48 ساعة فى مصر

[seeem]

فرح اخويا.....قلت لازم احضره.....شديت الرحال ونزلت على الحبيبة مصر

قولت هما 48 ساعة احضر الفرح واتبسط مع العيلة

يوم الفرح طبعا مجهزين نفسينا ومعلقين الزينة واللمبات الملونة على العمارة

جرس الباب ضرب ....فتحت وابنى على كتفي.....

الزائر: صباح الخير ....انا من شركة الكهربة

انا: صباح النور .... خير أأمر

الزائر: بأقولك صباح الخيــــــــــــــــــــر....

انا: مش فاهم طب حضرتك عايز ايه....

اخويا من ورا الباب: اديله خمسين جنيه.

انا: اتفضل ياسيدي وكل سنة وانت طيب.

الزائر: تمام .....على فكرة اللمبات اللى انتوا معلقينها دي مخالفة ومخالفتها جامدة قوي ..... المفروض تطلبوا عداد مؤقت علشان حاجة زي دي....العداد بمائة جنيه تأمين.....

انا: طب يعني ينفع اروح واجيبه دلوقتي؟

الزائر: لا.......دا احنا دلوقت بنلف ومافيش حد فى الكهربة يقدر يدهولك دلوقت. ده غير اننا حنلف تانى كمان ساعتين مع المدير وحتتخالفوا بالطريقة دي....والمخالفة جامدة.

انا: طب والعمل؟

الزائر: لو حبيت اجبهولك انا واركبهولك واقعد اشرب معاك ومع العريش كباية شاي!

انا: طيب ماتجيبه وليك الحلاوة

الزائر: والمائة جنيه؟؟ ادفعهم انا من جيبي ؟؟

انا: ثانية واحدة.....((دخلت جوية البيت ادي الولد لأمه وناوي على الشر مع الافندي.....

لقيت اخويا بيقفل الباب......

انا: ايه عملت معاه ايه.

اخويا: ولا حاجة اديته مائة جنيه واخدت الخمسين.

انا: ياعني حايروح يجيب العداد.

اخويا: ايوه .... وكمان قلتله قهوتك معايا لما تركب العداد

انا: طيـــب

بعد عشر دقائق...الباب يفتح ويدخل الوالد......نحكي له ماحدث....الوالد وقد غضب مما حدث.

الوالد: لازم نتصل بالمحامي ؟؟!!

انا:

الوالد: ألو .... استاذ المحامي.... حصل.....

المحامي: خمس دقائق وحتصل بيك.

انا: :happy:

المحامي: الو الموضوع خلص خلاص.....

الوالد: فيه اي حاجه.

المحامي: ايوه طبعا ..... الاستاذ اللى نزل من عند حضرتك عمللك محضر فى القسم بالمخالفة ديه..

انا: :blink:

الوالد: بس الولاد ادوله مبلغ علشان يركب العداد.....

المحامي: دول ولاد.....كان لازم تركب انت العداد بنفسك قبليها بيومين....

الوالد: على العموم فيه اي حاجة ...

المحامي: لا المحضر خلص خلاص ولو كان مشي كان فيها شهر حبس ((مع الايقاف)) وغرامة على كل لمبة ...مش عارف كام جنيه.

الوالد: الحمد لله حصل خير ..... متشكريين ياأستاذ يامحامي

المحامي: العفو على ايه......

انا: :lol: :wub: mfb: :P :D :blink:

حــــــــــــــــــاجة تفــــــــــــرس

.......................................................

[MZohairy]

الناس في المناسبات دي يا أسأس بدل موضوع اللمبات ده بيإيدوا الشموع إمعانا في الرومانسيه و اتقاء للأشرار

[seeem]

واي شر يا استاذ زهيري

ده انا يقالي اسبوع مكتئب.....

