أريد أن أعرف

[Paris]

السلم عليكم

أريد أى شخص عنده خلفيه عن العمل فى شركه داماس فى دبى و عن الكوميشن .من فضلكم افيدونى .

واريد ان اسال لو انا معايا عقد عمل هل يتاح لى ان أخذ قرض سياره و كريدت كارد اول ماأوصل دبى؟ وعلى أى أساس مع العلم أن انا معايا أقامه؟ هل يترتب قرض السياره على الراتب الأساسى؟ وهل أستطيع أن أوأجر شقه بمفردى فى أى أماره مادام أنا معاي سياره ؟وهل يوجد أستوديو ب 1000 درهم فى اى اماره لا تبعد 40 دقيقه بالسياره عن دبى مع العلم ان فى مصر بنروح شغلنا فى ساعه؟ وهل يمكن أن اواجرها غير مفروشه أفضل للتوفير ؟ وهل سيكلفنى تجهيزها...؟ أسف على الأسئله الكتيره دى..bahaa_sharm@hotmail.com thank you[/font][/

[mohamedez]

أريد أى شخص عنده خلفيه عن العمل فى شركه داماس فى دبى و عن الكوميشن .من فضلكم افيدونى .

واريد ان اسال لو انا معايا عقد عمل هل يتاح لى ان أخذ قرض سياره و كريدت كارد اول ماأوصل دبى؟ وعلى أى أساس مع العلم أن انا معايا أقامه؟ هل يترتب قرض السياره على الراتب الأساسى؟ وهل أستطيع أن أوأجر شقه بمفردى فى أى أماره مادام أنا معاي سياره ؟وهل يوجد أستوديو ب 1000 درهم فى اى اماره لا تبعد 40 دقيقه بالسياره عن دبى مع العلم ان فى مصر بنروح شغلنا فى ساعه؟ وهل يمكن أن اواجرها غير مفروشه أفضل للتوفير ؟ وهل سيكلفنى تجهيزها...؟ أسف على الأسئله الكتيره دى

انا بشتغل فى ابو ظبي واقدر اساعدك شويا، بس انا مش فاهم انت معاك دلوقتى اقامة ولا انت جاى بفيزا عمل

هنفترض انك معاك اقامة

1- علشان تطلع كريدت كارد لازم تفتح حساب فى اى بنك وراتبك يتحول عليه علشان تقدر تطلع فيزا كارد من البنك اللى انت فاتح فيه حسابك او اى بنك تانى

2- علشان تقدر تجيب سيارة تبع اى مصرف اسلامى او عاادى لازم يكون معاك رخصة سواقة من الامارات وعاادة بيبقى متاح ليك لحد 250 الف درهم ( طبعا انت هتجيب سيارة فى حدود 60 الف درهم او اقل لانسر - هيوانداى - ياريس) وبتختار الاقساط على كام سنة بحد اقصى 6 سنين

3- انت تقدر تاجر اى سكن ( مش شرط يكون معاك سيارة علشان تاجر عااادى يعنى)

4- انت ممكن تسكن فى الشارقة بس هتعانى من ويلات المواصلات الصبح حتى لو معاك سيارة لان كل الناس اللى بتشتغل فى دبي ساكنة فى الشارقة، بس بقترح انك تشوف حاجة فى جبل علي

5- استوديو بالف درهم ( طلب مستحيل) بالنسبة لدبى او ابو ظبي لكن الشارقة او الامارات الشمالية الحقيقة انا معنديش علم

6- ممكن طبعا تاجر غير مفروش بس الحاجات المفروشة بتبقى غالية

7- تجهيز استوديو ، انت فى الغالب هتحتاج سرير ودولاب ومرتبة ومكتب صغير وكرسي ودول ممكن يتجابوا بحوالى 500 درهم ، غسالة هاف اوتوماتيك تقريبا 500 درهم ، تلاجة صغيرة فى حدود 800 درهم ، بوتجاز يعنى 400 درهم وتليفزيون فى حدود 500 درهم

يعنى تقريبا 3000 درهم ، طبعا انت ممكن تقلل الرقم ده للنص لو جيبت حاجات مستعملة

ارجو انى اكون افادتك وانا تحت امرك فى اى استفسار تانى

[Paris]

شكران على المعلومات الجامده دى بس أحب أسألك انا معايا رخصه دوليه ينفع أشترى بيها العربيه .و الشقه الغير مفروشه وتكون نضيفه القيها فين وتكون أستوديو فى حدود ألف درهم.. هل عندك أى خلفيه عن الشغل فى شركه داماس وعن الكوميشن بتاعها بيكون حلو ول لا . والشركه دى اسمها حلو فى الأمارات. ده اميل بتاعى ياريت تعملى add(bahaa_sharm@hotmail.com)شكرا على المعلومات ماى فريند

[mohamedez]

ياسيدى ولا شكر ولا حاجة انا تحت امرك، الرخصة الدولية تقدر تسوق بيها فى الامارات طول ما انت معاك فيزا زيارة او عمل يعنى ناجر بيها سيارة وتسوقها ، اول ما يطلعلك اقامة مينفعش تسوق بيها لازم تطلع رخصة اماراتى وطول ما انتى مش معاك رخصة اماراتى متقدرش تشتري عربية

اما بالنسبة للشقة فانا الحقيقة معنديش فكره عن الاسعار فى دبى او الامارات المحيطة بيها لانى فى ابوظبي وصعب جدا تلاقى سكن بالمواصفات اللى انت عاوزه وبالسعر ده فى دبي لكن انت تقدر تدخل على موقع جريدة الوسيط فى دبي وتشوف الاسعار عاملة ايه وده الموقع http://www.ewaseet.com/ او موقع جريدة الجلف نيوز وده الموقع بتاعهم www.gulfnews.com اما بالنسبة للشغل فى شركة داماس الحقيقة معنديش اى فكرة لانى مهندس مدنى لكن اهم حاجة انهم يديولك مرتب كويس