توقعاتكم لسوق الأراضي و العقارات لخمس سنوات قادمة

[طه بدر]

طبعا ده كلام الاستاذ الكبيييييييييييييييييييييييييييييييير حازم الببلاوى

وانا شخصيالم استطع حذف حرف من المقالة حتى لو كان بعيد عن موضوعنا علشان الصورة تكون مكتملة للجميع

ولى شوية تعليقات

اولها ان الرجل وهو من هو انهى كلامه بكلمة الله اعلـــــــــــــــــــــــــــــــــــــــــــــــــم

فلا احد يحتكر الحقيقة فى مثل هذه الحالات والحل القاطع البتار لا ياتى الا من خيال شعراء لا افكار علماء ترى الواقع وتشعر به :blink:

ثانيا الموضوع سياسة كبيرة واسمع

اعادة توزيع الثروة

توزيع الابعاديات

طبقة حاكمة جديدة

وغير ذلك من المصطلحات التى تشعر بها ولا تستطيع توصيفها فسهلها لنا الاستاذ حازم

يعنى الموضوع مش بتفاهة كسبت فى القرعة والا لا

او تسقيع الاراضى والكلام العبيط بتاع العراقيين وبتوع الامارات ومهلة البناء وكل الكلام الخايب الذى يقصد به شغل الناس عن الصورة الحقيقية

محمد على وزع الابعاديات على امراءه

ومبارك بيوزع الارض على طلعت مصطفى واحمد بهجت واحمد عز ومحمد خميس وحسن درة وغيرهم

بالاضافة لحبايبن فى الجيش والشرطة وغيرهم من مماليك العصر الحالى

يعنى لكل من يشغل نفسه بالكلام الكبير بتاع التسقيع والشقق المغلقة واسعار الاراضى

اليهم جميعا

نشيدنا الوطنى بقيادة حمادة بك عزور

اتغطوا الطموا صوتوا صرخوا خليكوا قاعدين انتخــــــــــــــــــــــــــــــوا

بس خلاص bv:-

تم تعديل 9 ديسمبر 2007 بواسطة طه بدر

[vipwithyou]

معلش يا جماعة انا معنديش خبرة فى اللى بتقولوه دا كله لكن كان عندى سؤال بسيط

للى عندة خبرة بخصوص الضرائب انا سمعت فعلا انهم هيفرضوا خلاص ضريبة العقارات

فهل هتكون كام على أرض فى المدن الجديدة وأكيد هيتبنى فيها دور ولا دورين على الأقل

شكرا وأتمنى يكون فى رد برقم معين

أخوكم

تامر السيد

مالك قطعة أرض بمدينة بدر عمارات

[سهران]

تفتكروا قبل فرض ضريبة العقارات اللي واضح جدا ان الموضوع بات وشيكا.... مش لازم يتم تسجيل كل الشقق و الأراضي الأول و تقييمها بقيمة سوقية عادلة و برضة برسوم معقولة علشان يتشجع الجميع لتسجيل ممتلكاتهم .

أنا شفت بعيني ملف شيك منسق كامل بالخريطة لكل قطعة أرض و عقار بأحد دول الخليج و به معلومات كاملة عن العقار و سلسلة مالكيه و كافة التصرفات المالية و العقارية اللي حدثت له من تاريخ أنشائه ... هل هنوصل للمرحلة دي و كل العقارات هيتم تسجيلها و ده هاياخد وقت قد أيه ؟؟

أتمنى أن يأتي اليوم اللي فيه كل العقارات ليها ملف متكامل موثق يسهل كافة التعاملات و التصرفات المالية على أي عقار و متهيألي دي خطوة البداية لسوق عقارات منضبط

أعتقد فعليا أن ضريبة العقارات رغم أنها عبأ مالي علينا الا أنها هتساهم في الحل لان ما حدش هايقفل شقة و ما يخدش من وراها عائد عشرة أو عشرين سنة و كمان يدفع عليها ضريبة سنويا ..... بالتالي هاينزلها سوق العقار أيجار أو بيع و ده أعتقد أنه هايساهم في حل أزمة الأسكان خاصة لمحدودي الدخل و الشباب المبتديء و طموحة شقة يسكن فيها بأيجار معقول :blush2: .

