هنا القاهرة ,,,,,, وحشتونى كتير !!!

[badroora]

هلا والله بالجميع عضو عضو وعضوة عضوة والله كلكم وحشتونى كتير والنت هنا مش مساعدنى خالص الله يرحم النت فى البحرين كان 2 جيجا فكان بيفتح بسرعة هنا بقي بعيد عنكم وعن السامعين بادخل بالتليفون على الصفحة ما تتحمل اكون نمت او زهقت .

عشان هيك مش عارفه اتواصل معكم ولا حتى اتابع ولكن اليوم اصريت انى اعافر واستحمل لحد ما الصفحة ما تفتح عشان اسلم عليكم

واقولكم وحشتوووووووووووووووووووونى اوى .

وكمان دى اول مرة اشارك من مصر .

وقولت حكما ولابد :blink: اسجل حضور وكمان اطمن عليكم وعلى احوالكم .

الجو فى مصر جميل جدا ودافيء اوى بس زحمة مووووووووووووووت والمواصلات تزهق بس بردوا جميلة وجميلها فى زحمتها

اخوانا بقي المغتربين حد يوصي على شيء

لحمة منجا اى شيء اى شيء انا جاهزة وهاحسبكم بسعر البلد مش هاضيف ضرايب ولا حاجة :blink:

مصر والله فيها كل خير كل ماشترى حاجة اقارنها بالبحرين اتمنى انى اعيش فى مصر بمرتب البحرين :sad:

:sad: اخوانى واخواتى المغتربين الله يصبركم على غربتكم ويرجعكم بالسلامة

كانت معكم نجفة الضب حسين

من النجع

القاهرة

[Folana]

السلام عليكم ورحمة الله....

بدرية...بدارة...بدردر....وحشتينا جدا..أوى ..خالص...يعنى منتهى الوحشنة...والمينتيديه مفتقدك...ومفتقد حماسك وروحك الجميلة...

وازى مصر؟.. :blink: مش جميلة كده زى ماهى؟.....والشوارع والزحام والمطبات والزعيق والكلاكسات..مش كله تمام والحمد لله؟...

والمحور..اخباره ايه؟..مشيتى على الاشواك قصدى عليه ولا حظك وحش؟...ياسلام يانجفة..صحيح على رأى المثل.." وما الدنيا الا محور طووووووووووووووويل " :blink:

بس انا سامعة انك حتجيبى مانجة معاك...هولسه فيه مانجه فى مصر؟...

احكى لنا كمان عن مصر ..احسن دى وحشتنا جوى جوى جوى...أووووووففففففففففف

وحشتينا بجد يانجوفة يابدورة

[مسالم]

مصر والله فيها كل خير كل ماشترى حاجة اقارنها بالبحرين اتمنى انى اعيش فى مصر بمرتب البحرين

نوووو .... وايييي ... يا مدام ..

وانا كنت بادّور عليكي في المواضيع التانيه .. واقول هيه راحت فين ..

حمدلله على السلامه في مصر .. وقت غريب للأجازه .. الواحد نسي ينزل في الشتا .. بعد ماالاولاد دخلوا المدرسه ...

يا ريت نصف كيلو مانجه .. فص .. لو سمحتي :blink:

[م.سامح المصرى]

الف الف حمد لله علي السلامة

انا في النجع الي جنبك

لو عوزتي اي حاجة قوليلي وانا ان شاء الله هاحاول افيدك

وانا اقول مصر نورت لية مصر نورت لية

سلامي لكي

تم تعديل 28 نوفمبر 2007 بواسطة Solee

[miramar]

حرام عليكي يا بدرية خليتيني اعيط

افتكرت مصر والكورنيش والنيل والزحمة وريحة دخان الشيشة الي طالع من القهاوي

الللللللللللله على ريحة القهاوي :blink:

والدرة المشوي والبطاطا واللب

والناس حتى لو كانت وحشة بس برضه تبقى وشوش معروفة قريبة مننا

حمد الله على السلامة يا بدردر

مرمر

[zizetta]

المزمزين بدرية .. الشهيرة ببدارة ..

