها بعض التعليقات الساخرة من عندى...لا يسيئنى فى شئ أن أكتب ما أكتبه هنا تحت عنوان (قصة قصيرة) إن كان من محض خيالى...ولكنه للأسف واقع عشته وليس خيالاً...عموماً إن كان لا يروقك فلا تقرأه...ذلك أفضل من إتهام الناس بالكذب بدون وجه حق.

حشيش

[حشيش]

أخي حشيش:  

قد يكون الموضوع جانبياً ولكن هل لك أن توضح لي معنى توقيعك (إذا الشعب يوماً........؟

 

 

أخى عبد الحكم

هذا البيت ليس لى ولكنه لشاعر اسمه (أبو القاسم الشابى) ومعناه أن الشعب إذا أراد الحرية والتخلص من العبودية والذل والهوان وسعى من أجل ذلك فإن الله تعالى سوف ينصره ويحقق له ما تمناه...تحياتى

[عبد الحكم]

أخي حشيش:

أعلم أنه للشابي.

ولكني أتحفظ على قوله:فلا بد

[إبن مصر]

أخي حشيش:

أعلم أنه للشابي.

ولكني أتحفظ على قوله:فلا بد

:)

[Cleo]

فاكرين زمان كان فيه نكتة غلسة بتقول :

ليه عمرو دياب هايروح النار؟؟؟؟

أصله بيقول "راجعييييييييييييييييييين" من غير ما يقول إنشاء الله...!!!

أتاريها طلعت مش نكتة.... :!: :!: :!: :!: :) :D :) :cry:

[بنت شعنونة]

ههههههههههههههههههههههههههههههههههههههه

ههههههههههههههههههههههههههههه

ههههههههههههههههههههههههههههههههههههه

هههههههههههههههههههههههههههههههههههه

ههههههههههههههههههههههههههههههههههههه

هههههههههههههههههههههههههههههههههه

هههههههههههههههههههههههههههههههههه

ملعوووووووووووووبة :wink: :wink: :lol: :D :D

[EBN ELBLD]

...هل موضوع الجرايا لعسكرى مجند كحول سيحظى بهذا الإهتمام من السيد وزير الحربية ومن فوقه السيد رئيس

حشيش :

نعم موضوع الجرايه والتعيين ممكن ان يصل الى وزير الدفاع بسهوله

وقدحدث فعلا حينما كنت بمركز تدريب القوات الخاصه ان صاح احد

الجنود(غير مؤهلات) للعميد قائد المركز اثناء طابور الصباح

انا جعان يافندم والتعيين لا يكفينى وبعدها انقلب المركز رأسأُ على عقب لمده اسبوع وحضر الى المركز لجنه من اداره الشئون الاداريه ولجنه من اداره المخابرات العسكريه لدراسه الموضوع وتم احاله المقدم قائد الشؤن الاداريه بالمركز للتحقيق

فكلامك ده مايدخلش العقل

ثم تعالى هنا يا جدع انت انا شايف من خلال كتاباتك انك من الجماعه اياهم اللى عاوزين يحاربوا ويطلعوا على اسرائيل يكسروها

مش عيب يا راجل واحد وطنى زيك يبحث عن واسطه فى الجيش وتروح لخالك اللواء عشان تقعد فى بيتكم اثناء الخدمه؟ بالذمه مش مكسوف من نفسك؟

وكمان مش قادر تستحمل فتر التجنيد (يا دوب سنه) امال عاوز تحرر فلسطين ازاى؟

[حشيش]

عقلى الباطن::shock:  :shock:  :shock: إبن البلد حطنى فى دماغه :shock:  :shock:  :shock: مش عايز يخلينى أحكى للناس حكاية الجطة اللى طلعت لجريب الوله مطاوع فى الغيط :shock:  :shock:  :shock: يكونش مخاوى :shock:  :shock:  :shock: لازم اخد حته من اتره واروح للشيخة سيدة العمشه تشوف لى حل معاه :shock:  :shock:  :shock:  ودلوقتى مش لازم ابين له إنى مستغلسه :shock:  :shock:  :shock: 

أخى إبن البلد

شكراً على كلماتك الرقيقة.....تحياتى

أخوك

دوندى مودند/حشيش

[Mohammad Abouzied]

و موش عايز ادخل فى تفاصيل لكن يمكن الاخوه الكبار كان الجيش على ايامهم مختلف حبتين و دوام الحال من المحال.