تم تعديل 11 ديسمبر 2007 بواسطة سهران

[طه بدر]

هذا استكمال لحديث عن سياسة الدولة فى سوق الاراضى وهو عن استجواب فى مجلس الشعب واى كان نتيجته ( وهى غالبا الانتقال لجدول الاعمال) المهم ما ورد فيه من معلومات

ولم تقف الممارسات الاحتكارية عند أشخاص بعينهم بل إنها امتدت إلي الحكومة التي تمارس ذلك بشكل ممنهج يعكس وجها جديدا من أوجه الفساد، ففي الفترة القريبة قامت الحكومة بدعم تلك الممارسات الاحتكارية من خلال تخصيص مئات آلاف من الأفدنة في غرب خليج السويس ومرسي علم والشيخ زايد وبلبيس لحفنة معينة من رجال الأعمال أمثال هشام طلعت مصطفي ومجدي راسخ وأحمد عز ونجيب ساويرس ومحمد فريد خميس وإبراهيم نافع وحسن حمدي ومحمد ابوالعينين بعشرات الجنيهات وهو ما أضاع علي الدولة 59 مليار جنيه وفقا للاستجواب العاجل الذي وجهه النائب الإخواني سعد عصمت الحسيني لرئيس مجلس الوزراء ووزير الإسكان مستنكرا عدم طرح هذه الأراضي في المزاد العلني وتخصيصها لمجموعة دون غيرها، ومتسائلا عن المبالغ التي دفعت للدولة مقابل هذا التخصيص،

وقال الحسيني : في مشروع "مدينتي" تم تخصيص 8000 فدان والتي لو بيعت بأسعار المزاد العلني (750جنيها) للمتر ستعطي ثمنا هائلا يصل إلي 26.6 مليار جنيه في حين أنه تم تخصيص المتر بأقل من 200 جنيه ولم يسدد باقي ثمنها حتي الآن،

ويشير الحسيني إلي أبو العينين الذي حصل علي 1520 فدانا في مرسي علم بسعر دولار للمتر ولم يسدد سوي 20% فقط، وأكد الحسيني أن تخصيص تلك الأراضي للمستثمرين تم دون دراسات جدوي جادة مماأدي إلي توجيه هذه الأراضي لغير الفرص المخصصة لها والمتاجرة والمضاربة فيها وتكوين ثروات طائلة وفتح الباب أمام عمليات فساد لاحصر لها، مشيرا إلي أن مجدي راسخ حصل علي 2200 فدان في الشيخ زايد بسعر المتر 50 جنيه وباعه بـ700 جنيه فحقق مكسبا قدره 6 مليارات و125 مليون جنيه دون وجه حق.

انتهى الكلام :blush2:

تم تعديل 11 ديسمبر 2007 بواسطة طه بدر

[فيصل رافت]

بالنسبه لمستقبل الاراضى والشقق انا شابف ان ده امتداد طبيعى للغلاء اللى عايشين فيه كل حاجه بقت نار اشمعنا العقارات هوه اللى عاوزينه يرخص

[ناجي السوهاجي]

اسعار العقارات سوف تنخفض بشكل مخيف في مصر طبقاً للخطة الحكومية الهادفة الي سحب روؤس الاموال الموجودة في يد المصريين وشفط روؤس اموال العرب وهو ما سوف اعبر عنه هنا بنظرية مصيدة الفئران

اولاً : قامت وزارة الاسكان والمرافق بالمساهمة الفعالة في ارتفاع اسعار الاراضي بمصر بعدة طرق لاتخفي علي احد منها بيع مساحات شاسعه للشركات الخليجية الراغبة للاستثمار في مصر ، التغاضي او غض الطرف عن سحب الاراضي من ملاكها في المدن الجديدة ، التوجة المباشر الي الحملات الاعلامية من نشر مواضيع عديدة بالصحف عن ارتفاع اسعار الاراضي علي انة مشكلة يعاني منها المصريين ولكن ليس هذا هو المقصود وانما ترسيخ المفهوم ، الايحاء الي بعض النواب من الذين يعملون في المجال العقاري سواء بشكل ظاهر او خفي بزيادة الاعلانات في الصحف والتشديد علي كتابة هذة الاسعار الهلامية ليقر ابناء الشعب بانها اصبحت حقيقة لا مفر منها

