إحمرار شديد فى عين إبنى الرضيع .. و اليوم الخميس !

[الحازم حسن]

لا أملك الا الدعاء له

ربنا يشفيه ويطمنك عليه في أقرب وقت

[قاهرى]

الحمد الله وفى انتظار الشفاء التام باذن الله والدعوات مستمرة انشاء الله من كل الاعضاء

[Folana]

السلام عليكم ورحمة الله...

الاخت الفاضلة "المصرية الحزينة".....ربنا يبعد عنك الحزن ان شاء الله ويسعدك ..

فكرتنى باولادى وهم اطفال...وفكرتنى بقلقى عليهم وأرقى ليالى طوال لو اصاب واحدة منهم اى مكروه...وازاى كنت لازم اشرب من الدوا الاول علشان اعرف طعمه ايه وحيشعروا بايه وهم بيشربوه...

كان الله فى العون...اصبرى بس شوية لحد ما نتيجة العلاج تظهر....لانى اراك متعجلة ...ان شاء الله الموضوع بسيط مافيش داعى للقلق...

اما عن طرق الوقاية من نقل العدوى لاخته او باقى افراد الاسرة فهى عملية بسيطة جدا يقع عليك انت الجزء الاكبر منها...طبعا النظافة ..يعنى على طول تغسلى له ايده بالماء والصابون......ويكون له فوطة لوحده..تحرصى على غليها ...وفرش السرير يتغسل لوحده ويتعقم...وملابسه تتغسل لوحدها وتتعقم....

نقص الكالسيوم ونقص المناعة دى لازم تستشيرى فيها الطبيب المعالج علشان يكتب له العلاج المناسب ماينفعش تديله ادوية من نفسك.خصوصا ان سنه صغير ...وحاولى تعرضيه للشمس فى الصباح الباكر ....وربنا يطمنك عليه وعلى اولادنا جميعا....

[badroora]

هلا والله بالاخت الغالية المصرية الحزينة

شخبار ابنك العزيز يا رب يكون كويس .

ابقي طمنيني عليكي وعليه .

ربنا يشفيه يا رب ويبقي كويس وزى الفل وازمة وتعدي باذن الله .

:unsure:

[نانا]

السلام عليكم ورحمة الله وبركاته

أزيك يا أختنا الفاضلة مش عايزة أقول المصرية الحزينة لإني متفائلة إن شاء الله إنك هتغيري الاسم ده قريب وساعتها هقولك بشجاعة المصرية السعيدة إن شاء الله

أنا آسفة على تأخري في السؤال لكن ده والله مش بإيدي لأن والله كان عندي مشاكل في النت ولسة عندي مشاكل الدي إس إل مش عارفة إيه حصله وهيضطر يروح الصيانة

لكن أنا مقدرتش أستنى وقولت لازم أتصرف وأسأل على إبن حضرتك وجيبت سلك تليفون وفتحت النت عن طريقة التليفون

المهم طميني عليه وعلى صحته والله أنا مش ببطل دعوات ليه ولحضرتك كمان الله يكون في عونك ويجعله في ميزان حسناتك وتفاءلي بأي إبتلاء واطمني حاجات بتحصلنا ونتدايق عشانها ونزعل وهي في الحقيقة جاية تمسح ذنوبنا وتختبر مدى صبرنا وبتروح على طول وإن شاء الله ابنك هيكون في احسن صحة وياريت تطمنينا عليه أول بأول ربنا يطنك ويطنا إن شاء الله

[أختكم المصرية]

شكرا كتيييييررررررررررررا

و يجازيكم الله كل خير على الاهتمام دة انا حاسة الحمد للة انى فى ناس كتير جنبى بفضل سؤالكم المستمر

بالنسبة لابنى الحمد لله الاحمرار داخل العين و خارجها ابتدى يتلاشى بس لسة العلاج هيستمر حوالى 10 ايام كمان و ربنا يسلم

اخت فولانة

انا مشكلتى انى من النوع القلوق جدا و اعصابى بتبوز بسرعة و بدعى ربنا انى اتخلص من الموضوع دة لانه بيخلينى سيئة التصرف فى الموقف