وكل ما افتكر الموضوع ...... اكتئب اكتر من الاول

[se_ Elsyed]

آي ... هي جت فيك يا سيم ... معليش يابني تعيش وتاخد غيرها

حضرتك إحنا إتلبينا قضيتين في سنتين متعاقبتين .. هذا لاعام .. والعام الماضي

في فرح أختي الصغيرة وكنا معلقين نور وحركات على بيت العيلة ... وساعتها أنا اللي قابلت البلطجية دول وما رضيتش ادفع ودخلت فيهم شمال .. ولما جيه يقولي فين بطاقتك ما رضيتش أديهاله .. وناديت أخويا الكبير وعملوا المحضر بإسمه ( ونعم الاخوة والتعليم ) .. وراح لقى عليه 3 قضايا .. خلعت أنا وسافرت وكان كل شويه يتصل بيه ويقولي : حسبنا الله ونعم الوكيل .. إنت القوي على كل قوي يارب ... بس جت سليمه ... في واحد قريبنا في شركة الكهربا ظبط لنا المسائل .

تاني سنة فرح أخويا الاخراني أخر العنقود .. بس المرة دي ما كنتش هناك وأخويا دفع زي الباشا ... وراح لقى نفس الـ 3 قضايا .. ونفس الراجل ظبطهم في الشركة وأنتهت على خير

دول شمامين يا عم الحج ودفعت ما دفعتش بيعمل قضية لإنها بتبقى بونص له في ملفه وبيثبت إنه واد شغيل يعني

بس حلو عنوان الموضوع اللي إنت مختارة بيفكرني بفيلم " 48 ساعة في تل أبيب "

ألف مبروك ... والمرة الجاية زي ما قال زُهيري .. إبقوا قيدوا شموع في الفرح

بس ساعتها يا حلو بتوع الدفاع المدني هايعملوا لك 3 قضايا برضوا بتهمة الشروع في إشعال حرايق ..

ولو ما نورتش نور ولا شموع وعملتوا الفرح في الضلمة سكيتي يعني ... ممكن بتوع وزراة الضمان الإجتماعي يعملوا لك 3 قضايا برضوا بتهمة إنتهاك حقوق الإنسان وحرمان عريس وعروسة من الفرحة في ليلة العُمر

إنت أحسن حل قبل أي فرح تعدي على كل وزارة ومعاك العريس في إيدك اليمين .. والعروسة في إيدك الشمال والواد الصغير على كتفك وتستوفي جميع الإشتراطات المطلوبة من كل وزارة من دول في حالة القيام بعمل فرح وأنا متأكد إنك أول ما تخلص هايكون الواد الصغير اللي على كتفك دخل الجيش وساعتها هو اللي هايشيلك على كتفه ... والعريس والعروسة بقى ربنا يتولاهم ..

[seeem]

آي ... هي جت فيك يا سيم ... معليش يابني تعيش وتاخد غيرها

إنت أحسن حل قبل أي فرح تعدي على كل وزارة ومعاك العريس في إيدك اليمين .. والعروسة في إيدك الشمال والواد الصغير على كتفك وتستوفي جميع الإشتراطات المطلوبة من كل وزارة من دول في حالة القيام بعمل فرح وأنا متأكد إنك أول ما تخلص هايكون الواد الصغير اللي على كتفك دخل الجيش وساعتها هو اللي هايشيلك على كتفه ... والعريس والعروسة بقى ربنا يتولاهم ..

تسلم ياسين سين......السجن للجدعان برضك.....

متنساش تجيب معاك عيش وحلاوة....

اما اسم الموضوع فده لإن ال48 ساعة لسه ماخلصوش لسه فيه تاني...كمان وكمان وكمان ..... في 48 ساعة بمصر

تم تعديل 2 ديسمبر 2007 بواسطة seeem

[amrhoras]

أ/ سيييم انا فرح اختى ضاع بسبب الموضوع ده مش حضرته هههههههه

هو كل الناس ولا ايه

عمرو

[مصري أصيل]

بس حلو عنوان الموضوع اللي إنت مختارة بيفكرني بفيلم " 48 ساعة في تل أبيب "

ألف مبروك ... والمرة الجاية زي ما قال زُهيري .. إبقوا قيدوا شموع في الفرح

بس ساعتها يا حلو بتوع الدفاع المدني هايعملوا لك 3 قضايا برضوا بتهمة الشروع في إشعال حرايق ..