ثانياً : يسعي ابناء الطبقة الوسطي فقط في هذه الحالة الي التكالب علي شراء الاراضي والعقارات والوحدات خوفاً من زيادة الاسعار بل ان البعض قد يستدين من الاخرين لسرعة شراء وحدة سكنية لنفسة او لابناءة وقبل صدور قانون الضرائب العقارية الجديد يكون ابناء الطبقة الغنية جداً جداً جداً قد انتهوا من بناء العقارات وبيعها لابناء الطبقة المتوسطة الغلابة اللي دخلوا المصيدة من اوسع ابوابها وكذلك تكون الشركات الخليجية الكبري قد قامت بتسويق الباقي من الوحدات الفاخرة ان كان هناك باقي عشان الملاك الجدد يدخلوا مع اخوانهم المصريين مصيدة الفئران اللي علي الكيف

ثالثاً : تطبق الحكومة قانون الضرائب العقارية الجديد علي كل الوحدات خالية من السكان او مسكونة حيث انها قد زادت من قيمة الضريبة العقارية علي الوحدات السكنية باعتبارها هي النسبة الاكبر من 4% الي 14% وخفضت الضريبة العقارية علي الوحدات الادارية او التجارية من 35% الي 14% وهو ما يسمي بالشريحة الموحدة لان عوائد الدولة سوف تزيد بشكل خرافي بحكم الكم الهائل من الوحدات السكنية في مفابل الكم الضئيل من الوحدات الادارية والتجارية يعني بعد ما كانوا بيحصلوا من شقة سكنية زي حالتنا في مصر الجديدة مبنية في السبعينات مبلغ 40 جنية في السنة ضرائب عقارية هيتم تقييم الشقة بالسعر الخرافي اللي الدولة حددتة مسبقاً في الفقرة اولاً والحدق يفهم وهيحصلوا علي شقتي مبلغ وقدرة 1100 سنوي يعني بواقع 90 في الشهر وانا ساكن انا وزوجتي واولادي فيها طبعاً اللي عندة شقة زي دية ومش مأجرة هيتخرب بيتة لانة هيقعد يدفع في ام الضرائب دية لحد امتي وهنا يدس السم في العسل ويقولوا لك انة هيضطر يأجر وده فعلاً اللي هيحصل ونظراً لزيادة المعروض من الايجار سوف يهبط الايجار ويهبط سعر العقار التمليك بمنحني خطير

رابعاً : الاخوة العرب انا حاسس انهم عفواً هيتنفخوا في موضوع الضرائب العقارية دية لان القيمة الايجارية المتوقعه في احدي الفيلات التي تقوم احد الشركات الخليجية من غير ذكر اسماء في بنائها سوف تتراوح من 5500 جنية شهري الي يعني 1000 دولار الي احد عشر الف جنية شهري يعني 2000 دولار وتبقي الضريبة بتاعتهم كام ياحلوين بعد خصم مبلغ 600 جنية حد الاعفاء هتتراوح الضريبة من 6000 جنية الي 12000 جنية في السنة تقريباً دة بتقدير اقل من اللي هيحصل فعلاً وعشان كدة المصيدة فتحت بابها علي مسرعية للاخوة العراقيين والعرب والاوربيين عشان يدخلوا بكيف كيفهم

[khalid]

السوق يخالف توقعاتك

[أشرف حليم]

أعتقد من ضمن الأسباب الأساسية التى ساهمت في الإرتفاع الجنوني السابق و الحالي و المستقبلي؟ هو تخلي شركات قطاع الأعمال زى المعادي للإسكان و التعمير وغيرها عن البناء لأى وحدات جديدة و الإكتفاء ببيع الأراضي ... البيع الذي ينتج عنه أرباح ضخمة تساعد في إزدهار وضع هذه الشركات المالي من غير وجع دماغ.

هذه الشركات تم تخصيص أراضي لها من زمان مدن بأكملها زى زهراء المعادي و المعراج و هضبة المقطم .... كانت بتسعر الشقق بعد ما تخلص عمليات الإنشاء و خلافه ثم تضع هامش رح معقول .... و الشقق اللي ما تتباعش السنادى تضيف عليها 10 % فقط ..... و حت المزادات اللي بتعملها بتكون على أعلى مقدم من السعر المحدد.

هذه كانت في رأييى من احد الأ سباب الرئيسة حيث أصبح الملعب خاليا" أمام القطاع الخاص.

