إحمرار شديد فى عين إبنى الرضيع .. و اليوم الخميس !

[أختكم المصرية]

السلام عليكم و رحمة الله و بركانه،،،،،،،،،،،،

ابنى من حوالى 5 ايام لقيت عينيه الشمال حمرا المهم قولت يمكن تكون اطرفت المهم حطتله قطرة وقلت ان شاء الله هيكون كويس و بعد 3 ايام لقيت الالتهاب خرج عند الجفن و عمل بثور على الجفن و خارجه و عينه اتقفلت تماما و هو عمره سنة و اربع شهور المهم النهاردة قلت لازم اروح للدكتور و هى دى الكارثة ان النهاردة الخميس يعنى مفيش و لا دكتور فى البلد يعنى الى يحتاج دكتور يوم الخميس يخبط دماغة فى الحيط

المهم بعد معاناه من البحث فى خمس مستشفيات من الكبار فى البلد لقيت دكتور عيون تقريبا كدة لسة بيدرب المهم قالى ابنك عنده فيروس اسمه هيربس اصاب العين ولازم يتعالج بسرعة الا هياثر على قرنية العين

المهم انا سمعت الكلمتين دول و الله و اعصابى بازت و قالى لازم يروح كمان لدكتور جلدية عشان يعالج البثور خارج العين المهم قالى انه معدى و ممكن برده ياثر على العين

لو حد عنده فكرة عن هذا الفيرس او عن هذا المرض يطمنى الله يكرمكوا انا قلقانة قوى عليه

و ارجوكوا لا تنسوه فى الدعاء

اللهم اشفى ابنى

[vipwithyou]

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

[نانا]

السلام عليكم ورحمة الله وبركاته

ما تزعليش إن شاء الله خير بس أهم حاجة قبل ما تسألي على الفيرس ده تتأكدي إن إبنك فعلا عنده الفيرس ده لإن على حسب كلام حضرتك إن الدكتور اللي كشف عليه شكله لسة بيتضرب يبقى لازم تروحي عن حد ثقة

في الحقيقة أنا اللي أعرفة عن الفيرس ده أنه فيرس عضلي يعني بينتشر لكن في إتجاه معين مع العضلة والله أعلم لكن ما أعرفش الفيرس ده تأثيره إيه في العين لكن إن شاء الله خير وأنا إذا عرف أي حاجة عن الفيرس ده هعرف حضرتك إن شاء الله إطمني واصبري وادعي ربنا وحده يشفيه وتفاءلي خير إن شاء الله

وربنا يشفيهولك إن شاء الله الوقت ده جميل للدعاء حاولي تستغليه اوي وانا هدعي معاكي وفي صلاة الفجر إن شاء الله

[نانا]

السلام عليكم

في الحقيقي يا أختي الفاضلة أنا دورت عن معلومات عن فيرس الهيربس لكن قبل أي شيء لازم تشخصى الحالة عند دكتور تمريض كويس لازم كمان يعمل تحاليل تأكدلك وتشخص الفيرس كويس وكمان لازم يكون التشخيص في أسرع وقت ممكن ويكون دقيق جدا لان نتيجة للسرعة والدقة إن شاء الله هيكون العلاج فعال أنا نقلت جزء قرأته عن الهربس المشابه لحالة طفلك