اناوالله بعمل ذى مابتقولى بالظبط بعقم الهدوم و بغسلها لوحدها تماما و على فكرة انا مش بديهم اى ادوية و اى كالسيوم او فتامين من غير استشارة الطبيب لانى بخاف جدا هى المشكلة ان كل دكتور براى و انا ببقى محتارة مش اكتر و ربنا يتم الشفاء

اخت بدرية

:شكرا على اهتمامك بعيدا عن موضوع ابنى انتى وحشتينا اوى و المنتدى كان مضلم من غيرك

المهم تكونى اتبسطى فى اسوان و ترجعى تنورينا كل يوم

اخت نانا

انا مقدرة اهتمامك الشديد بموضوع ابنى شكرا ليكى و ربنا يجعله فى ميزان حسناتك ان شاء الله

دعاوتكوا الحمد لله كانت مستجابة وربنا يستجيب لدعوات كل المسلمين

بالنسبة لموضوع اسمى حاسة انى مش هقدر اغيره حتى فى الوقت الحالى بس قريب ان شاء الله

[vipwithyou]

لا يا ستى انا بأطالب مشرفين المنتدى الكرام بتغيير اسم ( المصرية الحزينة ) الى (( أختكم المصرية ))

كدة يكون احسن بكتير وبجد فعلا لازم تغيير الاسم

النهاردة الخميس أخبار ابننا ايه

يا أختنا المصرية اللى عمرها باذن الله ما هتكون حزينه أبدأ

شكرا ً

أخوكم

تامر السيد

تم تعديل 6 ديسمبر 2007 بواسطة vipwithyou

[أختكم المصرية]

شكرا جدا جدا استاذ تامر على اهتمامك الشديد بابنى

هو النهاردة الحمد لله احسن بس حاسة ان عينه كانت احسن امبارح

بس فى المجمل الحمد لله و ربنا يتم الشفاء

وبالنسبة لاسمى القائمين على المنتدى مكدبوش خبر اول ما شافوا اقتراح حضرتك استبدلوه

طب مش كانوا يقولولى على العموم شكرا انا عارفة انه مضايق ناس كتيير

طب افرض انا كنت عايزة اخليه حاجة تانية خالص

اعمل ايه بقى دلوقتى(على العموم انابهرج )

كفاية انكم مهتمين بالاعضاء و مش عايزين حد يكون حزين

[vipwithyou]

شكر خاص جدا جدا جدا لمشرفين المنتدى الأكثر من رائع والقائمين عليه

بأنهم قاموا بتلبية طلب او رجاء جميع اعضاء المنتدى الكريم الذين بالفعل كلهم قلوبهم على بعض فى جميع الأقسام

كل له دور يقوم به والحمد لله على أكمل وجه

وبالفعل المنتدى يثمر ويولد معه كل يوم صداقات كبيرة وعميقة بين الأعضاء وربنا يديمها ان شاء الله

وبعدين يا أختنا المصرية انتى مبقتيش حرة فى نفسك عايزة تغيرى الإسم من غير ما تاخدى رأى اخواتك ولا ايه

وكدة احسن بكتير وان شاء الله ميكونش فى حزن خالص

وسلامنا للبمبينو الصغنن

وبعدين حضرتك ما قلتيش بقى ابننا اسمه ايه لغاية دلوقتى مأعرفهوش

وياريت كمان ان شاء الله تراجعى الطبيب اللى متابعة معاه ومش ضرورى تغيرى كام طبيب لأن ممكن كلامهم يختلف حاجة بسيطة

ودة يسبب لك توتر لكن شوفى واحد يكون ثقه وكملى معاه وباذن الله ربنا يجيب الشفاء

وتذكرى دائما ان دة امتحان من الله لقياس درجة الصبر

ربنا معاكى باذن الله

شكرا لمشرفين المنتدى مرة اخرى

أخوكم

تامر السيد

[نانا]

السلام عليكم ورحمة الله وبركاته

أيوة كدة حلو اختنا المصرية كدة الواحد يقولها بشجاعة وبرضا الحمد لله على صحة ابن حضرتك ضروري تطمنينا عليه أول بأول وتعرفينا اسمه لاني كل شوية اقول ابن حضرتك فالكلام بيبقى كتير

