محاورات المصريين...

[Spider]

أخى فالكون أيجيبت

نتمنى ان نرى مساهماتك ومداخلاتك بأستمرار فى المنتدى وبلاش الزيارات السنوية دى :D

وكل عام والجميع بخير

[الطفشان]

انتى يا شعنونة عبارة عن طبق السلاطة على المائدة .

برضه وكالة الخضار بترجع لك كل شوية يا معلمة ام سمر

:D :D :D :lol:

[daktara]

يا دى الكسوف م اللى حصل واللى جرى :D

ازاى يا شعنونه نسيتى دكتره؟ :?

داحنا زمايل مهنه والمفروض كمان :shock:

تدينى حبه لعلعينو ومنظره :D

كلامك حلو وسعيد بروحك المرحه يارب تفضلى كده على طول

[Falcon Egypt]

السلام عليكم

        أخى فالكون أيجيبت 

نتمنى ان نرى مساهماتك ومداخلاتك بأستمرار فى المنتدى وبلاش الزيارات السنوية دى

   

الاخ العزيز سبيدر

شكرا لك ولدعوتك الكريمة لكن العملية والله مساْلة تنظيم الوقت

وعموما ماشى ياعم كلامك اوامر.

على فكره .انت شخصيه ظريفه ومرحة وانا دائما اتابع مداخلاتك

وقفشاتك فى موضوع الابتسامات

شكرا ياعزيزى

[ragab2]

شكرا جزيلا

أخونا الغالى فالكون مصر

ونأمل استمراركم فى امتاعنا بقلمكم الرشيق

واسلوبكم الرفيع

تحياتى

[se_ Elsyed]

بصراحة الكلمتين اللى الواحد بيقرأهم هنا أو يشارك ببعض المعلومات القليلة التى لدية ، يعطونا الأمل فى غدٍ أفضل طول ما فيه ناس طيبين زى الناس الموجودة فى هذا المنتدى الطيب .

تحية لكل الأعضاء وللقائمين على إدارة المتدى. :cry:

[Falcon Egypt]

د. رجب2 كتب

شكرا جزيلا  

أخونا الغالى فالكون مصر  

ونأمل استمراركم فى امتاعنا بقلمكم الرشيق  

واسلوبكم الرفيع  

تحياتى

السلام عليكم

الله يكرم اصلك وكل عام وانتم بخير

[بنت شعنونة]

على فكرة في ناس كتير موجودين

تعالى اما اعرفك ع الباقيين

بص يا سيدي.. اللي هناك دي بون بوناية

اسمها البنوتة كروساية

اشي ضحك اشي جد..

و الأهم من الكل.. الكلام عن الحياة الزوجية

ومين اللي ع الجهاز هناك

دي نورا.. فنانة كمبيوتر واسلاك

بس اوقات الهم يزيد معاها.. فتقطع كل الأسلاك

بس كدا والا كدا... قلبها قلب ملاك

ومين اللي في الجنينة مشمر؟؟

دا فالكون ايجيبت.. همة ونشاط وفكر معمر

الله؟؟ ومين اللي بيجري ورا القطط من بعيد

هههه.. دا ابو فصاد السكرة. بينه وبين القطط عداء شديد

ابعد عنه.. لو اتلم هو وعمك البنا مع بعض

اوعى تجيب سيرة القطط ..احسن يهروك عض

ومين اللي هناك دول.. وليه ساكتين

دول ناس مننا زعلانين

مع اننا بنحبهم جدا.. بس هما شوية تقلانين

يعني اللي هناك ده benneal

قلبه ابيض وكلامه هين حنين

وللحديث بقية....