( كيف تحدث الإصابة لدى الرضع؟ تظهر الإصابة والاعراض الاكلينيكية لدى الرضع خلال 5 17يوماً بعد الولادة، لكن من الممكن ان تظهر خلال الساعات الاولى ايضاً.ويصاب فقط 40 50% من الأطفال المولودين، وتظهر اعراضه على شكل طفح ونفط وبثور على سطح الجلد والعينين والفم.(من الجسم) وهل يصيب الهربس اجزاء الجسم المختلفة؟ نعم يصيب الهربس العينين (KERATITIS) والاصابع (H-WHITLOW) والجهاز العصبي (المخ) ENCEPHALITIS وكذلك اسفل الظهر والمنطقة الشرجية والبلعوم. (المشابهة) ماهي الحالات المشابهة للهربس البسيط؟ قد يختلط الأمر على الكثير في التفريق بين الهربس البسيط وبعض الحالات الاخرى مثل تقرحات الفم (OPHTHOUS) والالتهابات البكتيرية والفطرية، الثآليل التناسلية، الحزام الناري (ZOSTER)، الجرب، الزهري، القوباء وغير ذلك من الامراض الالتهابية.(الفحوصات) وماهي الفحوصات اللازمة للكشف عن الهربس البسيط؟ غالباً ما يتم تمييز الهربس البسيط بصورته الاكلينكية لكن عندما يختلط الأمر لابد من عمل بعض الفحوصات الطبية كما لا ننسى انه يتوجب عمل فحوصات الامراض التناسلية الاخرى عند الاصابة بالهربس التناسلي.ونبدأ بأخذ عينة من السائل الذي تحتويه نفط وبثور الهربس لزراعته مخبرياً وكلما كان مبكراً كان أفضل (خلال الثلاثة أيام الأولى) وغالباً ما يكون هذا الفحص دقيقاً ويستغرق عدة أيام.ثم من الممكن أيضاً عمل الفحص الميكروسكوبي المباشر للخلايا المصابة لكنه أقل دقة، ولا نستطيع ان نفرق من خلاله بين نوعي الهربس البسيط. وبفحص مضادات الأجسام (الفحوصات المناعية) نستطيع التفرقة بين انواع الهربس البسيط ويصل حساسيته إلى 80 90% انما يجب ان يكون الفحص خلال نشاط الفيروس، وهناك فحوص أخرى منها (ELISA) تصل حساسيته إلى 80 100% في تحديد نوع الهربس ونوع الفيروس المسبب وفي خلال ساعتين. (العلاج) كيف تتم المعالجة؟للاسف الشديد لا يوجد علاج شاف للهربس البسيط، لكن هناك العديد من الادوية التي تساعد على التحكم والتقليل من تكرار وشدة الإصابة، وقد اوصت دائرة الغذاء والدواء الأمريكية بثلاثة أنواع من العلاج لمكافحة هذا المرض هي:*اسيكلوفير (زوفيراكس).*فلا سيكلوفير (فالتركس).*فامسيكلوفير (فامفير).وللمعلومية لم تجد الدراسات العلمية أي فوارق بين فاعلية هذه الأدوية ولكن الاختلاف هو كيف ومتى وكم يجب على المريض تناوله من أي من تلك الادوية.كما ان هذه الادوية المذكورة آمنة ولا توجد لها اعراض جانبية مؤثرة أو خطيرة لكن يجب استعمالها تحت اشراف طبي مباشر.)

--------------------------------------------------------------------------------

[أختكم المصرية]

شكرا لك اخت نانا ربنا يكرمك و يجازيك خير

انتى صحيح و الله اخت

ان مش عايزة اقولك ان دلوقتى حالتى عاملة اية نفسيتى زفت بس مفيش غير الدعاء و ياريت تدعوله كلكو ربنا يشفيه

انا برضه قاعدة افتح كل المواقع الى بتتكلم عن الموضوع دة و الموضوع قلقنى جدا بس اعمل ايه كل بيد الله سبحانه و تعالى

رنا يجازيكى خير

انا ان شاء الله هاروح لدكتور كبير متخصص يوم السبت

[newshare]

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

أسأل الله العلي القدير رب العرش العظيم أن يشفي ابنك

[badroora]

سلام عليكم

الف الف سلامة على ابنك العزيز اختى العزيزة المصرية الحزينة ان شاء الله هيكون كويس وهيخف بأذن الله .

بصي يا ست الكل لو الالتهاب فى عين واحدة والاعراض زى ماوصفتيها يبقي دا herps simlex or herps zoster دا طبعا هيبان بالفحص والاعراض الظاهرة .

اين يكن اى واحد فيهم مافيش مشكلة هيتعالج ان شاء الله بس بياخد وقت من ايام الى اسبوع او اسبوعين لاختفاء كل الاعراض .

اولا عندي سؤال مهم جدا هل يا ترى انتى طعمتى ابنك التطعيمات فى مواعدها ؟

وهل هو اصاب بنزلة برد قبل ظهور هذه الاعراض عليه ولا لاء ؟

هل منعته قلت لاى سبب من الاسباب فى الفترة الماضية ؟

طبعا الاسئلة دى اجابتها مش لي دى حضري اجابتها لما تروحى للطبيب ان شاء الله عشان يعرف يشخص صح لو سالك او من غير ما يسالك لازم توضحيلة الامور عشان تسهل العلاج باذن الله .

نرجع بقي للاهم ودا اللى المفروض تعمليه لحد ماتروحى للطبيب .