ولو ما نورتش نور ولا شموع وعملتوا الفرح في الضلمة سكيتي يعني ... ممكن بتوع وزراة الضمان الإجتماعي يعملوا لك 3 قضايا برضوا بتهمة إنتهاك حقوق الإنسان وحرمان عريس وعروسة من الفرحة في ليلة العُمر

إنت أحسن حل قبل أي فرح تعدي على كل وزارة ومعاك العريس في إيدك اليمين .. والعروسة في إيدك الشمال والواد الصغير على كتفك وتستوفي جميع الإشتراطات المطلوبة من كل وزارة من دول في حالة القيام بعمل فرح وأنا متأكد إنك أول ما تخلص هايكون الواد الصغير اللي على كتفك دخل الجيش وساعتها هو اللي هايشيلك على كتفه ... والعريس والعروسة بقى ربنا يتولاهم ..

والله العظيم يا س س أنا لما بكون زهقان أو مضايق بدخل المنتدي مخصوص أدور علي مداخلاتك في أي موضوع خفيف عشان أفك عن نفسي شوية أنت بتجيب الكلام ده منين مش عارف وأفضل أضحك لما زمايلي في المكتب يسألوني بتضحك علي أيه أقولهم تعالوا أقروا معايا ويتحول المكتب بقدرة قادر لمسرحية . ربنا ما يحرمنا من خفة دمك.

اما بخصوص الموضوع بتاع الأستاذ سييم فالهليبة في مصر بقوا كتير قوي وما تزعلش قدر ولطف بس والله أنا أول مرة أسمع عن العداد المؤقت ده وده برضه لما تحب تخليه ما يلفش بسرعة تحط فوقه طوبه برضه ولا وضعة مختلف؟؟؟؟؟؟؟؟

[seeem]

بس حلو عنوان الموضوع اللي إنت مختارة بيفكرني بفيلم " 48 ساعة في تل أبيب "

ألف مبروك ... والمرة الجاية زي ما قال زُهيري .. إبقوا قيدوا شموع في الفرح

بس ساعتها يا حلو بتوع الدفاع المدني هايعملوا لك 3 قضايا برضوا بتهمة الشروع في إشعال حرايق ..

ولو ما نورتش نور ولا شموع وعملتوا الفرح في الضلمة سكيتي يعني ... ممكن بتوع وزراة الضمان الإجتماعي يعملوا لك 3 قضايا برضوا بتهمة إنتهاك حقوق الإنسان وحرمان عريس وعروسة من الفرحة في ليلة العُمر

إنت أحسن حل قبل أي فرح تعدي على كل وزارة ومعاك العريس في إيدك اليمين .. والعروسة في إيدك الشمال والواد الصغير على كتفك وتستوفي جميع الإشتراطات المطلوبة من كل وزارة من دول في حالة القيام بعمل فرح وأنا متأكد إنك أول ما تخلص هايكون الواد الصغير اللي على كتفك دخل الجيش وساعتها هو اللي هايشيلك على كتفه ... والعريس والعروسة بقى ربنا يتولاهم ..

والله العظيم يا س س أنا لما بكون زهقان أو مضايق بدخل المنتدي مخصوص أدور علي مداخلاتك في أي موضوع خفيف عشان أفك عن نفسي شوية أنت بتجيب الكلام ده منين مش عارف وأفضل أضحك لما زمايلي في المكتب يسألوني بتضحك علي أيه أقولهم تعالوا أقروا معايا ويتحول المكتب بقدرة قادر لمسرحية . ربنا ما يحرمنا من خفة دمك.

اما بخصوص الموضوع بتاع الأستاذ سييم فالهليبة في مصر بقوا كتير قوي وما تزعلش قدر ولطف بس والله أنا أول مرة أسمع عن العداد المؤقت ده وده برضه لما تحب تخليه ما يلفش بسرعة تحط فوقه طوبه برضه ولا وضعة مختلف؟؟؟؟؟؟؟؟

طوبه ...... :lol: وده بجد بينفع ؟

طب ينفع ازودها واحط شيكارة اسمنت

[seeem]

48 ساعة فى مصر.......

مش حاتقدر تفلت يـا أدهم

......................................