تصدقي انك وحشة مش وحشتينا .. بجد والله كنت قلقانة عليكي .. وعمالة أسأل نفسي هي فين هي فين .. وبعدين خطر ببالي انك ممكن تكوني سافرتي بس ينفع كده تسافري من غير ما تسيبي خبر .. تقليقينا عليكي كده برضه..

والله المحاورات (ماصخة) من غيرك .. إنتي برضة بتضيفي لها طعم تاني .. يعني بوجودك بتبقي محاورات بطعم المانجة الفص اللي عايزها أخونا مسالم ..

يعني فرصة بقى انك في القاهرة .. ياريت تبقي تتصلي بينا ونشوفك ولو انتي مستعدة ابعتي لي رسالة علي الخاص علشان نرتب اللقاء ..

تحياتي

زيزيتا

[mesryforever]

حمداً لله على السلامه يا نجفه المحاورات

أخبارك إيه وأخبار مصر على حسك

نورتي والله إحنا كنا قلقانين عليكي كتير كتير

بصراحة كانت ليكي وحشه وكانت المحاورات مضلمه من غيرك

الحمد لله إطمنا عليكي يارب تكوني بخير والأهل يكونوا بخير

وسلامي للجميع

[badroora]

السلام عليكم ورحمة الله....

بدرية...بدارة...بدردر....وحشتينا جدا..أوى ..خالص...يعنى منتهى الوحشنة...والمينتيديه مفتقدك...ومفتقد حماسك وروحك الجميلة...

وازى مصر؟.. :) مش جميلة كده زى ماهى؟.....والشوارع والزحام والمطبات والزعيق والكلاكسات..مش كله تمام والحمد لله؟...

والمحور..اخباره ايه؟..مشيتى على الاشواك قصدى عليه ولا حظك وحش؟...ياسلام يانجفة..صحيح على رأى المثل.." وما الدنيا الا محور طووووووووووووووويل "

بس انا سامعة انك حتجيبى مانجة معاك...هولسه فيه مانجه فى مصر؟...

احكى لنا كمان عن مصر ..احسن دى وحشتنا جوى جوى جوى...أووووووففففففففففف

وحشتينا بجد يانجوفة يابدورة

اختى الجميلة مدام فولانه ازيك والله وحشتيني اوى ووحشنى طبيخك :sad:

مصر كويسه وبخير عشان انتى فيها ومنوراها وبخصوص الجو حدانا فى النجع مشمس فوق الروف نهارا باردا مع طفافة ناموس ليلا :D

وبخصوص المنجا انا جاية وكلى امل وابويا كان معشمنى ولسه بصراحة مستنى لما الرجل تخف من البيت عشان يفاجئنى اما لو مطلعش فيه منجا هازعل اوى md2: ومش هنساها لابويا .

المحور كنت عليه من يومين وكويس زى من 9 شهور بس الطريق هو اللى مش ولابد والكل بيقولى الاسبوع اللى فات كان تمام

انا اصلي النحس كان ماسك فيا ومتبت من البحرين وحتى لحقنى فى مصر

الله يستر

عموما يا ست الكل لو احتجتى اى حاجة من مصر زعقي على بس ولا يهمك :wub:

[nash]

حمدلله علي السلامه يا بدريه ...وأنا اقول المحاورات منورة ليه ... :)

المهم ان مصر برضه جميله بأهلها وناسها ...والله أشتقنالها..

حاولي بأة تنبسطي علي قد ماتقدري...وتعالي أحكيلنا كل حاجه :sad:

ألف حمدلله علي السلامه...ماتتأخريش بأة علينا :wub:

[badroora]

نوووو .... وايييي ... يا مدام ..

وانا كنت بادّور عليكي في المواضيع التانيه .. واقول هيه راحت فين ..

حمدلله على السلامه في مصر .. وقت غريب للأجازه .. الواحد نسي ينزل في الشتا .. بعد ماالاولاد دخلوا المدرسه ...

