خواطر و...اغنيات

[bentmasria]

مابين شىءٌ وأشياء نقع فى حيرة اللوقت والوجد والذكرى وفى هذا الوقت من العام مع اطلالة ريح الشتاء الباردة تصبح حكايانا تفتقد الكثير من الدفء او تغمرنا بالمزيد منه وربما نتخبط مع نسمات ريح مارة بحثا عن اجابة تسكن فى مكان ما من ذواتنا الحالمة

هل نتوقف عن الاحلام

هل نستمرىء التجوال فى محطات الراحة والانتظار

هل نتمنى

ام

فقط ننتظر

استمعت الى اغنية جديدة وعلى غير المعتاد وجدت كلماتها تثير حنينا فى صدرى لمغن قديم جديدوقررت كعادتى ان اشرككم معى فى دقات الحنين

يغنيها محمد فؤاد الشهير بكلمات اغنياته البسيطة الراقية القريبة من القلب من البومه الجديد علام اعتقد اسمها

طمننى عليك

والجزء الذى جذبنى هو

من يوم بعدك وانا قلبى مكسور وحزين

محتار موش عارف الدنيا واخدانى لفين

صعبان على قلبى فراقك ...طب حعمل ايه

جوايا حنين علشانك ازاى اداريه

وبروح على صورتك اخدها ف حضنى وانام

اهى حاجة وبتصبرنى على الايام

دايما روحك حواليا وف كل مكان بتهون ياما عليا سنين حرمان

طمننى عليك قول فين الاقيك

مشتاق لعنيك وبموت من شوقى ليك

وازاى انا اعيش لو موش وياك

موش قادر انساك

جرعة حنين زائدة معبأة فى طيات هذه الحروف

تختبر قدراتنا على الاحتمال ربما او تختبر احساسنا بالفقد والبعد والحنين

مشاعرنا تجيش بالسطور

ولم تكن هذه المشاعر لتكتب باجمل من هذه البساطة

ادعوكم لتجدوا مشاعركم بين طيات سطور حرف ما او اغنية ما

ربما نجد انفسنا احيانا بين السطور فى حروف لانعرف كيف نصوغها أليس كذلك؟!

[bentmasria]

هل يمكن لاغنيات وحروف ان تصوغ تاريخنا تؤرخنا لا ادرى لكن هل تذكرون فيروز او ربما السؤال الصحيح هل ينساها احدنا

اذكر ليالى الشمال الحزينة

وكيف ...............حبوا بعضهم ........ثم تركوا بعضهم

وكيف انها ناجت تلك الليالى ببرودتها المنعشة اللاسعة احيانا ان تظل تذكرها

كانت تغرد فى صدى قلوبنا

ليالى الشمال الحزينة ضلى اذكرينى اذكرينى

اذكر انا ولا تعلم هى انى كنت عاشقة بشكل ما لكل ليالى الشتاء بحزنها ودفئها وترانيمها الليلية استمتع باداء اعمالى فى اعماق ظلمتها وآنذاك كنت مجرد طالة ترسم مشروعاتها فى تلك الليالى الهادئة كنت اعشق ما افعل وتفاصيل ملامح الوجوه ترتسم بمشاعرى وخطوطى على الورقات الخص واترجم وانتظر النتائج بشغف الليلة الحالمة واحلق مع فيروز لسماوات الطرب الهادىء الاصيل

اذكرها الآن وكلما عادت ليالى الشتاء

فقط اصبحت لا ادرى

هل اختلفت هى ام اختلفت ليالينا ام فقدنا ملامح الجمال فى ارواحنا لا ادرى ؟؟؟؟ ربما؟؟؟

[amrhoras]