مطار النزهة ((الجميل)) والانجاز الحضارى الحقيقي لإسكندرية........ولا تقولي مكتبة ولا اوبرا....

مطار النزهة يضارع عظمة ابوالهول وعضمة الاهرامات العتيقة.......

الساعة 01:05 بعد منتصف الليل

مشهد دخول المطار....

راكب العربية مع اخي وحماي وزوجتي العزيزة وداخلين على بوابة المطار..

اخويا: ياساتر يارب ...... الهى العسكرى مايقولنا اقفوا على جنب!!

رفعت راسي من الكنبة اللى ورا وشبيت زي ابو الفصاد احاول اشوف هو فيه ايه..

((اللى مايعرفش. دخول بوابة مطار النزهة اصعب مندخول بوابة البيت الابيض))

الصف لسه فيه اربع عربيات على مانوصل للعساكر ....

وفيه عربية موقفها العسكري ومعاه واحد تقريبا اللى مسافر وهاتك ياتفتيش فى العربية والشنط ....

طبعا صاحبنا معاه ناس بس لم يجروأ اى فرد على النزول والمساعدة حفاظا على الكرامة ومن باب عدم الاحتكاك علشان بيجيب تسلخات

صاحبنا فاتح الشنط وفارد حاجته على الارض والاخ العسكري راعى الامن والامان غاص جوه الحاجة وقلب هنا وهناك لغاية ماعرقت وعضلاتى نشفت من كتر الشبة فى قلب نوفمبر.. بصراحة تعبت له وعنيا دمعت من وطنية وإخلاص العسكرى ....

الراجل ده محللها ياجدعان... :lol:

وفجأه ..... خبط على الزجاج الجانبي ناحية السواق..

اخويا وهو بيفتح الشباك ومادد مبلغ من المال..

مساء الخير

الخابط وهو بيقبض المبلغ: مساء الفل.....تذكرة؟

اخويا: لا مش مهم

تذكرت هنا ان هذا المطار هو المطار الوحيد اللى شوفته فى حياتي لازم تدفع علشان تشوفه...قصدي تدخله حتى لو مش حتركن انتظار لازم تدفع...((طبعا لو حاتركن حايستلقفك السايس وانت وشطراتك بقه تعرف تزوغ ولا تترزع كل سنة وانت طيب يابيه))

بعد عدة دقائق ...كان صاحبنا لم الشنط وتوكل على الله ودخل والعربيات اللى بعده دخلت كلها بدون تفتيش واحنا معاهم

انا: هو احنا ماتفتشناش ليه؟

اخويا: انت حاتفقررر...ماعدينا خلاص...وبعدين انا دافع وماخدتش تذكره..افهم بقى.

انا: امممم .... ((موسيقي GOD FATHER )) wst::

يتبع

[قاهرى]

سيممممم باشااااااااا .... اية يا عم المواضيع الجمدة دى تسلم ايدك وربنا معاك

انا والله بردوا حصلى موقف عجيب فى الاجازة الى فاتت ليا ... كونت ماشى على الطريق الدائرى (الهرم - ميدان لنان المهندسين) وكان 2 يوم العيد الصغير 2006 - وعلى مرما النظر القى زحمة شديدة وطبور عربيات

طلعت لجنة ... قولت ومالو الشرطة فى خدمة الشعب

عربية ورا عربية بتمشى عادى قولت والله بلد متحضرة .. لحد ما جة دورى

امين الشرطة : رخصك

انا : حاضر

الامين : اركنلى الى جنب (واخد الرخص ومشى)

انا wst::

رحت اكلم الامين لقيتو بيقولى روح للباشا

رحت للباشا: لقيتو بيقولى انت الردار مسكك ماشى على 81

قلتلو امال اقصى سرعة على الدائرى كام

قالى 80 ... يا صلاة النبى .. فرقت الا يعنى

المهم قلتلو اساسا الطريق كلو ترلات كبيرة مشة فوق ال 100 ووخدة الشارعين يمين وشمال امشى انا فين انشاء الله . ورحت قلتلو خد انت مفتاح العربية وامشى كدة على اقل من 100 وشوف الى هيحصلك دة كويس اوى انى على 81 ....