[بنت شعنونة]

الله.. امال مين الشباب اللي بيجروا ورا بعض دول؟؟

دا يا سيدي مودي.. ودا لانسولت.. ودا لينكس ..دول شباب في الجول

طموح وادب ودم زي العسل.. دول على راي القول

حمااااااااار وحلالالالالالالالالاوة

في ريحة اكل شهية

دي اكييييييد ماما سلوى عاملالنا اكلة اللي هيا

شايلا همنا وهم العيلة ديا

واللي هناك دي مدام سناء الحبوبة

حب.. وتضحية.. وقلب انسانة طيوبة

وللحديث بقية

[Salwa]

ايه ياشانا ياحبيبنى الجمال ده ؟؟

طيب ايه رايك فيه كمان غذاء للعقل ؟؟

اقرئى الحكايات ....الحكاية الاخيرة جميلة قوى ...

وانتى دائما تستنتجى ....وتستخرجى ....درر المعانى .

سلامى.

[بنت شعنونة]

دخلت الدار لقيت الكل مكسور حزين

راجعه من السفر و البيت واحشني وكلي حنين

وقفت؟

صدمت؟

خير يا اهلي واصحابي يا عشرة السنين؟

فيه ايه حصل في غيابي ومين زعلان من مين؟

الكل شارد.. الكل ساكت.. الكل في قلبه حزن دفين..

يا جماعا حد يفهمني.. بيتنا ماله .. مش سامعه فيه غير الأنين؟

الكل ساكت.. الكل شارد.. الكل شارب قهوة مرة مرارة السنين..

ما انا مش ها اقف ساكته.. واشوف اهلي وحبايبي تعبانين؟؟

رد عليا صوت من بعييد..

اهلك مين بس يا بنتي.. دا احنا شوية حروف على سكرين

اوعي تكوني فاكرة اننا اهل صحيح.. احنا شوية رموز متنطورين

والكلام اللي بينا دا هوا.. زي الجليد اللي بيطلع عليه النور يلين

اتصدمت..

كل اللي بينا هوا؟

يعني خوفي وحبي لآهلي دا مجرد وهم متين؟

يعني خوفهم عليا ووقفتهم جنبي خيالات عيانين؟

لالالالالاءءءءءءءءء

انا متاكدا اني صح.. وانكم انتوا الغالطانين..

وجريت من هنا ل هنا

اكلم في دا و احايل في دا لحد ما ابتدى الصمت يلين

وكل واحد فضفضلي بكلمتين اتنين

قلت اتشملل فيها واعمل فيها ست العارفين

واصلح الناس على بعض .. واكسب ثواب في الأتنين..

اللي اتكلم اتكلم..

واللي سمع سمع..

والباقي هس اسكت .. لا حس ولا خبر!!

كله تمام.. ومافيش ناس زعلانين

انتي بس يا شعنونة اللي مزوداها حبتين

خديلك نفس.. وانتي تبقي في السليم..!!

اللي بعزه سد ودانه عني

وقفل قلبه بالضبة والمفتاح

وقالي خليكي بينا.. البيت مشتاقلك بالحنين

احمدك يارب اني بسافر..

عشان عمري ما كنت ها استحمل اشوف حد حزين

مسافرة وانا قلبي مكسور.. ووشي في الارض من الأنين..

ان كان صوتي وصل لحد

ياريت يسمعني ونبطل عند بين الطرفين

وان كان صوتي جوايا

يبقى يا خسارة على صوتي اللى اختفى من السنين.. :(

[إبن مصر]

ايوه احنا حروف وماله بس موجودين

ان اختلفنا مع بعضنا وماله بكره متفقين

لو الحروف اختلفت يبقى مالهاش معنى

لا تتنطق ولا تتقرى ولا تقدر تجمعنا

يبقى نحاول نرتبها بالعقل والحنان

ونصبرعلى يشت وما نقولش ده جنان

ونسمع للى يتكلم

ونداوى الى يتألم

ونعلم الى يتعلم

وفى الاخر احنا برضه حروف... بس بتتكلم

ابن مصر

[بنت شعنونة]

يعني خلاص بقينا حروف؟؟

تتتكتب النهاردا و بكرا في المظروف!!