من يوم بعدك وانا قلبى مكسور وحزين

محتار موش عارف الدنيا واخدانى لفين

صعبان على قلبى فراقك ...طب حعمل ايه

جوايا حنين علشانك ازاى اداريه

وبروح على صورتك اخدها ف حضنى وانام

اهى حاجة وبتصبرنى على الايام

دايما روحك حواليا وف كل مكان بتهون ياما عليا سنين حرمان

طمننى عليك قول فين الاقيك

مشتاق لعنيك وبموت من شوقى ليك

وازاى انا اعيش لو موش وياك

موش قادر انساك

اختيار موفق مدام بنت مصريه وهذا لا ينبع الا من انسانه تقدر المعنى

لم اتعود كثيرا على الاستماع الى الاغانى الحديثةة نظرا لتدنى الذوق الفنى فيها

لكن محمد فؤاد دائما ينتقى اغنياته كلمات بسيطه ذات معنى راقى تعكس احساسه الفنى بقيمه الاغنيه

شكرا لاشراكك لنا هذه المقطوعه فأول مره اسمعها

لكى منى كل احترام وتقدير

عمرو

[إبن مصر]

لم استطيع ان امنع نفسى من الاستماع الى كلمات هذه الاغنيه لمغنى اسمه مجدى سعد .. وهى اغنيه يا قلبى بس.

كل هذا الحزن والشجن والندم بكلمات الاغنيه تجعل من كاتبها يضع يده بمنتهى العنف على جراح يشترك فيها العديد منا نازعا ما بها من تحمل ليلقيها فى وجهى بمنتهى العنف..

ربما يكون اجاد فى صياغه الكلمات ولكن نجاحه ان تشعر بها وتبدأ فى اسقاطها على ما تلاقيه .. لتندمج بعدها حروف وكلمات مؤلف يحاول ان يلمس وتر الالم بداخلنا مع حقيقه الحياه فينا ليغنيها صوت الالم بداخلنا..

هذا التقديم هو لهذا الزخم الغير عادى فى معانى هذه الاغنيه التى صاغها ...متألم ليسمعها ..لمن مات من الالم...

والان الى كلمات الاغنيه ....

يا قلبى متخلينيش

افتح فى الكلام

خلينى ساكت وعيش

واصبر على الايام

عايش وانا المجروح

مكسبتش يوم رهان

وفى كل سكه بروح

برجع وانا الخسران

-- -- -- -- --

م الجرح انا بتاخد

بس عليه بقيت واخد

ياما كتير داريت واتداريت

وفى الاخر كله واحد

القلب خلاص دايب

ياما ضاع منى حبايب

هزعل على مين ولا مين

هوا الجرح سايب

-- -- -- -- --

انا رايح مش راجع

فى طريق كله مواجع

ياما بكيت سنين

بدموع العين

بس ياريتو نافع

ايام وبقضيها

وحاجات وبعديها

ياما سامحت ناس

وبقول خلاص

وياريت بيتمر فيها

-- -- -- -- --

من كتر ما قلبى شاف

وتعبت كتير خلاص

دلوقتى بقيت بخاف

من غدر كل الناس

مبقتش عارف مين

قريب ومين بعيد

والناس الطيبين

يتعدوا كدا ع الايد

-- -- -- -- --

م الجرح انا بتاخد بس

عليه بقيت واخد

ياما كتير داريت واتداريت

وفى الاخر كله واحد

القلب خلاص دايب

ياما ضاع منى حبايب

هزعل على مين ولا مين

هوا الجرح سايب

-- -- -- -- --

تهت وقلبى انا تاه

فى طريق اسمه حياه

دا الوقت مبيمشيش

وامتى اعيش

زى خلق الله

بسأل نفسى واقول

ليه الحال مش معدول

معدش فيه قريب

ولا حبيب

ارمى عليه الحمول

-- -- -- -- --

[bentmasria]

جميل اختيارك يا صديق القلم والالم بحثت عنها واستمعت اليها حروفها حارقة قاسية تثير كل الشجون مافات منها وما رحل شكرا لرقى اختيارك استاذنا

[bentmasria]

