رسالة " القدوه " من مصرى مقيم بالكويت

[بنت النيل]

دى رسالة ارسلت من مصرى مقيم بالكويت الى جريدة الوطن الكويتية فى صفحة اخبار مصر لنشرها ونشرت امس

تعالوا نقراءها مع بعض و نسمع كلامه : بعنوان

" القـــدوة "

ليه شكلك اتغير يا مصر

ليه طبعك اتغير يا مصر

قدوتنا كان باشا وبيه

اتعملوا م الاليزيه

كان علامنا منهم

كنا نفرح لمانعمل زيهم

كنا بنحاول نقلد لبسهم

كانوا قدوه فى كل شىء وف علمهم

حتى طيبة قلبهم

قالوا عنهم دول لصوص

قالوا بيحبوا الفلوس

ويعذبوا فلاحنا دايما بالخصوص

كنا بنصدق كلامهم

كناعايمين زى عومهم

راحت القدوه عشانهم

الفلوس غيرو اسم اسم الفلوس

مره بيقولوا أرانب وأساتك

اه يا مصر غيرو معظم حياتك

حتى اسم السيارات اتغيرت

قالوا خنزيرة وبودره

وعقولنا برضه اتحيرت

ضاعت القدوه يا عالم

حتى شخصيتنا ضاع منها المعالم

كان زمان الاغنيا معروف تاريخهم

مش تلاقى مليونير فجأه ما بينهم

الفلوس من فين جايبهم

من حشيش ومخدرات ولا سارقهم

هم دول القدوه لو عايز تعيش

لوماعاكش القرش تبقى ما تساويش

كان زمان تلقانا نتكلم بذوق

صوتنا واطى فينا دم بالعروق

النهارده لما نتكلم .. ببوق

والغريبه ان لهجتنا كمان اتغيرت

والطريقة اللى فى كلامنا اتبدلت

صعب تفرق بين اساتذة وعربجيه

اصبحت لهجه سوقيه

زى ما تعلمنا من اجدادنا

لازم كلنا نعلم ولادنا

ليه مانتعلمش من عظماء بلدنا

ليه مابندور ونبحث فى اللى كان

ع الاصاله والقيم حتى عن اخلاق زمان

نفسى يوم نعرف حدودنا

برضه ندرس كل شىء عملوه جدودنا

ناخد الصح اللى فيه

والغلط مانمشيش يوم عليه

وندور عن القدوه الصحيحه

هيه بينا بس تلقاها شحيحه

=================================================

بصراحة فى البدايه مجبنيش شوية الكلام قلت ايه ده معقول الناس دول هما كان قدوتنا

البشاوات والبهاوات :blush2:

لكن فى بعدكدا كلام صحيح وللاسف حاصل وبيحصل فى زمانا

مع تحياتى

تم تعديل 29 نوفمبر 2007 بواسطة بنت النيل

[darlengs]

قريتها امس اكتر من مره و بصراحه عجبتني جدا00 حسيتها فعلا كلها 00اصل الباشا لما يتولد يلاقي نفسه باشا بتبقا عينه مليانا 00 لكن اللي بيبقو مليونيرات فجاه و بدون ما يكون عندهم مبادئ اصلا بيستحلو اموال الغيرليزودو ثرواتهم 00 و موضوع اننا زمان كنا نتكلم بذوق 00 فعلا اسلوب الكلام اتغير اوي 00 لو تتابعو افلام زمان تلاقي مفي لفظ واحد يحرجك لو الولاد موجودين 00 فعلا بقا صعب انك تفرق بين اساتذه و عربجيه المقاييس اتغيرت و المفاهيم اتغيرت و التربيه اتغيرت و الناس معادت بتحترم الا اللي معاه قرش 00 و ربنا يستر علي اللي جاي 00

[mohamedez]

كلام جميل جدا واثر اوى فى نفسي احنا فعلا بقينا من اسوء الناس ومن افظع الشعوب

[احمد الديب]

بجد دوست علي الوتر جامد بس فعلا هي ديييييييييييييييي الحقيقة وكل ده عشان الناس بعيدة عن ربنا