يا خسارة البني ادم لما يكون مجرد حرف بين الحروف

بس خليني معاك

انت قلت نسمع للي بيتألم

بص كدا.. شوف كام واحد بيتكلم؟

وكام واحد بيسمع..من غير ما يتكلم؟

دا حتى الحروف يا ابن مصر

منها حرف عطف ومنها حرف جر!

كنت مستنية اسمع صوتك من بين الناس

عشان اسالك واقولك فين صوتك يا ملك الأحساس

فين صفارتك عشان تهدي اللعب و الحماس

فين حرفك يفك اللبس و اللتباس؟؟

يجوز يكون كلامي بيتقل عليك

وممكن دلوقتي يكون فيك ما فيك

وممكن اكون لا انا ولا غيري حاسس باللي فيك

بس ماتزعلشي مني دا من عشمي فيك

انك تكون اب كبير لكل اللي هنا...:(

[إبن مصر]

اش اكون انا هنا الا نقطه

وسط الحروف الكبيره اللقطه

حايالله باختم السطر وابدا الجمله

وباقى الحروف تتهادى فى جمل كامله

نرجع لمرجعونا والحزن الى شايفاه

باختلف معاك فيه وايه معناه

او اتفقنا كلنا فقد الحوار معناه

الاختلاف مطلوب بالادب للى يستعناه

لكن اجمع الكلام على انى مقصود بيه

واحزن ولا انام لاجل انى ارد عليه

واقول معقوله يقصدنى بالى انكتب فيه

واكتب كلام بالغضب الحقد ماليه

اابقى وقعت فى الغلط الى رافضينه

وجرحت واحد عينايه مش شايفينه

قصد بكلامه يستفسر او حتى يجرحنى

وبردى عليه جرحته هو والى عارفينوه

وما دومنا احنا حروف يبقى نتهادى

نترص مره نضحك ومره الحزن بزياده

ومره نبقى قنابل للى يخون بلده

والى يصونها نبقاله كلام شرف فى شهاده

هى دى الحقيقه يا بنتى ولازم نصدقها

احنا حروف صحيح بس بنحس

بالى يصون الكلام بالود والحس

والى يقول لا انا رأى هو بس

نسكت عنه شويه وبكره هو يحس

ابن مصر

[DARWEEN]

يابخته ياشانا اللي أنتي بنته أو أخته

ويابخته اللي في يوم حتكوني له أمه

يابخته اللي تطبطبي على راسه

ويابخته اللي تشيلي في يوم معاه همه

يابخته اللي أيديكي تمسح له دمعته

بدال ما كان وحيد وبيمسحها في كمه

أيوه ياشانا أحنا حروف لكن حروف بتنور

ماهي الحروف أهل بتتربط وتتشكل وتتحور

معاني .. كلام وأحساس مع الأيام بيتطور

بنترص كلمه وكلمه وياها تبقى جمله بتعبر

يمكن كده احنا أصدق من لوكنا مجرد منظر

حروف بتضحك وتبكي وتنزف دم أحمر

رجعتي بعد غياب لقيتي الناس ساكتين

وعاوزه صحيح تعرفي مين مزعل مين

ياريت كنت أقدر أقولك بس أنا مسكين

أنا زعلان بس من نفسي مش من التانيين

حاسس كأن الصوت لو يطلع حيبقى أنين

عشان كده مكتوم وساكت بس برضه حزين

داروين

[إبن مصر]

ليه الجراح والالم فى كلامك مكتومه

رص الحروف يا صاحبى دا انت لك قومه

قول على فى نفسك وواجه بيه نفسك

جمع كلامك يا صاحبى يبقى معلومه

مين الى زعل مين سؤال مالوش قيمه

حروف ودست عليها بكره تبقى قديمه

لا الى كتبها عناها ولا يدرى معناها

والى قراها نساها لو نيته سليمه

ايوه يا صاحبى احنا حروف وكلام

يوم نتنظم شعر ويوم بكا والام

يوم نكتب نكته تضحك يا سلااااام

ويوم نتنقع سم يكفى كل الانام

مش كده برضه يا صاحبى دى الحقيقه

الضحك عمره ثانيه والكدب الف دقيقه

حروفى عاصيانى مش راضيه تتجمع

بقيت عدوه يا صاحبى بعد ما كانت شقيقه

ابن مصر

[بنت شعنونة]