[Abu Al Hussan]

المشكله مش فى امتلاك ارض كما تعتقد الحكومه المشكله فى بناء الارض وتكلفتها الباهظه الحكومه ياساده ترميلنا الارض وتقولك ابنيها فى وقت قياسى طب منين ومواد البناء نار يعنى الحكومه بتلعب معانا لعبه السهل الممتنع واللى ما يبنيش تتسحب الارض منه ويضيع عليه فلوسه او يدهالو بعد ما استفادوا منها ديه الحومه يابا

والله المشكلة ان كل قضية ينظر اليها من طرف السادة الكبار المستفيدين بتعديل الدستور لصالحهم مثل الاراضي الزراعية

[سهران]

أعتقد أن سوق العقار يوشك على الأستقرار خلال النصف الأخير من العام الحالي لان تكلفة الوحدة السكنية وفقا لأسعار الأراضي و ارتفاع تكلفة المباني المزهل ( الحديد و الأسمنت تحديدا ) تجعل تكلفة الشقة حاليا شيء غير واقعي و لا يمكن احتماله و غالبا الطلب على العقارات هو طلب وهمي بغرض المضاربة و التسقيع و فقط تستخدم العقارات كمستودع للقيمة و هذا وضع استثنائي لا يمكن استمراره لوقت طويل .

تم تعديل 29 فبراير 2008 بواسطة سهران

[قديم]

العمليــه عباره عن معادله عرض وطلب ..

1 ترتفع اسعار الاراضي نتيجــه اقبال كبير علي الشراء ..وتوفر السبوله لدي كبار المستثمرين لكثره الطلب علي الوحدات السكنيــه ..والبناء بهدف الربــح ..

2 ترتفــه اسعار مواد البناء نتيجــه الافبال الشديد علي مواد البناء للانجاز الاعمال الانشائيــه .

ترتفع تكاليف الشقق نتيجــه ارتفاع اسعار الاراضي وارتفاع مواد البنــاء .....

3 عزوف الكثير من الستثمرين المتاخرين عن الدخول في النشاط لعدم الجدوي .. .. ( قلـه في الطلب )

نتيجــه العرض الكثيــر والسباق لجني ( المحصول ) بالبيــع.. زي موسم اي منتج نزل السوق الاول بيكسب والاخير بيتعب . تبدأ مرحلــه وهي مرحلــه البيــع بالتسهيلات ..للمحافظه علي مستوي الربح

قروض .. تقسيــط .. وغيرها ........ مع تزايد العرض . تبدا مرحله التسقيـع لانه التكلفه كانت عاليـه ومش ممكن يبيع بخساره . فبالتالي تبدأ عمليــه التسقيــع .. وقفل الوحدات .. مش هبيع بخساره .......

تتوفر المعروض اكثر من الطلب ..مع وجود تسهلات . يجعل المستثمرين الاخرين ينظرون الي المشاريع القائمه بانها خسرانــه وما قدر اصحابها يصروفها .. .. تنخفض اسعار الوحدات تدريجيا ....... تقل اسعار مواد البناء . نتيجــه قله الطلب عليها من اصحاب المشاريع الكبيــره ..وتنخفض اسعار الاراضي ايضا ..

..لعدم مناسبه اسعار الوحدات المعروضه للاسعار السائده وقت الشراء ( بسبب كثره العرض ) يبدا المستثمرون الصغار بالدخول لسووق لبناء وحداتهم السكنيـه الخاصــه..

هذا المنحنـــي غالبا يستمر حوالي عشر سنوات . من بدايه ارتفاع الاراضي ..وقمتــه ارتفاع مواد البناء ..حتي يبدا اصحاب الدخول المتوسطه في بناء وحداتهم .. . اعتقد نحن في قمــه المنحني او قريبين منــه .. ..

بوادر انفراج الازمــه (عند بدايه جني المحصول)

[سهران]

[size="4"]أوافقك تماما ..... كام نسبة اللي يقدروا يشتروا وحدات سكنية بالأسعار الحالية ( لغرض السكن فعليا) .... اللي حاصل أن اللي بيشتري دلوقتي عقارات مش لأنها تسوى السعر ده لكن لأن سعرها هايزيد ( بيستثمر فلوسه يعني ) كما هو حاصل الآن ..... و بالتالي الكل تحول الى سمســـــار و بالتالي نسبة ضئيلة من المشترين هم فعلا ما يطلق عليهم في علم التسويق (المستهلك الأخير ) و باقي السلسلة سماسرة و وسطاء و غرضهم البيع و المضاربة بعد الشراء و التسقيع و النهاية فقاعة عقارية و أسعار غير حقيقية بالمرة ...