الهربس دا يا ست الكل التهاب زى بالظبط اللى بيحصلنا حوالين الفم لما بيكون عندنا برد وزى ماحنا عارفين انه بيروح لوحده بالوقت .

ولكن فى حالة الابن العزيز جايلة فى مكان حساس جدا ومافيش اسعافات اوليه من قبل اطباء فى الوقت الحالى .

يبقي انتى هتلعبي دور الدكتور مؤقتا .

اولا عليكى بعزل الطفل عن باقي اخواته ودى مهمة جدا جدا جدا

لان دا يعتبر حالة بسيطة من chicken box اللى تقريبا اختفى من مصر او قل كتير

يبقي قولنا العزل عن باقي اخواته وحتى الكبار

عزله نفسه عن باقي جسمة ازاى هنقول ان الاصابة فى عين واحدة طبعا هو ممكن غصب عنه يهرش فى عنيه وينقل لعنيه التانية او اى مكان فى الجسم يبقي لازم تخدى بالك اوى من النقطة دى انا عارفه انها صعبه بس معلش حاولى

العزل عن الاضاءة فى هذه الحالة بتكون العين حساسه اوى لاى ضوء سواء الشمس او الاضاءة الصناعية فحاولى على قد ما تقدرى انك تتجنبي تعرضة مباشرة لاى ضوء

كمدات ماء فاتر للعين خالى بالك لا سخن ولا بارد فاتر .

ومتحاوليش تشيلي اى شيء بالعافية من عنيه حاولى تنضفيها بس بعنايه شديدة

عدة مرات . وخالى بالك بردوا لانك ممكن تنقلي العدوة ليكي او ليه مرى اخرى او لاى فرد من الاسرة فيبقي لازم تعملى احتياطاتك كاملة ومش هواصيكي بغسيل اليدين قبل وبعد التعامل مع العين المصابة واوعى تستهانى وتنضفى العين التانية بدون غسل يدك لانك ممكن بسهولة شديدة تنقلى العدوى ليها .

الحلو هنا ان بنك هياخد مناعة بعد ما يخف باذن الله بس بردوا لازم تخلى بالك لان لو مناعته قلت ممكن يصاب تانى وواظبي على التطعيمات فى مواعيدها .

وان شاء الله متقلقيش خالص .

هو العلاج غاليا هيكون قطرات مضاد حيوي وانتى فيروس لرفع المناعه لاننا فى الحالة دى بنعالج اعراض وليس الفيروس الفعلى لانك كما تعلمين ان الفيروس مالوش علاج وكمان لو الفيروس جاء فى مكان غير العين كنت قولتلك طنشي كام يوم وهيروح لوحدة لكن العين حساسة جدا ولو الموضوع متعلجش واتلحق بسرعة ممكن يحصل كما قال لك الطبيب .

بس بليز لا تققلي انا مش ام بس عارفه ان الضنا غالى بس حاولى تساعديه بحاجة تفيده ويا ريت لو قدرتى تروحى لطبيب اليوم يبقي كويس بدل ما تستنى ليوم السبت وعلى فكرة الموضوع مش محتاج دكتور علامة ولا حاجة دى تعتبر حاجة بسيطة بس عاوزة حد يشخص صح ويكتب علاج صح .

لو احتجتى اى شيء انا تحت امرك بس لو اتأخرت متقلقيش انا مسافرة اليوم اسوان ان شاء الله ولكن ثقي تماما فى اقرب وقت الاقي فيه نت هارد عليكي . وكمان عشان اطمئن على ابننا الغالى .

والف الف سلامة على ابننا العزيز ويا رب يخف ويبقي دكتور عيون :sad:

صباحك سكر يا ست الكل

[قاهرى]

الف سلامة ربنا يشفى ابنك باذن الله تعالى ... نسال الله العظيم ان يشفى ابنك ويرجع كويس وميأثرش علية المرض دة .. اطمنى ومتخفيش ربنا واقف جنبك وجنبو اكيد

[عادل أبوزيد]

أشعر بإحساسك تماما و كان الله فى عونك.

إذهبى إلى طوارئ مستشفى عين شمس التخصصى أو الدمرداش . هناك أطباء متخصصون موجودين على مدار الساعة . و مواقف عدة وجدنا المعونة الطبية العاجلة هناك.

إبنة شقيقة زوجتى نائبة رمد هناك.

أرجو أن تطمئنينا على الحالة و قلبى معك.