وبالنسبة لموضوع الدكتور انا رأيي طالما الدكتور الحمد لله علاجه بيجيب نتيجة وتحسن يبقى تكملي معاه لأنه كمان بيبقى فيه متابعة وبيبقى أدري بحالة طفلك وممكن يديله أدوية تدريجية بعد كدة

وبالنسبة لكلام حضرتك عن موضوع الفيتامينات والكالسيوم طبعا ده بعد استشارة الطبيب أنا سألت بابا عن الموضوع ده (ماتخافيش بابا دكتور شاطر بإذن الله طبعا ) وقالي تبع حاجة الطفل لو محتاج كالسيوم تديله مش بيعمل حاجة طالما محتاجله وكذلك الفيتامينات لو عنده نقص مناعة وما تخافيش بس طبعا بعد استشارة دكتور وتتأكدي إنه محتاج فعلا

واطمني مافيش اي أضرار عليه إن شاء الله

[vipwithyou]

شكر خاص جدا جدا جدا لمشرفين المنتدى الأكثر من رائع والقائمين عليه

بأنهم قاموا بتلبية طلب او رجاء جميع اعضاء المنتدى الكريم ، الذين بالفعل كلهم قلوبهم على بعض فى جميع الأقسام

كل ٌ له دور يقوم به والحمد لله على أكمل وجه

وبالفعل المنتدى يثمر ويولد معه كل يوم صداقات كبيرة وعميقة بين الأعضاء وربنا يديمها ان شاء الله

وبعدين يا أختنا المصرية انتى مبقتيش حرة فى اسمك عايزة تغيرى الإسم من غير ما تاخدى رأى اخواتك ولا ايه

وكدة احسن بكتير وان شاء الله ميكونش فى حزن خالص

وسلامنا للبمبينو الصغنن

وبعدين حضرتك ما قلتيش لغاية دلوقتى بقى ابننا اسمه ايه ؟

وياريت كمان ان شاء الله تراجعى الطبيب اللى متابعة معاه ومش ضرورى تغيرى كام طبيب لأن ممكن كلامهم يختلف حاجة بسيطة

ودة يسبب لك توتر لكن شوفى واحد يكون ثقه وكملى معاه وباذن الله ربنا يجيب الشفاء

وتذكرى دائما ان دة امتحان من الله لقياس درجة الصبر

ربنا معاكى باذن الله

شكرا لمشرفين المنتدى مرة اخرى

أخوكم

تامر السيد

[mesryforever]

الأخت / المصرية

أسأل الله العلي القدير رب العرش العظيم أن تشفي لها إبنها

أسأل الله العلي القدير رب العرش العظيم أن تشفي لها إبنها

أسأل الله العلي القدير رب العرش العظيم أن تشفي لها إبنها

أسأل الله العلي القدير رب العرش العظيم أن تشفي لها إبنها

أسأل الله العلي القدير رب العرش العظيم أن تشفي لها إبنها

أسأل الله العلي القدير رب العرش العظيم أن تشفي لها إبنها

أسأل الله العلي القدير رب العرش العظيم أن تشفي لها إبنها

يارب تسمعينا عنه أخبار حلوة في أقرب وقت بإذن الله

[أختكم المصرية]

شكر خاص جدا جدا جدا لمشرفين المنتدى الأكثر من رائع والقائمين عليه

بأنهم قاموا بتلبية طلب او رجاء جميع اعضاء المنتدى الكريم ، الذين بالفعل كلهم قلوبهم على بعض فى جميع الأقسام

كل ٌ له دور يقوم به والحمد لله على أكمل وجه

وبالفعل المنتدى يثمر ويولد معه كل يوم صداقات كبيرة وعميقة بين الأعضاء وربنا يديمها ان شاء الله

وبعدين يا أختنا المصرية انتى مبقتيش حرة فى اسمك عايزة تغيرى الإسم من غير ما تاخدى رأى اخواتك ولا ايه

وكدة احسن بكتير وان شاء الله ميكونش فى حزن خالص

وسلامنا للبمبينو الصغنن

وبعدين حضرتك ما قلتيش لغاية دلوقتى بقى ابننا اسمه ايه ؟

وياريت كمان ان شاء الله تراجعى الطبيب اللى متابعة معاه ومش ضرورى تغيرى كام طبيب لأن ممكن كلامهم يختلف حاجة بسيطة