يا ريت نصف كيلو مانجه .. فص .. لو سمحتي

الله يسلمك من مصر

والله اجازتى مكنتش مترتبه خالص لمصر هما كانوا اسبوعين بس وكنت ناوية اقضيهم انا وصحبتى عند اختها فى لندن وبصراحة كانت فرصة اننا نلاقي سكن ببلاش ولكن نظرا لظروف طارئة جدت فكان لازم اتواجد فى مصر فلذلك غيرت مسارى الى المحروسة

على امل انى ازور ارض بريطانيا المباركة فى اقرب فرصة باذن الله

وانت بدل ماكنت تدور لو كنت بس وقفت على باب المنتدى وزعقت على كنت هارد عليك على طول :sad:

والمنجا نص كيلو مش كتير حبتين :)

ولا الاولاد ممنوعين من رؤية المنجا :wub:

عموما الطلبات تتكتب بخط واضح والعنوان كامل ورقم الكريديت كارد وتاريخ الانتهاء لو سمحتم منعا لتأخر الطبات md2:

شكرا على سؤال وربنا يبارك فيك يا رب :D

[badroora]

الاخ \ الاخت \العزيز\العزيزة جوجل بوت والله ماكنت متوقعه انى وحشتك وانت كمان هتسأل عنى .

على الرغم انه مافيش اى مواضيع جمعت بينا ولذلك مكنتش متوقعه سؤال ابدا .بجد متشكرة جدا وربنا يديم المعروف بينا يا رب

اختك فى الكوبانية

نجفة

[badroora]

الف الف حمد لله علي السلامة

انا في النجع الي جنبك

لو عوزتي اي حاجة قوليلي وانا ان شاء الله هاحاول افيدك

وانا اقول مصر نورت لية مصر نورت لية

سلامي لكي

الله يسلمك يا سولي يا رب

وانت بجد فى النجع اللى جنبنا ؟ طيب كويس اوى .

مصر منورة بيك وباهلها وناسها :)

وبخصوص الحاجة امممممممم يعنى انا باارتب لرحلة قصيرة للاقصر لو تقدر تفدنى بقي كيف ارتب بس انا مش عاوزة اروح تبع شركة سياحة

بيقولولى فيه قطر بيطلع بالليل بياخد 8 ساعات بس مش عرفه دا بقي لازم حجز قبليها ولا ممكن اروح فى نفس يوم الحجز .

ويعنى لو بقي فيه فنادق معينه ومعقولة يبقي بردوا كتر خيرك .

:sad: هما دول المصريين النيل رواهم والخير جواهم ربنا يخليكم لينا ولمصر

وشكرا على سؤالك مرة اخرى

[أختكم المصرية]

اهلا اهلا اهلا اهلا ....................

و حشتينى بسال نفسى عليكى انتى روحتى فيننننننننن

نورتى المنتدى انا عارفة انك مش عارفانى لانى مشتركة جديدة فى المنتدى بقالى حوالى 3 اسابيع كدة او شهر بس انا متابعة المنتدى بقالى كتير اوى و لقيت بصراحة انك فعلا منورة المنتدى و الله ايه الجمال دة ايه الاسلوب دة ايه خفة الدم دى مصرية صحيح ربنا يخليكى لينا

ربنا معاكى و اجازة سعيدة ان شاء الله بس اوعى تطلعى على المحور (بس ايه رايك فى جماله من كترجماله احنا علية كل يوم بس بنتشاهد على روحنا قبل منطلع عليه ربنا يستر)

اختك فى مصر المحروسة المصرية الحزينة

[amrhoras]

اكشن تاني مره يارب تتذاع المره دى

الــــــــــــــــــــــــــوووه يابندر الــــــــــــــــــــــــوه ياحكومه

سمعنا اخبار كثيره

سمعت أن هناك نسمه جميله تسكن القاهره فى الايام القلائل الاخيره

وسمعت أيضا أن أنوار القاهره ازدات آلاف المرات ضعف عن ما كانت عليه

ما سمعت أن قمر السماء قد أختفى بمجرد ظهور نورا جديدا فى أحياء بلادى

لم أتعجب كثيرا ولم ياخذ مني الجواب على هذه التساؤلات كثيرا من الوقت لأننى بالطبع اعرف ان بدردر تقضي أيام اجازتها فى مصرنا الغالى جئت مهنىء أرض القاهره لرجوع ابنتنا سالمه غانمه الى أحضان اهلها وأعتذر كثيرا لـتاخرى في التهنئه ظروف طارئه