[نانا]

السلام عليكم ورحمة الله وبركاته

أزيك يا أختى العزيزة أتمنى إن شاء الله تكوني بخير وتكون صحة ابنك بخير والله أنا داعيتله امبارح كتير وأنا بصلي الفجر ومطمنة إن شاء الله وإن شاء الله الموضوع ده بسيط جدا ممكن يكون كتر الكلام خاضك شوية لكن اطمنى واتفاءلي خير واحسنى الظن بالله هتلاقى اجمل نتيجة إن شاء الله وخلي بالك من ابنك أنا عارفة فعلا ومقدرة غلاة الضنا ممكن ما أكنش جربتها و لسة بدري عبال ما اجربها واعيشها بجد لكن مقدرة بجد قلقك عليه وإن شاء الله تطمني وتطمنينا عليه وخلي بالك منه اوي طبعا من غير ما اقول انا عارفة ده طبيعي إنك تكوني واخد بالك عليه ومش سايباه

[أختكم المصرية]

بسم الله الرحمن الرحيم،،،،،،،،،،

انا مش عارفة اقول غير ربنا يجزيكوا خير و الله مش عارفة الاقى حاجة اقولها

اعزرونى مش عارفة اتكلم لانى مضغوطة نفسيا وحالتى مش كويسة بس عندى ثقة كبيرة فى الله

يارب يجعل دعواتكوا باذن الله مستجابة ويارب كل من يعرف يدعوا لابنى قبل صلاة الفجر و اثناء صلاته الله يخليكوا

شكرا اخت نانا على دعاوتك و مجهودك

واستاذ قاهرى والاستاذ Vipwithyou

و newshareو استاذ عادل ابو زيد ربنا يكرمكوا جميعا

اهلا اخت بدرية انا لسة كنت والله هكتبلك عشان استشيرك فى الموضوع لكن الحمد الله انتى مكدبتيش خبر وردتى على طول

انتى كل الى قولتيه بالظبط قلهولى دكتورين اطفال على العموم هو الفيروس موجود فى عين واحدة بس

و هو كان عنده دور برد بسيط شوية رشح و خنفرة و اديتة دوا للرشح وبقى كويس

و بعدها حصل كدة

بالنسبة للتطعيمات هو اخدها كلها ناقص تطعيم سنة و نصف (شلل الاطفال و الثلاثى)

بس هو ماخدش تطعيم الجديرى المائى اخته بس الى خدته

لان معادة عند 17 شهر

الدكتورين كتبوا نفس الادوية و هى

1 -Acyclovir 5% مضاد فيروسى خارج العين

2- Zovirax 3% مضاد فيروسى داخل العين

3- Zovirax مضاعف للقوة شراب

وقالى لمدة اسبوع بس انا خايفة من موضوع العدوى لان اخته عندها 3 سنين و مش عارفة اتحكم فيها و لا عارفة افهمها ربنا يستر

بس اناعايزة اخد رايك اوديه بكرة لدكتور رمد تانى ولا استنا على العلاج دة لاخر الاسبوع

انا قلقانة قوى و الله

و ياريت تطمنينى

وربنا يكرمك على مجهودك معايا و يجازيك خير ان شاء الله

[امانى]

الاخت العزيزة 0ان شاء الله سيشفى ابنك بازن الله ورحمته فأنا اعلم غلاوة الابناء فأنا ام

ربنا يشفيه ويخليه لكى وتنتهى الاذمة على خير امين يا رب العالمين

من رأييى يا اختى ان تأخذى ابنك غدا لدكتور متخصص يكون كويس وتوريه الادويه اللى كتبها الدكتور

الاخر وتقوليله ما نصحتك بيه الاخت بدرية وبكدة يبقى عنده فكرة عما حدث لابنك مسبقا وكمان عرف

هو تناول ايه من الادويه وباذن الله يطمنك ويريح قلبك وتكون الحالة بسيطة ورجائى منك ابعاد ابنتك الاخرى

عن اخوها بقدر الامكان حتى لو توديها عند احد اقاربك او احد من اخوتك او اقاربك ياتى اليكى لكى تتمكنى

من رعايتهما معا وربنا يبعد عن ابنائك الاذى وياريت تطمنينا اول باول عن احوال ابنك

اختك امانى

[نانا]