اتوقع قريبا جدا و خلال أشهر قليلة نصل لقمة المنحنى. :Exclam:

تم تعديل 2 مارس 2008 بواسطة سهران

[any person]

دي أول مره اشوف الموضوع ده

ورغم ان المشاركة دي قديمة الا اني حبيت اعلق عليها

[اعتقد الافضل لمن يريد الاستثمار ان يتجه الى دبى :sad:

فهناك لاضرائب ولا حد يقولك تسقيع ولا ليه الشقق مغلقة ولا حد يعد عليك كل قرش علشان الكحكة فى ايد اليتيم عجبة :sad:

علشان كده الناس نجحت :sad:

في دبي في ضرائب غير مباشرة كتيره

مثلا مصاريف اقامة ( دي رسوم بتندفع للدوله عشان يسمحولك تدخل البلد و تعد فيها لمده 3 سنوات ) حوالي 7000 درهم لكل فرد في الاسرة

عند تجديد الاقامة ( كل 3 سنوات) بتكلف مبلف في حدود 1500 درهم لكل فرد في الاسرة

في أبوظبي لازم تعمل تامين صحي أجباري و ده يتكلف من 600 درهم و انت طالع لكل فرد في الاسرة

لان في فئات على اساس السن و الدخل ( وده كل سنه ) بس هو اجباري في ابوظبي بس

التاكسيات غاليه في دبي فتح العداد 3.5 درهم و كل نص كيلو 1 درهم ( يعني لو رحت مشوار ضغير جدا هتدفع 10 درهم على الاقل و من العادي جدا انك تدفع 20 أو 30 درهم

عشان تطلع رخصة قيادة سيارة ممكت تكلفك في حدود 4000 درهم

مواقف السيارات بفلوس معظم ساعات النهار ( في المتوسط 2 درهم / ساعة) غير ان فيه ازمة مواقف كبيرة جدا

فعشان تلاقي مكان تركن العربية بالليل ممكن تشترك في باركينج متعدد الطوابق يكون قريب منك وده ب 450 درهم في الشهر

في ضريبة على المرور في بعض شوارع دبي ( 4 درهم للسيارات الخاصة في الاتجاه الواحد ) و دي بتسدد بطريقة الكترونيه سريعة ( يعني ممكن في الشعر تدفع 240 درهم من الرسوم دي لو كنت بتعدي في الشارع ده كل يوم رايح جاي ) حالي دي مطبقة في شارع الشيخ زايد وعند جسر الفرهود

مش فاكر نسيت ايه تانيه

اه سعر جالون البترول ( 4 لتر ) 6.25 درهم

و الحياه في دبي أغلى من مصر

غير ان دبي زحمة جدا ( ممكن تاخد ساعتين في مسافة ما تاخدش أكتر من ثلث ساعة لو الطريق فاضي)

وبعدين سعر الشقه غرفة وصاله في مناطق جديدة ممكن يكون في حدود مليون درهم

أه و ده حق انتفاع لمده 99 سنة مش تمليك يعني

باختصار هما بينوا البلد عشان تجيبلهم فلوس مش عشان الناس تاخد منها فلوس

ويقال عن دبي ان درهم دبي لازم يرجعلها تاني

واسئلوا كتير من المصريين هنا اللي بقالهم سنين و رغم المرتبات اللي بياخدوها مش عارفين يشتروا شقه في مصر

الدرهم = 1.475 جنيه مصري تقريبا

تحياتي

[سهران]

العمليــه عباره عن معادله عرض وطلب ..

1 ترتفع اسعار الاراضي نتيجــه اقبال كبير علي الشراء ..وتوفر السبوله لدي كبار المستثمرين لكثره الطلب علي الوحدات السكنيــه ..والبناء بهدف الربــح ..

2 ترتفــه اسعار مواد البناء نتيجــه الافبال الشديد علي مواد البناء للانجاز الاعمال الانشائيــه .

ترتفع تكاليف الشقق نتيجــه ارتفاع اسعار الاراضي وارتفاع مواد البنــاء .....