ودة يسبب لك توتر لكن شوفى واحد يكون ثقه وكملى معاه وباذن الله ربنا يجيب الشفاء

وتذكرى دائما ان دة امتحان من الله لقياس درجة الصبر

ربنا معاكى باذن الله

شكرا لمشرفين المنتدى مرة اخرى

أخوكم

تامر السيد

اهلا استاذ تامر

اعزرونى على التاخير

انا الحمد لله كنت عند الدكتور النهاردة فى استشارة و الحمد لله اطمنت على الولد و طبعا كلة بفضل الله

احنا ياستاذ تامر فعلا بقينا كلنا هنا اكتر من الاخوات و ربنا يديم هذة الاخوة بيننا جميعا

و اكبر دليل كل هذا الاهتمام بمرض ابنى و الاطمئنان عليه

يالنسبة لاسم ابنى هو اسمه ياسين

و انا الحمد لله مؤمنة طبعا ان دة اختبار من عند الله و الحمد لله على كل شىء

اخت نانا شكرا على اهتمامك فعلا و ارجو ان تشكرى لى والدك على كل المعلومات دى

انتى فعلا اكتر من اخت ربنا يكرمك

شكرا استاذ masryforever على اهتمامك

اشكر كل من اهتم بابنى بالسؤال و قام بالدعاء له

[قاهرى]

الف حمد الله على السلامة على ابننا يا اختنا العزيزة وبجد مغلطش انى قولت انو مش ابنك لوحدك وانو ابننا كلنا لانى انشاء الله باذن الله ناوى اسمى ابنى ياسين انا كمان .. ادعولى ربنا يرزقنى .... حمدالله على سلامة النونو بتاعنا wst::

[badroora]

هلا والله بام ياسين الغالية مبروك تغير الاسم وطمنيني على ياسين يا رب يكون بقي كويس

تحياتى لياسين ومامته wst::

[شينكاوي]

السلام عليكم

الحمد لله الذي شفي ابنك يا اختنا الكريمة طبعا الشافي هو الله ولكن التداوي سبب من اسباب الشفاء مع الدعاء

وما خلق الله داء الا وقد خلق له دواء فالحمد لله علي سلامة ياسين وان شاء الله يكون من حملة كتاب الله ومن حفاظ

سورة ياسين وشفي الله كل طفل مسلم مبتلي وقانا الله من شر الامراض

وحمد لله علي سلامتك يا ياسين

[أختكم المصرية]

السلام عليكم

فعلا انا حاسة ان ياسين ابننا كلنا و دة واضح جدا باهتمامكوا و سألكوا المستمر و طبعا بدعاوتكوا

شكرا استاذ قاهرى

ربنا يرزقك ان شاء الله بالزرية الصالحة و انشا ء الله يرزقك بياسين

قولوا امين

شكرا اخت نجفة كتيييييير على سؤالك

تحياتى لكى

[امانى]

الاخت العزيزة ام ياسين

الحمد لله على سلامة ابنك عافاه الله من كل داء وربنا يخليه لكى هو واخته امين يا رب العالمين ومبروك على الاسم الجديد

ودايما ربنا يبعد عنك الحزن والاسى امين يا رب العالمين

امانى

[أختكم المصرية]

شكرا للاستاذ شنكاوى و شكرا لكى اخت امانى

وربنا ان شاء الله يرزقوا بالذرية الصالحة

و ان شاء الله يبعد الامراض عن جميع المسلمين

والله يبارك فيكم على الاسم الجديد

[قاهرى]

شكرا استاذ قاهرى

ربنا يرزقك ان شاء الله بالزرية الصالحة و انشا ء الله يرزقك بياسين

قولوا امين

بجد تسلمى دى اجمل دعوة سمعتها فى حياتى ربنا يخليكى يا اختنا العزيزة وربنا يخليلك اولادك وبيتك وشكرا ليكى بجد من قلبى

اللهم امين ............... اللهم امين ......... اللهم امين

قاهـــــــــــــرى