الجيش هو الجيش ولكن تختلف من سلاح لسلاح وظروف البلد سواء في حالة استرخاء عسكري او حرب

انا قضيت الجيش عندي وخاصة فترة التدريب في سرية كلها مؤهلات عليا والاجهزة الي اتمرنا عليها فقط للمؤهلات العليا او ضباط مهندسين

وبالرغم من كده وقت المعركة اتوزعنا في وحدات متفرقة

والمعاملة اثناء الحرب تختلف تماما عن قبلها وكذلك فترة التدريب تختلف عن فترة الخدمة وتختلف من سلاح الى سلاح

ولكن الشهادة لله سلاح المدفعية بالذات مشهور بهذه الحكايات وانا مستغرب ازاي واحد مؤهلات عليا يخدم في سلاح المدفعية لان كل عساكره مثل جنود الامن المركزي

[ابو حلاوه]

و حشيش معاه الكوره قدامه ابن البلد ... ابن البلد دخل عليه ناشف حبتين ..لكن طبعا انتو عارفين ده نظامنا في المنتدي اللعب الرجولي بخشونه و لكن باخلاق

لكن ايه ده .. حشيش لم الكورة باليمين و راح مفوتها من فوق ابن البلد و شاط

و جون و جون وجون وجون ... و يا سلام يا ابو حشيش ملعوبه قوي قوي قوي ... انا رايي من الاول ان حشيش ده له مستقبل كبير قوي

اه نسيت الاخ عبد الحكم هنا

.. ان شاء الله له مستقبل كبير قوي

[علي بابا]

اخ حشيش،

انا مذبهل و منسجم جدا جدا،،، :lol: :D

استمر ربنا يخليك... :D

انا بقالي سنين مضحكتش كده..... :lol:

:D

انا اسف ان انا بضحك علي اللي حصلك....بس اعمل ايه؟؟؟؟ :?: ؟ :D :D

[kokowawa1979]

محمد ابوزيد كتب :

ولكن الشهادة لله سلاح المدفعية بالذات مشهور بهذه الحكايات وانا مستغرب ازاي واحد مؤهلات عليا يخدم في سلاح المدفعية

أنا لم أخدم بسلاح المدفعية لكن حسب معلوماتي البسيطة سلاح المدفعية هو السلاح الوحيد الذي يحتاج المؤهلات العليا وليس أفراد الأمن المركزي الذين يتمتعون بذكاء نادر :lol: يا أستاذ محمد لسبب بسيط هو أن جميع ضربات المدفعية تحتاج إلى حسابات دقيقة ومعقدة جدا لحساب زاوية الهدف والميل المطلوب لأنبوب المدفع حتي يتلاءم مع إصابة الهدف لأن المدفعية لاتضرب ضرب عشوائي ولكن بحساب وإلا كنا كمن يضرب الطلقات في فرح العمدة :D :D :lol: :D حتى فرح العمدة ممكن طوبة تيجى في المعطوبة وتيجي الطلقة في واحد غلبان :mad:

لهذا فإن أكثر ناس مطلوبة للمدفعية هم أصحاب المؤهلات العليا وخاصة المهندسين :D :D :D

أما تقول إيه عن بتوع المشاه :lol: :lol: :lol: :lol:

وماتنساش إن المشير أبو غزالة كان قائد المدفعية في حرب 73 وكان هذا السلاح له دور كبير في دك خنادق وتحصينات العدو نظرا للدقة التي أديرت بها النيران

إيييييييييييييييييه رجعتونا للأيام الحلوة اللي مابترجعش تاني على رأي إيهاب توفيق!!!!!

[Mohammad Abouzied]

جميع ضربات المدفعية تحتاج إلى حسابات دقيقة ومعقدة جدا لحساب زاوية الهدف والميل المطلوب لأنبوب المدفع حتي يتلاءم مع إصابة الهدف لأن المدفعية لاتضرب ضرب عشوائي

برضه مش محتاجة مؤهلات عليا ابدا وكفاية الضابط او صف ضابط يظبط المدفع والنفر عليه يشيل ويعبي ويضرب وعلى فكرة في حرب الخليج الثانية كان اغلب الي بيقومو بظبط المدافع مجندات ومستوى تعليمهم لا يزيد على التعليم الالزامي خاصة في الجيش الامريكي والانجليزي

وللعلم كل نكت الجيش بتكون على عساكر المدفعية

[mnman]

أولا كليو.... ان شاء الله انتي ضحكتيني لحد ما بطني وجعتني.. :lol: :D :D .... ان شاء الله اهوة يعني لا عمرو دياب ولا الشابي... انا في السليم ...انتي في السليم :lol: :D

حشيش...انتي لية بتقطرنا بالقصة .... فين الباقي..... :? :?

[علي بابا]

حشيش ،،،

كمل الحدوته،،،متعلقناش كده.... :shock:

الدنيا هنا برددددددد،،،،و الضحك هو اللي بينسي الواحد الساقعه اللي بره.... :roll:

[الطفشان]

الى الاخوة اللي انتقدوا حشيش

يجب مراعاة ان الموضوع فكاهي بعض الشئ و ان كان نبني على قصة حقيقية (ايامه السودا في التجنيد)

و في هذا الحالة الشاعر او الاديب مقبول جدا ان يبالغ بعض الشئ

و هذا مشاهد في كل الاعمال الادبية على مر التاريخ

كمل يا بني كمل و لا يهمك

عمل ايه ابو زيد الهلالي (اقتباس من ابو زيد اخر :lol: )