3 عزوف الكثير من الستثمرين المتاخرين عن الدخول في النشاط لعدم الجدوي .. .. ( قلـه في الطلب )

نتيجــه العرض الكثيــر والسباق لجني ( المحصول ) بالبيــع.. زي موسم اي منتج نزل السوق الاول بيكسب والاخير بيتعب . تبدأ مرحلــه وهي مرحلــه البيــع بالتسهيلات ..للمحافظه علي مستوي الربح

قروض .. تقسيــط .. وغيرها ........ مع تزايد العرض . تبدا مرحله التسقيـع لانه التكلفه كانت عاليـه ومش ممكن يبيع بخساره . فبالتالي تبدأ عمليــه التسقيــع .. وقفل الوحدات .. مش هبيع بخساره .......

تتوفر المعروض اكثر من الطلب ..مع وجود تسهلات . يجعل المستثمرين الاخرين ينظرون الي المشاريع القائمه بانها خسرانــه وما قدر اصحابها يصروفها .. .. تنخفض اسعار الوحدات تدريجيا ....... تقل اسعار مواد البناء . نتيجــه قله الطلب عليها من اصحاب المشاريع الكبيــره ..وتنخفض اسعار الاراضي ايضا ..

..لعدم مناسبه اسعار الوحدات المعروضه للاسعار السائده وقت الشراء ( بسبب كثره العرض ) يبدا المستثمرون الصغار بالدخول لسووق لبناء وحداتهم السكنيـه الخاصــه..

هذا المنحنـــي غالبا يستمر حوالي عشر سنوات . من بدايه ارتفاع الاراضي ..وقمتــه ارتفاع مواد البناء ..حتي يبدا اصحاب الدخول المتوسطه في بناء وحداتهم .. . اعتقد نحن في قمــه المنحني او قريبين منــه .. ..

بوادر انفراج الازمــه (عند بدايه جني المحصول)

بعد مرور ثلاث سنوات علىموضوع النقاش حول التوقعات لسوق العقار .... يا ترى الأتجاه دلوقتي لسوق العقار رايح على فين ؟؟؟

تم تعديل 29 نوفمبر 2010 بواسطة سهران

[طبيبة بالخارج]

الواحد لو فكر في موضوع سوق العقارات رايح على فين حنلاقي فيه جهتين:

1. ناس كتير كسبت اراضي في القرعة او اشترت اراضي في المدن الجديدة و بسبب مهلة البناء فقريبا معظم المساكن ستكون طلعت و اغلب الناس حتبدأ تبيع و لو وحدات في مبانيها و هكذا يصبح المعروض فجأة كثير جدا و ده بدأ بالفعل.

2. الأراضي اسعارها لم تعد مثل الأول رخيصة و الاستثمار فيها مربح جدا و بالتالي أغلب من يشتري الآن ( و أقصد صغار المستثمرين) حيكون قاصد سكن ليه و لأولاده في المستقبل و حتى دول حيبدؤا يقلوا بسبب غلو اسعار الأراضي و تكاليف البناء و حيبقى كويس لو اشتروا شقة. ده غير موضوع الضرائب العقارية و ان فيه مصريين ينطبق عليهم مثل خرج و لم يعد يعني سافروا و مش ناويين يرجعوا مصر تاني و بالتالي مش حيفكروا يشتروا فيها حاجة. و كمان الأحوال الاقتصادية بره مصر مش زي الأول يعني مصريين كتير عايشين في الخليج و يدوبك مستورين و خصوصا بعد حرب الخليج

خلاصة الكلام اني متوقعة تراجع في حركة شراء العقارات في الفترة القادمة لأن هوجة المكسب الكبير تقريبا خلصت و حترجع المكاسب للوضع الطبيعي قبل ظهور موجة المدن الجديدة و الله أعلم

[طبيبة بالخارج]

انا قلت تراجع في حركة الشراء لكن السؤال هل ده حينجح في خفض الأسعار؟

حسب ظني لأ

لأن لو كان ده حيحصل كان حصل مع العقارات في المدن القديمة قصدي ان اسعار العقارات داخل القاهرة و المدن القديمة الأخرى لم يتأثر بهوجة الشراء في المدن الجديدة

مفيش حاجة في مصر بتغلى و بترجع ترخص تاني

اللي حيحصل فترة تراجع في حركة الشراء بدون تخفيض في الأسعار لأن أغلب الملاك مش مضطر يبيع و حينتظر رجوع حركة الشراء تاني