السلام عليكم ورحمة الله وبركاته

ازيك يا اختي العزيزة يا رب تكوني بخير وابنك كمان بخير يا رب

أنا أحب بس أقول لحضرتك على رأيي في حكاية إنك تستشيري أكتر من دكتور في حالة ابنك وطبعا الأمر كله يرجع لحضرتك

أنا من رأيي إنك تعرضية على دكتور معروف وسمعة كويسة وتكوني مطمنة منه أفضل من إنك تستشيري أكتر من دكتور ده ممكن يشتتك وممكن كل دكتور يقولك كلام غير الدكتور التاني وده هيقلقك ويشتتك أكتر لكن الأحسن تكوني واثقة في دكتور واحد كويس وتطمني معاه ولكلامه لكن طبعا ما فيش مانع تستشيري واحد كمان زيادة اطمئنان لكن الأهم يكونوا خبرة وأد الثقة لأن أحيانا يكون دكتور صغير وعايز يثبت نفسة فينفي كلام الدكتور التاني ويخالف كلامه وده هيسببلك قلق أكتر

وكله طبعا لمصلحة ابنك ربنا يشفيه يا رب والله بجد حضرتك مش متخيلة أنا الموضوع ده شاغلني إزاي حتى قولت لأختي وهي أقرب واحدة ليا تدعيله وإن شاء الله أسمع أجمل أخبار عنه

وكمان أنا سألت والدي هو دكتور أمراض باطنةوقلب لكن يفهم بردو في الهربس لأنه أحيانا بييجيله حالات لكن بتكون جلدية أسفل الظهر مثلا أو حوالين الفم وقالي على حالة ابنك ان اهم حاجة السرعة في العلاج وإنك تعرضيه على دكتور وما تتأخريش ابدا فيعلاجه خاصة لأن سنه صغير ومناعته بتكون ضعيفة وإن شاء الله هيكون تمام وبخير

وربنا يطمنا عليه بإذن الله

[Salwa]

يارب يشفى ابنك ويعافيه .

رأيى الخاص ان تذهبى به الى اخصائى عيون معروف..( ان استطعتى ذلك ماديا لاتتهاونى ) ..

مسألة انك لاتستطيعين التحكم فى طفلتك ذات الثلاث سنوات او افهامها ان الاقتراب من اخاها خطر ...!!

من الممكن ان تفهميها بطريقة هادئة ان اخاها مريض وعليها فقط ان تراه وهى (( على باب الغرفة ولا تدخل ))

وصدقينى ..الاولاد اذكياء جدا جدا فى هذه السن ( رغم شقاوتهم ) ....لكنك ستفاجئين انها فعلا حاتسمع كلامك ...خصوصا لو قلتى لها انك سوف تكافئيها فى نهاية اليوم وتحضرين لها الحلوى التى تحبها او انك ستحضرين لها عروسة جميلة فى نهاية الاسبوع ..

الله معك ...

ان شاء الله ابنك حايكون كويس جدا ...

لكن تمالكى اعصابك امامه وامام ابنتك لان واضح انك فى حالة انهيار ...

الاولاد بيمر عليها حاجات كتير ...بيمرضوا وبيخفوا ...

التفاؤل مطلوب ...وقبله الثقة فى الله ...الثقة فى لطف الله ....

كل دعواتى الطيبة لابنك .. ...ولكل مريض

[أختكم المصرية]

السلام عليكم و رحمة الله وبركاته,,,,,,,,,

شكرا و الله على اهتماكم بموضوع مرض ابنى و شكرا لاخت نانا مرة ثانية و اخت سلوى

انا لسة راجعة من عند دكتور كبير استشارى رمد و الحمد لله طمنى و قالى انه نوع الفيرس مش خطير اوي بس عايز عناية و محافظة و علاج صح

وكمان قالى كملى مضادات الفيروسات لمدة اسبوع بس معنى دة ان مناعته ضعيفة و محتاج تغذية جامدة وعسل نحل كل يوم لانه ضعيف

و شكرا على داعواتكوا

و الحمد لله على كل الى ربنا يجيبه

بس انا هتابع الحالة لحد يوم الخميس و ربنا يستر و دعاوتكوا ان شاء الله و لما يماثل الشفاء اكيد هقول للجميع يشاركونى الفرحة بس انا الحمد لله نفسيتى احسن من ساعة ماجيت من عند الدكتور لانهطمنى شوية و بضل الدعاء اولا

و ربنا يشفى جميع مرضانا

[vipwithyou]