ذكرنى اختيارك بأغنية لطالما سمعتها فى مراهقتى وايام صباى كنت اتساءل متى ستكون حروفها جزءا من تاريخى حتى اصبحت احدى امنياتى المستحيلة التحقيق

فى مسرحية ميس الريم صدحت فيروز بها

كنا نتلاقى من عشية

نفعد على الجسر العتيق

ينزل على السهل الضباب

يمحى المدى ويمحى الطريق

ماحدا بيعرف بمطرحنا

غير السما وورق تشرين

ويقللى بحبك انا بحبك

ويمرق فينا الغيم الحزين

يا سنين اللى راح ترجعيلى

ارجعيليش مرة ارجعيلى

ردى لى ضحكاتى اللى راحو

لبعده بزوايا الطرقات

بتذكر شو حكيوا عليا

لما نطرت وانت نسيت

وصار الشتى ينزل عليا

وايجا الصيف وانت ما جيت

ياسنين اللى راح ترجعيلى

ردينى ع باب الطفولة

تاركض بشمس الطرقات

واترككم للاستماع الرائع

من هناكنا نتلاقى من عشية

هل يعود الزمن الجميل؟؟؟؟

تم تعديل 20 أبريل 2008 بواسطة bentmasria

[ابو جيداء]

عزيزتى بنت مصرية

موضوع رائع جدا

لى عودة مرة اخرى

تحياتى لقلبك النقى :)

[التونسى]

عارفه يا اخت ((بنت مصريه)) ..موضوعك ده عامل زى أريكة وثيرة لاقاها الواحد فجأه فى وسط رحلته المضنيه .. وهو بيعافر ويثابر فى طريقه الصعب والطويل :closedeyes: .. يعنى فرصة سانحه الواحد بقى يرتاح شويه من همومه وحموله .. يلقى بيها ويلقى نفسه كمان على الاريكه دى .. ويفتكر ويتكلم .. وينسى شويه انه كان بيتوجع وكان بيتألم :lol:

وبما انك ذكرتى فيروز .. يبقى نتكلم عن فيروز .. وفيروز الصوت الوحيد اللى بحس ان له وجه وملامح .. يعنى انا لما بسمع لها اغنيه بيترسم فى خيالى على طول صورة وجه معين .. وجه بيتجسد فى مخيلتى ... معرفش ازاى .. مش قادر اشرح واوصف اكتر من كده :unsure:

وبما انى تقريبا حياتى كلها مرتبطه بالترحال والسفر والغربه داخل مصر وخارج مصر .. فكان ليا مع فيروز واغانيها باع طويل ... وتحديدا مع اغنية ((نسم علينا الهوا )) وطبعا هى اغنيه غنيه عن التعريف .. واول شئ اسمعه لها .. وبعد كده اغرمت وفتنت بها حتى النخاع ... سمعتها عند زميل ليا فى العمل اثناء عملنا فى طابا ... ولاقيت الدموع بتجرى فى عينى .. ولاقيتنى بهتف مثل نيوتن العالم الشهير ((وجدتها وجدتها)) .. هى دى الاغنيه .. وهى دى المطربه .. وهى دى الموسيقى وهو ده الشعر .. انا كنت فين من هذا الفن والابداع وهذا الثراء الشجنى .. وهذا الغذاء الروحى

نسم علينا الهوا .. من مفرق الوادى

يا هوا دخل الهوا ... خدنى على بلادى

.. أسمع ((خدنى على بلادى)) فيعتصر قلبى الالم .. وتصلاه نيران الحنين :)

وبما انك ذكرتى ميس الريم يبقى لازم اتذكر موسيقى المقدمه لهذه المسرحيه .. وهى من احلى المقطوعات الموسيقيه التى سمعتها فى حياتى ودايما اسمعها خصوصا وانا مسافر او فى طريقى لعملى او قاعد لوحدى فى ليلة روقان وصفا... موسيقى الرحبانيه شئ تانى وطعم تانى ... وقد افرز لنا التلاقى التاريخى بين موسيقها وبين صوت فيروز ابداعات عاشت وستعيش فى وجدانننا وخواطرنا الى مالا نهايه

واللى اللقاء مع خاطره اخرى واغنيه اخرى :lol:

[مهيب]

آه من مواضيعك يا بنت با مصرية و آه من منك انتى شخصيا ....