الظابط : كل سنة وانت طيب انهردة 2 يوم العيد

انا: :lol:

الظابط: بص على اسمى فى الرخصة وقال : ها يا حمادة

انا: حمادة bv:- :angry: :blink: :wub:

قلتلو يعنى طيب انت عايز اية انا مش فاهم

انا قولت دى من هنا ولقتو بيقولى روح ادفع بقا 500 جنية احسن ... قلتلو معلش اصل انا مش عايش فى مصر

قلى انا عيونى يا عم ليك

قلى لا خلاص كان من الاول انا كتبت وصل المخالفة

اخت الوصل ورجعت للعربية وانا مخنوق ومن ساعتها رخصتى معرفش عنها حاجة ومش عيزها :sad:

بحكى القصة دى لواحد صحبى مصرى معايا فى الشغل هنا فى الامارات . قالى حصلتلى انا كمان وهو اصلا كان نازل معايا فى نفس معاد الاجازة يعنى فى العيد الصغير .. بقلو وعملت اية قالى اديتو رخصة الامارات لانى مكنتش شايل الرخصة المصرية

فنا بقلو تلقيك اتبهدلت : بيقولى لا انا قلتلو (شو فية) على كام كلمة خليجى كدة وانا بديلو الرخصة بتاعة الامارات وكان رد الامين لية

اهلا بيك فى بلدك التانى مصر (نورت مصر) ههههههههههههههههههههههههههههههههههههه :lol: :lol:

اتفضل يا عم ..

تحياتى بجد لكل المشاركين الموضوع الشيق دة وخصوصا سى السيد ابو دم خفيف و سيممممم الجامد

اخوكم قاهــــــــــــــــرى

[seeem]

سيممممم باشااااااااا .... اية يا عم المواضيع الجمدة دى تسلم ايدك وربنا معاك

انا والله بردوا حصلى موقف عجيب فى الاجازة الى فاتت ليا ... كونت ماشى على الطريق الدائرى (الهرم - ميدان لنان المهندسين) وكان 2 يوم العيد الصغير 2006 - وعلى مرما النظر القى زحمة شديدة وطبور عربيات

طلعت لجنة ... قولت ومالو الشرطة فى خدمة الشعب

عربية ورا عربية بتمشى عادى قولت والله بلد متحضرة .. لحد ما جة دورى

امين الشرطة : رخصك

انا : حاضر

الامين : اركنلى الى جنب (واخد الرخص ومشى)

انا wst::

رحت اكلم الامين لقيتو بيقولى روح للباشا

رحت للباشا: لقيتو بيقولى انت الردار مسكك ماشى على 81

قلتلو امال اقصى سرعة على الدائرى كام

قالى 80 ... يا صلاة النبى .. فرقت الا يعنى

المهم قلتلو اساسا الطريق كلو ترلات كبيرة مشة فوق ال 100 ووخدة الشارعين يمين وشمال امشى انا فين انشاء الله . ورحت قلتلو خد انت مفتاح العربية وامشى كدة على اقل من 100 وشوف الى هيحصلك دة كويس اوى انى على 81 ....

الظابط : كل سنة وانت طيب انهردة 2 يوم العيد

انا: :lol:

الظابط: بص على اسمى فى الرخصة وقال : ها يا حمادة

انا: حمادة bv:- :angry: :blink: :wub:

قلتلو يعنى طيب انت عايز اية انا مش فاهم

انا قولت دى من هنا ولقتو بيقولى روح ادفع بقا 500 جنية احسن ... قلتلو معلش اصل انا مش عايش فى مصر

قلى انا عيونى يا عم ليك

قلى لا خلاص كان من الاول انا كتبت وصل المخالفة

اخت الوصل ورجعت للعربية وانا مخنوق ومن ساعتها رخصتى معرفش عنها حاجة ومش عيزها :sad:

بحكى القصة دى لواحد صحبى مصرى معايا فى الشغل هنا فى الامارات . قالى حصلتلى انا كمان وهو اصلا كان نازل معايا فى نفس معاد الاجازة يعنى فى العيد الصغير .. بقلو وعملت اية قالى اديتو رخصة الامارات لانى مكنتش شايل الرخصة المصرية

فنا بقلو تلقيك اتبهدلت : بيقولى لا انا قلتلو (شو فية) على كام كلمة خليجى كدة وانا بديلو الرخصة بتاعة الامارات وكان رد الامين لية

اهلا بيك فى بلدك التانى مصر (نورت مصر) ههههههههههههههههههههههههههههههههههههه :lol: :lol:

اتفضل يا عم ..