حمد الله على سلامتك يا نجوفه نورتي مصر زياده اتمنالك قضاء اجازه سعيده فى احضان اهل بلدك

:sad: :wub: md2: باقه من الورود لاختى الغاليه بدريه

اخوكى عمرو

ملحوظه :-

بما انك عرضتي علينا تلبيه الطلبات ارجو منك احضار زلعة مش لاخوكى افتقده جدااااااااااااااااااااااااااااااااا هتقولى ايه المزاج العالى ده طبعا :D وتتعجبي هقولك ابدا لانى كنت ابحث عنه ايام لما كنت فى مصر ايو الله :)

اه البحرين تعيش فى ظلام دامس يابدريه كنتى سيبي شويه نور لاهلها الغلابه

تم تعديل 29 نوفمبر 2007 بواسطة amrhoras

[ابو محمود]

يادى النور ..يادى النور .. ياريت تنورينا على طول يابدرية :sad:

دة مطلع أغنية جديدة بمناسبة زيارة النجمة نجفة (بدرية ) الى القطر المصرى ويتم أذاعتها على موجات صوت العرب والبرنامج العام من خلال حفل ساهر بالنادى الأهلى ويتم استقبال النجمة فى عربةمكشوفة ويتخلل حفل الأستقبال توزيع هدايا تذكارية عبارةعن شنطة بها أجود انواع المانجو وقد تم حفظها خصيصآ للنجمة لأننا رأينا أن من واجبنا ان نحيها بغيط من المانجو حتى تشعر بمدى الفرق بين مصر وأشقائها من دول الغير مانجو كما تشعر مصر بأنها من دول الغير بترول فلتحيا المانجو وتحيا النجمة زعيمة المانجو هاى هيء هاى هيء :)

[Modest]

الآنسة نجفة

الملف بتاعك قدامي على المكتب و يشمل ما تم تسجيلُه لكي بالصوت و الصورة على صفحات محاورات المصريين.

جيتي مصر برجليكي يا حلوة :) .. إحنا مراقبينك من لحظة وصولك المطار و سايبينك يومين تتفسحي فيهم و تشوفي أهلك و تروحي الأقصر لكن على مين ... يومين كده و احنا اللي هانأكلك منجة الشتا :sad:

لواء موديست عبد ربه موديست

مسئول قسم النجف

مباحث أمن الدولة

يعني فرصة بقى انك في القاهرة .. ياريت تبقي تتصلي بينا ونشوفك

تحياتي

زيزيتا

يا ست زيزيتا

بلاش موضوع الاتصالات و مقابلة المتهمة في الظروف اللي البلد فيها دي.

أنا قلت أحذرك و انتي بس حضّري المعلوم و انا هافوت عليكم في البيت أخدُه

موديست أبو مطوة موديست

مُخبر بمكتب سيادة اللوا

[semsema]

حمد لله على السلامة يا نجفة :)

اكيد مصر نورت.......بس طبعا نورها هيزداد لما اجيلك ان شاء الله :sad:

وحشتينا :wub:

[shahd]

حمدلله على السلامة يا بدريه .. نورتي المحاورات يا جميل

[م.سامح المصرى]

الله يسلمك يا سولي يا رب

وانت بجد فى النجع اللى جنبنا ؟ طيب كويس اوى .

مصر منورة بيك وباهلها وناسها :)

وبخصوص الحاجة امممممممم يعنى انا باارتب لرحلة قصيرة للاقصر لو تقدر تفدنى بقي كيف ارتب بس انا مش عاوزة اروح تبع شركة سياحة

بيقولولى فيه قطر بيطلع بالليل بياخد 8 ساعات بس مش عرفه دا بقي لازم حجز قبليها ولا ممكن اروح فى نفس يوم الحجز .

ويعنى لو بقي فيه فنادق معينه ومعقولة يبقي بردوا كتر خيرك .