و من واحة كلمات الأغانى .. وجدت الكلمة الشاقة القاسية فى أغنية ممكن لمحمد منير .. هذه الجملة لا أستطيع منع نفسى من السرحان الشديد حين أسمعها .. جملة تشبه صفعة خافتة .. صفعة الحقيقة ان شئتى الدقة ..

أسكن بيوت الفرح ... ممكن

أسكن بيوت الحزن .. لا يمكن

و مستحيل يا حزن راح تسكن

قدر الزمان يفهمنا ... يمكن

تعبير قاسى جدا .. قدر الزمان يفهمنا .. خلاص .. لم يعد لدينا حيلة على الزمن .. لم نعد قادرين على خداعه .. فرغت حيلنا و ألاعيبنا .. و استطاع - خلاص - أن يفهمنا.

هناك موشحا أندلسيا أعشقه .. اسمه (آه لقلبى و القمر) .. و بغض النظر عن اللحن الرائع الخلاب الذى أعتقد أنه لـفؤاد عبد المجيد .. هناك مقطع يقول :

آه لقلبى و القمر .. اذا دنا وقت السحر

والليل يلعب بالجوى ... لعب الأنامل بالوتر

فيثير من قلبى الهوى .. و يثير من نفسى الفكر

و بما أن البنت المصرية هى اللى فتحت الموضوع ده .. يبقى تتحمل بقى .

هناك أيضا غنوة رائعة لهدى عمار اسمها خوف .. كلمات الغنوة غاية فى الصدق و الدقة .. و العمق .. تقول :

ف عز فرحتنا دايما نلاقى الخوف

واقف فى سكتنا .. مشتاق لنا و ملهوف

كأننا واحشينه .. مع اننا عايشينه

خوف خلانا و احنا مغمضين ... بنشوف

أسمع المقطع الأخير .. خوف خلانا و احنا مغمضين ... بنشوف .. أي دقة فى التعبير .. الأغنية مليئة بالمعانى المؤثرة جدا .. لكن هذا التعبير مشكلة .

و هناك من التعبيرات ما أسميه أنا بالتعبيرات القاتلة .. الجمل التى تنتشلك بكل القسوة .. لتشعر بالقبضة الباردة الصلبة تعتصر قلبك فى صوت .. هناك مثلا فيروز .. هناك الكثير منها فى الواقع .. لكننى أتذكر أغنية يا طير :

يا طير يا طاير على أطراف الدنى

لو فيك تحكى للحبايب شو بينى

ياطير

روح اسألن عاللى وليفه مش معه

مجروح بجروح الهوى شو بينفعه

موجوع ما بيقول عاللى بيوجعه

انه ببساطة لا يتكلم .. و لا يبوح بما يؤلمه .

فى الحلقة القادمة .. تخبركم أليس عن على الحجار .. عن مقاطع مسلسل طه حسين .. عن سيد حجاب و هدهداته اللغوية .. فقط لا تذهبوا بعيدا ..