تحياتى بجد لكل المشاركين الموضوع الشيق دة وخصوصا سى السيد ابو دم خفيف و سيممممم الجامد

اخوكم قاهــــــــــــــــرى

باشا.....

هو انت كمان حصل فيك الموقف ده........

بس بصراحة صاحبك ده مية مية bv:-

[Tafshan]

هو ده بقى اللى كائبك يا سيييم !!

المواضيع دى عادى جداً .. الرشوه و التلبيس من السمات الاساسيه للحياة في مصر ..

حمد الله ع السلامه و ما تنكدش على نفسك .. كلنا لها :happy:

[seeem]

هو ده بقى اللى كائبك يا سيييم !!

المواضيع دى عادى جداً .. الرشوه و التلبيس من السمات الاساسيه للحياة في مصر ..

حمد الله ع السلامه و ما تنكدش على نفسك .. كلنا لها :happy:

ياباشا اصبر الجاي تقيل

لو على الرشوة ((تصدق ماعرفتش اكتبها بسهولة)) فالموضوع اتبلع من زمان ...... لكن سيادتك دي مش رشوة

دي اسمها اتاوة.....جباية......اللى يعدي يدفع ....واللى مايدفع يقلع.....

وبرضه اصبر

[seeem]

المواضيع دى عادى جداً ..

انا بقى عايز اعرف ليه بقت عادي......

وازاي وصلت الناس للدرجة دي من عدم الاحترام وعدم الذوق وعدم اللياقة

وازاى نرجع الذوق والادب للناس

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[seeem]

خلصت الموسيقى

وصلنا لموقف العربيات .....

وركنا العربية ونزلنا يوصلوني لغاية بوابة مبنى المغادرين.......

((برضه للى مايعرفش مافيش صالة توديع فى المطار المعظم))

طبعا فيه عسكرى تاني...... اديتله الباسبور والتذكرة

((عادى جدا انه يمسكه بالمشقلب.....دي مش نكتة لكن بتحصل))

ماعلينا.....حطيت الشنطة الحيلة على الجهاز وخرجت كل اللى معايا علشان اعدى

ودخلت....

بعد استلام بطاقة السفر وعند محاولة عبور الجوازات ..... ((طبعا محاولة ....ماحدش يفكرها بالساهل.....لازم تستوفى الشروط وتعجب الظابط وإلا احتمال انه يضياق ويزربن))

المهم بعد كل هذا وصلنا الى مربط الفرس:

صالة المغادرة: حيث ان المطار كله عبارة عن صالة واحدة ...... فلا مانع بوتاتا من وضع حاجز امنى اخر عند صالة المغادرة......

الشخص اللى قبل مني: :rolleyes:

العساكر: ده شغلنا ((مناخيرهم فى السما)) مش عاجبك روح اشتكي ((بتجاهل ونظرة تعالى))

انا: ((عادى اكيد عمل حاجه غلط....جايب معاه مثلا مصاصة او بونبون .. حاكم الحاجات دي من الجسام الصلبة...وبعدين ماهو اللى غلطان ويستاهل حد قاله يسافر))

وضعت تانى كل مافي جيوبي..واحتراما لصالة المغادرة خلعت نعلي.

عديت من البوابة والتفت الم اغراضي...