ان شاء الله ربنا يشفى لك ابنك واطمئنى ان شاء الله

بخصوص عسل النحل هل هو ممكن ياخد عسل النحل بسهولة ولا هو لسة رضيع وميقدرش يبلعه ولا هتخففيه ولا ايه

ولو حضرتك محتاج عسل نحل انا من الشرقية وأعرف واحد عندنا عندة عسل نحل كويس ومضمون شوية باذن الله قطفة اولى

لو حضرتك عايزة انا مستعد اقبل زوج حضرتك أو أى حد من طرفك فى أى مكان فى مصر وأديله العسل

بس قولى وأنا أقابله تانى يوم فورا لأنى بأشوف المنتدى بالليل بس لانشغالى بالنهار

واذا كدة هأكتبلك رقم التليفون تخلى الشخص اللى هيقابلنى يكلمنى وأتفق معاه باذن الله وأقابله

وربنا يشفى ابنك باذن الله

أخوكى

تامر السيد

[قاهرى]

اختنا العزيزة المصرية الحزينة (وانشاء الله ميدخلش الحزن بيتك وبيوتنا كلنا)

الحمد الله على انك طمنتينا على ابننا كلنا مش ابنك انتى بس .. بجد انا بتعب اوى لتعب اى حد من اخواتى ممكن يحصلو حاجة وبحس ان من وجبى المساعدة مش الدعاء بس .. بس اهم حاجة دلوقتى تطمنينا علي ابننا لحد لما يبقى كويس خالص وانشاء الله عن قريب يكون خف تماما ويرجع يلعب وسط اخواتو وتشوفى ضحكتو طول العمر .... ربنا يخلهولك يا رب

فى انتظار انك تطمنيا على النونو السكر ابنك

اخوكى : قاهــــــــــــــــرى

[أختكم المصرية]

السلام عليكم و رحمة الله وبركاته

شكرا للجميع انا و الله حاسة ان المكان دة بقى بيتى و انتو اكتر من اخواتى و حاسة ان فعلا ان انتوا جنبي ربنا يكرمكوا جميعا و حاسة ان فعلا ابنى بيتحسن بفضل دعاوتكوا

احسن شىء فى الوجود ان الانسان فى الازمة يلاقى حد جنبه و حاسس بيه

ربنا يكرمكوا جميعا

النهاردة فى تحسن الحمد لله بس هو الموضوع هيطول شوية عشان دورة الفيروس بتاخد وقت شوية بس الحمد لله اثر العلاج بان شوية

المهم انا قلقى بخصوص موضوع المناعة الضعيفة دى و مش عارفة عمل هل دة موضوع عادى و خطير

المشكلة انه رافض الخضار و رافض العسل غير انه عند نقص كالسيوم ضاهر فى تغير لون الاسنان بنسبة بسيطة و تقوص طفيف فى الارجل على العلم هو عنده سنة و اربع شهور

بالنسبة للاستاذ تامر شكرا جدا لاهتمامك انا و الله عندى كام برطمان عسل من الشرقية و هو من مكان مضمون و لم يخلص و عرفتش الاقى فى القاهرة مش هلاقى حد غيرك يخدمنى فى الموضوع دة انا بس مش عايزة اتعبك

بالنسبة للاستاذ قاهرى انا حاسة انا فعلا انك واقف جنبنا بدعائك و خوفك على ابنى و انا هطمنكوا ان شاء الله لحد ما يتماثل الشفاء باذن الله

بالنسبة للاخت بدريةانا عايزة اسالك على شوية حاجات اناعارفة انك فى اسوان عشان كدة مش عارفة تتبعينا

هل فعلا غلط للطفال ياخدوا كالسيوم لانى كنت بدى اخته و فى دكتورة قالت انه بياثر على الكلى فبطلت و لكن بالنسبة للولد لما ماخدش حصل زى ما قلت فوق

نقص فى الكالسيوم

و هل المفروض ياخد فيتامين و لا لاءة

ياريت تردى عليا على العموم انا عندى شوية اسئلة كتيرة بس لما تيجى ان شاء الله

و

و جزاكوا الله جميعا الف خير

استمروا فى الدعاء

[vipwithyou]

ها اخبار ابننا كلنا ايه النهاردة

[أختكم المصرية]

الحمد لله بفضل الله و بفضل دعائكوا احسن كتير عينيه اتحسنت كتير

ربنا يكرمكوا جميعا و ربنا يتم الشفاء

شكرا استاذ تامر على اهتمامك