مهيب

[bentmasria]

شكرا لتواجدكم هنا اصدقاء الحروف والكلمات لنتشارك اجمل الذكريات والمواقف التى تجسدها بعض الاغنيات وسبحان الله تلتقى جميعها فى درب الطرب الاصيل

وعلى الحجار يا مهيب وسيد حجاب وحروف جاهين والالحان العبقرية التى حفرت دروبها فى قلوبنا فاصبح الشجن الجميل من علامات الروح وملامحها قال قديما

بحبك وانطلق عصفور

يرفرف فى الهوا والنور

واملأ الكون بأغانيه

ولو كان الجناح مكسور

احبك تستكين الريح فى قلبى والامانى تطيح بحبك واعشق التصريح

ودربى ف الضباب مغمور

احبك تكتبى البدايات

تجيبنى ضحتك بالذات

تعيدنى روح وقلب وذذات

تزيدنى شك فى المكتوب

احبك

ضى روحى يبان

واعبر ضلمة الحرمان

واهجر غابة الاحزان

واحقق حلمنا المكسووووور

واحبك

كتب الكثيرون عن الحب والانكسار لكن الحان احمد الحجار ودفء صوت على والكلمات الشجية التى تكتب حلما صغيرا على صفحات الامل والامنيات والانكسار معا لم تجتمع بمثل هذه الروعة من قبل

تشجينى الاغنية وتحملنى لملامح زمن عبر فى مدينة ما على اطراف المدن وفى حديقة تظللها كرمة خيالية كالتى وصفتها فيروز الجميلة وعينان تنطقان صدقا بالحب لكنهما تعلمان جيدا انه حلم مكسور مهما عانقته الامنيات لن يكون اكثر من احبك ذات دفء وصوت وصدى لكن بلا ملامح فرح

هذا العشق القديم البرىء كصلاة فى محراب العاشقة وحروف تدفء القلوب والوجنات اين ذهب الان وهل يمكننا ان نعيد صياغته ولو فى الاحلام

لا اظن

انتظر مهيب وجميع الاصدقاء وخواطر واغنيات من صندوق الحكايات

البنت المصرية

[أشرف حسين]

جميل ان لسه في ناس بتحس الكلمه مش بتسمعها بس

كمان جميل اني موجود "هنا"

بنت مصريه

و دعوه مجانيه منك للعزف من تانى على وتر جميل

في زمن تاهة فيه كل حاجه حلوه

اقول ايه.......متشكر :lol:

لو اخذت الصراحه طريق

فـ لا يمكن ان اتجاهل المتميز

محمد منير

و تأثيره الكبير في رؤيتي للاشياء و خصوصا المسموع منها

منذ صغر سني و حتي الان و رغم سنوات الغربه الطويله

و منير ما ذال يجسد(بـ لنسبه لي)الفنان المثقف الحساس الواعي لكل ما يدور حوله

ما ذال يجسد ذكريات جميلة.. ذكريات تراكمت بداخلى

كـ صخرة عتيدة عنيدة أبت أن تتحلل بفعل أمواج الزمان وأحداثه العتية ...

انا لن اضيف شئ جديد لـ رجل اخد مساحه فى عقول الكثيرين

و لاكن احببت ان اسجل عبارات اخذت مساحه من عقلي انا ليس إلا

و لا اعرف السبب :lol:

انا الى مش ممكن اخون حزنى ولحظات الشجون

.........

من قلمك ارسم لونك و العايمة لازم ترسي

.....

دانا ممكن اجريلك دمي .. انا حاسس دمي هيتصفي

.....

طول العمر العسكر عسكر بس الناس الناس كانت ناس

.........

كان نفسي أنور لك قمري وأعملك بإيديا الشاي

.......

من حق الطفل فى حضن الأم يحلم بسلام

.....

مكتوب على كف العاشق روح بلدك يا غريب

..........

ازى تطير ازى والكون دخان وانت اثير سكون الى خان

.........

ما نبتديش العلام غير بلطوفان يعنى

.....

أرسم ع الصورة بيعدى عصفور يحلم بمدينة من نور

ما فيهاش صياد بجناح مكسور

......

ببتعد .. معرفش او بقترب

..........

القهر عدى الحواجز وأنا إللي واقف مكانى

.......

مشروخ يا ناي متغنيش زعقك وجعني .. ولا كفانيش

........

ولا ألتقينا من زمان مولودة جوايا من زمان

.......