اذ بي افوجأ بالعسكري نازل تفتيش فى ..... المحفظة

ومطلع كل الكروت وبطاقات الائتمان وفارزهم امامه وعمال يتفحص فيهم من فوق ومن تحت ويبصبص حتى فى حرف الكارت

والاخر مساك علبة السجاير وفرط منها السجاير كلها وعمال يتشمم ويدخل مناخيره فى العلبة الفاضية

((ايه هو فيه ايه)) - ده طبعا صوت عقلي

فلاش باك ابيض واسود - ((لو مش عاجبك روح اشتكي)) -

يمسك العسكري بعلبة سجاير مقفولة متبرشمة بغيظ ..... ((عايز افتحها واعرف فيها ايه , عايز ابعترله حاجته كلها)) ويرفع نظره ببطء شديد تجاهي

نظرة اطفال عبيطة تترسم على وجهي كانها مش بتاعتي من اساسه

ولميت ماتبقى من كرامة فى كيس اسود ............ وسافرت

تم تعديل 4 ديسمبر 2007 بواسطة seeem

[شينكاوي]

السلام عليكم

علي فكرة الواحد ممكن يموت من الضحك بجد الموضوع جامد يا سيم والجماعه كفوا ووفوا في تعديد مساوئ

بلدنا الحبيبة .

اقولك كام موقف :-

الأول : يوم الفرح بتاعي وده كان من شهرين ما ركبتش ولا لمبة علشان نفس القصة ولأن واحد صاحبي كان

اتجوز قبلنا بسنة واتعمله المحضر واتحط في القفص وقضية وتوتر ورعب من السجن كل ده لانه ركب نور يا سيدي

فأنا قلت خدها من قصيرها وبلاها نور مع المحاولات احنا هنظبطك تدفع 200 جنيه وهتعدي قلت ابدا وخصوصا ان

اخوك مجرب شغل التلاكيك بتاع الحكومة الموقرة ورجالاتها المرتشيين.

ثانيا: اقسم بالله العظيم ودي حصل من كام سنة مش فاكر في مطار اسيوط الذي قادني حظي السئ للسفر

عن طريقه في تلك المرة قلعوا الناس الجزم علشان تدخل الطيارة رجاله وحريم واطفال ومصريين واجانب

وكنت مكسوف اتكلم عن الموضوع ده طبعا لاني قلعت الجزمة وريحة الشراب ما كنتش ولابد ساعتها :rolleyes:

والمسخرة لما تعدي الجهاز السخيف ويرن وقلعونا الساعة والحزام والواحد برده كان خايف ليقلع حاجة تاني :blush2:

اثالث والاخير: اصدقاء لي كويتيون يقسمون بالله انهم في مطار القاهرة لما بيختموا دخول وعلشان برده شغل

التلاكيك بيقوموا حاطين مبلغ لا يقل عن 200 جنيه تقريبا في الباسبور لمين للظابط :blink: انا في البدايه لم

اصدق علي اعتبار ان المرتشيين من العسكري لامين الشرطة لكن الباشا صعبة لكن طلع حتي الباشا بيقبض.

واخيرا لو كتب كل واحد عن البلاوي اللي في مصر مش هنخلص .

بس اقسم بالله ان منظر الناس وهي قالعة الجزم في مطار اسيوط ما يتنسي ابدا .

بس السؤال نقاوم ده ازاي وبلدنا حالها ينصلح ازاي وتبقي زي دول الخليج اللي عمر الدوله فيهم ما يزيدش عن 80 سنة ازاي؟؟؟؟

ننتظر الاجابة ان كان حد عنده اجابة.

[seeem]

استاذى الفاضل شنكاوى ...........

بصراحة انا غلبت ادور على حلول ....

لكن دلوقتى باغوص فى اصل المشكلة ..... لأنى مؤمن ان الحل فى اصل المشكلة.......

ايه اللى خلى الاخلاق تنهار...... منين بداية الانهيار....

تم تعديل 4 ديسمبر 2007 بواسطة seeem

[seeem]

مش عارف احنا بقينا كده

ولا احنا من الاصل كنا كده

عدى علينا الخواجات احتلونا ونضفونا

ولما استقلينا........

رجعت ريما اللئيمة لعادتها القديمة

طب ليه..........صعبان علينا

واللا الفقر والغلب غلب علينا

ولا الطمع والجشع ملوا عنينا

طيب اقول ايه.....

عايز افندينا !!!

حينضفنا...... يمكن

بس اكيد اكيد

حيرجع ويتحكم فينا

امال عايز ايه......

مش عارف

تم تعديل 4 ديسمبر 2007 بواسطة seeem