اسمع ياللي بتسمع

واقرى ياللي بتشوف

ادي صوت اهو ظهر وبقى مكشوف

عاوز ينطق بس ساكت لجل الظروف

يا ابو الدراوين

يعز عليا اشوفك حزين

وانا واقفا عاجزة مكتوفة اليدين

واللي كنت فاكراه ممكن يسمعنا .. رفع اليدين

وقال انا ماليش دعوة.. دا انا غلباان مسكيين

مش عارفا ليه رنت في ودني دلوقتي غنوة عدوية وهيا بتقول..

يا اخوناااااا ياللي فوووووووووق

ما تبصوا على اللي تحححححححححت

وحبببببببة فوووووووووق

وحبببببببة تحححححححتتتتتتتتتت

و ايييييييييييييييييييييييييهههههههه :o :huh:

[إبن مصر]

واللي كنت فاكراه ممكن يسمعنا .. رفع اليدين

يا ترى يا شانا قصدك هوا مين؟

الى شايفاه بسكوته رفع الايدين

وسابك تهاتى كده وسط الساكتين؟

والا يمكن فعلا الناس مبسوطين

اوعايزين اى حاجه تخليهم زعلانين

او اى موضوع يفشوا فيه الكبت الدفين

او حزانى لوحدهم ليه!! مش عارفين

الامور يا عصفوره تستحمل الاتنين

تستحمل الخلاف والاتفاق وبين البينين

نتصالح ازاى هو احنا متخاصمين؟؟

علشان مش موافقنى تبقى عدو لعين

او حذفتلى كلمه وغيرت عنوانين

بقيت دكتاتور الزمن وغلبت لينين

لو فكرنا شويه وبقينا عاقلين

نلقى المشاكل الكبيره تتحل فى كلمتين

خالفنى فى الرأى بس اوعك تهين

ويالله بقى اضحكى واكتبى موضوعين

واحد عن اننا كلنا مصريين

والتانى تعلمينا ازاى نعيش فرحانين

ابن مصر.......الحزين

[بنت شعنونة]

نتصالح ازاى هو احنا متخاصمين؟؟

علشان مش موافقنى تبقى عدو لعين

او حذفتلى كلمه وغيرت عنوانين

بقيت دكتاتور الزمن وغلبت لينين

لو فكرنا شويه وبقينا عاقلين

نلقى المشاكل الكبيره تتحل فى كلمتين

خالفنى فى الرأى بس اوعك تهين

ياريت تقول الكلام دا للزعلانين

انا احب ما عليا اسافر وانتوا متصالحين

وابقى متطمنة ان الكل فرحان سعيد

انا ممكن اعتبر دي بداية كلمتين حلوين

واديني انا وانت مستنين

رد الناس الزعلانين

وتحضرني بهذه المناسبة غنوة الأخ الفاضل عدوية برضه وهوا بيقول

بره..

اللي بره ميييييييييييين...

دا احناااااااا

احنا معلمييييييييييييين

لو الباب يخبببببببببط "تك تك"

نعرف برا ميييييييييين.. :o :huh:

[DARWEEN]

خالفنى فى الرأى بس اوعك تهين

وعجبي ....

أكتر من شهر يتركن وقربوا على شهرين

ولا رد لسؤاله ولا حتى قالوا أنت فين

ويوم ماأتكلموا قالوا دا إيديك مرعوشين

ولا هي الأهانه لازم ضرب على الخدين

ولا سب الجد والأب وألأم والأقربين

أهانة العقل أكبر من كده يامحترمين