الاتى نياتى جريح الاتى حصان مطلوق قلبك تعبان من الريح

لكن مستنى شروق

.......

ساعات يرد الناى وساعات تجاوب عنيكى

.......

لملمينى علمينى واكتبينى حروف للاسمك

........

عمر الزمان ما كمل الحدوتة

.....

وفجأة اكون زى السطور المليانين بحاجات كتيرة منورين

وانطفى فى الحال من غير سؤال

...........

تعالوا لموا الموت من تحت رجليا

.......

غني البنات بالليل بيكرة الحراس

.......

و كفايه كده عشان تعبت wst::

[bentmasria]

سلامتك من التعب يا اخى الفاضل

ومرحبا بك يا استاذ تونسى على اريكة الخواطر

واهلا بحسك الراقى يا مهيب فى واحتنا الصغيرة

استاذ اشرف لا ننسى منير ولا تستطيع حواسنا ان تتخلص من صدى كلماته وان اردنا فلن نقوى

منير أرخ بكلماته لمرحلة هامة فى عقول جيلنا ومن تلاه لما علمونى عنيكى اسافر

وياما انا راجع زى زمان طفل ف عينى الاحزان

وحتى لما سكنت ارواحنا بلما النسيم بيعدى فوق شعرك حبيبتى بسمعه بيقول آهات

منير فنان يحيد اختيار ما ينطق ويتميز فيه حتى انه اصبح صاحب مدرسة خاصة لن يضاهيه فيها احد فهذه حصيلة سنوات من الحب والاجتهاد والصبر والانتقاء

شكرا لانتقائك الاصيل ولنا عودة بين الحروف والخواطر

البنت المصرية

[ابو جيداء]

من اجمل ماسمعت حديثا اغنية اقل ما يقال عنها انها عودة للزمن الجميل وايامة الحلوة . هى اغنية عمرها حوالى 12 سنة . لصوت جميل اكتشفة عمار الشريعى . حنان ماضى صوت ينقلنا لعالم آخر امكانيات رائعة

واحساس راقى بالحرف والمعنى . كتبت العظيمة كوثر مصطفى ولحن عمار الشريعى . اغنية شدى الضفايرنستمع اليها من هنا

شدى الضفاير

*******

امايا ياما

امايا ياما

شدى الضفاير شدى رباطها عصبينى

لو قادرة ياما تقيديها قيديها وقيديني

شعوري موجة عمالة تلعب عمالة ترقص

فوق جبيني

شعوري شوق وبشوقي حايرة

مانا عارفة ماشية مانا عارفة طايرة

وكلام فى سرك وبقولها مٌرة

عذاب بحس عذاب وثورة

امايا ياما

امايا ياما

شدى الضفاير شدى رباطها عصبينى

لو قادرة ياما تقيديها قيديها وقيديني جوايا أية

امايا ياما

جوايا لية

امايا ياما

جوايا أية

جوايا حيرة جوايا ضلمة

جويا طير قلقان فى عشة

لانا قادرة اشيلة ولا قادرة أهشة

وكلام فى سرك وبقولها مٌرة

عذاب بحس عذاب وثورة

امايا ياما

امايا ياما

شدي الضفاير شدى رباطها عصبينى

لو قادرة ياما تقيديها قيديها وقيديني

*******

كلمات

كوثر مصطفى

[أشرف حسين]

ابو جيداء..

قسماً بـ ربي .. كنت افكر بـ الكتابه عن حنان ماضي

و هذه الاغنيه بـ(التحديد)

ياترى ده توارد خواطر...

ولا القلوب عند بعضها.. :blush2:

[ابو جيداء]

ابو جيداء..

قسماً بـ ربي .. كنت افكر بـ الكتابه عن حنان ماضي

و هذه الاغنيه بـ(التحديد)

ياترى ده توارد خواطر...

