محاورات المصريين...

[إبن مصر]

هاحكيلك حكايه صغيره بس لازم توعيها

وتقرى حروفها بتأنى وتفهمى ما فيها

قصه جحا وايا ابنه وحماره فاكراها؟

لولا اقولها لك انا ونشوف معانيها

جحا مشى في يوم مع ابنه وحماره

قاله اركب ياولدى قاله يابا وماله

شافوه الناس عابوا على الولد

راكب لوحده وابوه ماشى فى حاله

الواد اتكسف وركب ابوه ومشى جنبه

شافوه الناس عابو على جحا وقسوه قلبه

جحا اتكسف و ركب معاه ابنه

شافوه الناس عابو عليهم سوا ظلم الحمار

راكبينه التنين لحد ما نفسه خار

نزل جحا وابنه وشالوا الحمار

عدوا على قنايه شافوهم الناس

قالوا يادى الغبا شايلين ركوبتهم وخلاص

جحا عرف غلطته سمع لكلام الناس

وبص لابنه وقاله هاعلمك باخلاص

ارضى ضميرك يا ولدى اوعى ترضى الناس

واقلك تانى اهوه

بس خلاص

[إبن مصر]

لا لا يا صاحبى انت كده ظالم

ده من كتر غلاوتك رد عليك مخصوص

فى موضوع لوحده مش فى وسط نصوص

ومين يقدر يهين العقل والمعنى

من غير شهادتى انا كلامك حكم يجمعنا

عبر وعقل وتأنى بس انت تسمعنا

وتشيل غشاوه الغضب وتفهم المعنى

لو هى دى المشكله لاجلك تتحل

ولحد عنك يا غالى الكل يجى يطل

وبدل الكلمه جواب يرضيك يا سيد الكل؟؟؟؟؟؟

والله ده الى انا فاهمه وانت عارفنى

اقول الحق ولو على رقابتنى وانت عارفنى

الا بقى لو شايفنى من مزوقين الكلام

الى يحلوا الوحش ويخلوا العقول تنام

يبقى ده موضوع تانى لازمله كلام وكلام

وربك يشهد عليا وهو حكيم علام

[بنت شعنونة]

[إبن مصر]

:o :huh: :lol: stnd::

اصلها مش شغاله عندى هى فيها ايه؟؟؟؟؟؟؟؟؟؟؟ :o :o :o

[linux]

هما كلهم بقو شعراء و لا أيه الحكاية؟

سجع و وزن و معاني في الرواية

طب ماتخش ياد يالينكس ف المولد ده

ادي الورق و القلم و الأستيكة و البراية

ها أبتدي لهم بقصة الكتكوت و الحداية

و حتة شجن على مآسي وهوبا أدي النهاية

و أتمخطر و أشب و أبحلق ف المراية

حد قدي كده؟ ... أكمل و لا خلاص كفاية؟

و عجبي!

لينكس الفرذدق لينكس

أخصائي حجر الولاعات بجوار كوبري نانوس الغيط

[ragab2]

.

يادى الهنا يادى الهنا الكل مجتمعين

مع شانا السنيورة, بنت الناس الطيبين

وابن مصر بيرص أحلى دواوين

وداروين ولونكس فى الشعر شاطرين

أحلى كلام بيقولوه بالقافية والموازين

يامرحبا بالشعراء ... والناس الحلوين

وليه نزعل وليه مانكونش مبسوطين

وليه نشيل الهم ونجهش فى البكا والأنين

وليه ما نعمل ودن من عجين وودن من طين

اللى انكتب ع.الجبين لازم تشوفه العين

ماتقولش ليه ده حصل ولا حتى كان فين

كله بأمر الله من وقتنا لحد ما كنا جنين

دة الرب فى التدبير .. ولازم تقول آمين

لا الفرح دام ولا الحزن مكتوب ع.الجبين

اوعى الفرح يغريك .. بعيد عن السامعين

وابعد عن الحزن وخليك من المتفائلبن

دة الدنيا لا تسوى دمعة ولا حمرة عين