:sad: هما دول المصريين النيل رواهم والخير جواهم ربنا يخليكم لينا ولمصر

وشكرا على سؤالك مرة اخرى

يا سلام

بس كدة هاشوفلك المعلومات دي كلها وهارد عليكي في رساله علي الخاص

اوكي

واحنا كنا بنعمل دعاية لشركة اسسمها سندباد

دي شركة بتركبي كدة خير اللهم اجعله خير البتاعه ام بلونه كبيرة دي

بس بيقولي انها حلوة اوي وبتعدي علي معبد مش عارف اسمه اصلها شركة قديمة شوية

سلامي لك

[badroora]

انا وقفت فين,,, آه وقفت عند مرمر

ميرا حبيبتيى الله يسلمك يا رب وان شاء الله تخلصي امتحاناتك وتنزلى مصر وتنبسطي .

وفعلا على الرغم من السلبيات الكتيرة اللى قابلتها الا ان الجو المصري بتاعتنا سواء وحش او حلو جميل جدا وليه طعم خاص .

حتى من شدة الحب والترابط تلاقي كل العربيات حضنه بعضها عمرك لاقيتيى ترابط زى كدا فى اى بلد .

والاكتر من كدا كل الناس مطلعه اديها من الشبابيك تعمل باي باي لبععضها والله فرحت اوى على العلاقات الحميمة دى ربنا يخلينا مصر ويخلينا سيادة الواء الرئيس حسنى بك مبارك . :)

ويجعلنا فى حمايتك وتحت ظله آآآآآآآآآمين يا رب . ربنا يخليك يا ريس ويكثر من امثالك يا مهنينا.

مدام زيزيتا الغالية والله انتى كمان وحشتينيى انا زى مانتى عارفه قبل السفر بنبقي عاملين زى ام العروسة مشغولين ومش داريانين بنعمل ايه .

ولما جيت نمت يجي يومين كدا وبعد كدا انصدمت فى النت ولسه النجع بتعنا دخلاه الكهرباء فعلى مايدخله النت الدي اس ال يكون الجيل الصغير كبر . انا سعيدة اوى انك فى القاهرة انا فكرتك مغتربة زى اخوانا المغتربين .

وعموما انا بعتلك رسالة ابقي شوفيها وحدد المكان والزمان وانا تحت امرك بس يا ريت يكون قبل 1 صباحا لانى عيلتنا محافظة جدا وحدهاش حريم تسهر وتتأخر برا البيت .

الاخ العزيز masryforever

الله يسلمك يا رب وشكرا على السؤال .

والمكان منور بيكم ومصر بخير طول ماحنا ولادها ورافعين رايتها وبخير .

والحمدلله الاهل بخير وكل شيء تمام وحاضر هوصل سلامك للجميع .

وشكرا مرة اخرى على السؤال . :wub:

نانوشه حبيبتي الله يسلمك يا رب والمحاورات منورة بيكي وبكل الاخوة والاخوات .

دانا والله اللى حصل لى وانا مسافرة وقبل ماسافر ينفع ينعمل قصه كوميديه نكدية يعنى هتبقي ميكس حلو . :sad:

طمنيني اخبار ورشتك ايه ؟ كان نفسي اتفرج بس النت مغلبني بتيء بتيء بس ولا يهمك لو خرجت وروحت مكان فيه wireless هابقي اتفرج على اللى عملتيه .

شكرا على سؤال مرة اخرى . md2:

الاخت العزيزة المصرية الحزينه .

هلا هلا والله بيكى اسمك قلقنى اوى يا رب يكون مجرد اسم مستعار ولا يكون له اساس فى الواقع .

هو المحور مترائب ولا ايه ؟ ربنا يستر انا باحب اختصار الطرق لكن شكلى كدا هافكر قبل ماسلكة .

اهلا وسهلا بيكي اخت عزيزة لنا ومرسي جدا على سؤال يا قمر . :D

الطالعة الجاية هتكون

هتكون

للاخوة عمرو واستاذ محمود مصطفي واستاذ موديست .

اريح بس شوية لان النت وجع اعصابي وارجع اكمل .

سلام موئت