ولا القلوب عند بعضها.. :lol:

الأستاذ أشرف حسين

توارد الخواطر حقيقة معروفة علميا . وقد تحدث عنها وأثبتها الدكتور روؤف عبيد فى كتابة القيم - مطول الإنسان روح لا جسد - وعودة لموضوع الغالية بنت مصرية . حنان ماضى تركت الغناء من فترة لكن رغم ذلك مافى حد سمعها . الا واحب صوتها الجميل . ولديها من الذكاء فى اختيار كلمات اغانيها مايجعلها تتفوق على نجمات كبار

سابقات وحاليات ..

استاذ اشرف لك مودتى

[لولا]

آه من مواضيعك يا بنت با مصرية و آه من منك انتى شخصيا ....

و من واحة كلمات الأغانى .. وجدت الكلمة الشاقة القاسية فى أغنية ممكن لمحمد منير .. هذه الجملة لا أستطيع منع نفسى من السرحان الشديد حين أسمعها .. جملة تشبه صفعة خافتة .. صفعة الحقيقة ان شئتى الدقة ..

أسكن بيوت الفرح ... ممكن

أسكن بيوت الحزن .. لا يمكن

و مستحيل يا حزن راح تسكن

قدر الزمان يفهمنا ... يمكن

تعبير قاسى جدا .. قدر الزمان يفهمنا .. خلاص .. لم يعد لدينا حيلة على الزمن .. لم نعد قادرين على خداعه .. فرغت حيلنا و ألاعيبنا .. و استطاع - خلاص - أن يفهمنا.

هناك موشحا أندلسيا أعشقه .. اسمه (آه لقلبى و القمر) .. و بغض النظر عن اللحن الرائع الخلاب الذى أعتقد أنه لـفؤاد عبد المجيد .. هناك مقطع يقول :

آه لقلبى و القمر .. اذا دنا وقت السحر

والليل يلعب بالجوى ... لعب الأنامل بالوتر

فيثير من قلبى الهوى .. و يثير من نفسى الفكر

و بما أن البنت المصرية هى اللى فتحت الموضوع ده .. يبقى تتحمل بقى .

هناك أيضا غنوة رائعة لهدى عمار اسمها خوف .. كلمات الغنوة غاية فى الصدق و الدقة .. و العمق .. تقول :

ف عز فرحتنا دايما نلاقى الخوف

واقف فى سكتنا .. مشتاق لنا و ملهوف

كأننا واحشينه .. مع اننا عايشينه

خوف خلانا و احنا مغمضين ... بنشوف

أسمع المقطع الأخير .. خوف خلانا و احنا مغمضين ... بنشوف .. أي دقة فى التعبير .. الأغنية مليئة بالمعانى المؤثرة جدا .. لكن هذا التعبير مشكلة .

و هناك من التعبيرات ما أسميه أنا بالتعبيرات القاتلة .. الجمل التى تنتشلك بكل القسوة .. لتشعر بالقبضة الباردة الصلبة تعتصر قلبك فى صوت .. هناك مثلا فيروز .. هناك الكثير منها فى الواقع .. لكننى أتذكر أغنية يا طير :

يا طير يا طاير على أطراف الدنى

لو فيك تحكى للحبايب شو بينى

ياطير

روح اسألن عاللى وليفه مش معه

مجروح بجروح الهوى شو بينفعه

موجوع ما بيقول عاللى بيوجعه

انه ببساطة لا يتكلم .. و لا يبوح بما يؤلمه .

فى الحلقة القادمة .. تخبركم أليس عن على الحجار .. عن مقاطع مسلسل طه حسين .. عن سيد حجاب و هدهداته اللغوية .. فقط لا تذهبوا بعيدا ..

مهيب

موضوع رائع لإنسانه شديده الروعه..

واضافه من مهيب شديده الروعه سواء ما كتبه من كلمات منير،او هدى عمار.او اخرون كانوا اكثر من مبدعين

اما غاليتى البنت المصريه فاقول لها هلا سمعتى كلمات منير التى اوردها مهيب

أسكن بيوت الفرح ... ممكن

أسكن بيوت الحزن .. لا يمكن

و مستحيل يا حزن راح تسكن

لا تغيبى يا غاليه،فكلنا نريدك بالف الف خير.

تم تعديل 5 أغسطس 2008 بواسطة لولا

[galaxy]

عزيزتي بنت مصريه............ :) mfb:

لا املك امام اي توبيك يحمل اسمك الا الدخول دون تفكير والتمتع بما يحويه من كلمات وافكار................ smk:

اختيارك للكلمات الاغنيات اكثر من مجرد رائع.........لا يعكس الا احساس جياش بالكلمه...........الكلمه كل شيئ........كل منا في داخله كلمه.....زي ما قال حبيبنا كلنا منير زي ما انا شايفه من كل من شارك في التوبيك الرائع او في اريكه المشاعر كما وصفها شاعرنا التونسي.......الكلمه ايد ...الكلمه رجل....الكلمه باب... :)

حنان ماضي هي ايضا لها معي باع طويل ............قبل اختفائها من ساحه الغناء.....صوتها حنين اوي اوي ......ولازلت بسمعها للان انا واخوتي ......من اول عدي الهوي.........وامبارح كان ......كان في الامكان......يتهجي ملامحي ..وينبت قمحي.........بدل الاحزان....والعديد والعديد من الاغنيات.

اعشق اغنيه .......حواديت....

يا ما في زمانا قلوب.رسماها اعمارنا

زي النجوم حواديت ..علي ضل شباكنا

دي مركبي فضه.وفرحي لو قضي.

حبيبتي تبقي معاي

من غيرها مش هرضي

ساعات اتوه مرات القي القمر هدي

يسقي النسيم شربات

في ليل طويل عدي

الصعب راح ولا

الحب دا احلام

لو وقفت الساعات

صوتي اكيد اعلي

لوزارني فرحي ساعات

حواديتي ما بتخلصش

قمري حصان باليل

ونجومه دي بترقص

والحلم ويايا

والذكري جوايا

من بين كتير حكايات

حكايتنا دي حكايه

ساعات احب حاجات

ما يحبهاش غيري

في الرايحه والجايات

اغني مع طيري

طمني اطمن

في القلب راح اسكن

وطول هواكي معاي

ادفي واطمن.

كمان جت علي بالي اغنيه بعشقها كتير لمنير...............انا قلبي برج حمام ..........هج الحمام منه

ولي عودة ان شاء الله بخاطرة اخري عزيزتي بنت مصريه......... smk:

[bentmasria]

جالكسى جميلة المشاعر

شكرا على اطرائك الذى اتمنى ان استحقه وعلى اختيارك الاجمل لحنان ماضى فما ان اسمع اسمها حتى تتردد فى داخلى اعنية حميمة حزينة اسمها عصفور المطر وتأتين انت لتذكرينى بحواديت حنان ماضى وكم حزنت انى كنت قد نسيت هذه الكلمات رغم رقتها وصورها اللامتناهية والتى تدق بعنف على ساحة حميمة من ذكرياتى الخاصة خاصة حين تقول

دي مركبي فضه.وفرحي لو قضي.

حبيبتي تبقي معاي

من غيرها مش هرضي

ساعات اتوه مرات القي القمر هدي

يسقي النسيم شربات

في ليل طويل عدي

الصعب راح ولا

الحب دا احلام

ثم تعود لتقول

والذكري جوايا

من بين كتير حكايات

حكايتنا دي حكايه

وما ادراك ما الحكايا يا جالكسى

هى دوائر تدور فى افلاكنا وندور فى افلاكها لا تفرغ منا ولن نفرغ ابدا منها الا بنهاية العمر

شكرا حقا لك ولحواديت حنان ماضى

دمتى بكل الخير والسعادة